Ardhmëria e Kosovës: interes i grupacioneve politike apo interes nacional?

-- nga gjermanishtja: Zef Ahmeti, ST. Gallen, prill 2003.

Sot në qytetin e St. Gallen-it është një atmosferë e qetë, ndërsa unë dola të bëj një shëtitje në qytet dhe vendosa ta marrë shtypin shqip, prej të cilit dita ditës po përpiqem të largohem nga. Arsyet janë të ndryshme.

Dhe aty pashë disa vlersime dhe një ide « senzacionale » qe kishte të bënte për ardhmërine e statusit të Kosovës. Mjerim, i thashë vetit?! Siç e ceka më lartë, një nga arsyet pse shtypi shqip nga Kosova është bërë i padurueshëm është edhe politika e mërzitshme e shumë figurave të Kosovës dhe vetëkënaqësit e disa partive që mendojnë se po bëjnë "mrekulli".

Idea e moratoriumit të dalë nga kreu i PDK-së ishte top lajmi në mediumin shqip. Kjo ide me sa duket ishte gatuar në kuzhinën e përbashkët PDK dhe ndërkombëtarë të UNMIKISTANIT. Ajo po përkrahet nga Zyra Gjermane, Angleze, bosi i UNMIK-ut, Shteineri, mirëpo jo edhe nga partitë tjera shqiptare.

AKK-ja thotë se "vullneti politik i popullit te Kosovës të mos mbahet peng nga askush". Ajo, siç dihet, më herët kishte kërkuar shpalljen e pavarsisë nga Parlamenti i Kosovës, inisiativë kjo gati se u ba mollë sheri për ti ndërprerë mardhëniet e "mira" mes partive politike shqiptare.

Ndërsa, për dallim nga këto dy propozimet e partive më të vogla, "LDK-ja qëndron fuqishëm në përcaktimin e saj për jetësimin e plotë të pavarësisë së Kosovës në bazë të vullnetit të popullit të shprehur në referendum më 1991.LDK-ja insiston dhe punon në njohjen formale të pavarësisë së Kosovës nga bashkësia ndërkombëtare." Kjo parti thotë mëtutje: "Kosova tashmë po e kalon fazën e protektoratit ndërkombëtar dhe pas gjithë këtij procesi të zhvillimit të gjithanshëm gjatë katër vjetëve në liri, çfarëdo përpjekjesh apo idesh joserioze dhe të tejkaluara për pezullim të punës për njohjen formale të pavarësisë së Kosovës janë të papranueshme për LDK-në. Prandaj, LDK-ja i kundërshton fuqishëm, pa marrë parasysh nga kush vijnë." Qëndrim plot me vend.

Sa i përket moratoriumit do i kisha shtruar këtu vetëm një çështje. Nëse PDK-kja kërkon moratorium, si e mendon zhgjidhjen e çështjes së qindra mijërave shqiptarëve të Kosovës që jetojnë jasht vendit dhe kanë nevojë sa më shpejtë që është e mundur mbrojtje diplomatike?!

Deri kurë diaspora duhet të bredhë jetim rrugëve të perendimit, të kërkojë ndihmë nga ai "shtet" të cilin ju si parti politike nuk e njihni?!

Kjo është injoranca e kohës, mjerimi i shpirtit dhe moralit politik të disa figurave politike në Kosovë. Pa vizion, pa platformë. Mundohen të përdorin çdo formë e mënyrë për të dalë para opinionit me gjëra që nuk i nevojiten fare popullit. Kosova dhe populli i sajë dëshiron ligjin, rregullin, punën, funksionimin e organeve lokale e shtetërore. Kosova ka nevojë që parazitët të largohen nga vendet e punës e t`iu lirojnë vendin atyre që dëshirojnë të krijojnë, veprojnë... Kosova nuk ka nevojë për profetizime të rrejshme e të rrezikshme, nuk ka nevojë për mashtrime, e aqë më pak për tu futur në rrugë ku nuk i dihet fundi...