Nga vizita e ish-kryeparlamentarit të Kuvendit të Kosovës, akademik Nexhat Daci, në Nju Jork

Daci: Shpallja e kanditaturës jashtë Kosovës - në Shtetet e Bashkuara të Amerikës, për Kosovën, dhe për shqiptarët në përgjithësi kanë një domethënje të veçantë

ARTHUR AVENUE - BRONX (NY): Akademik Nexhat Daci, i shoqëruar nga zoti Lulëzim Zeneli, zëdhënësi i LDK-ës, anëtarë i kryesisë dhe Deputet i Kuvendit të Kosovës, me të tjerë, në 7 - vjetorin e hyrjes së trupave të NATO-s në Kosovë, vizitojë SHBA-së. Ish-kryeparlamentari i Kuvendit të Kosovës, akademik Nexhat Daci, dje, zhvillojë disa takime të rëndësishme në metropolin e botës, qytetin e Nju Jorkut. Gjatë vizitës në SHBA-ës, ish kryeparlamentari i Kosovës, u njoftua, se pati takime në Stejtdepartmentin, Kongresin dhe Senatin e SHBA-ve. Në Nju Jork, ai dhe delegacioni që e shoqëronë atë, vizitojë redakisnë e gazetës kombëtare Bota Sot, në Bronks(NY), mbajti një takim me kryesinë e degës së LDK-ës në zyrën e re, dhe zhvillojë një takim me bashkëatdhetarët tanë, në restoratin"Mario's" në Arthur Avenue - Bronks.

Tek Bota Sot...

Gjatë vizitës në redaksinë e gazetës kombëtare Bota Sot, ai dhe personat që e shoqërojnë atë, u pritën nga redaktori përgjegjës i kësaj gazete, zoti Dervish Jahjaga. Daci tha se :"Bota Sot, prej themelimit të saj ka qënë përcjellësja më e denjë dhe më e besushmja e lirisë dhe e pavarësisë së Kosovës, rrugës së presidentit Rugova. Megjithse, ka pasur edhe përkrahjen tonë , kjo gazetë asnjëher nuk e ka pasur të lehtë rrugën e saj as në Prishtinë, as në Zyrih, dhe Nju Jork. Dan Eversti dhe qarqe të caktuara janë munduar t'a dëmtojnë gazetën me të gjitha format e dënimeve. Rruga që ndoqi Bota Sot, do të thotë se ishtë një rrugë e vështirë, e cila nuk e pengojë që ajo të hecë në të gjitha drejtimet. Ajo u bë një gazetë që gjithmonë i pati faqet e saja të hapura, për njërëzit e LDK-ës,.Gjithësesi, do të kisha shumë dëshirë që kjo rrugë të vazhdojë edhe në të ardhmen. Ruaj kujtime të mira edhe nga takime të tjera me këtë gazetë, si ai që pata para do kohe në Curih një një takim pune me redaksinë e saj atje, me botuesin e editorin e saj zotin Xhevdet Mazrekaj e stafin e saj. Përfitojë nga rasti t'ju përcjell përgëzimet e mija e njëherëshit tu urojë susksese.

Ndërkaq, redaktori përgjegjës i kësaj redaksie në SHBA-ës, zoti Dervish Jahjaga, tha se: "Është kënaqësia jonë të kemi në redaksinë tonë, sot, një personalitet të njohur të politikës shqiptare nga Kosova, siç jeni ju Akademik Nexhat Daci. Diaspora shqiptare, tha ai ka nevojë për informim, për arsye se krahas vështërsive dhe stresit të madh që ka kurbeti, diku duhet të ndjehet e lirë, dhe e relaksuar. Mediat janë më kryesoret që në këtë aspekt ato që mund të luajnë një rol të madh me informacionin e larmishëm, nga vendlindja. Z. Jahjaga e falenderoi z. Daci me bashkepuntorët për vizitën dhe njëherit u deshiroj suksese në punën dhe angazhimet e tyre në jetën politike.

