botohet i plotë libri i petraq kolevicës "autobiografia e ismail kadaresë në vargje"

Mbas nji ndërpremjeje qysh prej qershorit të vitit 2005, revista letrare shqiptare "ars" rifillon botimin me numrin e saj të parë për këte vit, dhe të 39-in gjithsej, që përkon me 4-vjetorin e themelimit të revistës.

Revista hapet me tekstin e plotë të librit "Autobiografia e Ismail Kadaresë në vargje" të autorit Petraq Kolevica, në kuadrin e shtojcës "arsplus".

Editoriali me titull "Me qenë i parakohshëm" asht shkrue nga Irhan Jubica.

Ndër artikujt kryesorë të këtij numri, veçojmë:
- "Mirësevini ndër cektina" nga Blendi Kraja.
- "Pavarsia e pamundun e Ministrit të Kulturës" nga Irhan Jubica, replikë me intervistën e Ministrit të Kulturës Bujar Leskaj në gazetën "standard" (ribotohet edhe në "ars"), për heqjen e financimit për revistën "ars".
- "Shkrimtarët shqiptarë në fillim të miluniumit të ri" nga Kapllan Resuli
- "Kurtizani letrar" nga Stephen Schwartz, nji opinion mbi fituesin e edicionit të parë të Çmimit Man Booker International
- "Kadare, jo frikë nga e vërteta" nga Rexhep Qosja

Botohet gjithashtu nji njoftim për konkursin e esesë dhe tregimit, si dhe disa informacione për konkursin "Buzuku" për roman.

Në rubrikën e përhershme "premisa" studiuesja Katerina Xukaro boton shkrimin "Tomazo Kampera, fuqia jetëprurëse e erosit", si dhe poezi nga ky autor arbëresh.

Ndër shkrime të tjera:
- "Laura Sims: Jeta në New York më ka ngjallë kënaqsitë e leximit, shkrimit" - intervistë ekskluzive me poeten amerikane, realizue nga Erica Weitzman
- "Mia Cuoto: Çdo njeri asht nji njerëzim n'vetvedi" - intervistë ekskluzive me shkrimtarin mozambikas, realizue nga Maria Joao Coutinho e Ardian Muhaj
- "Genet, komunikimi i pamundur", nga George Bataille, përkthye nga Laura Shimili
- "Noam Chomsky: Ne s'i shohim viktimat tona" nga Emma Brockers
- Antonio Tabucchi: "Kam frikë të ëndërroj", përkthye nga Gilmana Bushati
- Julio Cortasar: "Letër e hapun atdheut", përkthye nga Irhan Jubica
- "Ludwig Wittgenstein: mes logjikës dhe jetës", përkthye nga Esmeralda Kapisyzi

Letërsia shqipe këtë numër prezantohet me: Gilmana Bushati, Arben Marku, Puntorie Ziba, Tomazo Kampera e Xhahid Bushati. Letërsia e huaj përfaqësohet me: Laura Sims, Antonio Tabucchi e Julio Cortasar.

Vazhdon edhe këtë numër ribotimi i fragmenteve nga krijimtaria e nxjerrë prej hulumtimit të gazetës "Drita"; viti 1984: Ismail Kadare, Dritëro Agolli, Fatos Arapi, Xhevat Lloshi, Zija Çela, Adriatik Kallulli, Jorgo Bulo, Nasi Lera, Pano Çuka, Dhimitër S. Shuteriqi, Sabri Godo, Bujar Hudhri, Razi Brahimi, Lefter Çipa, Kastriot Mahilaj, Koço Bihiku, Luan Qafëzezi, Ardian Klosi, Limos Dizdari, Kiço Blushi, Foto Malo e Tefik Çaushi. Po në këtë kuadër botohet gjithashtu nji përzgjedhje e krijimeve të ribotueme në këtë rubrikë në numrat e kaluem të revistës "ars" nga: Gjovalin Shkurtaj, Natasha Lako, Preç Zogaj, Xhevahir Spahiu, Pandeli Koçi, Zimo Krutaj, Moikom Zeqo, Agim Isaku e Visar Zhiti.

Në reagim të akt-padisë së ngritun ndaj gazetarit të "ars"-it në lidhje me denoncimin publik që ai bani për vjedhjen e përkthimit të tij, Blendi Kraja boton fragmente nga "Prapsimet", me titull: Përgjigje lloshëve" (shoqnue me akt-padinë e Xh. Lloshit).

Materialet e shtojcës "arsplus" për librin "Autobiografia e Ismail Kadaresë në vargje" të autorit Petraq Kolevica:
- Irhan Jubica: "Pse (ri)botohet libri i Kolevicës"
- Ilir Bushi: "Kadare që dënojë veprat që i kanë shërbyer diktatorit"
- Belina Budini: "Kadare, vetëvrasje me poezinë politike"
- Alda Bardhyli: "(Auto)censura Kadare"
- Petraq Kolevica: "Autobiografia e Ismail Kadaresë në vargje"
- Anton Nikë Berisha: "Sa Ismail Kadare janë brenda Ismail Kadaresë"
- Aleksandër Stipçeviç: "Vrasja e ngadalshme dhe e heshtur e librit"

___________________
Në Shqipni revista "ars" mundet me u gjendë vetëm në libraritë qendrore në Tiranë dhe Shkodër. Sa i takon Kosovës, ekskluzivitetin e shpërndamjes e ka shtëpia botuese "Buzuku" e Prishtinës, ndërsa për Maqedoninë dhe Malin e Zi nuk ka ndryshue asgja.