Nga Tropoja mes Brukselit dhe Parisit

Summit - New Jersey: Në një takim miqsh në lokalin "Fiorino Ristorante" - Nju Xhersi, pronari i lokalit, aktivisti i dalluar i komunitetit zoti Sabit Bytyqi, kryetari i degës së LDK-ës, për Amerikë, zoti Agim Rexhaj, aktivisti Sejdi Hysenaj - promovuan antologjinë në gjuhën angleze, e titulluar; "Poems". Një libër ky i shtëpisë botuese franceze "Editions Soliflor", me përkthim të Philip Gashell, dhe autor Michel - Bajram Sinani. Krijimtarija e Sinanit, është: "Një pemë poetike e mbjellë vite më parë në Shqipëri. Kurora - maja, e sëcilës, ka gjethet më të mira, të cilat, sikur i thonë qiellit ne jemi krenaria...

Poezia e tij është "Një lumë që mund të ndizet "flakë", një zjarr, drita e të cilit dhe zhurmuritja e tij sikur të marrin "frymën" dhe të nështron në mitin dhe pa fuqinë. Ajo është një çudi e uritur, në qetësinë e strofës së vet dhe mbledh fuqinë para se të të gjejë përsëri. Antologjia "Poems", të lë impresionin e vetmisë, një libër ky që ndriçon në kohët e mira, dhe në kohët e këqija.

Michel - Bajram Sinani, i biri i Ram Tahir Sinanit, nga Bregu i Pacit (Malsia e Gjakovës) të duket sikur ka lindur shkrimtar, piktor, poet e artist. Këtë përshtypje t'a lë edhe kjo antologji poezishë, letra dhe histori të jetuara e dalë thellë nga zemra e tij. Të cilat, janë publikimi i parë. Ato janë si një frymë me një "afsh" të madh, një mbushje e thellë e "mushkrive" me ajër të pastër në vetveten e këtij shkrimtari, poeti, piktori e artisti me origjinë nga një vend me traditë dhe histori të madhe kombëtare, siç është Tropoja.

Krijimataria e tij veç vend-orgjininës - shqiptarisë, ka pjesëza nga jeta e tij në disa shtete perendimore, Belgjikë, Francë e SHBA. Kjo antologji e titulluar: "Poems" është një impresion të cilin Michel - Bajram Sinani, ia dedikon me plot pasion e dashuri, familjes së vet, të cilën e do aq shumë.

Familja e Michel - Bajram Sinani, bëhet fjalë për ata që mbeten atje, kanë kaluar në Shqipëri, nëpër kalvarin e madh të vuajtjeve nën rregjimin komunist, çka e detyruan edhe babain e tij që të arratiset drejt ish-Jugosllavisë. Pas kalimit të kufirit, familja Sinani jetoi disa vite në Kosovë. Prej kur u shpërngul familjarisht në Itali, e prej andej filloi të jetonte në Belgjikë, në Bruksel. Duke qënë një talent i lindur, ai nis të pikturojë fillimisht por edhe të shkruajë poezi shqipe me stil moderrn flamisht dhe frankofon. Ndërsa ka punuar si piktor i disa studiove e galerive më në zë në Paris e Bruksel, nuk i është ndarë asnjëherë poezisë e shkrimeve.

Nga Tropoja mes Brukselit dhe Parisit
Michel - Bajram Sinani, thotë se me krijmatarinë në një formë shumë frymëzuese e ka të ndikuar nga shtëpia shqiptare në Belgjikë, oda e burrave, si në Tropojë, që mbante babai tij, në Bruksel, ku mblidheshin jo vetëm emigrantët atdhetarë të përndjekur nga rregjimi komunist, por edhe emigrantë të racave të tjera si amerikanë, italianë, e tjerë. Babai Ram Tahir Sinani, nëna Bute Sinani rritën nën frymën e familjes e të atdheut 7 fëmijë.

"Babai im mbante në odat e burrave si në Tropojë, edhe në Bruksel, vetëm biseda me ngjarje trimërie, burrërie, atdhetarie, patriotizmi e legjenda të atyre anëve. Gjithmonë, thotë ai në odë kur mblidheshin burrat e emigracionit shqiptar dhe figura të emigracionit në Bruksel, do të kishte një ngjarje të rëndësishme, dita e flamurit, ose ndonjë ngjarje tjetër dasëm a vdekje.

Ndonjëherë, takime të tilla mbaheshin edhe kur vinin edhe emigrantë shqiptarë të arratisur, që vinin në Bruksel, nga Amerika, Franca, Italia, Gjermania, e deri nga Australia. Ata bënin takime, si "mbledhje" duke treguar peripecitë e jetës, jetën nëpër kampet e interrnimit dhe burgjet e Shqipërisë, të familjeve të tyre që jetonin në Shqipëri e ata i kishin lënë pas".

"Kurrë, nuk e harroj atë që na tregonte babai, dhe miqët e tij, për kalvarin i vuajtjeve të familjes, anëtarë të së cilës ishin të dënuar nga rregjimi komunist, nëpër, burgje, kampe interrnimi dhe pushkatime, duke i detyruar ata të marrin rrugët e mërgimit me gjithë familjen...! I frymëzuar, nga kjo ndjenjë e thellë, thotë ai, më është dashur me krijue, me pikturue". I rritur në Belgjikë, Michel - Bajram Sinani, pa harruar Tropojën, aktualishtë jeton mes Brukselit dhe Parisit. Ai, është një nga ata intelektualë shqiptarë në mërgim, që zotëron mirë disa gjuhë të huaja. Veç shqipes, ai flet shumë bukur edhe frengjishten, flamishten, italishten e anglishten në mënyrë fantastike. Por njohuritë e tij nuk kufizohen vetëm me krijimtarinë dhe gjuhën letrare, por shtrihen në të gjitha format e krijimeve që nxjerr ai në dritë.

Megjithatë, Michel - Bajram Sinani, vazhdon të besojë se krijimtarinë në një formë impresiounuese ia ka diktuar shtëpia shqiptare në Belgjikë, ajo oda e burrave si në Tropojë, për të cilën ai flet sikur të ketë lindur në ato anë. Ai kujton të gjithë ata burra të mirë siç i quan ai, patriotë e atdhetarë të flaktë, anti-komunistë në shpirt, si për shembull Muharem Bajraktarin e Lumës dhe Ali Brahim Zherkën e Bytyqit (Malsia e Gjakovës), burra të cilët kanë lënë gjurmë të pashlyera në mendjen e zëmrën e tij dhe e kanë impresionuar.