SHOQATA SHQIPTARO-AMERIKANE "Dr. IBRAHIM RUGOVA"

Arthure Avenue Broonx New York: Lajmi i kobëshëm për vdekjen e Presidentit Rugova, është pritur me dhimbje të madhe edhe në Shtetet e Bashkuara të Amerikës. Bashkëatdhetarët tanë i ka kapluar kudo hidhërimi i madhë. Pothuajse, në çdo vatër shqiptare po ndihet atmosfera e zisë. Flamuri i Dardanisë, u ulë sot, në gjysëm shtize në selinë e Lidhjes Demokratike të Kosovës ,në Nju Jork. Qytetarët i bënë gjatë gjithë ditës homazhe dhe vendosën kurora me lule - ndezë qirinjë e lutën në zyrën e LDK-së . Kryetari, i saj zotëri Agim Rexhaj, ka hapur fletoren e ngushëllimit, ku bashkëatdhetarët tanë po shënohen në Librin e Ngushëllimit. Kryetarët e organizatave, shoqatave, enteve fetare, individ të veqantë, profesor, doktor, artistë, këngëtar, muzikan, afaristët e njohur, nxënsit e shkollave dhe studenetët hynë e dalin me kokën e ulur dhe mbajnë një minutë heshtje.

Lidhja Demokratike e Kosovës, Dega e Lidhjes Demokratike të Kosovës për SHBA
Telegram ngushëllimi me rastin e vdekjes së Presidentit të Kosovës, Dr, Ibrahim Rugovës

Familjes Rugova,
Presidencës,
Parlamentit dhe Qeverisë së Kosovës
Kryesisë së Lidhjes Demokratike të Kosovës

Lajmin për vdekjen e Presidentit të Kosovës, Dr. Ibrahim Rugova, e morëm me tronditje të thellë, sepse Kosova sot humbi burrshtetasin e madh, njeriun e vizionit historik për Kosovën, njeriun dhe heroin e paqes, simbolin e Pavarësisë së Kosovës.

Pikëllimi, tronditja e dhembja për humbjen e tij na goditën thellë, sepse me humbjen e Presidentit të Pavarësisë, të personalitetit të përmasave të mëdha, Kosova humbi njeriun dhe udhëheqësin, i cili, me frymën e mendimit e të veprimit të tij integrativ, me këmbënguljen e qëndresën e pashembëlltë, me guximin e vizionin e atdhetrait të pashoq, nuk u ndal asnjëherë në përpjekjet e tij për realizimin e pavarësisë, të demokracisë e të sovranitetit të Kosovës.

E nderuara familje, pranoni ngushëllimet tona më të thella për humbjen e njeriut Tuaj, për humbjen e njeriut i cili nuk është vetëm i Juaji, por edhe i joni, njeriu i Kosovës dhe i ëndrrës së saj për pavarësi e demokraci.

E nderuara Presidencë, pikëllimi juaj për humbjen e njeriut dhe të burrështetasit të madh, i cili ju la në kohën kur Kosovës më së shumti i duhej urtia dhe vizioni i personalitetit të fuqishëm, është pikëllim edhe për ne, që humbëm njeriun e qëndresës e të frymës së bashkëpunimit, njeriun i cili jetoi me idealin e pavarësisë.

I nderuari Zoti Kryetar i kuvendit te Kosoves, i nderuari Zoti Kryeminister, pranoni ngushëllimet tona për humbjen e njeriut të madh, të personalitetit i cili me veprimet e urta, të matura e të guximshme, hapi shtigje për sendërtim të idealeve të qytetarëve të Kosovës, për shtetin dhe sovranitetin e Kosovës.

E nderuara Kryesi e Lidhjes Demokratike, ndajmë me ju dhembjen e thellë për humbjen e udhëheqësit, të personalitetit i cili me jetën e me veprën e tij, me frymën e tij atdhetare, mbolli, kultivoi, zhvilloi dhe e shpuri në prag të realizimit të plotë pavarësinë e Kosovës.

