Dita e Flamurit në Nju Jork mbledh rreth flamurit shqiptaret e te gjitha trojeve

-- nga BEQIR SINA, Nju Jork (SHBA)

Eastchester - Bronx NY: Të ftuar që të merrni pjesë në këtë solemnitet tradicional kombëtar, që organizohet për më se 90 vjet, në bashkësinë shqiptare, në Amerikë, nga Federata e PanShqiptare e Amerikës VATRA, për të gjithë bashkëatdhetarët në komunitetit tonë, ishin shqiptarët e emigruar në periudha të ndryshme nga Shqipëria, Kosova, Kosova Lindore, FROYM-i, Mali i Zi dhe Çamëris . Ceremonia, e organizuar nga VATRA, u zhvillua në lokalin "The Eastwood Manor" 3371 Eastchester Road - Bronx NY. Me këtë rast, festa shpalosi edhe një her vlerat më të vyera të kombit shqiptar, dinjitetin, krenarinë, kulturën dhe historinë shqiptare. Dita e Shpalljes së Pavarsisë - Dita e Flamurit, bëri që të njihet dhe të mbahet gjall fryma kombëtare, në komunitet. Më tej ajo tregoj rolin që ka luajtur kjo fest në në kultivimin e kulturës dhe historisë shqiptare, tek të gjitha brezat në mërgim.

Padyshim, manifestimi i Nju Jork(ut), në kujdestarinë e organizatës më të vjetër në SHBA-s, VATRA, është më i madhi në tërë, Amerikën. Kjo ditë ashtu si dhe në të kaluarën, festohet në sipas traditës vatrane, duke mbledhur rreth flamurit kuq e zi, patriotët, atdhedashësit e demokratët shqiptarë, nga të gjitha trojet. Kjo festë në SHBA-s, duket se është kthyer edhe në një pikë bashkimi e shumicës së mërgimtarve, për tu njohur, e takur më së shumti në këtë vend, midis të gjitha moshave.

Në manifestimet e Ditës së Flamurit, më madhështorja që organizohet në bashkësinë shqiptare në Amerikë, përqëndrimi i shqiptarëve është i madh, fillimisht mbahen fjalime me frymë patriotike, që më pasë shoqërohet nga muzika këngët e vallet e të gjitha krahinave, e ushqimi tradicional. Manifestimet e Ditës së Flamurit - 91 Vjetorit të Shpalljes së Pavarsisë për një koncidenc natyrore, këtë vit - Ditën e Faleminderimeve(Thanksgiving) bëri atë që ndoshta për her të parë të mbahen në tërë Amerikën, ndryshe nga heret e tjera pothuaj në të njejtën kohë.

Dita e Flamurit në Nju Jork mbledh rreth flamurit shqiptaret e te gjitha trojeve

Në këtë solemnitet festiv ishin të ftuar shqiptarë nga trojet etnike në Shqipëri, Kosovë, Maqedoni, Mali i Zi. Gjithashtu, të ftuar nderi ishin edhe Ambasadori William Walker, kryetari i Komunës së Mitrovicës Faruk Spahia, kryetari i Komunës së Pejës Ali Lajqi, dhe historiani i njohur nga Shqipëria, Prof.Dr Beqir Meta, zotëri J Walker, dhe një grup i grave nga Kosova.

Duke evidentuar vlerat e mëdha që ka kjo ditë për mbarë kombin tonë shqiptar, komb e cili po përjeton sot, në këtë 91 vjetor, gëzmimet më të mëdha në historinë e tij, çlirimin e Kosovës, si dhe ditën fatlume të Lumnimit të bijës shqiptare, humnaistes me fame botrore Nënë Terezes, e deklaroi të hapur festën në restorant Eastwood Manor Bronx, kryesuesi i mbrëmjes z Marian Cubi dhe Etrita Ibroci. Moderatorët e festës, Cubi dhe Ibroci, ashtu, në këmbë, ata u kërkuan të të gjithë të pranishmëve, të nderojn me një minutë heshtje të gjithë dëshmorët, martirët dhe viktimat e rëna në Kosovë, në Shqipëri, e në SHBA-s.

Sipas traditës fetare lutjet e rastit, në emër të përfaqësive fetare në diasporë, kësaj radhe i kreu i përndershmi Imam Isuf Balaj, Imam i Xhamisë së re në Kuins.

Miku i madh i shqiptarve Ambasdori William Walker: Pavarsia e Kosoves imediate

Heroi i Reçakut, miku i madh i shqiptarve Ambasdori William Walker, u nderua në këtë festë të madhe të shqiptarve, në Amerikë, me një statujë të Nënë Terzes, dhurat e familjes Gojçaj, e të një flamuri shqiptar qëndisur me dorë. Duke sjellë përshëndetjen emecionuese, për këtë ditë, ai nuk la pa prekur edhe përkrahjen e madhe që ka gjetur kombi shqiptar në këto vite, gjë, që u dëshmua më së miri gjatë luftës në Kosovë, ku SHBA dhe Aleanca e Atlantikut Verior, ishin faktori përcaktues në shkatërrimin e makinerisë ushtarake barbare, të Milloshevicit dhe ndaljen e masakrave mbi shqiptarët e pambrojtur. Ai bëri thirrje se për të ndërtuar paqen dhe sigurinë në Kosovë, e në rajon, Kosovës tha miku i madh i shqiptarve ambasadori Wallker, i duhet Pavarsia imediate, sot.

