Numri 2 (36) i revistës letrare shqiptare "ars

revista letrare shqiptare
kryeredaktor irhan jubica
shqipëri - kosovë - mali i zi - maqedoni
del të dielën e fundit të çdo muaji
numri i parë doli më 31 mars 2002
kutia postare nr. 1526, tiranë, shqipëri
tel: +355692132186
[email protected]
www.arsalbania.tk

3 vjet “ars”
• intervistë ekskluzive me poetin e njohun amerikan robert pinsky
• botohet i plotë projektligji për gjuhën shqipe

Revista letrare shqiptare “ars” njofton daljen e numrit 2 (36) në Shqipni, Kosovë, Maqedoni e Mal të Zi.

Revista hapet me nji shkrim t’autorit Ardian Ndreca me rastin e 60-vjeorit të vrasjes së poetit Lazër Shantoja: “Kur botën mundet me e shelbue vetëm ‘e bukura”, (përfshi në rubrikën “tradita”).

Editoriali me titull “Piratët Lidhjes” asht shkrue nga Blendi Kraja.

Debati i këtij numri asht përqendrue mbi temën “Letërisa dhe jeta”. Për këte qëllim kanë shkrue ekskluzivisht për “ars”-in:
Faruk Myrtaj: “Jetët njerëzore dhe jeta e letërsisë”
Anton Gojçaj: “Aq sa është e mjerë letërsia pa jetë, po aq është e varfër edhe jeta pa letërsi”

Gjithashtu, këte herë botohet edhe ftesa për debatin e numrit të prillit (4, 38), tema e të cilit asht “Letërsia dhe historia”. Për me marrë pjesë në këte debat, autorët munden me e sigurue ftesën tue marrë revistën “ars” ose tu’ aplikue pranë redaksisë për me e pasë këte pyetsor për debat. Ndërkaq, tema e debatit të numrit mbasardhës (mars 3, 37) asht “Antologjia si vepër unike letrare”.

Projektligji i qeverisë shqiptare për gjuhën shqipe, i cili pritet me kalue për miratim n’parlament, botohet i plotë n’faqet e këtij numri, i shoqnuem me nji koment të redaksisë, të titulluem: “Ligji që t’pengon me shkrue gjuhën e nanës”.

Shkrimtarja Hida Halimi ban nji pasqyrë të disa zhvilimeve ma të fundit kulturore të Kosovës, në shkrimin me titull: “Humbësit e gëzuar”.

Nji vëmendje e veçantë i asht kushtue këte numër kritikës letrare:
Blendi Kraja: “Mbi kritikën letrare shqiptare”, vështrim i përgjithshëm. Gilmana Bushati: “Ana vjen me 30 vjet vonesë”, nji opinion mbi romanin e fundit të autores Rudina Xhunga “Sikur Ana…”
Irhan Jubica: “Një dosje për KADARENË’, libri i të vërtetave të mëdhaja”, shënime mbi librin e fundit t’autorit Shaban Sinani.
Blendi Kraja: “Kadare, rivlerësimi i veprës” nji vështrim kritik për librin poetik “Frymëzime djaloshare” t’autorit Ismail Kadare.

“ars” vazhdon me hulumtimin e arkivit të gazetës “Drita”, këte herë me vitin 1983, ku botohen shkrime, fragmente e poezi nga autorët Alfred Uçi, Llazar Siliqi, Adriatik Kallulli, Briseida Mema, Razi Brahimi, Hysni Milloshi, Ismail Kadare, Tefik Çaushi, Xhevahir Spahiu, Rudolf Marku, Shaban Murati, Llambro Ruci, Ndoc Papleka, Agim Vinca, Agim Isaku, Qazim Shema, Feride Papleka, Natasha Lako, Luan Qafëzezi, Jorgo Bulo, Jakup Mato, Besnik Mustafaj, Mexhit Prençi, Lefter Çipa, Dritëro Agolli, Dalan Shapllo, Josif Papagjoni, Moikom Zeqo, Zija Çela, Gjovalin Shkurtaj etj. Këto shkrime, t’cilat n’pjesën e tyne ma të madhe i janë kushtue ideologjisë marksiste, Partisë së Punës e dikatorit, janë përmbledhë në titullin “Veprat e Enver Hoxhës janë enciklopedi për historinë, politikën, ideologjinë, revolucionin...”, marrë nga shkrimi “Forca e mendimit, e fjalës dhe e kulturës publicistike” i autorit Xhevat Lloshi, “Rreth stilit dhe gjuhës të vepërs së shokut Enver Hoxha “Titistët” (Shënime historike)”.

