Shqiptarët nderojnë e respektojnë Amerikën : Amerika nderon dhe respekton Pavarësinë e Kosovës!

-- nga BEQIR SINA, Uashington DC(SHBA), korrik 2003

Washington, DC - Shqiptarët e Amerikës, duke nderuar me anë të Çmimit "Paqe në Ballkan", i cili jepet çdo vit, nga Liga Qytetare Shqiptaro Amerikane, kanë shprehur me këtë rast mirënjohjen e tyre, të thellë dhe pa rezerva, ndaj tre ligjëvënësve amerikanë, miq të shquar të shqiptarëve në Amerikë : republikani Henry Hyde, demokrati Tom Lantosh dhe ish krongresmenin republikan Benjamin Gilman (kryetar nderi i Komitetit të Marrëdhënjve Ndërkombëtare, në kongresin Amerikan). Ky çmim u dha në kryeqytetin amerikan Uashington DC - kompleksin e kongresit e senatit, Klubin Republikan, si një mirënjohje në kontiunitet për vizionin dhe guximin e tyre, për të paraqitur në Kongres, Rezolutën HR-28 (House Resolution - 28). Rezolut e cila kërkon mbështjen amerikane për Pavarsinë e Kosovës. Pikërisht, tani potencon rezoluta, në të njëtën kohë, kur komuniteti ndërkombëtar kërkon që të mbulojë me heshtje, debatin për të ardhmen e Kosovës, si dhe pa harruar angazhimin e këtij komuniteti së bashku me SHBA-në, në dhënjën fund të spastrimit etnik në Kosovë, nga regjimi i Slobodan Milosehviqit, thuhet në dekleratën e Ligës Qytetare.

Çmimi "Paqe për Ballkanin"

Ndërkohë, Çmimin "Paqe për Ballkanin": Tre shqiponja prej alabastri të gëdhendura në Shqipëri, nga skulptorët shkodranë, ku ç'donjëra prej tyre qëndron krenare mbi një copë dru qershie, që shërben si bazë dhe mban të gdhëndur një kushtim në formën e mbishkrimit "Albanian American Civic League - Balkan Peace Award - July 2, 2003".

Ajo sipas traditës, që po krijon kjo organizat lobiste, u dorzua nga Liga Qytetare Shqiptaro Amerikane, gjatë një ceremonie impresive, mbushur plot me ndjenja të forta respekti, të hënën në mbrëmje, në kryeqytetin amerikan, Uashington DC. Në këtë ceremoni, morën pjesë dhjetra shqiptarë, si dhe politikanë, duke përfshirë median shqiptare, në SHBA-s. Ata (LQSHA), me këtë gjest shpërblyen punën dhe mundin e tre politikanëve të njohur amerikan, si miq të mëdhenj e të dëshmuar të shqiptarëve, mbështetës e përkrahës të flakët, të çështjes shqiptare, me përparsi Pavarsinë e Kosovës.

Duke çelur ceremonin e nderimit të tre ligjëvënsëve amerikanë, Këshilltarja e Çështjeve Ballkanike në LQSHA, shkrimtarja amerikane Shirely Cloyes DioGuardi, kërkojë që me një minut heshtje, të nderojnë të gjithë të rënët për çlirimin e Kosovës, dhe të gjithë ata që janë flijuar për liri e demokraci, anembanë botës, me një vlersim të veçantë për tre vëllezërit Bytyçi, siç tha ajo.

Tre vjet tre çmime nderi, per miqtë e shqiptareve në Amerikë

Duke luajtur rolin e moderatorit të ceremonisë, presidenti i saj ish kongresmeni republikan i Nju Jork(ut), Joseph J. DioGuardi, tha se Liga Qytetare Shqiptaro-Amerikane, ka dhënë për herë të parë Çmimin e Paqes në Ballkan gjeneralit Wesley Clark më 2001, për rolin e rëndësishëm që ai ka luajtur për t'i dhënë fund një herë e mirë dhjetë luftërave të përgjakëshme në Ballkan, të udhëhequra nga Sllobodan Millosheviçi, si dhe për ndërmjetësimin e tij për rastin e zbulimit të tre trupave të pa-jetë, të vëllëzërve shqiptaro-amerikanë të vrarë pas luftës në Kosovë, nga rregjimi i Millosheviçit.