Në kryesinë e degës së LDK-ës, për Nju Jork e rrethe

Në praninë e kryesisë në emër të saj kryetari i degës zoti Agim Rexhaj, duke i uruar mirëseardhjen tha se: "Kjo zyrë ka bërë dhe ka punuar me mundësit e veta, për më se 16 - vjet. Duke bërë gjithçka sa ka mundur, pa ndalur në asnjë moment. Rexhaj ceku faktin se: "Është, më se e vërtet që numëri i anëtarëve nuk është më ai kur kjo degë u krijua. Zhvillimet e ndryshme rrethanat dhe përcushmëria e problemeve që dolën nga qëndra, problemt e kurbetit e hallet e tyre, bënë që numëri sot, të jetë më i vogël, por më i konsoliduar. Ne u jemi mirënjohës të gjithë atyre që kanë kontribuar e kontribojnë në rradhët e kësaj kryesie, për Kosovën, pavarësisnë e saj e demokratizmin e saj. Ardhjen e demokracisë në Shqipëri, dhe marrjen e shumë të drejtave të shqiptarëve, në të gjitha trojet etnike.

Kjo degë, për kryetarin Rexhaj ka pasë si eksperiencë të vazhdueshme dhe ka ndjekur rrugën, zërin, politikën e qëndrimin e Presidentit Rugova. Njeri, i cili ka ditur t'a çmojë këtë degë nëpërmjet mirënjohjes dhe veprimeve të veta si presidenti i Kosovës, por edhe si kryetari i Lidhjes Demokratike të Kosovës. Gjë që ne na ka frymëzuar dhe na ka dhënë vullnet, që ne të ndjekim të njëjtën rrugë. Puna jonë ka qënë e sinkronizuar në lidhjet e takimet me personalitetet e njohuar amerikane, senatorë e kongresmen, fushatat elektorale për president, e të tjera ndihma humanitare për Kosovën, e viset shqiptare, u shpreh Rexhaj.

Daci: "Lidhja Demoratike e Kosovës, ka qenë shkollë e demokracisë"

Daci pohojë në fillim se, Presidenti Rugova, ka pasur një besim të madh me degën e LDK-ës, këtu në Nju Jork. Gjithënjë, ardhja e tij këtu, ka qënë një shpres e madhe, për ne në atë kohë. Këtë e konfirmojë edhe ish kandidati për president të SHBA-ës, senatori Bob Doll, kur tha se "në Kosovë, në një kohë kur sundonte rregjimi soldatesk i ish-Jugosllavisë, dhe ishte shumë e vështirë të futeshe në Kosovë, ju ishit ata që për Kosovën, hapët një rreze drite".

Duke folur për rrugën e ndjekur der tash, Daci, tha se unë kamë një parim, që gjithmon t'i lëmë pas ato që hoqëm dhe të hedhim syt drejt të ardhmes. Dhe ndoshta e ardhmja do të ketë nevojë më shumë nga ana politike dhe të angazhimit tuaj në Amerikë. Pra të degës së LDK-ës. Sepse, me zgjedhjen e statusit të Kosovës, at'here fillon"lufta" e vërtet për një Kosovë, ajo që e kemi ëndërruar të gjithë ne.

Në vijim lidhur me zhvillimet brenda partisë, ai tha se: "Kemi këto koncepte të bashkëpunimit të përcaktuar në atë se LDK-ja, qëndron në tre shtylla kryesore: Veprat dhe jeta e prisit, presidentit tonë të përjetëshëm, do të thoja Ibrahim Rugova. Shtylla e dytë lëvizja gjithë popullore e prirë nga LDK-ja për më shumë se 16 - vjet. E treta Kosova pas statusit final, orientimi pro perendimor me mbështetje të fort dhe të pakufishme me Shtetet e Bashkuara të Amerikës dhe Bashkimin Eurpoian. Në këto tre shtylla ne mendojmë t'a vazhdojmë aktivitetin e Lidhjes Demokratike të Kosovës. Dhe ky është vizion dhe garanci që jo vetëm e çonë Kosovën drejt pavarësisë, por krijon një Kosovë stabile, një shtet normal.

