1
Serbët e jugut tek po grinden,
Ndër mes vetit për me u ndarë,
E ma Serbisë s’duan ti binden,
Nuk duan ma ta kenë të parë.

2
Pse e urrenin, troç ja thanë,
Shpallën shkëputjen publikisht,
Por me gjarpërin gjenë belanë,
Po e shkele pak bisht

3
Serbia gjarpëri helmues,
Me strategjinë e qëllimit,
U shëndrrua në kafshues,
Brënda “BashkiVllazërimit”.

4
Dhe një ditë mbeti Serbia,
Veç me Malin e Zi pranë,
Që i lidhte historia,
Tokë shqiptare kishin zanë.

5
Ç’ka ka deti ta jep vala,
Duket bregut në kohë të reja,
Shqiptarëve ju doli fjala,
Gjithmon hajnit i lidhë preja.

6
Megjithse kishin qënë të parët,
Ndër mote me serbë gjakosur,
Të fundit mbetën kosovarët,
Përballë bishës së plagosur.

7
Kishin patur autonomi,
Gjysmë të drejte ju a hoqën,
Dhe rikthyen skllavëri,
I burgosën dhe përndoqën.

8
E u bënë vite shumë,
Për lirin duke thërritur,
Kosovarët derdhur lumë,
Me dy gishtat lartë ngritur.

9
Mirpo serbët survejonin,
Disa vrisnin me snaipera,
Disa të tjerë arrestonin,
Që të mos lindëte kurrë pranvera.

10
Kap e shkund turmën për jake,
Kurrë për ju nuk ka të drejta,
Turma s’ndalej, vinin tanke,
Thërriste koha: Azem Bejta.

11
Në mes të natës pus i errët,
Jashtë në portë troket përndjekja,
Nëpër shtegun shpat i pjerrët,
Jetën ashpër ndiqte vdekja.

12
Kosovarët ikin…. vejnë !
Nëpër botë ku shohin diellin*,
Kosovarët shpejtë…. rikthejnë,
Nëpër çanta diçka sjellin.

13
Përballë shtetit militar,
Shëndrruar në egërsirë,
Lindë guximi kosovar,
Nga rrethanat përtërirë.

14
Siguruan armë të thjeshta,
Dhe ca torba me fishek,
Në vajtje ardhjet e shpeshta,
Koha luftëtarin pjek.

15
Nëpër rrugë tanket lëvizin,
Avionët posht fluturojnë,
U.D.B. të dhënat nisin,
Nga etja i dhjetfishojnë.

16
Një popull i tërë rrethuar,
Ndjente veten në rrezik,
Duhej pritur !? Duhej luftuar?
Përzjerje shpresë e panik.

17
Pati përplasje sporadike,
Me paramilitar e milicë,
Ngrihen prurjet epike,
Që kulmohen në Drenicë.

18
Pushteti serb egërsohet :
Do t’i vrasë deri në një,
Kurse populli ndërgjegjsohet :
Thërret guximshëm U.Ç.K.

19
Ethshëm beogradi punon,
Përmes levës U.D.B.
Ku asht shtabi që drejton ?
Të zhduket shpresa U.Ç.K.

20
Të dhënat japin një pikë bazë,
Nuk pëmbahet drenicari
Luan lirshëm në Prekaz,
( Deshifro : ADEM JASHARI ).

21
Disa thanë bashkë janë dhjetë,
Përmbi njëqindë thanë të tjerët,
Udbashi tha aq ishin vjetë,
Tani më nuk vlejnë snaiperët.

22
Do bëjmë rrethim policor,
Me armatim ushtarak,
Topa tank bashkë kohor,
T'i kallim të gjallë në flakë.

23
Nuk do të tolerojmë më tej,
Ata të konsolidohen,
Dhe revolta të shpërthejë,
E një ditë të pamvarsohen.

24
E dine mire kush jemi ne,
Nëpër shekuj i kemi copëtuar,
Tetëdhjet vjetë vënë nën fre,
Këtë racë të panënshtruar.


(Për më tepër, kontaktoni autorin)