PROKURORIA USHTARAKE MBAN SEKRET MOTIVET

SHKODER - 10.01.2004 - Vrasja e dyfishtë e ndodhur mbrëmjen e dy ditëve më parë në repartin e Melgushit në Shkodër dje është zbardhur nga përfaqësuesit e Prokurorisë Ushtarake. Dy ushtarët Arben Shima dhe Fatbardh Hebovija kanë qenë në një skuadër shërbimi dhe kishin shkëmbyer fjalë edhe disa ditë më parë. Ata kanë marrë shërbimin në orën 20.00 të mbrëmjes së të enjtes. Sipas dëshmive të marra nga ushtarët e tjerë, mësohet se pozicionet e tyre kanë qenë 300 metra larg njëri-tjetrit. Fatbardh Hebovija ka qenë me shërbim truproje i gatshëm, ndërsa Agim Shima në vendroje. Mësohet se rreth orës 21.00 Fatbardh Hebovija është larguar nga vendi i ngjarjes, duke iu afruar Arben Shimës. Ai ka qëlluar 5 herë më armën që mbante mbi Arben Shimën 19 vjeç. Menjëherë më pas ka qëlluar dhe mbi veten. Një plumb në zemër i ka shkaktuar vdekjen e menjëhershme, ndërsa Shima ka vdekur rrugës për në Spital. Mendohet se shkak ka qenë një grindje e mëparshme mes dy viktimave. Rreth orës 22.00 është bërë dhe zëvendësimi i tërë skuadrës ku bënin pjesë dhe viktimat, skuadër që kishte pasur shërbimin. Kjo pasi ngjarja i kishte tronditur, si dhe për t'i pyetur nëse dinin gjë për ndonjë konflikt mes dy të rinjve.

Varrimi
Vetë familjarët e dy viktimave duan të qëndrojnë larg pyetjeve të gazetarëve. Ata janë të tronditur nga humbja e të afërmve të tyre dhe nga fakti se u është dashur të përgatiten për ceremonitë brenda pak orëve. Gjithsesi, ata nuk mund të harrojnë atë çfarë kanë përjetuar mbrëmjen e së enjtes. Disi të revoltuar, tregojnë se si kanë shkuar në Repart për të pyetur dhe për të marrë informacion dhe askush nuk u ka thënë asgjë. Trupat pa jetë të dy të rinjve janë marrë nga morgu i spitalit rreth orës 23.00. Varrrimi i Arben Shimës, ushtarit të vrarë nga Hebovija, është bërë në orën 14.00 në Bushat, pikërisht në fshatin Shkjezë, ndërsa pak kohë më parë ishte varrosur dhe Fatbardh Hebovija në fshatin Belaj të Dajçit.

Heshtja
Një heshtje e plotë për një nga incidentet më të rënda që ka ndodhur në zonën e Shkodrës në një repart ushtarak. Një urdhër i brendshëm detyron të gjithë ushtarët dhe personelin e repartit ushtarak të Melgushës që të mos flasë me askënd për atë çfarë ka ndodhur mbrëmjen e së enjtes. Për të shkuar në repartin ushtarak të Melgushës duhet të bësh rreth 15 minuta me makinë nga qyteti i Shkodrës. Në repartin që dikur ka qenë i njohur si Reparti i Tankeve dhe si një ndër më të mirët në vend kishte rënë një qetësi e plotë. Brenda tij mund të shikoje ndonjë ushtarak, tek-tuk, që futeshin shumë shpejt brenda. Sipas rojeve, për gazetarët është e ndaluar hyrja. Ndërsa brenda derës së hekurt ishte heshtje, e kundërta ishte jashtë saj. Ushtarëve u ishte prerë e drejta për të komunikuar me ata që qëndronin jashtë, por një grup nga Ministria e Mbrojtjes kanë shkuar për të nxjerrë edhe përgjegjësitë e kësaj ngjarjeje tragjike.

Familja Hebovija mbetet pa djalë
Shtëpia e Fatbardh Hebovijës tashmë mbetet pa asnjë djalë. Dy djemtë e saj të vetëm vdesin nga plumbi, nga arma që vetë e shkrepin. Vëllai i Fatbardhit vetëm pak muaj më parë ka vrarë veten aksidentalisht. Në dasmën e një të afërmi të tyre ai ka qëlluar me armë si shenjë gëzimi për martesën, por plumbi ka bërë rikoshet dhe e ka lënë atë të vdekur në vend. Kësaj vdekjeje tragjike në familjen Hebovija i shtohet edhe ajo e djalit tjetër ushtar, i cili para se të vriste veten ka qëlluar edhe mbi shokun e tij të repartit.

Panik mes prindërve të ushtarëve në repart
Prindër të shqetësuar kërkonin të dinin për fëmijët e tyre. Që natën e aksidentit ishte marrë vesh se dy ushtarë ishin vrarë, por emrat nuk diheshin. Pothuajse të gjithë ushtarët e këtij reparti janë nga zonat e Shkodrës. Mungesa e energjisë elektrike në Shkodër ishte shkaku që nuk ishin marrë vesh nga mediat. Kjo ka bërë që me t´u zbardhur dita e nesërme prindër dhe të afërm të ushtarëve të rendin drejt Melgushës. Ata kanë kërkuar që të takojnë fëmijët. Fillimisht atyre u është dashur të presin, por më pas, kur ata kanë ngritur zërin, u është mundësuar takimi me ushtarët. Sidoqoftë, ata shprehin keqardhjen për vdekjen e dy shokëve të djemve të tyre, por nuk ngurrojnë të kërkojnë më tepër përgjegjësi dhe kujdes në vende të tilla.

