Për herë të parë në Amerikë, taksapaguesit shqiptarë me program në gjuhën shqipe

-- nga BEQIR SINA, Nju Jork (SHBA)

Në Çikago, programet e pagesave të taksave kryhen në gjuhen Shqipe ...për here te pare ngrihet flamuri shqiptar ne nje institucion te shtetit federal.

Cook CHICAGO IL: Media shqiptare, i dha një publicitet të madh ngjarjes më të rëndësishme, të javës së kaluar që u zhvillua në bashkësinë shqiptare në Shtetet e Bashkuara të Amerikës, shtetin federal të Illinoist. Sipas, organiztatorve në njoftim thuhej, se me iniciativën e disa aktivistëve të kryesisë së komunitetit Shqiptaro-Amerikan të Illinois-it, ditën e hënë më 29 shtator 2003, në lokalet e Drejtorisë së Financave për rrethin Cook(Kuk), në të cilin përfshihet edhe qyteti i Çikagos, edhe zyrtarisht u ngrit Flamuri shqiptar. Ndërsa, në komunikim me gazetën kombëtare Bota sot, në SHBA, njëri nga aktivistët e shquar të komunitetit tonë, në këtë shtet federal, kryetarin e Lidhjes Demokratike të Kosovës, dega e Illinois-it, me seli në Çikago(Chichago) dhe njëherëshit kryetar i Komunitetit shqiptaro-amarikan, për shtetin federal të Illinois-it, SHBA, profesor Iliaz Kadriu, thuhet se në të vërtetë, Zyra e Drejtorisë së këtij institucioni financiar, në planin e vet, ka edhe Projektin vjetor, për çështje etnike dhe për mediat etnike.

Komuniteti Shqiptaro-Amerikan i Illinois-it - antar i rregullt i Drejtorisë së Financave

Zoti Kadriu i tha Bota sot se: "Kësaj rradhe, rendin e pati Komuniteti Shqiptaro-Amerikan i Illinois-it, i cili u bë anëtar i rregullt i kësaj drejtorie. Pra, sipas tij, Kryesia e Komunitetit Shqiptar, në bashkëpunim të ngushtë me zyrën e kësaj Drejtorie, organizoi një mbrëmje solemne me këtë rast, ku morrën pjesë më shumë se tre qind vetë. Hapjen e ceremonialit, e bëri në mënyrë denjitoze zoti Nazim Cuca, anëtar dhe aktivist i kësaj kryesie. Ai, në mes tjerash tha se sot në zyrën e drejtoreshes së financave për rrethin Kuk, në mesin e Çikagos për taksa-paguesit, do të kemi faqe elektronike (web site) dhe broshurat në gjuhën shqipe. Ai e përshkruajti gjuhën shqipe si ndër gjuhët më të vjetra, indo-europiane.

Fjalën e rastit në këtë promovim, e pati zonja Lirije Mehmeti, kryetare e Shoqatës se Grave në Çikago. Ajo në fjalimin e shkurtër të saj, pasi faleminderoi zyrën e drejtoreshës Maria Papas dhe stafin e saj, për angazhimin e tyre maksimal rreth përkthimit të broshurave dhe në gjuhën shqipe, ceku në mes tjerash se, Shqiperia, megjithse është një vend shumë i vogël gjeografikisht, të mos harrojm se ky vend ka dhënë njërëz të mëdhenj, ashtu siç janë Gjergj Kastrioti-Skëndërbeu, Ismail Kadare dhe Nëna Tereza.

Pas ekzekutimit të hymnit shqiptar dhe atij amerikan, u bë edhe ngritja zyrtare e Flamurit shqiptar dhe atij amerikan, të cilët sipas traditës do të qëndrojnë një javë në mesin e sallës dhe pastaj do të rradhiten në mënyre alfabetike në mesin e flamujve tjerë. Në këtë solemnitet mori pjesë edhe përfaqësuesi i Kishës Ortodokse Shën Nikolla në Çikago, i cili beri dhe lutjen fetare, duke faleminderuar zonjën Papas, për atë punë të madhe për shqiptarët e Çikagos dhe njëkohësisht duke iu lutur Zotit për paqe i mirësi në mes popujve të Botës.

