Volejbollistet kanadeze me fanellat "I Love Albania"

EDMOND - OKLAHOMA: Për tranierin e suksesëshem shqiptaro - amerikan Edgar Miraku, që shkroi gazeta jonë vitin e kaluar, sukseset janë në majat më të larta të punës së tij me përgatitjen e të rejave kanadese në Volejboll. Miraku, tani është bërë një emër mjaft i njohur jo vetëm në SHBA por edhe në Kanada e Shqipëri. Gazeta Edmond Sun – Dielli i Edmondit, nga gazetari Ryan Piersol, ka pasqyruar në një numër të sajë rrugën e suksesit të trainerit të rejave në Volejboll të qytetit Edmond të Oklahomës në Shtetet e Bashkuara të Amerikës.

Golfi, atmosfera familjare, arsimi me kualitet, shenja “stop-i”. Lista e gjërave që adhuron qyteti e Edmond-it është e gjatë.Por, të shtunën u bë dhe më e gjatë. Mbasi fituan kampionatin shtetërorë për herë të parë në afër 20 vjet, pjesëtarët e skuadrës së vollibollit Edmond Memorial u bënë grup bashkë për një fotografi si skuadër me kupën, të shtunën në Sapulpa. Përpara se ta bëjnë këtë ama, ato të gjitha shkuan me vrap te stoli i skuadrës të marrin fanellat e tyre që shpallnin dashurinë e tyre për diçka që nuk ka të beje fare me volejbollin – por me Shqipërinë.

Po, Shqipërinë. Atë copë tokë në lindje të Detit Adriatik, që ndan kufijtë me Greqinë dhe ish-Jugosllavinë. Skuadra “Lady Bulldogs” e Edmond Memorial e adhuron atë (Shqipërinë). Një grup vajzash adoleshente që adhuron një shtet aq larg në Europë mund të duket si diçka e çuditshme. Por, për ato, është më e pakta që mund të bëjnë për njeriun që ato e njohin si të përgjegjshëm për gjithë suksesin e tyre.

Ai njeri është krye-trajneri Edgar Miraku, me kombësi Shqiptare, që është një nga personat më të njohur nëpër shkollë.

“Trajneri ynë, ndryshoi çdo gjë këtë sezon,” ‘Lojtarja më e Vlefshme’ e turneut shtetërorë Karissa Almgreen tha mbas fitores së turneut. “Ai me të vërtetë na ndihmoi ne të përqendrohemi e t'i vemë rëndësi gjërave të vogla. Ai i vinte re të gjitha ato gjëra që nga stoli.”

Midis gjithë arsyeve pse “Lady Bulldogs” fituan turneun shtetërorë të shtunën, sigurisht i pa harruar nuk ishte dhe kontributi i Miraku-t. Trajner per here të parë për shkolla të mesme, Miraku u pranua nga lojtarët dhe prindërit gjithashtu që herët në fillim të sezonit, dhe ata nuk hezituan t'ia njohin punen kur i doli fruti në turneun shtetëror.

Gjatë udhës per t'i çuar “Lady Bulldogs” sërish në majat e klasifikimeve të volejbollit, Miraku gjithashtu fitoi dhe respektin e trajnerëvë të tjerë. “Ato me të vërtetë u përmirësuan gjatë sezonit,” tha Will Etheridge, krye-trajneri i skuadrës Edmond Santa Fe, i cili ka dal dhe vetë kampion shtetëror disa here. “Edgari bëri punë madhështore me atë skuadër këtë sezon. Ai është një trajner shumë i zoti.”

Një ish lojtar profesionist dhe pjesëtar i kombëtares Shqiptare për të rinjtë, Miraku erdhi në Amerikë në vitin 1995, dhe menjëherë filloi punën si trajner me një klub në Oklahoma. Gjithashtu, ai edhe punoi nën ish-krye-trajnerin e Universitetit Qendror të Oklahomës, Mark Herrin, si asistent për 5 vjet.

Këtë vit Miraku vendosi të bëhet trajner për shkollat e mesme gjithashtu. Dhe që ditën e parë, nuk ishte diçka e lehtë. Jo sepse, ai kishte vështirësi të adaptohesh me nivelin e lojës apo me skuadrën, por sepse ai ka një vend pune ‘full-time’ jashtë shkolle, është gjithashtu trajner i kombëtares Amerikane për ‘sitting-volleyball’, ka një fëmi të vogël, dhe gruan shtatëzëne që është trajnere në Cassady (nje shkolë tjetër e mesme ne qytet).

