- Punoi si mėsues dhe nė sektorin e kulturės dhe si bibliotekar nė bibliotekėn “Marin Barleti” tė Shkodrės. I njohur si poet dhe hartues kėngėsh. Aleksandri botoi dhe nė tė njėjtėn kohė shkruante poezi disidente. Nga botimet po pėrmendim: “Lugina e qetė”, “Gjurmė tė kohės”, “Kangė e zbritun nga malet”, “Nora e Hotit”, “Kangė agimesh”, etj.

Mė vjen mbarė kėtu tė botoj njė fragment tė njė interviste qė ia pata marrė nė vitin 1992, kur, mbas pėrmbysjes sė diktaturės, punova si redaktor nė gazetėn “Shkodra”, (e para gazetė demokratike lokale, qė u botua mbas rėnies sė komunizmit) dhe qė atėherė mbeti pa u botuar.

“Shkodra” - Ju, Sandėr, keni shkrue tekste kangėsh sė paku tash 47 vjet. Ato janė muzikue nga Prenkė Jakova, Tish Daija, Tonin Harapi, Kolė Gjinaj, Mark Kaftalli, etj. dhe dikur janė kėndue nga bylbylat e Shkodrės Pjetėr Gjergji, Gac Ēuni (i vdekun mizorisht nė burgun e Burrelit), etj. Po, a vetėm tekste kangėsh?

S. Gera - Po nuk e fillove me kangė jetėn, me ēfarė tjetėr do ta fillosh? Ato kangė qenė limonadat e para nė sofrėn e madhnueshme tė poezisė. Nė Shkodėr, po nuk e fillove me shtregullat klasike e baritoret e maleve, mė thotė mendja se asht zor me kėndue.

- E pastaj filloi poezia ?

- Atėherė kanė fillue “Sonatat e Kain Abelit”. Kam ulė kokėn ndėr “Epitafe te Zalli i Kirit”, jam freskue nė “Pika shiu nė tokėn e rreshkun”, jam endė nė soditje te “Bukuria e gjarpnit” (nji roman nė vargje), dhe megjithatė kam qenė “Alastor flatėrdjegun” e nuk po pėrmend libra tė tjerė qė kam botue nėn duertrokitjet e realizmit socialist, tė cilėt i ka shfrye zemra me gojė tė mbyllun. Mos u ēudit, po legjenda e Sizifit mė ka kapė edhe mue, si mallkim, qysh nė vitin 1945 dhe qysh prej asaj kohe: kam qeshė, kam lotue, kam mallkue, kam shpresue, tue bartė gurėt nė shpinė. Kam nynykatė gojėmbyllun “Sonatat e Kain Abelit”, si tė gjithė, i heshtun mbrenda Aeropagut tė shemtuet, e tue i lidhė tė gjitha shfrimet e mia poetike nė fillin e Arianės, e cila, them tė drejtėn, mė ka dashunue dhe po mė nxjerr nga labirinti pėr tė puthė pa frikė flijimin e Rozafės sonė.

- Ma sė fundi, i the tė gjitha, po tė uroj qė Sonatat gati gjysmėshekullore tė dalin nė dritė e tė kėndohen pa ia pasė frikėn asnjė Minotauri.”

Njė cikėl poezish nga “Kangėt e nėndheshme” tė Gerės, kam botuar nė “Dielli”, nė nr. 2 tė vitit 1994.

Sandri vdiq nė vitin 2001, mbasi botoi “Via Lucis”, qė si duket e shkroi mbas pėrmbysjes sė diktaturės. Ai nuk arriti tė botojė asnjėrin prej titujve qė kemi pėrmendur mė lart, nė intervistėn e tij, e qė ai i quante me njė titull tė pėrgjithshėm “Kangėt e nėndheshme”. Dy poezi qė mė dėrgoi kohėt e fundit, nga Italia, e bija, Paola Gera, janė nxjerrė nga pėrmbledhja e titullueme “Gufime kangėsh tė theruna”. Dorėshkrimet gjinden pranė sė bijės, Paola Gera (nė Itali).

Kritika letrare e ka vlerėsuar poezinė e Gerės. “Tradicionalja me vazhdimėsinė e saj ma pėrfaqėsuese dhe modernia me praninė mbizotnuese si strukturim bazė poetik dhe nė ndėrsjellje figurative transmetojnė forcėn domethanėse tė poezisė sė Sandėr Gerės” shkruan nė kopėrtinėn e brenshme tė “Via Lucis”, kritiku Hasan Lekaj. “Poezia e Gerės shėmbėllen me njė produkt tė harmonisė mes traditės dhe modernitetit, nė poezinė tonė. Me siguri qė nė rendin ekzistues tė monumenteve tė poezisė shqipe, ajo do tė afirmojė vokacionin e saj autentik, tue i imponue kėtij rendi ndryshime cilėsore estetike, tė tilla ndryshime qė imponuen, me botimin e tyre, poezia e Camajt dhe e Zorbės”, shkruan po aty kritiku Arben Prendi.

-- pjesė nga shkrimi i Anton Ēefės: "Disidencė fisnike dhe politizim coroditės nė letersinė tonė" botuar ne gazetėn "Dielli" - Vatra, Nju Jork, 2005

| Prapa |