AKADEMI PËRKUJTIMORE KUSHTAR PRESIDENTIT PROF. DR. IBRAHIM RUGOVA

Rugova ose Feniksi i Kosovës, mbeti i perjetëshëm në mendjen dhe zëmërën e shqiptaro - amerikanëve

Fordham University - "Rose Hill Campus" Bronx - NY: Lidhja Demokratike e Kosovës, dega Nju Jork e rrethe, në bashkëpunim edhe me Bashkësinë shqiptare në Shtetet e Bashkuara të Amerikës, mbajti ditën e djelë më 19 - shkurt, Akademi të jashtëzakonëshme përkujtimore, kushtuar Presidentit të Kosovës Prof. Dr. Ibrahim Rugova. Akademia, u mbajtë në Fordham University - "Rose Hill Campus" në Bronx - Nju Jork. Pikërishtë, në vendin ku i ndjeri Prof. Dr Ibrahim Rugova, për koicidencë, 17-vjet të shkuara, ka zhvilluar edhe takimin e parë në Shtetet e Bashkuara të Amerikës, me bashkësinë shqiptare. Kjo, Akademi, u mbajtë në shenjë respekti dhe dashurie duke përjetësuar figurën e pakrahasushme të Presidentit të parë të Kosovës, Prof. Dr, Ibrahim Rugova, feniksit të Kosovës.

Rugova, është parë gjithmon nga këta shqiptarë të cilët u tubuan sot, si një udhëheqës me tribute të veqanta , dedikuar lirisë, pavarësisë dhe demokracisë së Kosovës. Presidenti i Kosovës - "George Washingtoni i Kosovës"- "Gahndi i Ballkanit", Presidenti i Pavarësisë së Kosovës, Dr Prof. Ibrahim Rugova, i cili, vdiq nga një sëmundje e rëndë në moshën 61- vjecare, dhe u përcoll për në banesën e fundit në Prishtinë, nga më shumë se një milion njërëz, dhe nga më shumë se 50 - delegacione nga mbarë bota, duke i bërë atij një nderim historik, dhe, të paparë ndonjëherë në hsitorinë e njerëzimit, u nderua edhe në Amerikë, në mënyrë madhështore dhe tepër imopzante. Akademi, kjo me pjesmarrjen e rreth një mijë shqiptaro amerikanëve, ku pjesa më e madhe e tyre ishin, afaristë të suksesëshëm, intelektual, studentë, nxënës shkollash, shkrimtarë, poetë, politikanë, lider fetar, inxhinier, doktor, aktor, artistë, sportisë e muzikanë. Krerët e pothuajse të gjitha shoqatave, organizatave shqiptaro - amerikane.

Akademia Përkujtimore, u shoqërua me fjalime të rastit, pjesë klasike, poezi e me një materjal kushtuar Presidentit të Kosovës Prof. Dr. Ibrahim Rugova. Vijojë për më se 3 - orë me nëshkrime në "Librin e Zisë", i cili, ishte sjellë posaqërishtë, për këtë Akademi përkujtimore, nga presidenca e Kosovës. Në sallë ishin të vendosur shumë flamurë, të Shqipërisë, SHBA-ës, Kosovës(Dardanisë), buqeta me lule të freskta, dhe dy portrete gjigande në fasadën e murit dhe në qëndër të sallës.

Moderatori i kësaj akademie përkujtimore, Shkumbin Teta(gazetar), çeli tubimin duke ju drejtuar pjesmarrësve me një mirënjohje të thell :"Të nderuar bashkëatdhetarë, tha ai, vendas e miq të popullit shqiptar, falemnderit, që këni ardhë e jeni tubuar sot, në një ndër akandemitë më të jashtëzakonëshme, ku po i bëhet nder figurës më poliedrike të presidentit Ibrahim Rugova, jehona e tij i jep shtytje kauzës kombëtare, edhe nga nëntoka." Teta, u kërkoi më pasë pjesëmarrësve, që me një minutë zi - të nderojnë kujtimin e paharruar të Presidentit të parë të Kosovës Pro. Dr. Ibrahim Rugova. Akademia Përkujtimore u hapë me intonimin e himnit kombëtar shqiptar, amerikan dhe atë të Kosovës, kënduar nga këngëtarja e mirënjohur shqiptaro - amerikane Merita Halili dhe lujatur në firzamonik nga muzikani Raif Hyseni, shoqëruar njëhereshit në korr nga rreth 1.000 pjesmarrësit.

Fjalën kryesore e mbajti, kryetari i degës së Lidhjes Demokratike të Kosovës, për Nju Jork e rrethe zoti Agim Rexhaj.