Në këtë ditë të tronditjes së thellë të përmasave kombëtare, në këtë ditë kur nga ne u nda Presidenti ynë pa e parë të sendërtuar plotësisht ëndrrën e tij jetësore, të cilës iu përkushtua me gjithë potencialin e tij, vepra e Presidentit tonë mbetet vetëm një ndarje fizike nga ne nëse ne i përkushtohemi deri në fund rrugës e vizionit të tij, nëse sendërtojmë ëndrrën dhe amanetin e tij për pavarësinë, demokracinë dhe sovranitetin e Kosovës.
Agim Rexhaj
Kryetar

Bashkësia Shqiptaro-Amerikane e Virgjinisë, prej sot do të quhet

Vepra e tij na obligon të jemi unik dhe këmbëngulës në sensibilizmin e mëtejmë të opinionit dhe qendrave të vendosjës këtu në SHBA në betejën përfundimtare drejt njohjës së pavarësisë së Kosovës, si shtet i paqës, harmonisë dhe lirisë qytetare. Ai na miqësoi me popujt liridashës kudo në botë, të cilët na përkrahën pa rezervë në rrugën tonë drejt lirisë dhe pavarësisë, prandaj vetëm në këtë mënyrë do ta mbajmë në jetë amanetin dhe vizionin e pavdekshëm të tij.
Në shenjë nderimi dhe respekti të veprës së tij prej humanisti dhe lideri shumëvjeçar kombëtar, Këshilli drejtues vendosi që sot e tutje, kjo Bashkësi Shqiptaro-amerikane të emërohet; Shoqata Shqiptaro-Amerikane e Virgjinisë "Dr.Ibrahim Rugova". ( Fadil Demaku)

Prof. dr. Agron Fico, i cili, drejtojë premeorjen tha se "na mblodhi ky rastë i hidhur të përcjellim edhe ne popullit të Kosovës, presidencës së saj ngushëllimet tona më të sinqerta. Vdekja e Rugovës në këto momente, është një humbje e madhe, tha ai që populli shqiptarë do të dijë t'a kapërcejë. Kryetari i Akademisë Shqiptaro - Amerikane të Shkencave Prof. dr. Skënder Kodra u shpreh se ai më shumë ndoshta se kushdo e ka ndjer këtë dhimbje. "Me Rugovën, njihem që në ditët e para kur ai i'u fut politikës në Kosovë. Ai ishte i vetmi shqiptar i këtij shekulli që u njoh si burshtetas".

Donika Temo - poete, thotë se ashtu siç është kjo ditë e vrejtur dhe me shi - ashtu janë edhe zemrat e shqiptarëve sot, me lot dhe dhimbje të madhe. Rugova ishte një figurë e madhe shqiptarizimit. Iliriana Sulkuqi, shkrimtare thotë se "Rugova veq një udhëheqësi largëpamës, është edhe një akademik i madh, një shkrimtar i madh, një politikanë i madh". Dardanesha Gashi - intelektuale shprehet: "Rugova edhe gjithënjë e duke u lartësur. Deri sa u bë figurë qëndrore në jetën politike shqiptare. Rugoa ishte një njeri i cili i duhej shumë Kosovës - njeri me mendim të qartë politik, me urtësi njësojë siç janë burrështetasit e vërtet.".

Dr. Atrim Marku : " Rogova, është një kolosë i madh ai renditet ndër figurat më madhështore që ka kombi ynë - vdekja e tij është vetëm vdekje fizike pasi që në zemrat e mendjet e shqiptarëve ai do të jetojë gjithmonë". Tom Paloka gazetarë :" Rogova ishte njeriu që gjithë jetën e tij ja kushtojë Kosovës - Pavarësisë së saj. Edhe, pse disa u munduan të hedhin baltë mbi "kështjellën" e tij filozofike të lirisë e pavarësisë së Kosovës, ajo mbeti e pastër si drita e diellit". Dr Adem Harxhi:" Rogova laujti një rol jashtëzakonishtë të madh që e solli Kosovën në këtë ditë - që ajo të jetë e lirë dhe të shohë sa më afër Pavarësinë e saj.

