Letër "Gjeneral Bunker"-it

-- nga Gary Q. KOKOLARI, New Jersey-USA, shtator 2003

Me rastin e vizitës së Alfred Moisiut në SHBA, mendoj se është e domosdoshme për të kujtuar gjithkënd se letra e mëposhtme i është dërguar Moisiut në muajin prill. Që nga ajo ditë nuk është marrë përgjigjgje dhe kjo mund të merret si shuplakë në fytyrën e shqiptaro-amerikanëve.

"Presidenti" shqiptar duhet të nxjerrë kokën nga rëra dhe t'i përballet Nanos, e të veprojë si udhëheqës. Pas kësaj, ne duhet ta dimë në është zgjedhur kot, apo e ka borxh pozitën e tij tek Nano. Nëse ai vazhdon të injorojë çështjet e ngritura në këtë letër dhe mbetet i kënaqur nga të qenët "shef për prerje shiritash", si e vetmja gjë e tij është se ai do të mbetet si njeriu që i dha Shqipërisë bunkerët e Enverit.

Shkëlqesisë së Tij Alfred Moisiu

Ne të poshtëshënuarit, si shqiptaroamerikanë dhe si anëtarë të organizatave qytetare, fetare, kulturale dhe humanitare, po ju shkruajmë për t’ju sjellë në vëmëndje disa çështje që besojmë se janë të rëndësishme për përparimin politik dhe ekonomik të Shqipërisë, si më poshtë:

1. Nga institucionet evropiane tek raportet e Departamentit të Shtetit, tek faktet e mbikombsheve siç është Banka Botërore, korrupsioni është përcaktuar si sëmundje që ndalon zhvillimin shqiptar dhe si pengesë kryesore për investimet e huaja. Të gjithë ata kanë arritur në përfundimin që Shqipëria ka dështuar në luftën kundër këtij fenomeni dhe se mekanizmat anti korrupsion të vënë në punë deri tani, kanë qënë inefektive. Që këtej ne besojmë se është koha që Shqipëria të marrë masa të besueshme dhe efektive për të shkulur korrupsionin. Për t’ja arritur kësaj, ne mbështesim fort ngritjen e një “Komisioni Korrupsioni” që të hetojë korruspionin shqiptar në të gjithë nivelet dhe të paraqesë faktet para prokurorit. Sidoqoftë, me qëllim që ky organizëm të jetë efektiv dhe transparent, ai duhet të funksionojë i pavarur nga kontrolli qeveritar. Kështu, ky komision duhet të kryesohet nga një personalitet i respektueshëm prej shoqërisë civile shqiptare, ndërsa anëtarësia e tij duhet të përfshijë ekspertë ligjorë dhe financiarë nga vendet miq të tillë si Shtetet e Bashkuara dhe përfaqësues të diasporës sonë që kanë aftësi profesionale të spikatura. Anëtarë të komunitetit shqiptaroamerikan u takuan me ambasadorin James Jeffrey në Nju Jork më 13 janar 2003, dhe në atë kohë ai tha që nëse qeveria shqiptare është e interesuar në ngritjen e një komisioni të tillë, ai do të japë mbështetjen e tij. Ne ju bëjmë thirrje juve të përkrahni publikisht këtë iniciativë dhe të punoni me parlamentin për krijimin e organizmit ligjor të domosdoshëm që do të lehtësojë ngritjen e menjëhershme të këtij komisioni.

2. Ndërkohë që e dimë që korrupsioni është i pranishëm në të gjithë segmentet e administratës nuk do të ketë kuptim zgjidhja e këtij problemi për aq kohë sa ata që janë përzjerë në korrupsion të mos hiqen nga politika shqiptare. Sikundër edhe ju jeni i qartë, korrupsioni ka kapur nivelet më të larta të qarqeve politike shqiptare dhe qeverisë. Ne besojmë fort që një Komision Korrupsioni duhet të hetojë të gjithë politikanët që janë implikuar në praktika korruptive. Është shumë e rëndësishme t'i kushtohet vëmëndje e mënjëhershme, për shkak të impaktit negativ mbi përparimin e Shqipërisë, lidhjet e specifike të tanishme ndaj individëve që aktualisht janë në pushtet, të tillë si kryeministri Fatos Nano dhe ish-kryeministri Ilir Meta, si edhe individë që mund të kthehen në radhët e qeverisë si ish-ministri i Financave Anastas Angjeli dhe të tjerë. Sikurse thuhet në media, situata kundër këtyre individëve përfshin angazhimin në pastrimin e parave, mbajtja e lidhjeve me krimin e organizuar, ndihma dhe bashkëpunimi në trafikimin njerëzor, dhe mbajtja e llogarive të huaja bankare të paligjshme.

