Kanuni i Lek Dukagjinit, në syrin e më se 20 milion shikuesve në Amerikë

-- nga BEQIR SINA, Nju Jork (SHBA)

WASHINGTON DC: Duke parë këtë emision shikusi besoj se do të krijojë edhe një imazh më të qartë rreth vrasjeve në Shqipëri. Pasi siç dihet në Shqipëri, sidomos këto kohët e fundit po ndodhin jashtëzakonisht shumë vrasje dhe akte të dhunshme, në politikë, familje e shoqëri, krahasuar me numrin e popullsisë, me popujt fqinjë me ne ato i kalojnë çdo parashikimi dhe ndonjë statistike. Jo vetëm atij të huajit që e percepton Shqipërinë përmes shtypit e ekranit të televizionit siç do të jetë ky rastë në emsionin e këtij kanali televizivë amerikan "The National Geographic Channel" që ndiqet nga 20 miljon shikues, por edhe neve vetë shqiptarëve, që na duket se jetojmë në një realitet të dhunshëm dhe të dhimbëshëm, pasi siç po mësojmë çdo ditë dhuna kohëve të fundit ka ardhur duke u shtuar dhe se nuk ka shënja se do të ndalet.

Pa bërë këtu krahasime me vitet, se 1991-92 ose 1997, vetëm t'i nënshtrohemi me bindje një realiteti paqësor si ky europian që jetojmë sot, dhuna në Shqipëri ka marrë përmasa dramatike dhe është një shqetësim mbarë kombëtar. Vrasjet që ndodhin përditë, ato që janë "emocionale" të tipit prej vrasjeve nga më mafiozet. Si psh. qërime hesapesh mes bandave, hakmarrje, dhe vrasje për vjedhje e tjera, ndodhin në çdo vend ku ka varfëri dhe mungesë shteti si në Shqipëri. Në Shqipëri, mbetet i zbuluar një numër i madh vrasjesh në gjaknxehtësi, ato që në gjuhën juridike quhen "për motive të dobta", kemi pastaj një sërë vrasjesh për gjakmarrje, dmth. për kanun por që si të parat edhe gjitha vrasjet e tjera në Shqipëri, lidhen ngushtë me të dytat - me Kanunin.

Ditën e Hënë në 6 tetor 2003, ora 9:00 e mbrëmjes me kohën e Nju Jork(ut), në emisionin "Encore Presetation" të kanalit televizivë "The National Geographic Channel" në kabël, shfaqet për her të parë në SHBA-s, në një emisoni prej dy orë e 25 minuta, me tre tema nga më interesantet, të cilat do të trajtonë nëpërmjet studimit, hakmarrjen në disa vende të Botës. Ky emison i cili me këtë rastë ka marr si shëmbull i cili do t'u referohet sekuencave televizive nga një studim që i ka bërë në Shqipëri: "Kanunit të Lek Dukagjinit". Emisioni duke shfletuar kapitujt e "Kanunit të Lek Dukagjinit", do të tregojë ndër të tjera për shikuesin e madh amerikan, se në Shqipëri, një traditë shekullore e vrasjeve për hakmarrje - gjakmarrje, që sipas Kanunit të Lek Dukagjinit quhet përndryshe"sherr gjaku", janë ringjallur me një mënyrë që familjet dhe personat që hyjnë në gjak, t'i zgjedhin mosmarrëveshjet e tyre të gjakmarrjeve të kaluara.

Në Shtetet e Bashkuara të Amerikës, një gjykatë kushtetuese në shtetin federal Teksas ka rivendosur një formë dënimi të vjetër e cila bënë të mundur që ndaj fajtorit të përdoret "turpërimi". Kriminelët, detyrohen të mbajnë shënja në publik që tregojnë se sa krime dhe çfarë krimi kanë bërë ata që janë të detyruar t'i mbajn si dënim këto shënja. Dhe në një fshat Afrikan, në Togo tregohet se masmarrëveshjet zgjidhen duke përdorur ende edhe sot një formë të vjetër drejtësie. Të akuzuarit dhe fajtorët vënë duart në vaj të nxehtë, pasi që të gjithë fshatarët mendojn se vetëm të fajshmit digjen.

Ky emision e realizuar nga National Geographic Society, që e ka qëndrën në kryeqytetin Amerikan, Washington DC; është një bashkëpunim i "The National Geographic Channel" dhe National Geographic Televizion me Film FoxCable Networks. Kanali Televiziv "The National Geographic Channel", që do të jetë transmetuesi i këtij emisoni të hënën, thuhet se vetëm gjatë vitit 2001, pati rreth 10 miljon shikues në të gjithë territorin e SHBA-s. Sot, ky kanal është një ndër kanalet më të preferuara në Amerikë, me 20 miljon shikues.