Fundraising per nder te mikut te deshmuar te shqiptarve, kongresmenit Eliot Engel

Shqiptarët e Amerikës, duke rendur deri në pavarësinë e plotë të Kosovës

ARTHUR AVENUE - BRONX (NY): Bashkësia shqiptare në Shtetet e Bashkuara të Amerikës, është, sot, më se e ndërgjegjshme se problemet që përballon tani populli shqiptar, ato janë të mëdha dhe të vështira. Me shembjen e regjimit komunist dhe fitoren e demokracisë në Shqipëri, lirinë e Kosovës, çlirimin e saj nga sundimi më se gjysëm shekullor pre rregjimit sllavo-komunist sërb, me marrjen e më shumë të drejtave për shqiptarët në Maqedoni, e Mal të Zi, zgjidhjen e një pjese të problemeve të shqiptarve në Preshevë, Bujanovc, Medevegje, hapja çështjes së mprehtë të Çamërisë, do të thotë e rrubullakosur, se:"para popullit tonë, qëndrojn detyra shumë edhe më të mëdha". Detyrë e lartë patriotike e bashkësisë shqiptare, është që të mbështesë dhe t'u prijë proceseve, të Qeverisë së Shqipërisë, që të ndërtojnë një Shqipëri me të vërtet demokratike, të qytetëruar, perëndimore. Të mos pushojë së renduri deri në pavarësinë e plotë të Kosovës. Dhe çështje është për këtë Bashkësi, t'i ndihmojmë dhe t'i bëhemi krah i fuqishëm në diasporë, popullsisë shqiptare që jeton në trojet e veta, Maqedoni, Mal të Zi, Preshevë, Bujanovcë, Medevegjë dhe në Çamëri.

Bashkësia i shqiptare në Shtetet e Bashkuara të Amerikës, ka një traditë të shquar në luftë për çështjen kombëtare. Kjo traditë zë fill me themelimin e Federatës PanShqiptare të Amerikës VATRA, e cila mblodhi në gjirin e vet të gjithë shqiptarët e Amerikës, pa dallim besimi dhe bindëje politike dhe dha një kontribut të madh në njohjen e pavarësisë së Shqipërisë dhe në konsolidimin e shtetit të parë shqiptar. Bashkësia shqiptare, ndikoi në shkallën më të lartë në opinionin publik amerikan dhe në qeverinë amerikane për njohjen e pavarësisë së Shqipërisë, më 1912. Bashkësia shqiptare në SHBA, prej kur u krijua fitojë përkrahjen e shtetit amerikan, prej presidentit të 28-të Woodrow Wilson (Uidrou Uillson) që ishte një nga faktorët kryesorë që e shpëtuan Shqipërinë, nga copëtimi. Dhe e galavanizojë më shumë lidhjen e miqësinë në saj të Bashkësisë shqiptare me presidentin e 42-të të SHBA-së, William Jefferson Clinton(Bill Klintonin), në çlirimin, e lirinë e Kosovës.

Bashkësia i shqiptare në Shtetet e Bashkuara të Amerikës, ka fatin që jetonë në një shtet, i cili, vetë është kampioni, dhe shembulli i lirisë e demokracisë, duke qënë kështu vetë shembulli i respektimit të të drejtave dhe lirive njerëzore, i ka vënë vetes si qëllim që të bëhet mbrojtësi i tyre kudo që ato preken. Ka qënë kjo edhe arsyeja, e cila, kësaj rradhe mblodhi në këtë fund jave, në zyrën e dëgës së Lidhjes Demokratike të Kosovës, për Nju Jork, e rrethinë, një pjesë të Bashkësisë i shqiptare në Shtetet e Bashkuara të Amerikës, në mbështetje e përkrhaje të kongresmenit të nderuar Eliot Engel, në një takim në prag të fushatës elektorale (Koktej - Fundraisnig).

Dega e Lidhjes Demokratike të Kosovës, dhe një pjesë e komunitetit shqiptar të Amerikës, mbajti një takim Koktel - Fundraisnig, në fillim të fushatës elektorale, të mikut të shquar të shqiptarve të Amerikës, kongresmenit Eliot Engel. Aa u mblodhën për t'i dhënë atij përkrahjen e plotë, për rolin e kontributin e tij në çështjen shqiptare. Me një gjest simbolik, atij iu bë një "Koktel - Fundraisnig", mënyrë tipike amerikane, kjo, që aplikohet vetem në SHBA-ës, me mbledhjen e parave, që të bëhet lobing me politikanët.

"Zoti Rexhaj! iu drejtua kongresmeni Engel, kryetarit të degës së LDK-ës, ju falemnderit për ftesën që më bëtë të marrë pjesë në këtë takim. Jamë me të vërtet i lumtur që këtë fushat elektorale po e hapë këtu me ju miqët e mijë shqiptar. Ju me të cilët, në saj të mikut tim Harry Bajraktari, u bënë rreth 18-vjet, që ju njohë."

"Unë jamë i vendosur dhe i bindur në pavarësinë e Kosovës, tha ai, dhe më vjen mirë që më në fund :" Ëndrra e shqiptarëve bëhet realitet- Kosova të bëhet e pavarur". Për herë të parë në historinë e tyre Shqiptarët janë të lirë. Kombi shqiptar asnjëher në historinë e tij nuk ka qënë më i lirë. Shqiptarët, kan lidhje e marrëdhëje të mira me SHBA-ës. Dhe ju jeni "kyçi" i lidhjes së krijuar midis shqipëtarëve dhe SHBA-ës. Shqiptarët e amerikës kan luajtur një rolë vendimtarë në vendosjen e këtyre marrëdhejeve të mira mes SHBA-ës me Shqipërinë, me shqiptarët në Mal të Zi dhe në Maqedoni e Luginën e Preshevës. Dhe unë jamë shumë i lumtur për këtë lidhje.

