KOHA E DËSHMIVE TË MËDHA

( Disa fjalë rreth librit "Dëshmi kohërash" të autorit Nue Oroshi, botoi, Shtëpia Botuese "Lumbardhi", Prizren, 2003 )

Vitin që lam pas, lexuesi i ynë pati rastin të ketë në bibliotekën e vet edhe një libër publicistik të autorit të ri përnga mosha, por të rryer përnga zanati i të shkruarit. Kështu Nue Oroshi nga Capari i Prizrenit pas dy librave me poezi "Shenjat e Shpiriti", 1996, dhe "Drejt Atdheut" 2000, këto ditë botoi librin më të ri publicistik "Dëshmi kohërash".

Nue Oroshi në ketë libër ka përmbledh shkrimet e tij të publikuara gjatë jetës së vet në letrat shqipe. Dhe, si i tillë ky libër ëahtë një përmbledhje temash, zhanresh e periudhash ndër më interesante të viteve letrare të autorit. Andaj, jo rastësisht edhe z. Oroshi e ka titulluar "Dëshmi kohërash", sepse aty rrahen shumë probleme të një kohë që lam pas, të një kohë mugëtirë: prej atyre historike, politike e pse jo edhe letrare, duke i trajtuar këto kohëra nga mjeshtia e një komentuesi, e analizuesi real.

Historia, gjithmonë e pashtrembëruar brenda së cilës lëvizë edhe çështja kombëtare, në ketë libër publicistik të z.Oroshi, na del e vështruar në kohë dhe hapësirë pa ngjyra të folklorit skematik. Nga kjo del se edhe titulli i librit " Dëshmi kohërash", nuk është i rastësishëm. Sepse, po t´i lexosh shkrimet brenda librit, medomos do gjejmë materiale, këtu dëshmi, të bollshëm për ngjarjet e ndodhura në kohë dhe hapsira të ndryshme. E djeshmja dhe e sotmja, si të tilla, brenda të cilave janë ndriquar ngjarjet, janë ajo dëshmia për të cilën autori N. Oroshi i quan "Dëshmi kohërash", me plotë të drejtë. Aq më tepër kur sot, histografia shqiptare do të përballët me rividimin e shkencës historike, për ta rivlerësuar ate në aspektin material dhe kombëtar.