Numri 4 (38) i revistës letrare shqiptare "ars

revista letrare shqiptare
kryeredaktor irhan jubica
shqipëri - kosovë - mali i zi - maqedoni
del të dielën e fundit të çdo muaji
numri i parë doli më 31 mars 2002
kutia postare nr. 1526, tiranë, shqipëri
tel: +355692132186
[email protected]
www.arsalbania.tk

ulet në 2 euro (200 lekë, 120 den) çmimi i revistës "ars" o nji speciale për gjymtimet dhe shëmtimet e veprës poetike të de radës
o si u hodhën në rrugë 45 libra me autografe që autorët ia kanë dhurue shkrimtarëve të tjerë
o botohet për herë të parë letërkëmbimi i odhise grillos
o ars-in mundeni m e lexue të plotë edhe në shtypi.net

Revista letrare shqiptare "ars" njofton daljen e numrit 4 (38) në Shqipni, Kosovë, Maqedoni e Mal të Zi.

Revista hapet me nji cikël poetik të autorit Zef Skiro di Maxho, përfshi në rubrikën "premisa", kushtue letërsisë bashkohëse arbëreshe. Poezive u prin nji vështrim kritik e prezantues për autorin, shkrue nga Katerina Xukaro.

Editoriali me titull "Déjà vue e LSHK-së - një libër një parti" asht shkrue nga Hida Halimi.

Debati i këtij numri asht përqendrue mbi temën "Letërsia dhe historia". Për këte qëllim kanë shkrue ekskluzivisht për "ars"-in:
Ardian Ndreca: "Historia në letërsi apo letërsia në kohën e tashme!"
Myrvete & Begzad Baliu: "Ikje nga historia"
Ardian Muhaj: "Politika e ka letrarizu historinë shqiptare"
Jeton Neziraj: "Dramaturgjia shqipe dhe historia"

Ndër materialet e tjera në natyrës teorike, kritike dhe eseistike të këtij numri veçojmë:
Flora Xhemani: "Letërsia shqipe dhe çorapet e Anës", për nji paraqitje të letërsisë shqipe në ambasadën shqiptare në Greqi në Ditën Ndërkombtare të Librit.
Mir Dibra: "Letërsi për nji publik moralisht të vramë"
Flora Xhemani: "Edhe e thjeshta mund të na çudisë", shënime për librin me tregime të autores Teuta Dhimarko, botue në kuadër të librave "ars".
Xhahid Bushati: "Duke kujtuar Odhisenë", kujtime dhe letërkëmbimi i shkrimtarit Odhise Grillo.

Konkursi "ars-buzuku" këte numër paraqet:
Ese
Astrit Cani: "Negativiteti identitar"
Mustafa Ferizi: "E shëmtuara në artin e Migjenit"
Prozë
Rasim Selmanaj: "Takimi i parë me Lirimin te Bregorja e rinuar"

Në vazhdën e hulumtimeve të gazetës "Drita", këtë herë botohen fragmente nga krijimtaria e autorëve Gent Arbana, Betim Muço, Tefik Çaushi, Pirro Misha, Dritëro Agolli, Shevqet Musaraj, Bardhyl Londo e Natasha Lako, Andrea Varfi, Dalan Shapllo, Ismail Kadare, Sefedin Çela, Fadil Kraja, Jakup Mato, Diana Çuli, Fluturak Gërmenji, Andon Kuqali etj., gjatë vitit 1984. Këto shkrime, t'cilat n'pjesën e tyne ma të madhe i janë kushtue ideologjisë marksiste, luftës së klasave, Partisë së Punës e dikatorit, janë përmbledhë në titullin "Enver Hoxha, njeri me botë të madhe dhe mendimtar i thellë". Ndërsa në rubrikën "kushtim" ribotohen dy fragmente nga shkrimet e autorit Ismail Kadare botue në gazetën "Drita" të vitit 1984: "Kujt i shërben sot vepra ultrareaksionare e Solzhenicinit" dhe "Art i realizimeve e mundësive të mëdha".

Nji vend i randësishëm i asht lanë në këte numër edhe faksimileve të rreth 15 librave me autografe që autorët ia kanë dhurue shkrimtarëve të tjerë. Përmendim disa autorë, librat e të cilëve janë gjetë në tregun e librave të vjetër, trotuareve të Shqipnisë: Pjetër Arbnori, Luigj Çekaj, Izet Shehu, Dashamir Cacaj, Arjan Leka, Alfred Uçi, Aurora Sulçe, Nehas Sopaj, Mehmet Myftiu etj., ndërsa shkrimtarët të cilëve u janë kushtue autografet e që i kanë hedhë këto libra, janë: Agim Shehu, Bardhyl Londo, Xhevahir Spahiu etj..