Zonja dhe zotërinjë, tha Rexhaj, mysafirë të nderuar, kam nderin dhe pikëllimin e madh që sot, të hap këtë akademi përkujtimore për të ndjerin, ish Presidentin e Kosovës, për të madhin, Dr. Ibrahim Rugovën, për njeriun, për burrështetasin historik të shqiptarëve, të Kosovës në veçanti, për njeriun i cili gjithë potencialin e tij njerëzor e krijues ia përkushtoi Kosovës e çështjes shqiptare, pavarësisë e demokracisë së Kosovës dhe shtetësisë e sovranitetit të saj.

Askush nga ne nuk e besonte se vdekja do të trokiste në dyertë e jetës së njeriut të pavarësisë aq heret, mu në prag të realizimit të saj dhe kur ajo trokiti dhe na e mori njeriun e madh, ai, edhe njëherë, në një mënyrë të veçantë, e sfidoi vdekjen dhe dëshmoi se nuk ka vdekur, se jeton në zemrat dhe në shpirtin e shqiptarëve, të cilët, me dhembjen e tyre kolektive, me pikëllimin dhe dinjitetin e tyre dëshmuan se Presidenti i tyre, Dr. Ibrahim Rugova, kishte ngritur qysh për të gjallë të tij një përmendore të pavdekësisë në shpirtin e tyre dhe se kishte hyrë në përjetësinë e historisë......

Në fund të kësaj fjale, vijoi Rexhaj, dua falënderoj anëtarësinë e gjerë të Degës së Lidhjes Demokratike të Kosovës për SHBA dhe Kryesinë e saj, në veçanti anëtarësinë e gjerë dhe Kryesinë e degës së Lidhjes Demokratike për Neë York me Rrethe, e cila që nga fillimi i veprimtarisë së Dr. Ibrahim Rugovës, nën udhëheqjen vizionare të tij, iu përkushtuan me zell e me sinqeritet realizimit të aspiratave të populllit. Poashtu, dua të falënderoj komunitetin shqiptaro-ametrikan dhe organizatat e shoqatat e ndryshme të këtij komuniteti dhe, fare në fund, por me kuptim të thellë, dua edhe njëherë të uroj Presidentin e zgjedhur të Kosovës, Dr. Fatmir Sejdiun, i cili, që me paraqitjet e tij të para, që me hapat e tij të parë politik, diplomatik e kombëtar, po dëshmon përkushtimin e tij për realizimin e aspiratave dhe të vullnetit të Kosovës. I dashuri dhe i çmuari President, i madhi Ibrahim Rugova, të qoftë i lehtë dheu i Kosovës, Të bekuar qofshin shqiptarët, I bekuar qoftë shpirti i Presidenit, Ibrahim Rugovës, Të bekuara qofshin Shtetet e Bashkuara të Amerikës, e mbylli fjalën e tij kryetari i degës së LDK-ës, zoti Agim Rexhaj.

Fjalime përkujtimore :

Më pasë fjala ju dha Ambasadorit të Shqipërisë në Misionin e Përherëshëm të Kombeve të Bashkuara, në Nju Jork, zotit Lublin Dilja. Në emër të Vatrës, foli veterani i vatranëve z Zef Përndocaj. Elimi Berisha, përfaqësuesi zyrtar i Presidentit Rugova në SHBA-ës, mbajti fjalë përkujtimore, e cila, u shoqërua edhe nga leximi i telegramit që dërgoj për këtë Akademi Përkujtimore, ish-kandidati për president të SHBA-ës, senatori Bob Doll, miku i ngushtë i Presidentit Rugova, dhe i gjithë popullit shqiptarë. Dërguan mesazhe përkujtimore edhe liderit fetar të komunitetit, Dom Pjetër Popaj famullitari i Kishës Shqiptare Katolike " Zoja e Shkodrës" Harstdale - Yonkers(NY) dhe Imam Isuf Balaj nga Xhamia shqiptare në Kuins(NY).

Xhevat Limani, regjisor, e aktor i njohur recitojë poemën " Jamë shqiptar - Kosovar". Me poemë u prezantua gjithashtu dhe Gjovalin Lamaj. Ndërsa folën më pasë professor Petrit Begati nga Shoqata Atdhetare për të Drejtat e Njeriut " Çamëria. Komuniteti shqiptar të Rhod Island dhe Machesussttes zonja Rrita Salihaj. Organizata e Gruas Shqiptaro - Amerikane " Motrat Qiriazi", z. Elmira Muja. Marijan Cubi, në emër të Këshillit të Kishës Shqiptare Katolike "Zoja e Shkodrës" Harstdale(NY). Kryetari i Senatit të O.K.L.L.dr Fuad Myftia dhe kryetari i P.L.L dega për Nju Jork, e rrethe z Hakik Mena.