Në rubrikën “Kushtim” të këtij numri botohet e plotë poezia “Funerali” e autorit Moikom Zeqo. Mes tjerash, në këtë poezi, të cilën autori ia ka kushtuar poetit Gjergj Fishta, shkruhet: “…Në atë muzg okupacioni/ky funeral priftërinjsh/shkelte mbi dramat e popullit e dhimbjet,/si trekëmbësh/kryqi i katafalkut të zi/lëkundte litarin e nëmur të Fishtës!”.

Rubrikat e përhershme t’“ars”-it paraqesin:
• “premisa” nga Katerina Xukaro: “Anna Maria Basile, vështrimi i dashuruar pas jetës e vlerave”.
• “hebraisht” nga Elisha Porat: “Leopold Friedmann, njeriu me njiqind talente”.
• “italianët” nga Martino Baldi: “Dy-tri gjana rreth gjyshit tim e dashnisë”.
• “hap n’hap: intervista me shkrimtarë amerikanë” nga Erica Weitzman: Intervistë ekskluzive me poetin Robert Pinsky: ”Çka po ndodh’ s’asht e randësishme për poetin”.
• “poezi gjermane” përkthye nga Ferdinand Laholli: Poezi nga René Oberholzer (shoqnue me origjinalin gjermanisht).
• “hispanoportugalisht” përkthye nga Ardian Muhaj: Poezi nga autorë afrikanë t’folmes portugeze: Jorge Barbosa, Francisco José Tenreiro, Marcelo da Veiga, Maria Manuela Margarido dhe Francisco Conduto de Pina.
• “poezi n’anglisht” përkthye nga Blendi Kraja: Poezi nga Robert Pinsky (shoqnue me origjinalin n’anglisht).
• “Kafka, kontribute kritike” nga Astrit Cani: “Franz Kafka, për dhetëvjetorin e vdekjes” nji ese nga Walter Benjamin.
• “zgjedhje”: “3 vjet ‘ars”, nji pasqyrë e 36 numrave të revistës letrare shqiptare “ars” në trevjetorin e botimit.
• “romani” nga Gazmend Krasniqi: “Eldorado”. Vazhdon botimi i kapitujve të fundit të romanit me të njajtin titull.
• “teatri” nga Jeton Neziraj: “Pse publiku po e braktis teatrin”.
• “shqyrtime” nga Genevieve Vaughan “Nji kritikë feministe mbi shkëmbimin”.
• “shfletime” nga Anila Xhekaliu “Dielli i familjes Scorta” fragment prej romanit me të njajtin titull t’autorit të ri francez Laurent Gaudé.
• “mbishkrim” nga Laura Shimili: Vazhdon botimi i librit “Letërsia dhe e Keqja” nga George Bataille me kapitullin e plotë mbi veprën e Michelet.
• “intervista” nga Jozef Radi: “Kam peng jetën” intervistë me autorin Lek Pervizi.
• “intimitete”: “Arkiv i panjohun i Hemingway-t”
• “teori”: David Macey: “Fjalori i teorisë kritike”.
• “profil”: “Marie Darrieussecq: Jam tridhetegjashtë vjeçe, kam jetën përpara e nji mal me libra në krye”.
• “letërsia dhe miti” nga Brikena Smajli: “Lindja e Cuchulain-it”.
• “libri – ma t’shitunit e shkurtit” për herë të parë nji revistë letrare shqiptare ban pasqyrën e librave ma t’shitun në libraritë e Shqipnisë, Kosovës, Maqedonisë, Italisë, Francës, Spanjës, Anglisë e Amerikës.