Çështje aktuale sot, u shpreh Daci, është ajo që shpesh herë i ndjeri Rugova, thonte: "Pavarësia formale e Kosovës". Ajo çka ne mendojmë se tash, është në fazën finale. Ajo është në fazën përfundimtare, dhe ky vitë do të jetë viti i pavarësisë së Kosovës. Ose viti i festës së madhe, për të gjithë shqiptarët, kudo që ata janë. Pavarësia e Kosovës, është një investim kombëtar që e ka zanafillën e saj prej luftës së Dytë Botërore dhe më përpara, për një Kosovë të lirë e të pavarur.

Ai përforcoi mendimin, se nuk ka asnjë rrezik për LDK-ën. Mbasi sipas tij, megjithse ka shumë mendime jashtë LDK-ës, që "kjo parti me vdekjen e presidenti Rugova, nuk egziston më si parti". LDK-ja, do të përçahet, do të fraksionohet, e tjerë e tjera. Ne kemi në të kundërtën një koncept tjetër, pikërishtë atë të autoritetit dhe veprës së presidentit Rugova. Kemi një obligim moral dhe nacional, që të vazhdohet si një parti e madhe dhe jetëgjatë. Këtë e kamë shprehur edhe në një vjetorin e vrasjes së akademik Fehmi Aganit, kur kam thënë se: "Tërësia, e LDK-ës, është shumë më e madhe se shuma e pjesëve". Çka do të thotë, se një LDK-ë, është shumë e fuqishme dhe shumë më e madhe se krejt fraksionet, e partive të tjera".

Për këtë, Daci ndër të tjera theksojë se:”Ne mendojmë se duhet t'i nënshtrohemi forcës së demokracisë, sepse ajo është forca e botës. Zgjedhje shpresojmë se do të kemi, njësojë sikurse që i kemi pasë edhe zgjedhjet lokale e parlamentare në Kosovë. Ashtu, siç kanë qënë zgjedhjet, që janë vlersuar nga më të mirat në Europën Juglindore, më të ndershmet dhe më të civilizuarat. Dhe ato zgjedhje faktikisht, i ka udhëhequr LDK-ja. Ne nuk e shohim asnjë arsye që zgjedhjet brenda partisë, të mos jenë po aq demokratike dhe po aq të lira e të nderëshme e transparente, sa ato që kemi mabjtur në Kosovë.

Mirpo, pohoi Daci, ”Ka një çështje, për shembull; pse shpallet kanditatura e dikujt (në këtë rastë unë vet) jashtë Kosovës. Për Kosovën, dhe për shqiptarët në përgjethësisht Shtetet e Bashkuara të Amerikës, kanë një domethënje të veçantë. Prej presidneti Uillson e këndej, Bush të vjetër dhe atij sot, dhe në veçanti atij të presidentit Klinton, për atë çka kanë bërë, për shqiptarët në përgjethësi, e jo vetëm për Kosovën.

Në fund ish-kryeparlamentari i Kuvendit të Kosovës, akademik Nexhat Daci, ju drejtua kryesisë duke thënë se: ”Lidhja Demoratike e Kosovës, ka qënë shkollë e demokracisë. Ajo ka qënë fillimi i demokracisë, jo vetëm në Kosovë e botën shqiptare, por edhe në Europën Juglindore. Paraqitja e ideve të presidentit Rugova, të themelimit të një lëvizje kombëtare, me koncept të kjartë demokratik, ishte diçka e re për krejt Europën Juglindore. Ishte diçka vizionare. Dhe kjo ka qënë do të thotë shkolla më e mirë, edhe për të gjitha partitë që kanë lindur më pasë në Kosovë. Ne ishim si në formën e një akademie të përgatitjes së njërëzve, që do të formonin më pasë partitë politike.