Në Nju Jork u shënuan 2 dhe 4 Korriku, Dita e shpalljes se Deklaratës Kushtetuese të pavarësisë së Kosovës, 6-vjetorit të çlirimit të Kosovës

Rreth 10 mijë shqiptaro amerikanë në piknikun tradicional në Nju Jork

Anthony Wayne Recration Area - Nju Jork: Të dielën, më 9 korrik, sipas traditës në parkun e bukur "Anthony Wayne Recration Area" të Nju-Jorkut, dega e LDK-së, për treshtetshin Nju Jork, Nju Xhersi e Kenektiket, për nder të 2 Korrikut - Ditës së shpalljes se Deklaratës Kushtetuese të pavarësisë së Kosovës, 6-vjetorit të çlirimit të Kosovës, dhe, 4 Korrikut, 230-vjetorit të Ditës së pavarësisë dhe shpalljes së Kushtetutës së Sheteve të Bashkuara të Amerikës, organizoi piknikun tradicional. Ky piknik u mbajtë në atmosferën e madhe të gëzimit që ka si prijse Pavarësinë e plotë të Kosovës, njohjen formale nga komuniteti ndërkombëtar.

Në këtë piknik, sipas zotit Agim Rexhaj, kryetar i degës së Lidhjes Demokratike të Kosovës, për Amerikë, kanë marrë pjesë rreth dhjetë mijë shqiptaro-amerikanë nga Nju Jork-u, Kenektikët, Pensillvenia e Nju Xhersi, të udhëhequr nga liderit e degës së LDK-s, për treshtetshin, kryesia e saj, me sukses zhvilluan këtë aktivitet tradicional. Takimin tradicional i cili mbahet në më shumë se 15- vjet e moderojë gazetari Shkumbin Teta, anëtarë e kryesisë së degës së LDK-ës për Amerikë.

Dega e Lidhjes Demokratike të Kosovës, me këtë piknik shënoi edhe një nga ngjarjet më të rëndësishme të shqiptarëve të Amerikës, për këtë vit, pos atyre që ka mabjtur deri tani ku evenimenti më e rëndësishëm i saj ka qënë Akademia përkujtimore kushtuar liderit historik dhe presidentit të Kosovës të ndjerit Prof.dr. Ibrahim Rugova. LDK-ja, i ka treguar, vazhdimisht se ajo ka si qëllim parësorë, për ta kthyer piknikun e 2 dhe 4 korrikut, në një manifestim mbarkombëtar në SHBA-së në aktivitetin e veprimtarinë e tyre gjithëkombëtare.

Kështu, në një atmosferë të shkëlqyer festive, edhe kësaj rradhe në njërën prej ambienteve më të mrekullueshme natyrore të këtij shteti, gëzimi festiv i kaloi ndoshta parashikimet dhe u zhëndrrua vetënatyrëshëm në një festë natyrrore që ka tërhequr vemendjen e të gjithë pjesmarrësve.