Numri 14 (24) i revistës letrare shqiptare "ars"

-- nga Irhan Jubica

revista letrare shqiptare
kryeredaktor irhan jubica
shqipëri - kosovë - mali i zi - maqedoni
del të dielën e fundit të çdo muaji
numri i parë doli më 31 mars 2002
blvd. zogu i parë, p. 62, ap. 15, shk. 3, tiranë, shqipëri
tel: +355692132186
[email protected]
www.arsalbania.tk

"ars" edhe në Amerikë

Intervistë ekskluzive me poetin boshnjak Dane Zajc

Revista letrare shqiptare "ars" njofton daljen e numrit 14 (24) të dielën, më 29 shkurt 2004, në Shqipëri, Kosovë e Mal të Zi, si dhe për herë të parë në Amerikë, ku lexuesit do të mund ta marrin brenda pak ditësh.

Revista hapet me ciklin poetik "Trëndafili mes gjinjve të saj" nga Xhevdet Bajraj.

Editoriali me titull "Autoriteti sipërfaqësor i shkrimtarëve" është shkruar nga Irhan Jubica.

Tema e debatit të këtij numri është: "Përgjegjësitë e shkrimtarit si autoritet publik". Në lidhje me këtë temë kanë shkruar ekskluzivisht për revistën letrare shqiptare "ars":

Ilirjana Stringa: "Nga dashuria për shkrimtarët e paangazhuar"
Arjan Leka: "Veprat shqiptare të sirtarëve nuk i njeh kush, sepse ata nuk u shkruan kurrë"
Luan Topçiu: "Shkrimtarët duhet t'i mësojnë njerëzit të mendojnë"
Blendi Kraja: "Shkrimtari pa autoritet është hije e pluhur"
Xhevdet Bajraj: "Ballkani është plot me "shkrimtarë" me duar të përgjakura"
Faruk Myrtaj: "Kush mohon do të mohohet"

Po në kuadër të debatit, studiuesi dhe përkthyesi i njohur Ardian Marashi në rubrikën e tij "seriozISHt" boton: "Udhëheqësi në letërsi: Bolivari, Skënderbeu, Enver Hoxha".

Dy faqe i janë kushtuar intervistës ekskluzive dhe krijimtarisë që poeti boshnjak Dane Zajc dha për bashkëpunëtorin e "ars"-in në Tuz të Malit të Zi, përkthyesin e njohur Nikollë Berishaj.

Ndër rubrikat e përhershme, veçojmë:
"Arbërisht" nga Mario Bellizzi: "Më mirë kurvë në udhëkryq, apo zonjë në korridor"
"Qiell i përtejmë" nga Jozef Radi: Intervistë me poetin Mustafë Xhemaili: "Antologjitë nuk të bëjnë të pavdekshëm"
"Poezi gjermane" nga Ferdinand Laholli: Cikël poetik nga Bertholt Brecht
"HLB në shqip" nga Astrit Cani: Eseja "Lulja e Coleridge"-it nga Horhe Luis Borges
"Teatri" nga Jeton Neziraj: "Teatri dhe arsyeja" nga Manfred Jahnke dhe "Fëmijët kanë nevojë për teatrin" nga Wolfgan Schneider.

Që nga ky numër, "ars" nis botimin e pjesëve të zgjedhura poezi, prozë, ese, fragmente romanesh - nga letërsia ruse nën kujdesin e përkthyesit Arben Marku. Kjo krijimtari, e përfshirë në rubrikën "letërsi ruse", sikurse dhe rubrika tjetër "poezi gjermane", do të botohet dygjuhëshe: rusisht dhe shqip. Me këtë rast, këtë numër të parë botohet një cikël i zgjedhur poetik nga Boris Pasternak.

Letërsia shqipe këtë numër prezantohet me: Xhevdet Bajraj, Gilmana Bushati, Mustafë Xhemaili, Laura Shimili, Myslim Pasha, Muharrem Muslika, Ardianë Pajaziti, Sibel Halimi, Ardiana Kabashi, Fatos Rushiti, Rustem Geci e Margarita Grainca, ndërsa letërsia e huaj me: Dane Zajc, Bertholt Brecht, Luis Sepulveda, Ingeborg Bachmann, James Thurber, Boris Pasternak e Domenico Parlamenti, të shqipëruar përkatësisht nga Nikollë Berishaj, Ferdinand Laholli, Gilmana Bushati, Lindita Komani, Gazmend Bërlajolli, Arben Marku e Miranda Haxhia.

Shtojca e përhershme "arsplus" i kushtohet poetes, eseistes dhe prozatores austriake Ingeborg Bachmann dhe është përzgjedhur, përgatitur dhe përkthyer nga Lindita Komani.

Një tjetër shtojcë nis këtë numër të "ars"-it: Kushtuar krijuesve të rinj të shkollave të mesme në Shqipëri, Kosovë e Mal të Zi, shtojca prej 4 faqesh "mars" tenton të organizojë talentet e reja në letërsi jo vetëm nëpërmjet botimit të rastësishëm të dy-tre poezive, por më së shumti nëpërmjet formimit të mendimit eseistik të këtyre krijuesve prej të cilëve do të dalin shkrimtarët e ardhshëm. Në numrin e parë të kësaj shtojce botohen krijimet e 12 të rinjve nga gjimnaze të ndryshme, kryesiht nga Shqipëria dhe Kosova.

Ndër materialet e tjera të këtij numri, veçojmë:
"Teknologjitë mohuese të vlerave" një mbishkrim nga Mark Simoni mbi antologjinë eseistike të botuar nga "ars" "Letërisia jashtë kopshteve tanë";
"Vidhet Paulo Coelho" në librarinë "ars" në Prishtinë nga B. Kraja, një kronikë në lidhje me aktin e shëmtuar të para disa ditëve kur u shpërthye dhe u vodh me dhunë të libraria e njohur "ars-buzuku" në Prishtinë. "Vinçens Prennushi, një emër pranë zotit dhe kombit" një kujtesë nga Shpëtim Myshketa në përvjetorin e klerikut patriot.
"Anton Harapi. Vepra" një paraqitje e shkurtër e botimit të kompletit të veprave të Anton Harapit.

irhan jubica
kryeredaktor

___________________
Revistën "ars" mund ta gjeni në të gjitha pikat e shitjes së gazetave dhe në libriaritë kryesore në Shqipëri (me çmim 100 lekë), në Librarinë "Buzuku" dhe pikat e saj në Prishtinë, si dhe në të gjitha pikat "Rilindja" të shpërndarjes së shtypit në Kosovë (me çmim 1 euro) dhe në Mal të Zi (Ulqin), po me të njëjtin çmim. ). Revistën "ars" mund ta merrni që këtë numër edhe në Amerikë. "ars"-in mund ta lexoni edhe në internet në adresën www.arsalbania.tk dhe www.arsalbania.com
Abonimet Europë: 1 vit-45 euro+pp, Amerikë: 70 usd+pp. (Për më shumë vizito: www.arsalbania.com)
Për çdo vërejtje, sugjerime apo bashkëpunime kontaktoni në [email protected] /numri i ardhshëm i ars-it më 28 mars 2004 /