Dorëheqjet: "Jemi të befasur - nuk e kemi pritur"

Diaspora: Duhet të jetë mjaft pozitive e mënçur dhe e urtë t'ju ndihmojë procesve dhe zhvillimeve të Kosovës deri në pavarësinë e saj - krijimin e shetit të Kosovës

BENSONHURST - BROOKLYN(NY) Shkurti, filloi me tre lajme të shkurtëra por tronditëse, nga Europa. E para : Në fund të javës së kaluar gripi i shpendëve hyri në BE. Hyrja e virusit të gripit të shpendëve në Evropë, u shkakton dhimbje koke të gjithë intelektualëve, që hartojnë plane sigurie. Mund të jemi të sigurtë se të gjitha gënjeshtrat që shoqëruan katastrofat e mëparshme të sistemit shëndetësor, do të rikthehen sërish. Çernobili dhe retë e tij radioaktive, konservat e gjakut të infektuar me HIV që ju shpërndanë pacientëve në nevojë... të gjitha këto ngjarje janë ende në kokat e njerëzve, nëpër Europë.

E dyta: Në fund mbetet vetëm shija e një historie krimi dhe një manipulimi të veçantë: Arrestimi i Mlladiçit do të kishte qënë një sukses i madh për qeverinë në Beograd dhe për kryeministrin Koshtunica, i cili, qëndron përpara etapës vendimtare të bisedimeve për antarësim në BE. Por ndërkohë që mediat ndërkombëtare shkruajnë me vrull mbi arrestimin e Mlladiçit, qeveria serbe përgënjeshtron çdo lajm." "Nuk është mirë që Serbia nuk pranon të distancohet në mënyrë kritike nga e kaluara e saj dhe mëkatet e luftërave të Ballkanit. Por pikërisht një sjellje e tillë do t'i bënte mirë politikës vendase, sepse vetëm kështu do të mund të kapërcehej ndjenja e lartë nacionaliste e politikanëve dhe intelektualëve serbë." "Arrestimi i "kasapit të ballkanit", siç konsiderohet Mlladiç, pasi kryekasapi konsiderohet Millosheviçi, do ta ndryshonte në mënyrë dramatike situatën e Beogradit, ndonëse ultra nacionalistët do të protestonin në mënyrë masive. Por shumica e serbëve nuk interesohet më për ndjenjat e nacionalistëve, sepse e dinë se vendi i tyre ka një të ardhme vetëm në Evropë dhe në BE. Tani e kanë rradhën serbët dhe qeveria e tyre që të ndërmarrin hapat e nevojshëm."

E treta : Kryesia e Lidhjes Demokratike të Kosovës vendosi të largojë nga posti i kryetarit të Kuvendit të Kosovës, Nexhat Daci.Lajmi u konfirmuar nga Eqrem Kryeziu, nënkryetari i LDK-së.Në vend të tij, në krye të Kuvendit të Kosovës, kryesia e LDK-së ka caktuar z. Kol Berisha."Kryesia e LDK-së ka marrë një vendim të vështirë, por të domosdoshëm. Pikërisht ky vendin konsiston në faktin që z.Kol Berisha të zëvendësojë profesor Nexhat Dacin si kryetar i parlamentit të Kosovës. Daci ishte kryetari i parë i parlamentit të Kosovës, të dalë nga zgjedhjet e vitit 2001 që u fituan nga Lidhja Demokratike e Kosovës.Ai shërbeu për dy mandate, edhe pas fitores së LDK-së në zgjedhjet e përgjithshme të vitit 2004.

Skena politike e Kosovës, është tronditur të mërkurën pas dorëheqjes së kryeministrit dhe kërkesës drejtuar kryetarit të parlamentit. Kryeministri i Kosovës, Bajram Kosumi të njoftoi dorëheqjen pas shumë spekulimeve përmes një deklarate para gazetarëve në Prishtinë. Kosumi ishte kryeministër i qeverisë së koalicionit mes Lidhjes Demokratike të Kosovës (LDK) dhe Aleancës për Ardhmërinë e Kosovës (AAK) në Kosovë për një vit. Ai e mori postin në mars të vitit të shkuar, pas dorëheqjes e më tej vetëdorëzimit në Hagë të ish-kryeministrit Ramush Haradinaj.Si z. Haradinaj, dhe Z. Kosumi ishte nga rradhët AAK-së.

