Ndërmjetësimi i interesit partiak (e jo kombëtar) në Dardani, nëpermes mediave masive!

-- nga Gëzim Mekuli, Oslo

Shume ligje, rregullore e korniza jetë(de)formuese për popullin antik shqiptar, që jeton në hapsirat e ish-Jugosllavisë, nuk u formësuan e as u arriten si rrezultat i ndonjë bashkëmendimi-punimi politik e profesionalist vendor; ato fund e krye u realizuan dhe u "pollën demokratisht" si rezultat i paraqitjeve mediale dhe urdhëresave monopoliste të "specialisteve" juridik, ekonomik e medialopolitik ndërkombëtar e kombëtar. Këto procese të "rregullimit demokratik" u ndihmuan dhe u mbështetën verbërisht nga zëdhënësi i tyre besnik... RTK!

Për aktorët politik dhe "qeverinë" dardanase, mediat ofrojnë "një livadh-tërfoj" për vetëparaqitje dhe rast për mbushje xhepi personal. Tanimë ky "livadh" është shndëruar në një mekanizëm vendimtar për kriteriumin dhe vazhdimin e "suksesit" patiako-politk. Por, n.q.s. nuk u konsumua mendërisht ky "livadhi-tërfoj", mund t'i fryj e kopë këta ”politikanë”, deri në tokëpërplasje.

Partiakët dhe partitë politike orientohen, në mediat masive që i kanë nën okupim e sundim. Partiakucët dhe partitë ekonomike ("politike") kanë nevojë për një menaxhment profesional komunikativ. Pambarimisht, këta tentojnë që llojin e informacioneve ta përcaktojnë ofensivisht; temën e ditës t’a influensojnë medialisht, pra të prodhojnë ndodhi e lajme që i shkojnë per shtati vetëm "kameras dhe lapsit" së medias e partisë që ata e kontrollojnë. Në Dardani është duke u instrumentalizuar sistemi medial i transportimit të lajmeve të seleksionuara…!

"Brymosja" e opininit me ndihmë të mediave

Politika trajtohet si objektive, vecanërisht, kur ajo pasqyrohet në formën e medializuar. Mediat nuk janë vetëm ndërmjetësuese, por dhe një faktor i "pavarur" i formësimit dhe/apo ndërtimit të opinionit. Në vend të transportimit të politkës reale imponohet paraqitja mediale, e cila kryesisht do të vendoset prej mediave specifike, të cilat janë nën regjim të tipit "ala taliban"! Përpos tjerash, televizioni ynë, aktualisht, është megakomercializuar, ku edhe lansimi i informacioneve i nënshtrohet këtij diktati perfitues…

Varësia mediale dhe instrumentalizimi i politkës

Politikanët dhe "qeveritarët" janë të mirëinformuar, se PARTIA dhe institucionet politke janë në një raport varësie nga mediat. Ata shpejtojnë të "instalojnë" aty gazetarë e gazetare partiake e ideologjike… Mediat, sipas kokave të ”politikanëve” shqiptar, duhet të aktivizohen e të ndërmarrin një mori hapash e fushatash për ndërmjetësim dhe për mbrojtje të mekanizmave partiake dhe njërëzve të partisë. Jo rrallë, vie deri tek tejkalimi i kufirit të "vjedhjes" së fuqisë nga mediat, apriori, duke fuqizuar pseudopolitikanët dhe duke ligështuar e pamundësuar zbatimin e një sistemi të shëndoshë e demokratik e politik kombëtar. Kjo teori në shkencat e komunikacionit njifet si teori e varësisë (dependencës), teori, që sic duket, në kulmet politike shqiptare ka gjetur klimë të përshtatshme për përparim e zhvillim!

Teoria tjetër që është duke u profilizuar është ajo e instrumentalizimit: varësia e mediave nga politka partiake; sistemi politik administrativ kombëtar e ndërkombetar, tenton që dobësitë, të metat dhe deficitin politikk, ekonomik e demokratik ta kompensojë dhe falsifikojë nëpërmes kontrollit të fuqizuar të mediave, duke u kujdesur që temat dhe problemet që do të kamxhikosen, të jenë të siguruara, "të përshtatshme" dhe jo të nxehta" (P.sh. të mos bëhet shumë zhurmë rreth asaj, se sa mijëra Euro "fiton" drejtori gjen. i RTK-së, "të mos cojnë pluhur" rreth pensioneve, kufirit të Kosovës, papunësisë, krimit të organizuar politik e ekonomik, të mos glorifikohet UCK-ja, e fuqizohet aq shumë TMK-ja, të harrohet 1878-ta, 1912-ta, 1945-sa, 1968-ta, 1981-shi dhe 1999-ta. Lojaliteti ndaj politikës së UNMIK-ut dhe politikës në pushtet është i lakmuar… Pra, kompensimi i dështimeve politike nëpërmes "public relation",… të mediave masive!

Që në fillim të viteve 70-të, hulumtuesit e shkencave të komunikacionit pyesnin: pse disa tema sociale, politike e ekonomike "bien në sy dhe vërehen"… bëhen temë diskutimi në shoqëri, e pse disa jo! McCombs dhe Shaw (1972) thonë: "mediat vetëvendosin se cila temë do jetë temë diskutimi dhe cila do të ketë vëmendshmërin në opinion. Këto vendosin se cilës temë do i japin prioritet e cilës jo!"

Mediat e politikave shqiptare mbledhin dhe seleksionojnë informacionet politike (kryesisht me karakter partiak), dhe duke njohur specifikat mediale të rregullave të provokimit të vëmendjes së opinionit, këto fabrikate i hedhin dhe "i mbjellin" në trurin e opinionit shqiptar.

Në vitet 70-të, për shoqerinë tonë, "minierë e pasur" e informacioneve ishin gazetat ditore dhe radioja. Sot, numri më i madh i shqiptarëve burim-informacioni kanë, kryesisht, televizionin. Megjithatë, pa frikë, mund të thuhet se, "realiteti politik" në Kosove është dhe "duhet" të jetë: "Television reality"! Diskutionet politike në Dardani gjejnë vendin kryesisht si konfrontime në studiot e "pavarura" televizive! Dikur politika "lakmonte të dhunojë" mediat. Ky raport është duke ndryshuar. Prezenca mediale për politikanët është e pashmangshme dhe e domosdoshme. Mediat mund të mendohen të mbijetojnë pa përmbajtje politike, por politikanët pa media, jo! Në të kundërtën, pa prezencën e kënaqshme të mediave, shumë politikanë shqiptarë në Ballkan nuk do ishin sot POLITIKANË por ÇOBANË.