3. Dhjetorin e shkuar, Nicholas Gage vizitoi Tiranën ku u takua me kryeministrin Fatos Nanon, ata janë takuar gjithashtu dhe në majin e vitit të kaluar në Korfuz. Ende zoti Nano nuk i ka paraqitur shqiptarëve një arësye të pranueshme për takimet e tij me zotin Gage, i njohur si armik i shqiptarëve. Ne besojmë se ju, si president i shqiptarëve, duhet të kërkoni një shpjegim publik të plotë prej zotit Nano për veprimet e tij. Zoti Gage, një hasëm i njohur i Shqipërisë nuk e njeh sovranitetin e Shqipërisë, kështu që ne nuk e shohim të justifikueshme që një udhëheqës shqiptar të takohet me Gage duke pasur funksione zyrtare. Si shtetas amerikan, zoti Gage mund të ketë të drejtën ligjore të vizitojë Shqipërinë, por kjo nuk do të thotë që qeveria shqiptare ta privilegjojë atë tepër, ashtu sikundër besojmë që qeveria amerikane nuk ka të drejtën të kërkojë një privilegj të tillë për Gage. Sikundër dhe e dini, shqetësimin tonë për këtë çështje ja bëmë të ditur Sekretarit të Shtetit, Colin Powell, me një letër dërguar atij në fillim të këtij viti.

4. Si shtetas amerikan, vend i bazuar në konceptin e ekonomisë së tregut të lirë, ne mbështesim qartazi përfitimet dhe rëndësinë e iniciativës private të papenguar. Duke pranuar nga njëra anë privatizimin e Bankës së Kursimeve, ne jemi tejet të shqetësuar rreth çdo përpjekje të investitorëve grekë që direkt apo indirekt synojnë të kenë të drejtojnë apo menaxhojnë këtë institucion. Tashmë bankat greke kontrollojnë afro 20 për qind të sektorit bankar shqiptar. Në se invetitorët greke janë të sukseshëm në marrjen e Bankës së Kursimeve, interesat greke do të kontrollojnë më shumë se 80 për qind të industrisë bankare shqiptare, duke i dhenë kështu Greqisë hegjemoni virtuale mbi sektorin ekonomik më të rëndësishëm shqiptar. Kjo do t’i japë mundësinë Greqisë të ndikojë mbi Shqipërinë. Për interesa të sigurisë së Shqipërisë, qeveria shqiptare nuk dhe s’duhet të lejojë të ndodhë kjo, ndërsa ne kërkojmë që ju të mbani një qëndrim publik mbi këtë çështje. Megjithëse ne e dimë që ka norma ligjore ndërkombëtare që nxitin tregëtinë e lirë, ka të tjera parime ndërkombëtare më të forta që njohin nevojën e vendeve për të mbrojtur interesat e tyre kombëtare. Qeveria amerikane ka rregullat bankare të sajat dhe ligjet anti trust që janë të hartuara në mënyrë specifike për të ndaluar dominimin e huaj në sektorin e saj bankar, ndaj ne i bëjmë thirrje Shqipërisë të adoptojë statute të ngjashme

5. Duke qënë se besojmë që të gjithë minoritetet etnike në Shqipëri duhet të kenë të drejta të barabarta me shqiptarët, gjithashtu besojmë se Shqipëria ka kushtuar kohën dhe burimet e nevojshme çështjes së minoritetit grek në Shqipëri që me qëllim ka qënë e deformuar dhe shfrytëzuar nga shovinistët grekë. Në të njëjtën kohë, shqptarët etnikë në Greqi po vuajnë forma të vërteta të diskriminimit dhe çështja e çamëve është injoruar nga grekët. Akoma qeveria shqiptare nuk i ka kushtuar kohën dhe burimet e nevojshme për këto çështje. Qeveria shqiptare duhet të ngrihet për të drejtat e vëllezërve tanë që kanë qënë pjesë e formës greke të pastrimit etnik, të quajtur helenizim. Ndërsa po vijnë mjaft shpejt Lojrat Olimpike të 2004, ky është një rast unik për të tërhequr vëmëndjen ndërkombëtare për çështjen çame dhe të drejtat e shqiptarëve etnikë në Greqi.

