Poetët shqiptarë në Amerikë ngrejnë lart vlerat e poezisë shqipe

-- nga Beqir SINA, Nju Jork (SHBA) Dita botërore e librit dhe të drejtës autoriale - 23 Prilli, në Nju Jork, u shënua me takimin poetik, me poetin nga Shqiperia, Dhimitër Pojanaku

Prifti: Pojanaku, "pjellë" e një qyteti me tradita në kulturë të artë, trashëgimi e një tradite, një pasurimi të taditave të mëtejshme, të qytetit të Pogradecit"

Ganse Voord - Manhattan NY: Në "qender" të qytetit Nju Jorkut, në lokalin "Macelleria" në Mahattan NY, lokalin e mikut të njohur, të poetëve e të artistëve dhe shkrimtarëve, në Amerikë, patriotit Sejdi Bytyci, SH.SH.SH.A-ja, organizoi një drekë të titulluar poetike, për nder të poetit pogradecar Dhimiter Pojanaku. Poeti, Pojanaku, ndodhet, për një vizitë private, në Shtete e Bashkuara të Amerikës. Shoqata e Shkrimtarve Shqiptaro Amerikanë (SH.SH.SH.A), takimin me poetin Pojanaku, e zhvilloi në kuadrin veprimtarive, që kishte organizuar për këtë ditë, pikërisht në këtë qytet me disa nga përfaqësuesit e dalluar të poezisë e letrave shqipe, miq e dashamirës të poezisë në mërgim: Tomë Paloka, Tomë Mrijaj, Klajd Kapinova, Gjeto Turmalaj, Naum Prifti, Ramiz Gjini, Ilir Spata, Ylli Dosku, Tahir Hysa, Xhevat Limani, Sejdi Bytyçi, Robi Kodheli, Justina Aliaj, Mëhill Velaj e Dalip Greca. Ky ishte edhe një rast i mirë për poetin tonë, Dhimitër Pojanaku, i cili jeton dhe vepron në Pogradec, për t'u takuar me shumë kolegë, disa prej të cilëve, ai i njihte dhe kishte ruajtur lidhjet e vjetra, qysh në Shqipëri, si me artisten e këngëtaren njohur z. Justina Aliaj.

Ndoshta, për të "thyer" kuriozitetin, duhej theksuar se takimi i shkrimtarve e poetëve shqiptaro-amerikanë, me poetin progadecar Pojanaku, në Manhattan - Nju Jork, u zhvillua për nga datimi - kalendari, me një koincidencë të shkëlqyer, që i përket kësaj dite. Takimi, si për çudin e të gjithëve, megjithse nuk u nënvizua, përkoi me rastin e Ditës botërore të librit dhe të drejtës autoriale - 23 Prillin. Si dhe me përkujtimin gjenial të dy gjënive të letrave botërore, që po në këtë ditë, në vitin 1616, kanë vdekur ata dy korife të literaturës botërore - Uiljam Shekspir dhe Miguel de Servantes.

Mirëpo, është për të ditur se kjo datë u caktua nga UNESKO, që ditën 23 prilli të çdo viti, të njihet në të gjithë botën si Ditë botërore e librit dhe të drejtës autoriale e filluar, në vitin 1995. Dita botërore e librit, sipas tyre, u caktua për të nxitur njerëzit, veçanërisht të rinjtë, të inicohen pas botimit të librave dhe të mbrohet pronësia intelektuale përmes të drejtave autoriale. Ajo është e inspiruar nga tradita e katalotonit, sipas të cilit secili person që më 23 prill do të blente një libër, fitonte edhe një trëndafil.

Takimin me poetet e shkrimtarët shqiptaro-amerikanë, takimin e titulluar "Dreka Poetike shqiptare në New York", me poetin nga Shqipëria, Dhimitër Pojanaku, e çeli kryetari i shoqatës, shkrimtari Ramiz Gjini. Z. Gjini, në fillim vlerësoi poezinë e poetit, duke i uruar atij njëkohësisht, e nxitur që ai të bëjë edhe më shumë se ç'ka bërë deri tani. Natyrisht, tha zoti Gjini, edhe me ndihmën e Zotit. Kështu, tha z. Gjini, një prezantim i shkurtër, mendoj unë, se do të ishte me vend dhe do të plotësonte sado pak me këtë rast edhe figurën e këtij poeti, që të gjithë ta njohëm edhe më shumë poetin, e mirëseardhur midis nesh, Dhimitër Pojanakun. Poeti, Dhimitër Pojanaku, u tha pjesmarrësve kryetari i shoqatës së shkrimtarve shqiptaro-amerikanë z. Ramiz Gjini, ka botuar këto vëllime poetike dhe ka marrë këto çmime:

"Shiu lexon trishtimin tim", 1991
"Mëngjes dhe pak natë", 1993
"Xhindet kërcejnë polka", 1999
"Shtëpia ime rrotullon qiellin", 2000, Bukuresht, (në gjuhën rumune).
"Gurët zbardhin natën", 2002.