Unë shpresoj që pavarësia e Kosovës të arrihet sa më shpejt. Pavarësia e Kosovës koncepton një Kosovë të lirë e demokratike, në të gjithë territorin e saj. Pavarësia e Kosovës, sipas Engel, është një e pandarë është ajo që do t'a festojmë së bashku në Prishtinë - me shapanjën e pavarësisë. Në fund kongresmeni Eliot Engel bëri thirrje të investohet në Kosovë, duke marrë si shembull afaristin dhe aktivistin e dalluar Harry Bajraktari. Duke investuar në Kososvë, mendon Engel, ju keni investuar për familjen tuaj, veten tuaj! keni investuar për Kosovën e pavarësinë e saj.

Në fjalën e tij kryetari i degës së LDK-ës, për Amerikë, zoti Agim Rexhaj, pohoi edhe një here, se:” Kongresmeni Engel, është një ndër figurat më të mëdha të kongresit amerikan. I cili, e ka dëshmuar veten edhe në momentet më të vështira që ka kaluar Kosova, Shqipëria dhe të gjitha viset. Kongresmenin e kemi pasë gjithmonë pranë me guximin e tij, edhe at'here kur Kosova ishte në rrezik, Kosova ishte në luftë me Sërbin. Qëndrimi i kongresmenit, Engel, puna e madhe që ka bërë në kongresin amerikan, është shëmbullore, dhe me të vërtet për t'i qënë mirënjohës të gjithë shqiptarët, kudo që janë për punën e tij të palodhëshme. Me ambicje të mëdha dhe me një përkushtim shumë herë me vizitat e tija që ka bërë si në Kosovë edhe në Shqipëri, edhe në viset e tjera ku jetojnë shqiptarët, që kontributi i tij të jetë një kontribut i jashtëzakonëshëm".

Më konkretisht po përmend vetëm një rast në kohën kurë presidenti Klinton, dha urdhërin për bombardimin e Sërbisë, duhet cekur fakti që kongresmeni Engel, ka luajtur në atë kohë një rol në madh në mbështetjen e fushatës së bombardimeve. Ai vazhdimisht sensabilizojë Shtëpinë e Bardhë dhe Kongresin amerikan, duke paralajmëruar atë me rrezikun që i kanosej atij vendi, për gjenocidin i paparë, krimet dhe spastrimi i popullsisë shqiptare.

Kështu, që, tha Rexhaj, ne jemi mbështetësit dhe përkrahësit më të mëdhenjë të kongresmenit Engel, në distriktin tonë. Jemi me kongresmenin Engel, pasi edhe ai është me ne. Është me çështjen tonë. Ai është një zë i fuqishëm dhe mik i madh i shqiptarëve në Shtetet e Bashkuara të Amerikës. Dhe ashtu siç kemi qëndruar afër këtij politikani do të qëndrojmë edhe në të ardhmen. Këtij qëllimi do t'i shërbej edhe kjo fushatë elektorale, e cila, e udhëhequr nga Lidhja Demokratike e Kosovës për Amerikë, përkatësisht dega e saj për Nju Jork, Nju Xhersi dhe Kenektiket, organizon "Koktel - Fundraising", me anëtarët e kryesisë, simpatizantët dhe mbarë komunitetin. Në këtë vështrim, u tha pjesmarrësve Rexhaj: "Votat tona, përkrahja dhe mbështjetja jonë janë për për kongresmenin demokratë Eliot Engel, përfaqësuesi i distriktit të 17-të, në Nju Jork, për të 9-ën legjistatur, ato janë votë dhe përkrahje për pavarësinë e Kosovës, zgjidhjen e çështjes shqiptare në të gjitha viset".

Miku i ngushtë i kongresmenit Eliot Engel, afaristi dhe aktivisti i njohur Harry Bajraktari, në fjalën e tij ceku faktin se: "Engel është një mik i shqiptarëve, i cili, e ka filluar lidhjen e tij me ne 20 - vjet më parë. Dhe të gjithë ne jemi krenar që kemi gjetur një mik të tillë, një politikan në kongresin amerikan. Kongresmeni Engel, është shumë i lidhur me çështjen e Kosovës. Ai vitin e kaluar sapo vizitojë Kosovën dhe qëndrojë shumë afër me shqiptarët. Vizitojë Shqipërinë, dhe mbështeti e përkrahu forcat demokratike në Shqipëri. Vizitoi Malin e Zi dhe kontaktoi me autoritetet e atjeshme të ndihmojë për zgjidhjen e problemeve të shqiptarëve në Mal të Zi. Me Eliot Engel ne shqiptarët kemi një mik - një mik të mirë përgjithçka. Kongresmeni Engel është me ne dhe ne jemi me kongresmenin Engel. Jo vetëm në fushtat e kaluara por edhe në këtë fushat elektorale. Ne do t'a ndihmojmë atë duke bërë lobing sipas praktikave amerikane, sepse kongresmeni na duhet ne i duhet çështjes sonë ne Kongresin amerikan.

Ai, është, ndoshta edhe nga ata të vetmit që e thotë prerë, Kosova nuk ka rrugë tjetër veq pavarësisë. Aq sa në një takim me kryeadministratorin e Kosovës, zotin Jesen Pitersen atë që nuk e thoshte dotë ai - e tha Engel në takimin në Prishtinë. Engel tha se:" për Kosovën ka vetëm Pavarësi". Engel, është një mbështetës dhe përkrahës i madh i instutucioneve të Kosovës, presidentit Sejdiu dhe kryeministrit të ri Çeku. Engel ka qënë mik i presidentit Rugova.