Liga Qytetare Shqiptaro-Amerikane, tha ai e dha për herë të dytë Çmimin e Paqes në Ballkan, vitin e kaluar për senatorin demokrat Joseph Biden Jr. kryetar i Komitetit për Marrëdhënie me Jashtë në Senatin Amerikan (atë vit), për pozitën e tij si njëri prej kundërshtarve më të hershëm dhe më të fortë, kundër politikës së diktatorit serb Sllobodan Millosheviç. Dhe si njëri prej përkrahësve më të vendosur dhe më të patundur për përfshirjen e Shteteve të Bashkuara të Amerikës në Ballkan dhe për punën e tij të palodhur pesëmbëdhjetvejçare në favor të një paqeje afatgjatë në Evropën Jug-Lindore, veçanërisht për shqiptarët e Kosovës dhe të Maqedonisë.

Dhe ky është Çmimi i tretë (e hënë 16 qershor 2003) që u jepet, tre përfaqësuesve të kongresit, paraqitësve të Rezolutës H. Res. 28, në Kongres. Kongresistëve; Henry Hyde, Tom Lantosh, dhe Ben Gillman, i cili së fundi ka drejtuar në Komitetin e Marrëdhënjeve Ndërkombëtare të Kongresit. Në këtë kontekest, ai vuri në pah se tre ligjëvënsit amerikanë, duke këkuar pavarësinë e Kosovës, Hyde, Lantosh dhe Gillman, po dëshmojnë pa ekuivoke, mbështetjen e tyre për aspiratat demokratike të shqiptarve të Kosovës, të shprehura lirisht gjatë dy zgjedhjeve, dhe kontributin institucional gjatë kësaj periudhe, si dëshmi se po veprojnë sipas interesave jetësore të vetë SHBA-së e komunitetit ndërkombëtar, për të arritur paqe të qëndrueshme dhe stabilitet në Ballkan e më gjërë. DioGuardi, i cili vetë ka qenë anëtar i Dhomës së Përfaqësuesve, paraqiti para ligës qytetare, Rezolutën për Kosovën për të rikujtuar punën e madhe, që ka bërë për pavarësinë e Kosovës. E cila është e para në historinë e rezolutave të Kosovës në kongres; Rezoluta njihet H. Con. Res. 162 dhe është paraqitur në vitin 1987, 15 korrik, kongresi 100-të e firmosur nga 55 kongresmenë amerikanë.

Por, DioGuardi, i vetëdijëshëm për vështirësitë, të cilat çojnë deri në Pavarsinë e Kosovës, i deklaroj VOA-së, se "Ne e dimë se kjo nuk do të jetë çështja numër 1, por duhet të krijojmë kushtet që ajo të jetë ndër 5 ose 10 të parat, në mënyrë që administrata të mund të bëjë diçka. Le t'i përqendrojmë energjitë tona në Uashington, sepse ky është i vetmi vend ku mund të zgjidhet çështja e pavarësisë së Kosovës," - shpjegon kryetari i Lidhjes Civile Shqiptaro-Amerikane.

Lantosh : Pavarsia e Kosoves, Çështje fondamentale e demokracisë amerikane!

Më tej DioGuardi, duke ftuar të marrë çmimin "Paqe në Ballkan", ftoi mes duartrokitjeve, kongresmenin Tom Lantosh, të marrë Shqiponjën Shqiptare, e cila simbolizon, Çmimin "Paqe në Ballkan". "Më lejoni fillimisht, t'ju faleminderohem të gjithve ju, - thotë kongresmeni Lantosh. Pikërisht ju të cilët, përgatitet këtë çmim, të cilin ai e quajti, një "Çmim të Mrekullueshem". Çmim i cili, siç u shpreh ai, do t'a shihni më pas, sa herë që ju të vizitoni zyrën time, do të vendoset përbri, shumë e shumë çmimeve dhe dhuratave simbolike, të cilat unë i mora si shpërblim gjatë gjithë karrierës sime në Kongres, e i ruaj si gjërat më me vler e më të rëndësishme.

Lantosh, kujtoi se midis këtyre shumë Çmimeve, në zyrën tij, është edhe një Shqiponjë e skulptorëve amerikanë. "Një Shqiponjë Amerikane, e cila smbolizon, demokracinë amerikane, lirinë amerikane, integritetin amerikan dhe Pavarsinë Amerikane." Por tani, sipas tij, ato të dyja krenare me njëra-tjetrën, ballë-përballë me njëra tjetrën, duke simbolizuar edhe lidhjen e ngushtë tonën, do të qëndrojnë gjatë së bashku." "Shqiponja juaj, është nderi, i cili ju keni vendosur të na bëni ne, mua dhe zotit Hyde. Hyde, një njëri i jashtëzakonshëm, një njeri i zgjuar dhe me merita të mëdha, për të drejtat e njeriut", - tha Lantosh.