Ndërkohë që janë prezantuar cikle në italisht, frëngjisht dhe greqisht.

Poeti Dhimitër Pojanaku është fitues i shumë çmimeve në shkallë vendi, por dhe jashtë kufijve të Shqipërisë: Disa nga çmimet që ka fituar janë:

Çmime ndërkombëtare poetike, në Itali, vitet 1996, 2002.
Çmim ndërkombëtar në Francë l997, 2002
Çmimi "Penda e Argjendtë", Shqipëri 2003,

Folën e vlersuan duke recituar edhe disa poezi të tij.

Ndërsa, pas fjalës hapëse për poezinë e poetit Dhimitër Pojanakut, më pasë foli mikesha e tij, artistja Justina Aliaj. Në këtë aktivitet të bukur poetik, në Nju Jork, aktorja e njohur Justina Aliaj, pati rastin të recitojë disa herë vargje të zgjedhura të këtij poeti të njohur, të shoqëruar ato me një tingull klasik, në violinçel nga i biri i saj, violincisti i talentuar Robi Kodheli. Ajo, duke përfituar nga rasti foli me konsideratë të madhe për poetin, si mik dhe si poetë i madh. "Me poetë të tillë, tha Aliaj, ne sot, të gjithë, po ngrejmë lart vlerat shqiptare të poezisë, sepse është në të mirën tonë - në të mirën e kombit tonë."

Në pasditen poetike shqiptare, me poetin Pojanaku, në Manhattan NY, foli edhe gazetari Dalip Greca. Greca, vijoj duke thënë se: "Këtë takim e kanë organizuar anëtarët e Shoqatës së Shkrimtarëve Shqiptaro-Amerikanë, në drejtimin e artistes së njohur Justina Aliaj. Takimin poetik, për nder të poetit Dhimiter Pojanaku", Greca tha se "e konceptonte mbi të gjitha si një takim shokësh e miqsh të letrave shqipe në mërgim, i cili sipas tij, tregon e shpreh njëkohësisht, respektin dhe dashurinë miqësore, që karakterizon krijuesit mes njeri-tjetrit kudo që janë ata. Pojanakun, tha Greca, e njoha në distancë, e njoha nëpërmjet poezisë së tij, e cila, dallohet nga figura e larmishme dhe është si një kompozim i një "kompozitori" të madh, që çdo gjë e shpreh, jo në nota muzikore, por në vargjet e bukura e të thurura me kujdes. Poezia e Pojanakut, është e thjeshtë e shkurtër e kuptuar, ajo është një metaforë mbi të gjitha ", u shpreh z. Greca.

Shkrimtari i njohur Naum Prifti, ceku në fjalën e tij se takime të tilla artistësh, poetësh, shkrimtarësh në mërgim, janë të çmuara. Ai iu lut shoqatës, që takime të tilla të jenë edhe më të shpeshta me promovime disa herë në vit, në këtë qytete të madh. Poetin Pojanaku, Prifti e plasoi si "pjellë" e një qyteti me tradita, në kulturë të artë. Duke na sjellë si shembull poetin magjik Lasgush Poradecin. "Pojanaku, në këtë trashgimëni është një traditë, një pasurim i traditave të mëtejshme, të qytetit të Pogradecit" përfundoi fjalën, shkrimtari i njohur Naum Prifti. Regjizori, artisti i artit skenik, dramaturgu Xhevat Limani, falenderoi bujarinë dhe shpritin artistik të pronarit të lokalit zotit Sejdi Bytyçi dhe në mënyrë veçantë, falenderoi poetin Dhimitër Pojanaku, të cilin, e njihte me kujtime me heret. "E kamë njohur Pojanakun, tha Limani, qysh athere kur njoha poezinë e tij."

Lasgush Poradeci, për Limanin, është Ylli më i ndritur në etalonin e poezisë shqipe, që shkëlqen vazhdimisht. "Ndërsa, poezia e poetitit Dhimitër Pojanakut, ka më tepër ngjyrime emocionale, ka një strukturë të veçantë anatomike, mes shpirtit, zemres dhe trupit. Ajo, ka diçka të veçantë midis qiellit dhe tokës, ka diçka të veçantë mes Zoti dhe vetvetes. Ka diçka mes antitezës dhe figurës mbretërore që e promovon poetin, në piedestalin e shijes dhe të vlersimit më të lartë," u shpreh në mënyrë poetike, regjizori, artisti i artit skenik, dramaturgu Xhevat Limani.

Poeti Tahir Hysa, që "di" të flasë vetem në poezi, zgjodhi fjalën e tij vargje të thurura enkas për këtë takim: "Për zotëri Sejdin kamë një falenderim / Që përherë na bënë nderim/ Sejdia për këtë ka marrë një çmim, / Që sa herë do të mbetet në jetë të jetëve / Për të dhe ne është një nderim / Që është çmuar miku i poetëve. Ja dhe kënaqësia tjetër / Që ma shtoi lulmturinë/ Poet të rinjë e poetë të vjeter/ Jemi mbledhur në një tavolinë".