Beogradi shprehet i kënaqur me vizitën e Nanos në Prishtinë

MANHATTAN NY: Në metropolin e botës, kryeqëndrën botërore New York, vizita e Fatos Nanos në Kosovë, nuk pati ndonjë jehonë, jo vetëm në medien amerikane, por edhe atë ndërkombëtare. Vizita e Nanos në Kosovë arriti vetëm të pasqyrohet sot, në disa prej të përditshmeve të Beogradit, si: Borba (Borba english Daily), Monitor, Ndeljeni Telegraf e Vijesti. Gazeta këto kryesisht me qarkullim të kufizuar në Manhattan, vetëm në pikat qëndrore, të njohura këtu për tregtimin e gazetave nga e gjithë bota.

Gazetat e Beogradit Borba (Borba english Daily), Monitor, Ndeljeni Telegraf e Vijesti, me anë të disa shkrimeve të tyre, tregojnë se kësaj rradhe Beogradi, duket se nuk i është trembur fare vizitës së Nanos, në Kosovë dhe nuk ka treguar madje, ndonjë shqetësim, ose të ngrejë ndonjë pretendim qeveritar, për ta konsideruar atë si vizitë zyrtare dhe përzierje në punët e Serbisë, si heret e tjera. Në të gjitha këto të përditëshme beogradase, bie në sy, se vizita e Nanos në Kosovë, po trajtohet më teper si "Një vizitë që u përket vetë shqiptarëve, "ku sillen argumente se kjo vizitë ishte e rëndësishme për më tepër në planin personal të Fatos Nanos, se sa në atë të një qeveritari të lartë me ndikime në Kosovë e Shqipëri, e ndoshta në Serbi. Kjo vizitë, shkruajnë këto gazeta, u bë në një kohë kur Fatos Nano, po kalon një nga momentet më të vështira të tijat politike, në vendin e vet. Në Kosovë, ai, shfrytëzoi mirë rastin që me anë të takimeve pro Nano dhe propogandës së disa mediave atje, për t'u bërë "hero" i luftës çlirimtare në Kosovë, si strumbullar i UÇK-ës, për të ndryshuar kështu sado pak imazhin e rrënuar keq tek shqiptarët, që ka sot Fatos Nano. Ai të gjitha këto i ka krijuar pas akuzave të shqiptarve më parë, pas takimit me Millosheviqin, dhe dekleratat e tij në Lisbonë, Trisete e Kras Montana. Nga pikpamja shtetërore kjo vizitë nuk qe aq e rëndësishme sa u përshkua nga Tirana, pasi nuk pati projekte ekonomike, as strategji të frymëzuara prej tij për afrimin e Shqipërisë me Kosovën.

Madje më konkretisht, gazetat e Beogradit, duke shkruar për takimet e Fatos Nanos me udheheqësit më të lartë të Kosovës, për t'a prezantuar para opinionit serb këtë vizitë si çështje të shqiptarve ndërmjet tyre, kanë nënvizuar takimin me presidentin e Kosoves, Ibrahim Rugova, dhe thënien e Nanos se "Njohja e pavarësisë së Kosovës nuk është edhe aq formale".

Gazetat shkruajnë më tej se "Përderisa presidenti i Kosovës Dr. Ibrahim Rugova i ka kërkuar Fatos Nanos, që Shqipëria të përkrahë njohjen formale të pavarësisë së Kosovës, pasi që parlamenti shqiptar më parë, e pat bërë njohjen zyratare të Republikës së Kosovës, kryeministri Nano është përgjigjur se njohja e pavarësisë nuk është një gjë edhe aq formale".

Kjo vizitë sipas gazetave të Beogradit,(Borba (Borba english Daily), Monitor, Ndeljeni Telegraf e Vijesti) nuk shihet fare nga Qeveria serbe si ajo më parë në Kosovë, kur Prishtinën e pati vizituar edhe Pandeli Majko, atëherë kryeministër i Shqipërisë, megjithëse ajo qe vizita e tij krejt private. Ose si pretendimet ndërkombëtare që ngriti qeveria serbe në organizamat ndërkombëtare, me disa prej nga personalitetet e rëndësishme shqiptare, që deri më tani kanë vizituar Kosovën. Siç kanë qenë vizitat e disa ministrave, parlamentarve dhe zyrtarve të tjerë, duke përfshirë edhe ish-ministrin e jashtëm Ilir Meta, ish presidentin Mejdani dhe Naltmadhërinë e tij, Mbretin e gjithë shqiptarve. Leka Zogu i Parë.