Kongresmeni Lantosh, mendon se Zoti Hyde, si kryetar i Komitetit për Marrëdhënëjet Ndërkombëtare, komitet që ka ndarjet e saj në kongres, duke pasë nga ata të cilët dhe i kundërshtojnë gjërat, ose nuk i kuptojnë si duhet, si psh. në rastin konkret, siç është Rezoluta HR-28, për pavarsinë e Kosovës. Por, unë dhe Hyde, thotë Lantosh, me paraqitjen e rezolutës për pavarsinë e Kosovës në Kongres, respektojmë secilin, duke mbrojtur vlerat e sistemit tonë demokratik, sistem i cili, ky, ka shëmbuj fondamental e patriotik. Duke përfshirë me këtë rast edhe një çështje të tillë fondamentale për demokracinë dhe lirin amerikane, që të njihet Pavarsia e Kosovës - Kosova Republikë" - përfundoj miku i shqiptarëve, kongresmeni Tom Lantosh.

Gillman : Në të mirë të të gjithve, Pavarsia e Kosovës tani, e jo të presëm për më vonë!

Benjamin Gilman, ish kryetar i komisionit të punëve të jashtëme, është akutualisht kryetar nderi i këtij komisioni, i pyetur nga Zëri të Amerikës, në këtë ceremoni pas marrjes së Çmimit "Paqe në Ballkan" tha se: Kosova duhet ta fitojë pavarësinë sa më shpejt që të jetë e mundur por mbetet punë për të bërë: "Ne duhet të veprojmë fuqishëm për ta bindur Departamentin e Shtetit të ndryshojë mendim dhe të veprojë tani e jo të presë për më vonë," thotë ish kryetari i fuqishëm i komisionit të Dhomës. Shqiptaro-amerikanët thonë se në një kohë si kjo e tanishmja, kur administrata ka probleme të tilla të rëndësishme si konflikti izraelito-palestinez ose rindërtimi i Irakut, ka rëndësi që lobi shqiptar të flasë me një zë të vetëm në mënyrë që problemet të qendrojnë në tryezë, thotë Gillman.

Ndërsa, zëdhënësi i kongresmenit Hyde, i cili për arsye shëndetësore, nuk arriti të marrë pjesë, zoti Blaine Aaron (Foreign Policy Advisor to the Chairman & General Counsel of Intrenatioanl Relations Committee) përcolli fjalët zotit Hyde, dhe ju faleminderua Ligës Qytetare Shqiptaro-Amerikane dhe dy udhëheqësve të saj, çiftit DioGuardi. Dhe shtoj se do të mbetet së bashku me ta dhe shefin e tij Hyde i angazhuar dhe i predispozuar të punojë më shumë, në realizimin e njohjes së rezolutës, e cila njeh pavarësinë e Kosovës. Duhet bërë shumë tha ai, sidomos edukimi i të gjithë atyre, të clët ende nuk arrijnë të kuptojnë se sa rëndësi ka për të gjithë ne pavarsia e Kosovës.

Cloyes DioGuardi : "Për shqiptarët e Amerikës, Privilegje të jashtëzakonshme për të treguar se shqiptarët i kanë shfrytëzuar liritë dhe demokracinë që ofrojnë SHBA-të.

Duke folur për median prezente në këtë takim, Këshilltarja e Çështjeve Ballkanike në LQSHA, shkrimtarja amerikane Shirely Cloyes DioGuardi, u tha gazetarve se "midis shqiptarëve të Amerikës, sidomos atyre të ardhur nga Kosova, interesimi për çështjet që kanë të bëjnë me statusin politik të Kosovës është i madh, por përfaqësuesit e Lidhjes Civile Shqiptaro-Amerikane mendojnë se ata duhet të tregohen më aktivë dhe t'i shfrytëzojnë më mirë mundësitë që u ofron Amerika për të zgjidhur problemet e tyre.

"Mendoj, thotë ajo, se shqiptarët kudo, duhet të jenë më aktivë në mbështetje të kësaj çështjeje por sidomos shqiptarët e Amerikës, sepse ata kanë privilegje të jashtëzakonshme dhe ata kanë treguar se i kanë shfrytëzuar liritë dhe demokracinë që ofron ky vend. Tani ata duhet të kenë vullnetin të japin nga ajo që ky vend u ka dhënë atyre," - thotë Shirley Cloyes, eksperte për Ballkanin.