Tronditje:
Me largimin e Z. Kosumi, pritet që në kabinetin qeveritar të bëhen ndryshime të mëdha. Analistët thonë se tronditjet në skenën politike kosovarë janë pasojë e përplasjeve politike në gjirin e partisë më të madhe në kosovë, Lidhjes Demokratike të Kosovës, pas vdekjes së ish-udhëheqësit të saj Ibrahim Rugova.Zhvillimet e fundit në skenln politike të Kosovës përkuan me vizitën e paralajmëruar në Prishtinë, të kryenegociatorit për statusin Marti Ahtisari. Pas takimeve, z. Ahtisari tha se zhvillimet në skenën politike kosovare, nuk do të ndikojnë në procesin e negociatave për statusin. "Pres që procesi i negociatave të intensifikohet. Nuk mendoj se kjo situatë do të ndikojë negativisht në proceset që i zhvillojmë nga Viena", tha z. Ahtisari.

Lidhur mbi zhvillimet më të fundit në skenën politike kosovare, gazeta kombëtare Bota Sot, ndoqi reagimet e shqiptaro - amerikanëve dhe shtroi para opinionistëve këto pyetje : Si i komentoni zhvillimet me te fundit ne Kosove ? A e pengojne apo e ndihmojne ne keto çaste dialogun ? Ka shume spekulime dhe thashetheme lidhur me postet rreth individeve edhe ketu në Amerike se ky apo aj do të bëhet minister i punëve të mbrendëshme.

Ndërsa, duke komentuar rreth dorëheqjes së Kryeministrit të Kosovës, anëtari i Kongresit amerikan, Elliot Engel, shprehet se fakti që tranzicione të tilla në Kosovë janë bërë në mënyrë paqësore dhe demokratike tregon se Kosova është e gatshme të marrë pavarësinë menjëherë. Zëri i Amerikës foli me Kongresmenin Engel. Zëri i Amerikës, pyeti kongresmenin Engel:" Sikur të mos mjaftonte vdekja e presidentit Rugova, tani po largohen nga postet dy nga figurat kryesore të politikës, kryeministri dhe kryetari i parlamentit. Si i shikoni ju këto ngjarje?

Elliot Engel: Kjo është çështje e brendshme e qeverisë së Kosovës, çfarë tregon se Kosova është vend demokratik, dhe sinqerisht kjo është një arsye më tepër pse Kosovës i duhet dhënë pavarësia menjëherë. Në disa vende të tjera të botës, në disa diktatura, nëse dikush në nivele të tilla jep dorëheqjen, nëse dikush vdes, të nesërmen ka tanke nëpër rrugë. Deri tani janë bërë disa tranzicione në qeverinë e Kosovës, të gjitha janë bërë në mënyrë paqësore, demokratike dhe me pjekurinë e një qeverie demokratike. Kur vdiq presidenti Rugova, ne pamë zëvendësimin e tij në mënyrë demokratike. Kur kryeministri Haradinaj u desh të jepte dorëheqjen ne pamë zëvendësimin e tij në mënyrë demokratike. Dhe tani që kryetari i parlamentit dhe kryeministri dhanë dorëheqjen kjo po bëhet në mënyrë paqësore dhe demokratike. Dhe unë e shoh si shenjë pozitive se populli i Kosovës është gati për pavarësi dhe gati për të zënë vendin e tij në lidhjen e vendeve demokratike. Ky është një popull që e kupton se kur një udhëheqës vdes apo jep dorëheqjen ai zëvendësohet në mënyrë demokratike siç parashihet nga kushtetuta.

Bahri Ramadani - kryetar i komunitetit shqiptaro - amerikan në Karolinin e Veriut dhe Virxhinisë, thotë se " Me mësimin e lajmit u befasum. Nuk e kishim pritur një gjë të tillë - dhe ende nuk e besojmë se sa të vërtetat janë. Por, s.d.q.për momentin kjo do të thotë, se është shumë delikate m'u në prag të bisedimeve për statusin final, çka edhe nënkupton pavarësinë e Kosovës. Nuk duhej të kërkohej dorheqja nga partitë e tyre, është shqetësues fakti se dorheqja erdhi nga brenda partisë. Por, ndodhin !

Mendoj se politikanët tanë në Kosovë, duhet të tregohen më të matur dhe më të mençur, që në prag të bisedimeve mes Prishtinës e Beogradit, të mos krjijon vakium politik. Ata duhet t'a dinë mirë se çfare peshe kanë ata gjatë këtij viti që është edhe viti i pavarësisë së Kosovës. Megjithatë, kamë besim se do të mbizotërojë mençuria dhe maturia që u tregua me humbjen e presidentit Rugova. Politikanët e Kosovës, do t'i karakterizojë toleranca dhe uniteti gjithë kombëtar. Individët, si në SHBA-ës apo në Kosovë, kurrësesi s'do t'a pengojnë pavarësinë e Kosovës. Gjendja do të tejkalohet, e populli i Kosovës, do të realizojë ëndërrën e tij - pavarësinë e Kosovës.