Tragjedia, ushtari vret shokun dhe... veten

Ngjarje e rende mbremjen e djeshme ne Brigaden e Kombesorise ne Shkoder. Rekruti 19-vjecar Fatbardh Hebovija ka qelluar me automatik shokun e sherbimit Arben Shima duke e lene te vdekur ne vend dhe pas disa minutash, qellon edhe mbi veten. Dyshimi: Grindje ne kushtet e tronditjes spiqike te castit. Alarm ne ministrine e Mbrojtjes, nje ekip shkon ne vendngjarje

Tragjedi me dy te rinj te vdekur ne nje repart ushtarak, fare prane qytetit te Shkodres. Nje ushtar 19-vjecar ka ekzekutuar shokun e armeve dhe me pas eshte vetevrare duke u shtrire i pajete, prane trupit te tij. Ngjarja e rende ka ndodhur mbremjen e djeshme rreth ores 21.00 ne ambjentet e repartin ushtarak te Melgushes te Brigades se Kombesorise qe Shkodres, rreth kater kilometra larg qytetit. Sipas burimeve zyrtare nga ministria e Mbrojtjes, viktimat jane Fatbardh Hebovija, 19 vjec, nga Dajci i rrethit verior i cili nga hetimet paraprake dyshohet se mund te jete edhe ekzekutori i mundshem. Ndersa moshkmoshatari i tij, quhet Arben Shima, nga Bushati i Shkodres.

Burime ne vendin e ngjarjes, treguan per "Korrieri"-n se gjithcka ka nisur ne rrethan teper te zbehta mes dy te rinjve. Ata kane qene qe te dy ushtare te sherbimit te detyrueshem, kane qene te mobilizuar ne marsin e vitit te kaluar dhe brenda ketij viti, pritej qe te liroheshin. Sipas burimeve, Hebovija ne nje moment ende te pasqaruar plotesisht, ka nisur t'i hakerrehet shokut te tij Shima, me amren e sherbimit, nje automatik "Kallashnikov".

"Nuk dihen shkaqet per te cilat Fatbardhi ngriti armen ndaj shokut, por kjo mund te kete ndodhur nga ndonje shperthim i castit, pasi ai mund te kete patur edhe me pare, probleme te kesaj natyre", thane ushtare te tjere te tmerruar, pak minuta pas tragjedise. "Ne degjuam disa te shtena dhe ne cast u afruam qe te shohim se cfare kishte ndodhur. Por nje tjeter krisme, me e mbytur, mbylli cdo shteg shpetimi. Ne pame trupat e dy shokeve tane te shtrire pajete", tregojne ushtaret e Brigades se Kembesorise, ku ndodhi tragjedia.

Raste te tilla, kane ndodhur here pas here ne radhet e ushtrise shqiptare. Dhe kjo eshte nje dukuri qe regjistron viktima me se shumti, ne radhet e ushtrive ne vendet e ish Europes Lindore. Sipas statistikave, nje nder ushtrite me problematike ne kete drejtim eshte ushtria ruse. Psikologet e problemeve ushtarake e lidhin kete me sindromat e problemeve te medha sociale qe kalojne keto vende, te nderthurura edhe me nje lloj krize te disiplines nga ajo e diktatures, drejt asaj te detyres ndaj vendit. Nje problem qe ushtrite e perendimit, duket se e kane amortizuar nepermjet kryerjes se sherbimit me pagese, nga ushtare profesioniste.

Sipas burimit zyrtar, "ne vendngjarje ka mberritur menjehere policia ushtarake dhe ajo e rendit, per te hetuar per zbardhjen e rrethanave dhe motiveve qe cuan tek tragjedia e rende. Sipas hetimeve paraprake, burimi tha se qe nuk kerkoi te identifikohej, "ngjarja ka ndodhur pas nje zenke per motive ende te panjohura per hetuesit ushtarake". PO mbreme, menjehere pas lajmit te rende, nje grup nga ministria e Mbrojtjes, u nis me urgjence ne drejtim te Brigades se Kombesorise se Shkodres.

Kjo tragjedi eshte padyshim ngjarja me e rende qe ka ndodhur ne ditet e para te ketij viti ne radhet e forcave te armatosura ne Shqiperi. Ndersa per ushtrine, kjo pason skandalin seksual ne Bazen Detare te Bishtit te Palles ne Durres, ku disa ushtare jane arrestuar nen akuzen e shfrytezimit seksual te nje adoleshenteje ne ambjentet e reparit. Nje ngjarje qe coi ne pezullimin e perkiohshem te veprimtarise se baze, shkarkimin e shume drejtuesve dhe oficereve te tjere te saj dhe ne kerkesen e ndjeses publike, nga Shefi i Shtabit te Pergjithshem te Ushtrise, Gjeneral brigade Pellumb Qazimi.

Viktimat
1 - Fatbardh Hebovija, nga Dajci
2 - Arben Shima, nga Bushati