Boston: Rrëzimi i oxhakut lë të vdekur një 19 vjecar nga Kosova

LYNN - BOSTON(Masachusstes): Ramadan Smrqaku 20 vjeçar, i tha gazetës Boston Globe, se ai nuk mendon se vdekja tragjike erdhi vetëm se ai po argëtohej i shtrirë sëbashku me dy shokë në një shilarës, duke u kolovitur, i lidhur midis një peme dhe një oxhakut të shtëpisë. Shilarësi, ishte i lidhur mirë ndërmjet dy pikave, mendon ai. Por, shilarësi nuk mund të mbante të gjithë atë peshë dhe se Oxhaku nuk ka qënë i ndërtuar mirë", tha ai duke folur me një theks kosovar. "Oxhaku, sipas tij nuk ka qënë i ndërtuar mirë, prandaj ai edhe u shëmb", pohon Ramadan Smrqaku, 20 vjeçar, shok i viktimës.

Ngjarja që shkatoi vdekjen:
Oxhaku, rreth një metër e 60 centimetëra i lartë, ishte në shtëpinë e shokut të tij në rrugën Cogswell Avenue kur u rrëzua menjëher aty rreth orës 10:45 minuta të natës me kohën lokale , tha Smrqaku. Në atë kohë nuk ishte e përshtashme të argetoheshin me lisharsin, tha ai duke përshkruar sesi si tullat e oxhakut i ranë në kokë viktimës Visar Luzha duke e lënë pa ndjenja atë e shokët të tij. "Visari pas goditjes nuk fliste dhe nuk merrte më frymë, ai nxirrte gjakë dhe ishte një moment i frikëshëm, kur e shihje në atë gjendje tha Smrqaku. Bashkim Luzha, ishte gjatë gjithë mbrëmjes më të vëllanë dhe vëllezërit e vegjël duke luajtur deri nja 10 minuta para se të ndodhte dhe tragjedia. U kthye për punë sekondash pas dëgjoi për shëmbjen e Oxhakut pasi ai kishte qënë duke e pritur vëllanë në autovetur, por ai nuk ishte kthyer.

Viktima i shpëtoi vdekjes nga lufta por jo asaj në spitalin "Beverly Hospital"

Duke folur për gazetën Boston Globe ai tregon se Visar Luzha, 19 vjeçar gjatë luftës në Kosovë, masakrës e gjenocidit serbë në Kosovë, i shpëtoj vdekjes barbare, por jo vdekjes në spitalin "Beverly Hospital" pas katër vjetëve kur ai dhe prindërit e tij tre motrat e katër vëllezërit erdhën për një jetë më të mirë në Amerikë. Familja e tij nga Kacaniku(Kosovë) kanë bërë të gjitha përgatitjet t'a dërgojnë kufomën për varrim në Kosovë." Kjo do të thotë se njeriu nuk e dinë asnjëher se ku edhe kur do të vdesë" thotë vëllai i tij Bashkimi, një 24 vjeçar, duke u shprehur se" ndjehet shumë i pikëlluar, dhe s'nuk i besohet kurrë se çfarë u ka ndodhur", thotë Bashkimi, për gazetën Boston Globe.

Autoritetet e "The Essex" distriktit dhe zyra e avokatëve në qytet, janë duke kryer të gjitha hetimet që sollën vdekjen e 19 vjeçarit Visar Luzha nga Kaçaniku-Kosovë, me banim në Lyn(Manchesusstes).

Visar Luzha, ka qënë diplomuar në shkollën e mesme" Lynn Classical High School" vitin e kaluar, dhe punonte si bojaxhi. Të gjithë mendojnë se ai ishte shëmbull në familje, shoqëri e punë e kudo. Mantor Smrqaku, 21 vjeçar, nga Chelsea, shok i viktimës tha se " ai ishte i miri i më të mirëve në shoqërinë tonë". "Ai ishte me një humor të veqant, me një familje të mirë, një njeri që edhe kur t'i ndjeheshe keq ai kishte veti të bënte të ndjeheshe sa më mirë", tha një shokë tjetër i tij Sedat Xhemaili, 18 vjeçarë.

Visar Luzha, i cili ka qënë i gjatë 5 feet 8 inches, (1 meter 72 centimeter 72 milimeter), thanë ata se i pëlqenete të luante Basketboll dhe Futboll. Kishte dëshirë të dëgjonte muzikë moderrne shqiptare(Albanian rap), shpesh her ka ndjekur koncerte nga grupe të ndryshme në Nju Jork. Kishte dëshirë kalvitej në lisharës me shokët në breg të ndërtesave në Revere Beach aty ku kishte edhe shokët.