Numri 10 (32) i revistës letrare shqiptare "ars"

-- nga irhan jubica, kryeredaktor

revista letrare shqiptare
kryeredaktor irhan jubica
shqipëri - kosovë - mali i zi - maqedoni
del të dielën e fundit të çdo muaji
numri i parë doli më 31 mars 2002
kutia postare nr. 1526, tiranë, shqipëri
tel: +355692132186
[email protected]
www.arsalbania.tk

njoftim
për daljen e numrit 10 (32) të revistës letrare shqiptare "ars"

ars-i shkon 60 vjet para
revista "ars", që nga ky numër me 60 faqe

Revista letrare shqiptare "ars" njofton daljen e numrit 10 (32) në Shqipëri, Kosovë, Maqedoni e Mal të Zi, ditën e premte më 5 nëntor 2004.

Që nga ky numër, "ars" botohet me 60 faqe, pra me 20 më shumë se më parë, duke u bërë kështu e vetmja revistë letrare shqiptare në Shqipëri, Kosovë e Maqedoni, kaq e gjerë dhe e larmishme. Këtë numër të revistës hapen gjithashtu shumë rubrika të reja nën kujdesin e shkrimtarëve, përkthyesve dhe studiuesve të rinj shqiptarë e të huaj, që shkruajnë ekskluzivisht për "ars"-in, siç është rasti i rubrikës "Italianët", e cila realizohet nga poeti i ri italian Martino Baldi. Në numrat e ardhshëm, në "ars" do të mblidhen të tjerë autorë shqiptarë e të huaj, ndërmjet të cilëve edhe shkrimtari i njohur izraelit Elisha Porat, që do të shkruajë ekskluzivisht për revistën letrare shqiptare.

Revista hapet me një dossier të plotë kushtuar themeluesit të teorisë se dekonstruksionit, Jacques Derrida, të përgatitur nga Blendi Kraja.

Editoriali me titull "Ars shkon 60 vjet para" është nënshkruar nga redaksia.

Debati i numrit është zhvilluar rreth temës "Letërsia dhe interneti". Rreth kësaj teme kanë shkruar posaçërisht për revistën letrare shqiptare, autorët:
Jozef Radi: "Kohët moderne kanë vra shumë profesione të hershme",
Algert Siqeca: "Asnjë libër nuk shita nëpërmjet internetit",
Anthony Weir (Irlandë): "E konsideroj veten nji Shkrimtar Interneti",
Gëzim Hajdari: "Interneti, një atentat i organizuar kundër letërsisë".

Në rubrikën "Kushtim" të këtij numri botohet poezia "Me ty ngjitemi, Parti" nga Anton Papleka: "Na mungonte edhe buka edhe ëndrra / Dhe ishim të uritur për të dyja / Por ti asnjëherë s'na fole për parajsën / Veç na the se jeta do të bëhej më e mirë / Nga pëllëmbët tona të vëllazëruara / Nga djersa dhe shqetësimi i përditshëm."

"ars" vazhdon me hulumtimin e arkivit të gazetës "Drita" të vitit 1979, ku botohen shkrime, fragmente e poezi nga autorë të ndryshëm, si Dritëro Agolli, Faslli Haliti, Pano Çuka, Gjovalin Shkurtaj, Xhevat Lloshi, Ismail Kadare, Fatos Kongoli, Jorgji Doksani, Visar Zhiti, Ruzhdi Pulaha, Abdyl Latif Arnaut, Agim Gjakova, Floresha Haxhiaj, Sulejman Mato, Koço Bihiku, Ndoc Gjetja, Androkli Kostallari, Muzafer Xhaxhiu, Alfred Uçi, Llazar Siliqi, Ibrahim Gani, Pandeli Koçi, Faik Deda etj. Këto shkrime janë përmbledhur në titullin "Partia dhe shoku Enver na mësuan t'i lindim fëmijët dhe t'i lidhim këpucët" nga krijimtaria e njërit prej autorëve të mësipërm.