Rubrikat e tjera të përhershme paraqesin:
o "hebraisht" nga Elisha Porat: "Pak fjalë për gjuhën poetike".
o "italianët" nga Martino Baldi: "S'numërohen ma antologjitë"
o "hap n'hap: intervista me shkrimtarë amerikanë" nga Erica Weitzman: Intervistë ekskluzive me shkrimtarin Christian Zorka: "Me shkrue, për mue asht si me përdorë mushkninë".
o "tradita" Giuseppe Valentini: "Për bashkim gegënishte dhe toskënishte"
o "përse shkruejnë keq femnat" nga Gilmana Bushati: Virginia Woolf: "Gjykatat civile".
o "poezi n'anglisht" përkthye nga Blendi Kraja: Poezi nga Christian Zorka (shoqnue me origjinalin n'anglisht).
o "Kafka, kontribute kritike" nga Astrit Cani: "Franz Kafka, për dhetëvjetorin e vdekjes" pjesa e fundit e nji eseje të Walter Benjamin-it.
o "shfletime" nga Anila Xhekaliu "Ditët e brishta" fragment prej romanit me të njajtin titull t'autorit Philippe Besson.
o "mbishkrim" nga Laura Shimili: Vazhdon botimi i librit "Letërsia dhe e Keqja" nga George Bataille me pjesën përmbyllëse të kapitullit mbi veprën e Emily Brontë-s.
o "letërsia dhe miti" nga Brikena Smajli: "Cuchulain, me pre dorën për me luftue si i barabartë".
o "intimitete": "Trekandëshi hyjnor Cvetaeva-Rilke-Pasternak"
o "shqyrtime" nga Genevieve Vaughan "Nji kritikë feministe mbi shkëmbimin".

Shtojca e përhershme "arsplus" asht përgatitë nga studiuesi i mirënjohun i letërsisë arbëreshe Anton Nikë Berisha dhe i kushtohet veprës poetike të Jeronim De Radës, a ma saktë, gjymtimeve dhe shëmtimeve që i janë ba kësaj vepre në botimet e Shqipnisë. Nëpërmjet shembujsh të shumtë e krahasimeve me origjinalin, bahet nji pasqyrë e plotë e gjymtimeve të veprës poetike të De Radës, që në libra të veçantë të "... Milosaut" psh., shkojnë deri në heqjen e 120 vargjeve!

Krijimtaria shqipe këte numër përfaqsohet me autorët: Zef Skiro di Maxho, Ardian Muhaj, Irma Spaho, Çezarin Toma, Sabit Rrustemi, Arben Marku, Edison Maçaj, Edvin Kukunja, Pal Ndrecaj e Shani Pnishi. Krijimtaria e huej përfaqsohet me autorët: Wolfgang Borchert, Christian Zorka, Fraser Sutherland, Philippe Besson, Jim Sanderson, Guy de Maupassant, Claudia Pastorino e Marcella Boccia.

Përkthimet e këtij numri janë krye nga: Armend Bërlajolli, Gilmana Bushati, Faruk Myrtaj, Blendi Kraja, Laura Shimili, Arben Idrizi, Anila Xhekaliu, Astrit Cani, Sytki Malohoxha, Arben Lepaja e Dorina Ahmeti.

irhan jubica
kryeredaktor

___________________
Revistën “ars” mundeni m’e gjetë në të gjitha pikat e shitjes së gazetave dhe në libriaritë kryesore në Shqipni (me çmim 300 lekë), në Kosovë (me çmim 3 euro), në Mal të Zi (Ulqin, Tuz) (me çmim 3 euro), në të gjitha pikat e shitjes së shtypit shqiptar në Maqedoni (me çmim 180 denarë). Numri i ardhshëm i ars-it me 27 mars 2005.

Për pajtime në revistën “ars”:
Shqipni 12 muej x 250 lek = 3.000 lek
Kosovë 12 muej x 2.5 Euro = 30 Euro
Maqedoni 12 muej x 2.5 Euro = 30 Euro
Mal i Zi 12 muej x 2.5 Euro = 30 Euro
Mërgatë 12 muej x 7 Euro = 84 Euro

Pagesa duhet ba:
Për Shqipninë - nr. llog. 5002/110 banka kombëtare tregtare, tirana 1
Për Kosovën – ProCredit Bank, Blendi Kraja, nr. llog. 1110180897000104
Për Maqedoninë – nr. llog. 41320235101 banka amerikane e shqipërisë
Për Malin e Zi – nr. llog. 41320235101 banka amerikane e shqipërisë
Për mërgatën – nr. llog. 41320235101 banka amerikane e shqipërisë
“ars” merr përsipër me ja nisë pajtimtarit revistën me postë mbas kryemjes së pagesës dhe me ruejtë faturën përkatëse postare.
“ars” nuk ka n’asnji rast detyrim ndaj pajtimtarit nëse posta e humb zarfin e tij. Në raste të tilla pajtimtarit i japim faturën origjinale të postës që ai me mundë m’u ankue pranë postës përkatëse. Kërkesat për pajtim: te adresa e emailit [email protected].

Pajtimi në librat “ars”
T’interesuemit munden m’u pajtue edhe në librat “ars” me 40% zbritje por tue marrë përsipër shpenzimet e postës.
Kërkesat për pajtim: te adresa e emailit [email protected].