Ndërsa, Adem Salihu, Inxhinier e Makinersië, i punësuar në Elektronën Nukleare Amerikane, i komunitetit shqiptaro - amerikan Rohd Island - Manchessusttes, thotë se :" Nuk kamë ndonjë mendim të prerë pasi edhe vetë gjendja nuk është ende e tillë - pra duket si shumë e brishtë. Por, në bazë të informacionit në medien elektronike e vlersoi faktin se dakordimi duket se ka qënë sipas tyre i të gjitha palëve. Bëhet fjalë me sa kuptoj unë për një mirëkuptim për ndryshim. Me siguri që kjo e cila ndodhi, është një moment normal e cili ka kaluar përmes mirëkuptimit dhe të akodrdimit të të gjitha palëve.Ndërkaq, nuk kamë ndonjë mendim të veqantë rreth dy kandidaturave të shpallura - por mendojë se janë të aftë të kryejn detyrën që do të marrin përsipër me nder e përgjegjësi të lart për sa i takon çështjes që i pret.

Zoti Dervishë Jahjaga redaktorë përgjegjës i gazetës sonë në SHBA-ës, i ka ndjekur me vëmendije këto zhvillime. Ai thotë se : "Zhvillimet e fundit edhe pse ndoshta te stuhishme, mendoj se kan qene te pritura dhe mendoj se te domosdoshme, kur kemi parasysh zhvillimet e shpejta diplomatike qe po behen rreth Kosoves per te percaktuar statusin final te saj. Është me rëndësi që tani institucionet e Kosovës e sidomos partite e koalicionit t'i shkojne punes gjer ne fund, respektivisht pastrimet t'i kryejn në të gjitha nivelet dhe pa pompozitet. Sepse nuk ka kohe qe keto ndryshime te behen per çdo 4-5 muaj apo çdo vit. Të kesh një post udhëheqës dhe t'i shërbesh atdheut është krenari, por kur populli nuk të kanë për qefi është tragjedi.

Sa i përket z. Daci mendoj se ka luajtur nje rol te madh ne afrimin e shqiptarëve te Kosoves pas lufte, dmth ka kontribu shume ne uljen e tensioneve. Nuk e di sa inkurajuese është shkarkimi i tij dhe cilat do të jenë pasojat, por pasoja do të ketë gjithsesi. Shpresojmë qe Institucionet e Kosoves do të jenë unike dhe të tejkalojnë gjendjen e krijuar sa më shpejtë. Tani e gjithë energjia duhet te drejtohet ne qendrat e vetevendosjes si ne Washington, New York, Londër dhe Bruksel. Detyra e parë duhet të ishte hapja e zyrave ndërlidhëse të Kosovës në këto qendra. Më tej z. Jahjaga mendon se: Duke i pare edhe reagimet nderkombetare mendoj se keto ndryshime nuk e pengojne dialogun sepse bashkesia nderkombetare e sidomos SHBA-të jane te interesuara qe sa me shpejte te vendoset statusi i Kosoves, qe shpresojme qe do te jete pavaresia e plote dhe pa kushte, por puna ende nuk eshte kryer.

E them kete sepse zhvillimet e fundit ne Shqiperi jane shqetesuese, kur kihet parasysh acarimet politike dhe sjelljet e çoroditshme te opozites shqiptare. Tendenca për të shkarkuar kryeparlamentaren Jozefina Topalli është skemë e përgatitur për destabilizimin e Shqipërisë. Çdo destabilizim politik i Shqiperise në këtë kohë delikate do të ishte fatal edhe për fatin e Kosovës. "Klani i Zemunit" eshte i fuqishem andej dhe këtej kufirit. Mos të harrojmë këtë fakt, sepse pa një Shqipëri stabile, vështirë do ta ketë Kosova. Kjo është provuar historikisht.

Ndërsa duke iu përgjigjur pyetjes së fundit lidhur me spekullimet që dalin qarkullojn këtu z. Jahjaga shprehet: Sa i përket këtyre gjërave, një gjë është me rëndësi se kushdo që e merr këtë post do të ketë shumë punë dhe sfida, kur kihet parasysh se Kosova është e frekuentuar nga shumë shërbime të huaja sekrete, krim te organizuar etj. Mendoj se Kosova ka kuadro të përgatitura për këtë post. Sipas mendimit tim, kandidati duhet te jete i pergatitur profesionalisht, te ket biogarfi te paster kombetare dhe të jetë i vendosur të përballet për sfidat qe do ta presin. Do ta cekja nje shembull praktik: "ne vitet e 90-ta New Yorku perballej me vrasje te shumta, me tregti te droges, grupe mafioze etj, dhe mayori legjendar i New York-ut Rudy Giuliani e pat emeruar komisionerin Wiliam Braton per komisioner te policies, i cili per 2 vjet New York-un e ktheu ne nje nder qytetet me te sigurta ne SHBA. Sot, komisioneri Braton ate pune e ben ne qytetin e Los Angjelosit.Do të ishte mire që ministri i ardhëshëm të jetë apolitik, me përgatitje superiore akademike nga fusha e sigurisë. Kosova ka kuadra të tillë. Nuk duhet të ket imponime per postin e ministrit, ministri duhet ti plotesoj keto kushte, në të kundërtën do të jetë gabim.