Rubrikat e përhershme të "ars"-it, që duke filluar nga ky numër janë dyfishuar, paraqesin:
o "premisa" nga Katerina Xukaro: "Vinçenx Ferrari, nëpër rrugë më të reja"
o "qiell i përtejmë" nga Jozef Radi: Poezi nga Giovanni Raboni: "Eh, prej sa gënjeshtrash na çliron vdekja e një miku"
o "kohësi" nga Blendi Kraja: "Privatizimi i Panairit të Tiranës dhe mrekullina të tjera.
o "italianët" nga Martino Baldi: "Poezinë po e mbajnë gjallë botuesit e vegjël", si dhe një paraqitje e poezive të autorëve të rinj italianë Stefano Massari dhe Davide Brulo.
o "poezi gjermane" përkthyer nga Ferdinand Laholli: Poezi nga Christine Gradl (shoqëruar me origjinalin gjermanisht).
o "poezi n'anglisht" përkthyer nga Blendi Kraja: Poezi nga Emily Dickinson (shoqëruar me origjinalin në anglisht).
o "hispanoportugalisht" nga Ardian Muhaj: Poezi nga autorë të njohur portugezë të shekullit XX: Jorge de Sena, Miguel Torca, Jose Regio, Jose Gomes Ferreira, Florbela Espanca, Teixiera de Pascoaes, Sophia de Mello Breyner Andersen, Carlos de Oliveira, Natalia Correia,Antonio Ramos Rosa, Ruy Bello dhe Fernando Pessoa.
o "zgjedhje" nga Gilmana Bushati: "Nji si Erika mundet me ardhë vetëm nji herë", fragment nga romani "Mësuesja e pianos" i nobelistes austriake Elfriede Jelinek.
o "romani" nga Gazmend Krasniqi: "Eldorado", kapitujt e parë të romanit me të njëjtin titull, i cili do të botohet me vijime në numrat pasardhës. "ars" nis kështu botimin e romaneve në dorëshkrim të autorëve shqiptarë, duke ftuar njëkohësisht autorët të sjellin për botim me vijime, veprat e tyre të pabotuara në prozë.
o "romani" nga Gabriel Garcia Marquez: "Rrno për me tregue", dy kapitujt e parë të romanit me të njëjtin titull të nobelistit kolumbian. Në numrin e ardhshëm të revistës do të botohet kapitulli i parë i njërit prej romaneve më të vlerësuara të momentit në Amerikë.
o "përjetësi" një artikull për përkthyesin Pashko Gjeçi.
o "tradita" një vështrim kritik i Anton Harapit mbi librin "Tregtar flamujsh" të Ernest Koliqit, titulluar "Harti letrar e morali".
o "parathanie" nga Hida Halimi: "Biografia e nji ankthi" një paraqitje për romanin "Makthi" të autorit Beqir Musliu, botuar kohët e fundit në Kosovë.
o "arbërisht" nga Mario Bellizzi: "Adonis, çelësat për qiellin", mbi poetin e shquar sirian Adonis.
o "intervista" nga Vjollca Kopsaj: "Popujt e gjuhëve të vogla janë shumë me fat", një intervistë ekskluzive me autoren italiano-zviceriane Inna Sicchi Abbondanza (shoqëruar me tregimin "Oshi onna" të së njëjtës autore).
o "shqyrtime" nga Genevieve Vaughan "Një kritikë feministe mbi shkëmbimin"
o "shfletime" nga Anila Xhekaliu "N'kërkim të veladonit të zi" fragment nga romani me të njëjtin titull i autorit Rick Moody.
o "mbishkrim" nga Laura Shimili: Vazhdon botimi i librit "Letërsia dhe e Keqja" nga George Bataille me kapitullin mbi veprën e Donatien-Alphonse-Francois dë Sade.
o "teatri" nga Jeton Neziraj: "Teatri të flasë seriozisht me fëmijët". (Përfshirë në shtojcën e herëpashershme "Teatri".
o "intimitete" nga Flora Xhemani: "Letrat e Italo Calvino-s për të dashunën Elsa De Giorgi", të cilat botohen për herë të parë në shqip.
o "miti dhe letërsia" nga Brikena Smajli: "Druidët, priftërinj-magjistarë të keltëve".
o "profil" një paraqitje e autorit më të lexuar të momentit në shumë vende të botës: "Dan Brown, bestseller absolut me deshifrimin e kodeve t'mistershme".
o "libri - ma t'shitunit" për herë të parë një revistë letrare shqiptare bën një pasqyrë e librave më të shitur në libraritë e Shqipërisë, Kosovës, Italisë, Francës, Italisë, Anglisë dhe Amerikës, gjeografi e cila do të zgjerohet numrin e ardhshëm.
o "trajtime" një ese nga George Orwell, titulluar: "Poezia pa lidhje".
o "çmimi" nga Sara Lioll: "Booker Prize, sa shumë kanë ndryshue kohnat…".

Shtojca e përhershme "arsplus" i kushtohet autorit francez Jacques Derrida.

Këtë numër të "ars"-it botohet edhe shtojca e dytë prej katër faqesh, "Teatri", në të cilën botohet eseja e gjatë "Çka duhet të shikojnë fëmijët" e autorit Matt Buchanan.

Krijimtaria shqipe këtë numër prezantohet me autorët: Blendi Kraja, Gazmend Krasniqi, Xhahid Bushati, Mejreme Goçi, Mustafa Ferizi, Ardianë Pajaziti-Rasiti, Vinçenx Ferrari dhe Brikenë Cëraja, ndërsa krijimtaria e huaj me autorët: Giovanni Raboni, Adonis, Inna Sicchi Abbondanza, Jacques Derrida, Antonin Artaud, Stefano Massari, Davide Brulo Emily Dickinson, Christine Gradl, Jorge de Sena, Miguel Torca, Jose Regio, Jose Gomes Ferreira, Florbela Espanca, Teixiera de Pascoaes, Sophia de Mello Breyner Andersen, Carlos de Oliveira, Natalia Correia, Antonio Ramos Rosa, Ruy Bello, Elfriede Jelinek, Fernando Pessoa, Heinrich Böll, Gabriel Garcia Marquez, Rick Moody dhe Nicole Cage Florentiny.

Përkthimet e këtij numri janë realizuar nga: Gilmana Bushati, Armend Bërlajolli, Irhan Jubica Laura Shimili, Jozef Radi, Ferdinand Laholli, Xhevat Halili, Selajdin Gashi, Flora Xhemani, Mario Bellizi, Vjollca Kopsaj, Ilir Gjocaj dhe Anila Xhekaliu.

irhan jubica
kryeredaktor