Pas për shendetjeve të rastit, nga telegramet e urimit prej NaltMadhnis së Tij Mbretit Leka Zogu I dhe At Artur Liolin Kancelar i Kishes Orthodokse Shqiptare ne Amerikë, në podin e festës u ngjit kryetari i Komunës së Mitrovicës Faruk Spahia dhe kryetari i Komunës së Pejës Ali Lajqi. Fjala kryesore e festës së shqiptarve në "The Eastwood Manor" i takoj Prof Dr Beqir Metës.

Zotëri Meta, tha se ndjehem shumë i lumtur, i nderuar njëkohësisht që ndodhem midis shqiptarve të Amerikës në këtë ditë të shënuar. Në këtë natë festive, tha ai, çdo kush e çonë mëndjen 91 vjet më parë. Pikërishtë, athere, kur ngritja e flamurit shënoj fillimin, e shtetit shqiptarë.Tek, rruga që përshkoi ky shtet dhe kombi ynë për të ardhur deri në ditët e sotme.

Ajo ka qënë rruga më e vështir më e mundimshme që është dashur ndonjë shteti apo kombi për të mbijetuar dhe për t'u zhvilluar i coptuar përgjysëm. I ndodhur kurdoher, në planet dhe axhendat e fqinjve lakmitar e agresivë dhe të fuqive të Mëdha Europiane për t'a sakatuar e ricoptuar kombin shqiptar. Kështu që kombit tonë i u desh të luftonte, e të përpiqej shumë prandaj sot ne përkulemi me nder ndaj të gjithë atyre burrave, që u përpoqën me mëndje me pushkë për lirinë tonë kombëtare, për konsilidimin, e shtetit shqiptar dhe për bashkimin e kombëtar.

Diaspora shqiptare, shtyllë themelore e institucioneve kombëtare

Por, në këtë ditë kaq të shënuar nuk ka se si që të mos mendojmë edhe për dobësit tona historike për krahinizmat, për propogandat jo-kombëtare, përçarëse fetare dhe mbi të gjitha egoizmin e shfrenuar që ka demostruar pjesë të rëndësishme të elitave politike shqiptare në periudha të ndryshme. Të cilat, i kanë shkakëtuar dëme të mëdha kombit tonë dhe progëresit të tij. Sistemi politik demokratik, liria e individit dhe ekonomia e tregut, që kanë ngritur nga rrënojat në pjedestal me të larta shumë këmbë të tjera, nuk kanë se si mos të punojnë për mirë edhe për shqiptarët.

Një rrezik e quajti ai rrymën grekofile që mundohet të krijohet në Shqipërinë e Jugut, me anë të korrupsionit e mafias shqiptare, për të rritur dominacionin duke shfrytëzuar varfërinë, tranziscionin dhe dobësit aktuale të shtetit shqiptarë.Shënjat janë se ajo po përpiqet të krijojë një arsenal të madh politiko - propogandistik për të nxjerr në sken kartën e minoriteteve.Kjo politik e rrezikëshme sado që të krijoj probleme shtetit shqiptar dhe shqiptarve, nuk ka shanse për të arritur sukseset që ajo mendon. Pasi që grekët këtë nuk e kanë arritur as në kohërat më të vështira, kur institucionet shqiptare nuk ishin formuar ose ishin në formim e sipër, e jo sot më kur ne kemi ndërgjegjën kombëtare të formuar. Kemi, disaporën shqiptare, veçanërsihtë ajo në Amerikës, e cila, ka dhënë një kontribut të madh - historik të paçmueshëm në këtë drejtim, ashtu si dhe në çlirimin e Kosovës. Diaspora shqiptare, është dhe do të mbetet një nga shtyllat themelore të këtyre institucioneve kombëtare. Unë kamë bindjen se nën shëmbullin e kombeve të përparuara, lobi shqiptarëë në Amerikë së bashku me popullin shqiptarë, miqët e mëdhenjë amerikan, do të bëjë atë që shumë shpejt të fitohet dhe njihet edhe Pavarsia e Kosovës tha ndër të tjera folësi kryesor Prof. Dr Beqir Meta

Nën tingujt e mrekullueshëm të muzikës popullore shqiptare

Mbrëmja festive vazhdoi më pas nën tingujt e mrekullueshëm të muzikës popullore shqiptare të shoqëruara nga orkestra, e këngëtarët: Mit'hat Saliu-Kino, dhe zëri i ëmbël i këngëtares tiranase, Merita Halili dhe atij shumë të dashur të Nexhmedin Sylës nga Kosova. Mrëmbja u përshëndetnë vijimësi nga pjesëmarrësit dhe të ftuarit e nderit.