Agim Hadri - nga bashkësia shqiptaro - kanadese me veprimtari në Toronto - Ontario(Kanada), mendon se kjo çka po ndodh tash në Kosovë, është më se normale në vendet demokratike. Në vendet demokratike zhvillime të tilla nuk shihen asnjëher me ndonjë çudi të madhe. Prandaj, mendoj se edhe këto ndryshime që kërkohen të ndodhin ndoshta kanë qënë të nevojëshme. Pasi kanë mbetur shumë punë pa u bërë dhe ka edhe vështërsi në përcaktime pa parë se si do të përecepitojë situata e krijuar. Dëshirojë që ky zhvillim të marrë për mirë e jo të kalojë në rrugë të gabuar.

Megjithatë parë në një këndëvështrim tjetër, kjo mendojë se do t'i kontribojë dialogut që ka filluar dhe do t'a nxisë edhe më shumë atë. Porceset e filluara në Kosovë, dhe asnjëher nuk duhen parë si çështje personash që do të udhëheqin proceset, qoftë këta nga Kosova ose edhe nga Amerika. Kurrë nuk duhet të ushqejmë iluzione të tilla se janë shumë të dëmëshme. Nuk mendojë se do të ketë ngjizje të çështjes. Ne duhet të besojm se procesi që ka nisur nuk do të ketë ngecje. Veqse do të varet se me çfarë vrulli do të punohet që t'ia arrihet edhe qëllimit që është pavarësia e plotë e Kosovës.

Dr Dentist, Adem Hasanaj ka këto përgjigje: Megjithse, nuk jemi dhe shumë afër zhvillimeve të atjeshme, por do të thoja që LDK-ja ka nevojë të rikonstrukturohet. Ajo ka nevojë të bëhet një parti më shumë demokratike. Ajo vertët që filloi si një lëvizje gjithë popullore kundra Sërbisë, dhe kundra Lidhjes Komuniste ajo me kalimin e kohës ka ardhur koha që diçka të ndryshojë, që ajo të funksionojë ashtu siç duhet si parti demokratike.

Lidhja Demokratike e Kosovës duhet të bëhet model i një partie demokratike në Kosovë. Ajo duhet të "xhvishet" nga njërëzit që kanë paragjykime dhe mentalitete. Duhet gjetur tamam ata njërëz që i përgjigjen zhvillimeve bashkëkohore në të gjitha nivelet. Daci ka qënë politikan me qëndrime të ekuilibruara dhe me aftësi politike. Lidhur me procesine filluar, ai është një proces që ka nisur dhe nuk ka asnjë forcë t'a ndalë atë. Problemi i Kosovës është tash jo vetëm në dorë të vetë kosovarve por aty kanë dorë edhe komuniteti ndërkombëtar. Kështuqë edhe këto zhvillime nuk do të kenë kurrë fare ndikimi në atë që është kryesorja - procesi. Ndërsa brenda partive do të ketë ndikime të mëdha. Ky ka për të qënë një proces që do të vazhdojë deri sa të përcaktohet statusi final që është pavarësia e Kosovës.

Nuk përjashtohet mundësia që edhe ndonjë shqiptaro - amerikanë të kyçet drejpërsëdrejti në Qeverinë e re. Por, pa ulur vlerat e diasporës e potencialet e saja, do të theksoja se : "Në rradhë të parë, duhet të zgjidhen njërëz që me të vërtet janë të aftë t'u prijnë procesve. Fillimisht duhet kërkuar në Kosovë, aty ku rrihen gjërat ma mirë e pastaj të hidhen sytë këtu. Pra të mos biem në gabime të më parëshme zgjedhja e njërzve pa përgatitje, pa aftësi dhe nivel politik e intelektual. Kosovës në këto momente i duhen njërëz të ndershëm dhe të përkushtuar. Diaspora ashtu si në të kaluarën edhe sot, do të jetë mjaftë pozitive e mënçur dhe e urtë t'ju ndihmojë procesve dhe zhvillimeve të Kosovës deri në pavarësinë e saj krijimin e shetit të Kosovës

Uashington: ndryshimet në udhëheqjen e Kosovës janë vendime të vetë zyrtarëve shqiptarë të Kosovës.