OKB-ja të njohë pavarësinë e plotë për Kosovën

Prof. Dr. Fatmir Sejdiu është presidenti i parë i Kosovës, që flet para Këshillit të Sigurimit të OKB-së

United Nations - NY: Në aeropotin ndërkombëtar "John F. Kennedy International Airport - JFK", sot, pas dite mbërriti Presidenti i Kosovës, Prof. Dr. Fatmir Sejdiu, i shoqëruar nga këshilltari i lartë Skënder Hyseni, dhe zëdhënësi i tij Muhamet Hamiti. Në Nju Jork, presidentin e Kosovës Prof. Dr. Fatmir Sejdiun dhe personat që e shoqërojnë atë, e pritën kryetari i degës së LDK-ës, zoti Agim Rexhaj, dy n/kryetarët zotërinjtë Marijan Cubi dhe Sylë Lajçi, si dhe anëtarët e kryesisë, Imer Lajçi, Shaban Lipaj, Agim Muja, Sali Lajçi.

Presidenti i Kosovës, Prof. dr. Fatmir Sejdiu erdhi në Nju Jork, për të marrë pjesë nesër(13 korrik) në një mbledhje të Këshillit të Sigurimit të OKB-së. Mbledhje, e cila, i kushtohet tërësishtë Kosovës, dhe statusit të saj përfundimtar. Në Këshillin e Sigurimit të OKB-së, nesër takimi është i ndarë në tre panele. Veç vendeve anëtare të Këshillit të Sigurimit të OKB-së, për herë të parë do të marrin pjesë dy vendet kandidate, Italia dhe Gjermania. Paneli i parë, i cili fillon në orën 9:00 të paradites, do të jetë ai i kryesuar nga delegacioni i Sërbisë, kryeministri sërbë Koushtunica.

Në panelin e dytë fjalën e ka raporti i të dërguarit të posaçëm të OKB së për statusin e Kosovës, diplomati finlandes Marti Ahtisari. Burime diplomatike kanë vrejtur se Ahtisari para Këshillit të Sigurimit të OKB së, nesër( 13 korrik) do të jetë shumë pozitiv dhe në pëputhje të plotë me të arriturat e deritashme në Kosovë. Sipas tyre ky raport do t'i japë edhe një shtytje zgjidhjes sa më të shpejt të statusit politik të Kosovës.Çka kupton pavarësinë e plotë të saj.

Gazeta jonë në aeropotin ndërkombëtar "John F. Kennedy International Airport - JFK", sot, pas dite i mori këtë intervistë eskluzive Presidentit të Kosovës, Prof. Dr. Fatmir Sejdiu:

Çfarë mendimi keni për takimin në Këshillin e Sigurimit të OKB-ës, ku ju merrni pjesë për herë të parë?
Sejdiu: Mendoj, se është një takim historik për Kosovën, dhe një takim shumë i rëndësishëm.

Ky, është një moment shumë i rëndësishëm që t'u adresohem të gjithë anëtarëve të Këshillit të Sigurimit, me aspekte të zhvillimit të përgjithshëm dhe të vizionit tonë politik. Faleminderoj me këtë rast Këshillin e Sigurimit, vendet anëtare, të cilët na dhanë mundësinë të japim mendimet dhe vizionin tonë për të ardhmen e Kosovës. Në këtë këndëvështrim bëhet fjalë për arritjet tona, dhe të shprehim kënaqësinë tonë për të gjithë atë punë të madhe që është bërë në Kosovë. Po ashtu të shprehim mirënjohjen për mbështetjen që na është dhënë nga komuniteti ndërkombëtar në Kosovë.

Të vëmë në pah të gjitha zhvillimet e gjertanishme duke dëshiruar që ky vit - viti 2006 të jetë viti i përmbylljes së gjithë këtij procesi. Dhe mendoj se edhe Këshilli i Sigurimit, vendet anëtare dhe vendet e tjera me influencë përfshirë edhe Grupin e Kontaktit do të nxitojë s'bashku me Ekipin e zotit Marti Ahtisari, i cili kryeson negociatat mbi statusin e Kosovës, që kjo të përfgundojë dhe të kemi sovranitetin e pavarësinë e plotë të Kosovës.

Diçka ju lutem rreth fjalës suaj?
Sejdiu: Fjala ime në këtë takim do të mbështet kryesisht në të gjithë atë punë që është bërë deri tash në Kosovë. Do të shfaqim vizionin tonë politik të, të gjithë popullit të Kosovës. Dhe me këtë natyrishtë kahet e mëtutjeshme të ecurisë sonë. Duke pasë si parësore qëllimin që Kosova të jetë pjesë e integrimeve Europiane. Dhe duke nxjerrë në planë të parë një axhend të posaqëme për ndihmën dhe bashkëpunimin me komunitetin ndërkombëtar. Një vemende i kushtojmë edhe bashkëpunimit me Shtetet e Bashkuara të Amerikës.

Keni thënë para nisjes se vini në Kombet e Bashkuara të kërkoni një vend për Kosovën ...
Sejdiu: Natyrisht kur flasëm për vende të pavarura dhe sovrane kanë një vend në Organizatën e Kombeve të Bashkuara. Gjë që me një proces normal e kërkoj edhe për Kosovën. Ky proces besoj se shumë shpejt do të kalojë me sukses dhe do t'a arrijmë. Do të kërkojë një konferencë ndërkombëtare të donatorëve për Kosovën, e pas statusit. Do të kërkojë nga Këshilli i Sigurimit që pos pavarësisë, Kosova të ketë vendin e vet në Këshillin Sigurimit të OKB-së.

Mirpo sa i besoni ju kësaj se do të arrihet deri në fund të këtij viti?
Sejdiu: I besoj absolutisht! I besoj sepse kemi bërë arritje deri tash, me vetë faktin e njohjes ndërkombëtare të Kosovës. Ndërkombtarizimin, e çështjes së Kosovës. Mbylljen e këtij procesi gjatë këtij viti dhe hapjen e të gjitha portave për Kosovën. Ne kemi dëshirë dhe jemi pjesë serioze e të gjitha integrimeve Euro Atlantike, dhe çdo asocimi ndërkombëtar. Kosova ka një formulë shumë të qartë që pavarësia e Kosovës është e panegociueshme Presidenti i Kosovës, Prof. Dr. Fatmir Sejdiu, është presidenti i parë i Kosovës që flet para Këshillit të Sigurimit të OKB-së.