Gjithësesi, ardhja e Mirakut tek Lady Bulldogs ishte si diçka e sjellë nga parajsa. Në fakt, Edmond Memorrial Lady Bulldogs e filluan sezonin të parenditur, por vetem pas dy javesh ato kishin arritur në vendin e katërt.“Në fillim të sezonit po të na kishit pyetur nëqoftëse do fitonim shtetërorin, mendoj se ne të gjithë do kishim thënë se ajo do ishte mahnitëse, por nuk do e kishim parashikuar,” tha Nichole Gruenbacher. “Ne thjeshtë u stervitem mire si skuadër, dhe prej kendej erdhi çdo gjë më pas.”

Para se të mbaronte sezoni, Lady Bulldogs kishin arritur deri në vendin e tretë dhe kishin mundur çdo skuadër në turneun shtetëror, edhe vendin e dytë Edmond Santa Fe. Të shtunën, Edmond Memorial i shumefishuan përpjekjet e tyre kundër Santa Fe-së në ndeshjen për vend të tretë, dhe pastaj mundën Enid 2 herë për të fituar kampionatin. Falë kesaj gjeje, volibolli i shkollave të mesme ka fituar famë më të madhe në Edmond.Falë këti trajneri që sillet “urtë”, dhe është vëzhgues i mirë, dhe Shqipëria ka marrë famë të madhe ne kete qytet.

BOTA SOT: - A keni pas ndonje mundësi për të afruar ndonjë vajzë shqiptaro amerikane në ekipin që ju drejtoni?
Në ekipin që unë drejtoj nuk kam patur ndonjë mundësi për të pasur ndonjë vajzë shqiptare pasi vajzat që unë drjetoj janë në shkollë të mesme. Vitet e fundit, është vështirësuar mundësia e atyre në shkollë të mesme në Shqipëri të kenë mundësi të vazhdojnë studimet e mesme në ShBA. si pasojë e reduktimit të vizave. Meqë jemi në këtë temë, më parë kur unë isha trajner në universitet pata mundësi të rekrutoja një vajzë nga Elbasani, që i ofruam burse për të luajtur volejboll. Ajo arriti rezultate shumë të mira dhe theu rekorde me volejbollin që solli.

BOTA SOT: Si është pritur në opinion shqiptarë suksesi juaj?
Për këtë nuk jam shumë i sigurtë meqë unë nuk jam në Shqiperi vetë, e nuk dua të lavderoj veten. Me sa kam ndjekur nëpërmjet internetit, e di që ka pasur disa artikuj që janë publikuar në mediat sportive dhe ato lokale të Elbasanit, që është dhe vendlindja ime. Gjatë dy viteve të fundit kam pasur telefonata nga shokë e miq që më kanë thënë se kishin lexuar dicka për mua e arritjet e mija. Gjithashtu fakti që babai im, Ali Miraku ishte trajner i Elbasanit dhe gjithashtu i ekipit Kombëtar Shqiptar, ka ndikuar në disa media të shkruajnë artikuj për të dy ne si trajner të dy brezave të ndryshëm, njeri në Shqipëri e tjetri në Amerikë. Kohët e fundit (Dhjetor 2005) një stacion televiziv që ofron programe në gjuhën shqipe në Toronto, Kanada, shfaqi një reportazh ku foli per arritjen a babait tim si dhe të mijat.

BOTA SOT: Mirpo, si e ndjetë veten me suprizën e mahnitshme që u bënë vajzat amerikane ? me fanellat ku shkruhej "I Love Albania"!
Unë isha shumë i gëzuar kur e pashë suprizën. Vajzat amerikane të cilat unë i drejtoj në ekipin e volejbollit e dinë dhe e kuptojnë shumë mirë se çfarë vendi zë Shqipëria në zëmrën time, pradaj dhe ma bënë këtë suprizë. Unë isha me të vërtetë i lumtur kur shikoja se të gjithë tifozët kishin veshur nga një fanellë të tillë.