New York: Për një Shqipëri të Bashkuar të Lirë e Demokratike

-- nga Beqir SINA, Nju Jork (SHBA)

Manhattan NY: Teza kryesore e mesazhit të perherëshëm, të demostratave anti komuniste në Amerikë, zhvilluar nga nacionalistët, patriotët e demokratët shqiptaro - amerikan, kanë qënë disa nga shtyllat e çështjes kombëtare ; Kosova, shqiptarët në trojet etnike, çështja Çame, rrëzimi i Qeverisë së Tiranës. Mesazhi i tyre u është drejtuar ngahera Qeverisë amerikane, kongresit, senatit dhe popullit të SHBA-vë, në përpjekje titanike për të ndihmuar në të gjitha aspektet çështjen shqiptare në Ballkan, dhe, njëra nga shtyllat kryesore ka qënë demokratizimi i Shqipërisë. Në këtë aspekt roli historik i nacionalistëve, patriotëve dhe demokratëve shqiptarë në SHBA-ës, qëndron, pikërisht në luftën kundër Qeverisë komuniste të Tiranës, kuslingve dhe mafies politike.

Kriza e Kosovës, ngjarjet e njëpasnjëshme në trojet etnike, lufta kundra terrorizmit ndërkombëtar, u bënë një provë e mirë dhe nga më seriozet për të verifikuar se sa është i qëndrueshëm mendimi se nacionalistët, patriotët e demokratët shqiptaro - amerikan, janë shtylla kryesore e çështjes kombëtare . Për arsye se në shumë raste gjatë kësaj kohe, në sajë të rolit të tyre ata treguan elasticitet duke u arrit të pengohet gërryerja e detyrave unike e strategjike të nacionalisteve, ptaritotëve e demokratëve. Në të njëjtën kohë ata mblodhën forcat dhe ruajtën në thellb karakteristikat, të cilat e karaterizojnë vetë emrin e diasporës për të përligjur arsyen përse u larguan nga Shqipëria....!?! Këtë pikërishtë kanë dashur të shprehin krerët e organizatave pjesëmarrëse në protestë si : Federata Pan-Shqiptare e Amerikës VATRA, Blloku kombëtar indipendent, Gjenerata e re shqiptare, Partia Bashkimi Demokrat Shqiptar, Partia Lëvizja e Legalitetit dhe Shqiptaro-Amerikanët për Demokraci.

Nano thikë pas shpine Kosovës

Njëzëri shqiptarët të bashkuar në një protestë përpara Misionit shqiptar pranë OKB-së në New York, kanë kërkuar largimin e asaj që ata e quajtën regjimi socialisto komunist i Tiranës apo klika mafioze e Nanos&Co. Mjaft më vrasjeve politike dhe vdekjes së shqiptarëve në Jon apo Adriatik. Një orë e më parë Nano duhet t'u hiqet qafe shqiptarëve si e keqja më e madhe pasi po i mbyt dhe nuk po i le të marrin frymë lirisht shqiptarët.

Kanë qënë shtatë organizata shqiptare të Trishteteshit Nju Jork, Nju Xhersi e Konektikat, nga tëgjitha trojet etnike, Shqipëria, Kosova, Çamëria,Maqedonia, Mali i Zi dhe Kosova Lindore të cilët për më se dy orë nën udhëheqjen e Vatres përfaqësueses më të madhe të diasporës shqiptare, që kanë bërë thirrje për bashkim mbarë kombëtar për të shporrur qeverrinë e Nanos, e cila sipas tyre është konsideruar si fajtorja kryesore për gjëndjen e mjeruar të shqiptarëve. Kryetari i Vatrës, trashgimtari i kolosve të kombit Nolit, Konicës, Pecit ing. Agim Karagjozi, që në fillim të fjalës së tij u shpreh se kurrë kjo shoqatë nuk e ka njohur qeverrinë komuniste të Tiranës, madje e ka konsideruar atë si kriminale dhe një njoll të zezë për shqiptarët si në Shqipëri, Kosovë e gjetke. Ndaj ai me këtë rast bëri thirrje për bashkim të të gjithëve, pa dallim feje, krahine apo ideje që të marrin pjesë dhe të protestojnë kundër gjëndjes së krijuar në Shqipëri. "Kurrë nuk do të kishim dëshirë që të protestonim pranë një Misioni shqiptar në Amerikë, por konstatojmë me keqardhje se edhe ky Mision është pjesë e asaj qeverie",- u shpreh zoti A. Karagjozi.

Dr. Gjon Bucaj, nënkryetar i Vatrës, ka drejtuar me dinjitet këtë protestë dhe falenderuar gjithë pjesëmarresit. Ai propozoi që protesta e shqiptaro-amerikanëve në New York të nisë me një minutë heshtje për gjithë viktimat e klikave sllavo-komuniste që qeverisin shqiptarët, si dhe në veçanti për viktimat më të fundit të tragjedisë së Karaburunit . Në përshëndetjen e tij nënkryetari i tjetër i VATRES, z.Agim Rexhaj, u shpreh se qeveria e sotme e Tiranës është po aq e izoluar sa edhe ajo e Enver Hoxhës dhe Ramiz Alisë me SHBA-s,, pasi kurrë Nano, nuk ka marrë ndonjë ftesë zyrtare nga Administrata Amerikane të vizitojë SHBA-s. "Nano,- tha ai,- ia ka ngulur thikën pas shpine Kosovës. Nano ishte ai që u takua me Milosheviçin dhe tradhëtoi keqazi interesat shqiptare, duke e konsideruar botërisht Beogradin si kryeqytet të shqiptarëve të Kosovës".