Shtojca e përhershme “arsplus” asht ekskluzive dhe i kushtohet eseistit të njohun austriak Karl-Markus Gauß, përgatitë nga Gilman Bakalli. Me këte rast theksojmë se përzgjedhja dhe përkthimi i eseve për këte shtojcë janë ba me pëlqimin e autorit, i cili pritet me e vizitue Shqipninë në vitin 2006.

Krijimtaria shqipe këte numër përfaqsohet me autorët: Lazër Shantoja, Gilmana Bushati, Gazmend Krasniqi, Anna Marie Basile, Tahir Foniqi, si dhe Sabri Kiçmari (përfshi në konkursin “ars-buzuku”; me këte rast ju kujtojmë autorëve që duen me marë pjesë në këte konurs, që tekstet e tyne duhen duhen shoqnue me shënimin “për konkursin ars-buzuku”.)
Krijimtaria e huej përfaqsohet me autorët: Robert Pinsky, James Joyce, Paul Muldoon, Laurent Gaudé, Martino Baldi, Jorge Barbosa, Francisco José Tenreiro, René Oberholzer, Marcelo da Veiga, Maria Manuela Margarido, Petraq Risto dhe Francisco Conduto de Pina.

Përkthimet e këtij numri janë krye nga: Gilman Bakalli, Blendi Kraja, Gilmana Bushati, Kujtim Kraja, Laura Shimili, Irhan Jubica, Ferdinand Laholli, Anila Xhekaliu, Ardian Muhaj, Astrit Cani dhe Trina Gojani.

irhan jubica
kryeredaktor

___________________
Revistën “ars” mundeni m’e gjetë në të gjitha pikat e shitjes së gazetave dhe në libriaritë kryesore në Shqipni (me çmim 300 lekë), në Kosovë (me çmim 3 euro), në Mal të Zi (Ulqin, Tuz) (me çmim 3 euro), në të gjitha pikat e shitjes së shtypit shqiptar në Maqedoni (me çmim 180 denarë). Numri i ardhshëm i ars-it me 27 mars 2005.

Për pajtime në revistën “ars”:
Shqipni 12 muej x 250 lek = 3.000 lek
Kosovë 12 muej x 2.5 Euro = 30 Euro
Maqedoni 12 muej x 2.5 Euro = 30 Euro
Mal i Zi 12 muej x 2.5 Euro = 30 Euro
Mërgatë 12 muej x 7 Euro = 84 Euro

Pagesa duhet ba:
Për Shqipninë - nr. llog. 5002/110 banka kombëtare tregtare, tirana 1
Për Kosovën – ProCredit Bank, Blendi Kraja, nr. llog. 1110180897000104
Për Maqedoninë – nr. llog. 41320235101 banka amerikane e shqipërisë
Për Malin e Zi – nr. llog. 41320235101 banka amerikane e shqipërisë
Për mërgatën – nr. llog. 41320235101 banka amerikane e shqipërisë
“ars” merr përsipër me ja nisë pajtimtarit revistën me postë mbas kryemjes së pagesës dhe me ruejtë faturën përkatëse postare.
“ars” nuk ka n’asnji rast detyrim ndaj pajtimtarit nëse posta e humb zarfin e tij. Në raste të tilla pajtimtarit i japim faturën origjinale të postës që ai me mundë m’u ankue pranë postës përkatëse. Kërkesat për pajtim: te adresa e emailit [email protected].

Pajtimi në librat “ars”
T’interesuemit munden m’u pajtue edhe në librat “ars” me 40% zbritje por tue marrë përsipër shpenzimet e postës.
Kërkesat për pajtim: te adresa e emailit [email protected].

Dhuratë e veçantë Nëse dëshironi m’i pasë koleksionin “ars” të vitit 2004 bashkë me 6 librat “ars”, ne heqim shpenzimet e postës deri në masën që vlefta e pagueme prej pajtimtarit me qenë 50 % e vleftës reale të shitjes të krejt revistave e librave. Kërkesat për pajtim: te adresa e emailit [email protected].

| Prapa |