Chameria Human Rights Association
Shoqeria Per Te Drejtat e Njeriut Çameria
PO Box 850125
Braintree, Ma 02185
Tel / Fax 781 535-6472
www.chameriaassociation.org

Ne emer te Shoqerise Per Te Drejtat e Njeriut Çameria Amerike, shprehim keqardhjen dhe ngushellimet tona me te sinqerta familjes Rugova si dhe te gjithe popullit shqipetar te Kosoves per humbjen e presidentit Rugova, i cili u nda nga jeta ne momentet me vendimtare per zgjidhjen e ceshtjes se Kosoves.

Doktor Rugova ia dedikoi te gjithe jeten e tij lirise dhe panvaresise se Kosoves. Dedikimi i tij ishte i pashembullt per realizimin perfundimtar te endres se te gjithe shqiptareve per nje Kosove te Lire. Simboli i qendreses heroike te atij populli martir, njeriu i paqes dhe panvaresise, politikani i mençur dhe burri i urte,intelektuali erudit dhe patrioti i madh Ibrahim Rrugova do te kujtohet perjete si presidenti i pare i Kosoves se lire e Demokratike. Me humbjen e tij Kosova humbi birin e saj qe aq shume e donte, shoket e tij te kauzes burrin qe I drejtonte dhe kombit shqiptar I mungon tashme edhe nje simbol tjeter shqiptarie.

Por ne shprehim bindjen, se keto momente te veshtira, klasa politike si dhe i gjithe populli i Kosoves, do te dine t’i kalojne me maturi dhe te bashkuar per te vazhduar ne rrugen qe president Rugova nisi dhe punoi pa u lodhur per te çuar ne panvaresine e plote e perfundimtare te Kosoves.

Popullit tone asnje here nuk i kane munguar burrat. Ne gjithmone kemi ditur te vazhdojme me zgjuaresi dhe trimeri rrrugen tone heroike. Me bindjen e thelle se populli shqiptar i Kosoves do ta kaloje, ndonese me dhimbje kete moment te veshtire ne historine e tij, Ju lutemi, dhe nepermjet jush popullit dhe klases politike te Kosoves, familjareve, miqve dhe dashamireve te pranoni ngushellimet tona me te sinqerta ne fatkeqesine tone te perbashket.

Pushofte ne paqe dhe Zoti qofte me te !

Me Respekt Kryetar i Ahmet Giaffo, sekretare Vera Gjata

Nazo Veliu - Bronx, New York, SHBA

Si per te gjithe shqiptaret edhe per mua vajzen came vdekja e te madhit Ibrahim Rugova eshte nje humbje e madhe. Kurajoja dhe forca e shpirtit te Tij per te mposhtur murtajen serbe do te mbetet nje drite e ndezur, e cila do te ndricoje rrugen ne te cilen duhet te ecim per te realizuar endrren shekullore, PAVARESINE E KOSOVES. U PREFTE NE PAQE SHPIRTI I TIJ.
Dhimbjen jam munduar ta shpreh ne vargje, jo duke qare, sepse trimat nuk qahen, Atyre u thuren hymne. Nuk di se sa me vlere do t'ju duken keto pak rreshta. Nese i shihni me vlere nepermjet gazetes Bota Sot apo dhe gazetave te tjera shqiptare me te cilat Ju kontaktoni mund t'i shprehni ngushellimet e mia LDK ne Kosove, Deges se saj ne SHBA, familjes Rugova si dhe cdo shqiptari qe e ndjen veten te tille. I PERJETSHEM KUJTIMI I TIJ.

Washington, DC, January 21, 2006: Këshilli Kombëtar Shqiptaro Amerikan (KKSHA) lëshoi këtë deklarate shtypi me rastin e vdekjes se Presidentit te Kosoves, Dr. Ibrahim Rugova.

