RRËNJËT I KEMI PËRTEJ ATLANTIKUT

Charlotte - North Carolina: Dje, në Charlotte - North Carolina (Sharlote - Karolina e Veriut), bashkësia shqiptare zhvilloi takimin vëllazëror në përkujtim të 71-vjetorit të vdekjës së patriotit të shquar shqiptar, Hasan Prishtina. Edhe ky takim i quajtur vëllazëror, është konceptuar si vazhdim i takimeve dhe jëtës dinamike të komunitetit shqiptarë në Amerikë. I cili, për nga organizimi dhe natyra e këtyre takimeve, nuk dallon fare me takimet e mëparshëm të këtij komuniteti, kryesisht i përbërë nga ish të shpërngulur gjatë luftës në Kosovë, bashkëkombasit tanë nga Presheva, Bujanovci, Medvegja dhe Kosova, Shqipëria, Mali i Zi e FYROM-i.

Në këto takime pos temës qëndrore, larmia e tyre është mjaft e madhe dhe interesimi sa vjen e shtohet. Temë kryesore e këtyre takimeve; mbetet nga-hera, tradita, historia, kultura e arti, gjuha e bukur shqipe. Në mesin e pjesmarrësve, u gjend edhe gazetari i njohur nga Kosova, Fadil Demaku, i cili i dërgoj gazetës lokale "Shkodra" në SHBA-s, raportin gazetaresk lidhur me këtë takim të quajtur "Takim vëllazëror në 71-vjetorin e vdekjës së patriotit të shquar shqiptar, Hasan Prishtina"

Kështu sipas këtij raporti mësojmë se; Komunitetet shqiptare të Xhorxhisë, Karolinës së Veriut dhe Virgjinisë, organizuan një tubim të përbashkët vëllazëror në përvjetorin e vrasjës së patriotit, intelektualit dhe diplomatit të shquar shqiptar, Hasan Prishtina. Takimet e tilla vëllazërore kanë një qëllim; kultivimin e traditave tona kombëtare, të cilat i sollëm me vete, duke kapërcyer Atlantikun, theksuan në përshendetjen që u drejtuan të qindra pjesëmarrësve kryesuesit e këtyre komuniteteve: Qerim Gruda, Bahri Ramadani dhe vet gazetari Fadil Demaku.

Sipas Demakut, - Hasan Prishtina i takon një plejade të shquar patriotësh kombëtar, të cilët vullnetin dhe kërkesat e kombit i shprehen fuqishëm me pushkë dhe pendë, madje edhe nëpër forumet më të larta ndërkombëtare, duke u dhënë grusht të rënd barbarizmave sllave mbi trojet tona. Çlirimi i Kosovës dhe bashkimi i saj me vendin mëmë, Shqipërinë ishte synim i Hasan Prishtinës, Isë Boletinit, Shotë dhe Azem Galicës, theksoi Dr.Andrea Shundi, në fjalën e rastit mbi veprën e pavdekshme të Hasan Prishtinës.

Takimi pastaj, tha ai do të vazhdonte me një program modest kulturor të përgatitur me këtë rast, me këngë e valle shqiptare dhe recitime. Përshtypje të veçantë bëri recitimi i Blerina Demakut "Shqiptar e shkuar shqiptarit", pastaj Shqipe Bunjaku dhe vargjet "Lokja". Grupi folklorik nga Xhorxhia do të dëshmoi se këta djelmosha kultivojnë traditën tonë të shkëlqyer të folklorit muzikor dhe për orë të tëra do të kënaqin të pranishmit. Pastaj në skenë do të dalin edhe krijueset Zehra Bajgora dhe Hanife Pacolli, me krijimet e tyre poetike, si dhe Fejzë Bakalli me vargjet e një poeti amerikan në anglisht "My Kosova", që ishin një freskim i këtij programi kulturor.