Edhe përfaqësuesi i Qëndrës Kulturore Islamike, zoti Pëllumb Shemshedini, bëri lutjen fetare sipas ritit të tij, për pjesëmarrësit Muslimanë, duke theksuar se feja Islame është Fe e paqes dhe mirëqënies të të gjithë popujve në rruzullin tokësor.

Në këtë mbrëmje, nga pos të fturave, nga Nju Jork(u), kishte ardhur enkas për këtë manifestim edhe çifti DioGuadri, Joe dhe Shierly. I pari e morri fjalën zoti Joe DioGuardi, i cili theksoi se është kënaqësi e madhe që gjendet në mesin e shqiptarëve të Çikagos, dhe në mesin e stafit të zonjës Maria Papas. Ai tha poashtu se shqiptarët e Çikagos kanë dhënë kontribut të ç'muar në ekonominë e shtetit federal të Illinois-it, si dhe kanë punuar pa ndërprerë për rregullimin e çështjes shqiptare në Ballkan.

Kadriu: 29 shtatorit 2003, do të mbetet datë historike për shqiptaro-amerikanët!

Pas tyre, fjalën e mori në këtë ceremoni, kryetari i Lidhjes Demokratike të Kosovës, dega e Illinois-it, me seli në Çikago (Chichago) dhe njëherëshit kryetar i Komunitetit shqiptaro-amarikan, për shtetin federal të Illinois-it, SHBA, profesor Iliaz Kadriu, i cili që në fillim, të fjalës së tij, theksoi se kjo punë e madhe është arritur me një bashkëpunim të ngushtë në mes të kryesisë së komunitetit dhe të stafit të zyrës së Drejtoreshës, zonjës Maria Papas. Zoti Kadriu theksoi, ndër të tjera se data e 29 shtatorit 2003, do të mbetet datë historike për shqiptaro-amerikanët, e rrethit të Çikagos, pasi që për herë të parë, në institucionin finaciar të Çikagos do të valojë zyrtarisht flamuri shqiptar. Ai, po ashtu faleminderoi zonjën Papas, për angazhimin e saj rreth realizimit te këtij projekti, i cili kërkoi punë dhe angazhim të madh si nga ana e zyrës së saj po ashtu edhe nga ana e kryesisë së Komunitetit shqiptar në këtë shtet federal.

Ndihet angazhimi zyrtar amerikan rreth realizimit të programit të pagesave të taksave ne gjuhen shqipe

Në këtë ceremoni zyrtare e mori fjalën edhe zonja Maria Papas që është njëhehereshit edhe Drejtoresha e këtij institucioni federal ekonomikë në SHBA-s. Ajo, dukej paksa e emocionuar dhe e habitur me organizimin e përkryer të këtij solemniteti, faleminderoi disa herë pjesëmarrësit, komunitetin shqiptare dhe stafin e saj. Ajo u angazhua rreth realizimit të programit të pagesave të taksave, por kësaj rradhe, ajo më së tepërmi, u angazhua rreth informimit të komunitetit shqiptar me planin financiar të zyrës së saj rreth pagesave të tepërta të taksave për vitet e kaluara. Në mesin e tyre ceku edhe Nevruz Mehmetin, i cili kishte paguar 2600 dollarë më tepër seç duhej si dhe Gjokë Briskun, i cili poashtu kishte paguar 7000 dollarë më shumë.

Pastaj, zonjusha Mirela Mehmeti, thirri kryetarin e Komunitetit Shqiptaro-Amerikan në Illinois, që zonjës Papas, t'i dorëzojë pertretin e bronzte të Nënës Tereze, që me këtë rast, komuniteti shqiptar nderoj me këtë dhuratë të shkëlqyeshme zonjën Papas.

