Veton Esati dhe Ina Imami fituan titullin ”Best in the Show” të kongresit amerikan, për pikturën më të bukur

CLEVENLAND - OHIO: "U.S. Capital Hill Building "Ndërtesa e kongresit e senatit amerikan në kryeqytetin e SHBA, Washington D.C., ftoi studentët e artit nga i gjithë vendi të ekspozojnë punimet e tyre. Një stundent dhe nje studente shqiptaro - amerikan, nga shkolla e mesme "Lakewood High School" në Klevenland të Ohaios, midis një mijë stundentëve kanë ekspozuar pikturat e tyre dhe kanë fituar çmimin “Best in the Show”, në konkursin e "Zbulimeve të Talenteve Artistike". Konkurs ky qe sponsorizohet nga kongresi amerikan per çdo vit.

Ngjarja ka ndodhur Capitol Hill, ku edhe u organizua ceremonia zyrtare e dhënies se çmimeve për studentët me punimet artistike më të mira. Media këtu ka njoftuar se këtë vit me çmimin “Best in the Show” në konkursin e "Zbulimeve të Talenteve Artistike", është nderuar studenti i shkollës së Mesme se Lakewood-it, në Klevenland të Ohaios, Veton Esati. Studentët dhe mesuesit e shkollës i kanë uruar Vetonit, suksese të metejshme dhe e kanë pritur si një ngjarje të madhe të kësaj shkolle.

Dorëzimin e çmimit, Veton Esatit dhe mesueses së tij të Artit, Sandy Norris, në Parmatown Mall - Klevenland - Ohaio, e ka bërë kongresisti demokrat Denis Kucinic (Dennis J. Kucinich) i Distriktit 10-të. Ky konkurs për shkollat e mesme publike dhe private, sponsorizohet për çdo vit nga anëtarët e kongresit, dhe punimet e tyre ekspozohen më pas në korridoret e ndërtesës së kongresit, në Capitol Hill, në kryeqyetin amerikan, Washington DC. Përveç çmimit “Best in the Show”, fituar nga shqiptari artist dhe sportisti i skuadrës së futbollit nga Lugina e Preshevës në këtë qytet amerikan, Veton Esati, çmimi i parë, iu dha edhe një tjetër shqiptareje, Ina Imamit nga Tirana. Këto dy fitues shkojnë drejt sukseseve të mëtejshme në rrugën e artit dhe në mesime.

Fituesi i këtij viti i çmimit "The Best in Show" Veton Esati i ri nga shkolla e mesme "Lakewood High School" si dhe mësuesja e artit Sandy Norris, janë për të dytin vit me radhë fitues të këtij çmimi nga shkolla e mesme "Lakewood High School" në Klevenland të Ohaios, në konkursin e "Zbulimeve të Talenteve Artistike"- "Artistic Discovery Competition". Vitin e kaluar Joe Nagbe ka qënë fitues i këtij çmimi. Të tjerë fitues nga shkolla e mesme "Lakewood High School" e qytetit Klevendland e Ohahios, qytet ky ku vitet e fundit kanë arrdhur shumë familje emigrantësh shqiptarë, e kanë fituar edhe Ina Imami në vend të parë, Maggie O'Malley në vend të dytë, Jaime Wroten në vend të tretë në kategorinë medie e përzier.