Me pikellimin me te madh morem lajmin qe Presidenti i Kosoves, Dr. Ibrahim Rugova, nderroi jete. Ky eshte nje lajm teper i hidhur per Kosoven dhe per mbare kombin shqiptar. Eshte fatkqesi qe Dr. Rugova nuk arriti te shohe kurorezimin me sukses te perpjekjeve te tij shumevjecare per nje Kosove demokratike, te pavarur dhe sovrane, per te cilen ai punoi aq shume.
Presidenti Rugova filloi veprimtarine e tij diplomatike ne Washington qe ne vitin 1989 per te siguruar perkrahje nga Shtetet e Bashkuara te Amerikes per popullin e tij te pervuajtur. Ai vazhdimisht thoshte se ne shqiptaret kemi mjaft armiq e duhet te perpiqemi te bejme sa me shume miq. Fakti se pothuaj e gjithe bota i erdhi ne ndihme Kosoves ne castin me kritik te ekzistences se saj, eshte gjithashtu merite e ketij burri shteti i cili misheronte Kosoven martire dhe vuajtjet e popullit te saj.

Presidenti Rugova ishte nismetar dhe punoi dite e nate per nje identitet politik shteteror per Kosoven. Ne fillim te viteve 1990 ai u vu ne krye te levizjes shqiptare per pavaresi. Fale menyres paqesore me te cilen ai e udhehoqi popullin e Kosoves gjate kohes se regjimit te ashper te Milloshevicit, Dr. Rugova u kthye ne simbol i paqes dhe arriti te njihet ne arenen nderkombetare si Gandi i Ballkanit.
Ndonese i pllakosur me nje semundje te rende, Presidenti Rugova punoi deri ne castet e fundit te jetes per pavaresine e Kosoves. Shqiptaret kudo qe jane do krenohen me presidentin Rugova dhe veprimtarine e tij patriotike.

Mungesa e Dr. Rugoves ne jeten politike te Kosoves do te ndihet shume. I takon tani te gjithe klases politike te Kosoves qe ta nderoje kujtimin e Presidentit Rugova duke treguar nje pjekuri politike te madhe e duke bashkepunuar edhe me shume per arritjen e qellimit te perbashket, pavaresine e Kosoves. Gjate gjithe historise, kombi shqiptar i dhuroi njerzimit figura te medha krenarie. Shqiptaret kudo, do te jene krenar me Presidentin Rugova dhe veprimatrine e tij. I ndeshur me te keqen gjate 10-15 vjeteve te fundit, Presidenti Rugova, si gjithmone gjate historise sone, ofroi urtesine, miqesine, e qendresen qe kane perbere gjithmone qenjen shqiptare se bashku me besen, nderin e burrenine.
Keshilli Kombetar Shqiptaro Amerikan i shpreh ngushellimet me te thella familjes se presidentit Rugova dhe mbare Kosoves. Vdekja e presidenti Rugova eshte nje humbje e madhe jo vetem per Kosoven, por per mbare kombin shqiptar.

Ndue Hila Detroit me 21 janar 2006

Mesuam per humbjen e madhe qe pllakosi mbare kombin shqiptar i kudo gjendur,per humbjen e ideatorit te Koseves shtet i pamvarur presidentit te saj te paharruar Dr. Ibrahim Rugova. Kjo eshte nje humbje jo vetem per popullin e kosoves por per gjithe kombin tone. Ngushllime qeverise dhe shtetit kosovar per kete humbje te madhe. Ngushllime popullit vella kosovar qe me shume se kurre tani duhet te jene te bashkur ne keto momente te veshtira,se vertet humbja eshte e madhe por vetem bashkim vellazerimi midis njeri tjetrit do te beje qe makina e ndryshkur serbe te mos depertoje ne keto momente vertete te veshtira. Ngushllime familjes se nderuar te Dr. Rugoves dhe ndajme hidherimin ne keto momente dhimbjen. Pushofte ne paqe qe te cilen e ka enderruar gjithe jeten e tij.