Zoti Sedat Sadiku, Pat Michalskit, asistente e zonjës Papas, për çështje teknike, ju dhuruan portretin e Nënës Tereze, nga zonjusha Mirela Mehmeti, e cila po këtë dhurat ia u dorëzoi edhe çiftit DioGuardi. Ndërsa nga ana e saj, zonja Papas, në emër të Zyrës së Financave për rrethin Cook, personalisht dekoroi me çertifikata këto organizata jo perfituese: Komunitetin Shqiptaro-Amerikan, Qëndërën Kulturore Shqiptare Islamike, Kishën Ortodokse Shqiptare Shën Nikolla, Radio Zëri i Shqiptarëve, TV Shqipëria, RadioTV Besa, Radio Jeta, KF Ulqini, KF Yjet Shqiptare, Shoqata muzikore Mëmedheu, Shoqata muzikore Illiria.

Më në fund, vlen te theksohet se organizimi i ketij manifestimi është bërë në mënyrë të shkëlqyeshme. Për këtë faleminderim të posaçëm meritojnë të gjithë të pranishmit, të gjithë sponsorët dhe e tërë kryesia e Komunitetit e cila për këtë ditë kishte punuar më se dy muaj.

Fletë eskluzivishtë për gazetën kombëtare Bota sot në SHBA-s, kryetari i Lidhjes Demokratike të Kosovës, dega e Illinois-it, me seli në Çikago (Chichago) dhe njëherëshit kryetar i Komunitetit shqiptaro-amarikan, për shtetin federal të Illinois-it, SHBA, profesor Iliaz Kadriu

Bota sot: Zoti Kadriu: Si ju lindi ideja e për t'u bërë edhe shqiptarët anatarë të rregullt të këtij institucioni ?
Prof Ilaz Kadriu: Para disa kohësh një anetar i kryesisë tha se kishte marrë pjesë në një takim në këtë institucion, në sektorin e çështjeve etnike dhe të mediave etnike. Personi, në fjalë udheheq radion Zeri i Shqiptarëve dhe ishte kurioz shumë. Ai, rastësisht kishte vërejtur se në këtë institucion binte në sy se mungonte Flamuri shqiptar, megjithëse shqiptarët në këtë rreth janë në një numër të konsiderueshëm. Kështu, ai u lut tek Drejtoresha e Drejtorisë së Financave të rrethit Cook, i cili përfshin edhe qytetin e Çikagos qytet mijra miljonësh, që sipas mundësive në mesin e flamujve të tjerë të jetë edhe ai shqiptar. Përgjigja kishte qënë se ne komuniteti shqiptar, nuk ishim anëtar i rregullt i këtij institucioni. Si rrjedhojë në një mbledhje ai tregoi këtë dhe ne si kryesi me 3-4 anëtare të kryesisisë kërkuam një takim me znj. Papas. Aty u mësuam se si dhe kur të bëhet ceremoniali i pranimit dhe i ngritjes së Flamurit. Për këtë u punua më shumë se 2 muaj.

Bota sot: Cili është ku institucion, e çfarë roli ka dhe do të luajë ai në jetën komunitare?
Prof Ilaz Kadriu: Ky institucion financiar, i takon ministrisë së Financave të shtetit të Illinois-it. Krahina Cook (Kuk) është më e madhja sepse përfshin në vete edhe qytetin dhjetra miljonësh të Çikagos. Ky institucion është pak më i vogel se ministria e Financave dhe anglisht quhet Cook County Treaseary. Ajo përbën dy katet e ndërtesës City Hall. Aty 5 miljonë e gjysëm banorë, paguajnë taksat e shtetit. Këtë e udhëheq, siç thamë zonja Papas. Asistentja e saj për çështje etnike është zonja Pat Michalski.

Bota sot: Sa dhe si mendohet se do t'u shërbejë shqiptarëve në këtë zonë?
Prof Ilaz Kadriu: Shqiptarëve të kësaj zone do t'ju shërbeje në shumë mënyra:
- Gjatë pagesës së taksave qofshin individuale private apo të bisneseve. Secili shqiptar e ka derën e çelët në këtë institucion, i cili në mënyrë është i obliguar tani t'i shpjegojë, sqarojë dhe eventualisht t'i ndihmojë në zgjidhjen eventuale të ndonjë kontesti financiar, i cili i gjithi për t'u ardhur në ndihmë bashkëkombasve tanë do të kryehet edhe në gjuhën shqipe.