6. Një prej shtyllave të shoqërisë demokratike është shtypi i hapur dhe i lirë. Ende ka dëshmi të vazhdueshme, ky zyrtarë të qeverisë shqiptare përdorin autoritin e taksave në Shqipëri dhe kontrollin ndaj reklamuesve kryesorë, si Banka e Kursimeve, për të çensuruar botuesit e gazetave shqiptare dhe të prodhimeve të tjera të medias. Veprime të tilla synojnë fyerjen e demokracisë, ndaj zyrtarët e qeverisë shqiptare duhet të paralajmërohen që kjo mënyrë sjellje nuk do të tolerohet.

7. Përfshirja e Shqipërisë në krimet e shëmtuara që kanë të bëjnë me trafikimin e qënieve njerëzore dhe drogës, ka qënë një njollë e zezë për traditën dhe nderin e shqiptarëve dhe një prej arësyeve kryesore të acarimit ndaj shqiptarëve në të gjithë botën. Historitë e vajzave shqiptare të marra prej fshatrave dhe më pas të përdhunuara prej gangsterëve për t’u dërguar nëpër rrugët e qyteteve të Evropës Perëndimore, na shtojnë mërzinë. Është tejet acarues fakti që si rrethanat tragjike të viktimave të trafikuara, ashtu edhe tregëtia e narkotikëve, nuk e ka motivuar Shqipërinë të ndërmarrë veprime, megjithë presionin disavjecar të qeverive perëndimore dhe shqetësimeve rreth pranimit në Bashkimin Evropian dhe NATO, që do t’i shtynin zyrtarët shqiptarë për të vepruar. Për këtë qeveria shqiptare duhet turpërohet. Pavarësisht disa përpjekjeve të fundit kundër trafikut për ne është e kuptueshme që ky aktivitet kriminal vazhdon ashtu si edhe krimet e lidhura me të, falsifikimi i dokunmentave të udhëtimit. Kjo duhet ndaluar dhe duhet bërë tani. Zyrtarët qeveritarë shqiptarë, duhet ta kenë kuptuar se duhet të bëjnë më shumë se sa njoftime shtypi dhe fjalimeve boshe për të bindur botën që Shqipëria po ndërmerr hapa agresivë për ti dhënë fund krimit njëherë e mirë. Si presidenti i Shqipërisë, besojmë se ju kini moralin dhe autoritetin për t’ju drejtuar çështjeve të shtruara deri tani, ndërsa ne, si shqiptaroamerikanë, do ju mbështesim në fillimin e bashkëpunimit të qeverisë së Shteteve të Bashkuara të Amerikës për zgjidhjen e këtyre çështjeve. Pikëpamja juaj për këtë çështje është shumë e rëndësishme për ne ndërsa një përgjigje për këtë letër, do të vlerësohej mjaft.

Nënshkruar me respekt
Shoqata e Ndihmës Shqiptare - Gjevalin Gegaj, President
Komuniteti i Shqiptaroamerikanëve të Illinois - Ilaz Kadriu, President
Qëndra Islamike Shqiptaroamerikane - Imam Vehbi Ismail
Albanian American Society Foundation - Esad Rizai, President
Albanian Center of New York - Drita Kokalari, President
Albanian Heritage Foundation - Gary Kokalari, President
Dede Gjo Luli Foundation - Prele Sinishtaj, Head Representative
Democratic League of Kosova, USA - Agim Rexhaj, President
Human Rights Association for Chameria
National Front, USA - Xhafer Elezi, President
St. Paul’s Albanian Catholic Church - Father Anton Kqira