Në vijim ai shtroi pyetjen se sa herë Nano ka vizituar Kosovën?! Në mbyllje të fjalës së tij z.Rexha deklaroi se shqiptaro amerikanët, duke pasur paravetes një vend demokratik, si SHBA, nuk mund ta pranojnë një qeveri të korruptuar dhe të lidhur me vrasje politike si ato të Ahmet Krasniqit dhe Azem Hajdarit.

Motra e vëllezër a e meritoni një qeveri të tillë ?!

Me këtë thirrje kreu i shqiptaro amerikanëve për demokraci z.Muhamet Omari kërkoi që të nxisë disi frymën e protestës kundër atij regjimi që vazhdon të vrasë e të grabisë shqiptarët. Gjithashtu në emër të unitetit kombëtar z.Omari kërkoi që me protesta mbarë kombëtare të çlirojmë familjet tona të cilave po u meret fryma nën atë gjëndje të skajshme të mjerimit që ka pllakosur në Shqipëri. Ndërkaq juristi Omari tha se : "Kemi dalë të protestojmë edhe kundër presidentit të Shqipërisë,,- që dekretoi ministra të korruptuar, dekoroi Fehmi Avdiun një ish-gjykatës i tmerrshëm i cili ka dhënë 17 dënime me vdekje dhe 879 vite burg vetëm për motive politike". Gjithashtu, ai i bëri thirrjeTiranës, Shkodrës së martirizuar, Vlorës së Flamurit e të familjeve të mëdha atdhetare e antikomuniste, i bëri thirrje Korçës, Gjirokastrës, Elbasanit,Fierit, Lushnjes, Durresit, Kukesit,Peshkopisë dhe gjithë shqiptarëve intelektualë dhe demokratë të ndërgjegjësohen për rolin që kanë.

Në protestë e mori fjalën edhe kryetari i Partisë Lëvizja e Legalitetit për Trishteteshin z.Hakik Mena i cili u shpreh se për shqiptarët ishte fatkeqësi ardhja e ish-komunistëve në pushtet të cilët që në fillim nisën me vrasjen e Arben Brocit duke treguar se nuk mund të pajtohen me një Shqipëri të lirë dhe demokratike. "Komunisto-mafiozet,-u shpreh z.Mena,-filluan shantazhet dhe presionet me krijimin e organiztës famëkeqe "Hakmarrja për Drejtësi" dhe vrasjen e nacionalistit dhe demokratit të flaktë Kolonel Bujar Kaloshit. Këto presione kulmuan me vrasjen e liderit të demokracisë Azem Hajdarit dhe Ministrit të Mbrojtjes së Kosovës Kolonel Ahmet Krasniqit.

Ata krijuan me anë të grekëve kushtetutën anti shqiptare. Ata sabotuan luftën e Kosovës duke mohuar liderët e vërtetë deri në provokim të luftës civile në Kosovë e Shqipëri". Z.Mena u shpreh se e vetmja zgjidhje për kombin shqiptarë në këto momente të vështira dhe shpëtimi i shqiptarve nga zgjedha komuniste është Mbreti i të gjithë shqiptarve Naltëmadheria e Tij Leka i I. Me parrullat mbretërore "Atdheu mbi të gjitha" dhe Paqe, Vllaznim Bashkim" kreu i legalistëve të Treshteshit, e mbylli përshëndetjen e tij. Aktivisti i shquar i komunitetit zotëri Geri Q. Kokalari tha se :"Ju duhet ta keni mirë parasysh që unë si një shqiptaro amerikan, jam tepër i bindur që flas në emër të një numri mjaft të madh shqiptaro amerikanësh, besoj se Fatos Nano është një i korruptuar që nga koka deri tek këmbët.

Dhe nëse Nano është nga ai lloj "shok armësh" që i duhet SHBA-së si partner, na bie të themi që politika jonë e jashtme është në një gjendje për të ardhur keq. Pozicioni juaj ndaj Nanos duhet të bëhet publik me qëllim që shqiptaro amerikanët të dinë të përgjigjen. Ju duhet që gjithashtu ta kini të qartë se nuk e kam harruar çështjen e akuzave të mia në lidhje me një numër llogarie të Fatos Nanos në "Credit Suisse" dhe e kam përqendruar gjithë vëmendjen për të ushtruar edhe më tej presion me qëllim zbardhjen e kësaj çështjeje. Ju premtoj se do të bëj gjithë ç'është e mundur që kjo gjë të dalë një ditë në dritë të diellit.Një familje demokratësh shkodran, Sydki Diçi dhe Engjellushe Lici, i tha gazetës kombëtare Bota sot se:" Kur do të ngopet Nano me Shkodrën? mos don të hapë edhe digat e Vaut të Dejes e të mbys gjithë Shkodrën!?!"

Për një Shqipëri të Bashkuar të Lirë e Demokratike !!!

Si konkluzion nga kjo demostratë politike paqësore u pa se ajo tregojë se është në vazhdën e protestave që shqiptaro-amerikanët bëjnë për më se gjysësëm shekulli përtejoqeanit, kundra neokomunistëve sot në pushtet dhe vgelave të tyre. Para disa ditësh një organizatë e tjetër e të rinjëve shqiptarë në Amerikë e quajtur "Gjenerata e re shqiptare" ("New Albanian Generation") duke ndjekur rrugën e vatranve (PanFederatës së Shqiptarve të Amerikës - VATRA" ka organizuar një protestë kundër diskriminimit të shqiptarëve në Greqi nga qeveria e racistet greke.