Akademia Shqiptaro-Amerikane e Shkencave dhe e Arteve në Nju-Jork, doli me Rezolutë për pavarësinë e Kosovës

BENSONHURST - BROOKLYN(NY): Akademia Shqiptaro-Amerikane e Shkencave dhe e Arteve në Nju-Jork, organizoi një tubim të vecantë me shkencëtarë, intelektualë dhe anëtarët e shoqatave të Diasporës sonë në Nju-Jork, ditën e shtunë, në sallën e kolegjit amerikan Bromson ORT, ku u diskutua me përgjegjësi dhe u shfaqën mendime të lira rreth pavarësisë së Kosovës. Në fund të këtij tubimi u aprovua një rezolutë, kushtuar mbështetjes së Pavarësisë dhe Sovranitetit të Kosovës, si shtet i ri dhe garanci për paqen në Ballkan.
Në takim morën pjesë edhe Joseph J. DioGuardi - Ish-Kongresist Amerikan dhe Kryetar i Ligës Qytetare Shqiptaro-Amerikane, si dhe Shirley Cloyes DioGuardi - Publiciste dhe Këshilltare për Çështje të Ballkanit në LQSHA, Nju Jork, SHBA.

Pjesëmarrësit në diskutim theksuan se vendimi për shtyrjen e zgjidhjes së statusit mund të jetë i rrezikshëm sepse mund të keqësojë situatën në vend, sidomos duke pasur parasysh që populli shqiptarë i Kosovës, ka shtatë vjet që pretë zgjidhjen e statusit të saj - Pavarësinë e Kosovës.

Takimin e hapi Prof. Dr Skënder Kodra. Fjalën kryesore dhe drejtimin e takimit e bëri Dr. Namik M. Shehu - Sekretari shkencor i akademisë. "Akademia Shqiptaro-Amerikane e Shkencave, e shqetesuar per ngjarjet e fundit, per statusin e Kosoves, shprehet ai në fjalën e tij, e ndjeu për detyrë të organizoj këtë tubim të veçantë, që të diskutoj me pergjegjësi, të ngrej zërin e bashkësisë së diasporës tonë me të drejtën e kombit, të shkencës dhe të ligjit të së drejtës; për të miratuar një rezolutë në mbeshtetje të “Pavarësisë dhe sovranitetit të Kosovës si shtet të lirë dhe garanci për paqe në Ballkan.

"Për pavarësin e Kosovës, tha Joseph J. DioGuardi - Ish-Kongresist Amerikan dhe Kryetar i Ligës Qytetare Shqiptaro-Amerikane, jemi duke punuar sesi t'i bashkojmë të gjithë shqiptarët. Ne jemi të palëvizëshëm në rrugën tonë. Nuk bëjmë asnjë lloj kompromisi me çështje shqiptare. Dhe angazhohemi se do të ngremë më lart dhe më fuqishëm, të gjitha problemet e shqiptarëve, si në Luginën e Preshevës, atyre në Mal të Zi, Maqedoni dhe në Çamëri. Ne duam që edhe Shqipëria, të jetë në rolin dhe detyrën e saj si shteti mëmë."

Shirley Cloyes DioGuardi - Publiciste dhe Këshilltare për Çështje të Ballkanit në LQSHA Nju Jork, SHBA, vuri në dukje se vonesa në zgjidhjen e statusit do të thotë mospjesëmarrje e plotë në institucionet financiare ndërkombëtare, vonesë e fillimit të marrëveshjes së asocim stabilizimit me Bashkimin Evropian dhe ka një kosto të lartë ekonomike për Kosovën. "Kosovarët, tha ajo janë populli më i varfër në Evropë, dhe atyre po u kërkohet të paguajnë një çmim të lartë për këtë vonesë. Papunësia në Kosovë është rreth 70% Ndërkohë që mesatarja e moshës së popullsisë është nën moshën 25 vjeç".

Prof. Dr. Agron Fico, albanolog i njohur - gjuhëtar dhe publicist, vuri në pahë se:"zgjatja dhe stërgjatja e shpalljes së vendimit për statusin e Kosovës krijon një shqetësim të ligjëshëm ndaj të kërkojmë një veprim aktiv dhe më të vendosur nga institucionet tona shtetërore. Durimi ka një kufi. Një Kosovë e pavarur, shtet sovran dhe demokratik do të jetë faktor paqeje dhe qendrushmërie në Ballkan dhe më gjerë."

Veprimtari Sali Bollati, mendon se: "Pavarësia e Kosovës, lëshon dritë edhe në "tunelin" e zgjidhjes së çështjes së Çmaërisë. Ajo bëhet garancipër Ballkanin e rajonin. Faktor paqeje dhe stabiliteti. I qetëson shqiptarët.

Pedagogu, Qemal Zylo, sugjerojë se ka ardhur koha që shqiptarët, të dalin para komunitetit ndërkombëtar, me një zë të fuqishëm dhe të përbashkët. I këtij mendimi duket se ishte edhe zvëndës presindenti i Instituit Shqiptaro Amerikan, Myslim Ruci, i cili tha se ne shqiptarët të gjithë kemi të njëjtin qëllim, por nuk po gjejmë atë gjuhë që duhet me të vërtet të flasëm për këtë çështje. Ai kërkoj nga DioGuardi, të dijë më shumë për angazhimin gjithë shqiptarë dhe rolin e tij në këtë drejtim.Pedagogja poete Kozeta Zylo, anëtare e Shoqatës e Shkrimtareve Shqiptaro Amerikanë, autore e librit me Poezi "Monumenti i Lotit", citojë një fjalë të presidenti Bush, pas 11 shtatorit, kur ai tha se "Majft!, është Majft!". Kjo tha ajo vlenë edhe për Kosovën, e pavaërsinë e saj. Më pasë ajo recitojë një poezi marrë nga libri i saj titulluar: "Heu Kosovë!". Diskutuan, edhe poetja Iliriana Sulkuqi, skenografi Astrit Tota, Adem Haxhaj.

Në fund kryesia e Akademisë Shqiptaro-Amerikane të Shkencave, me seli në Neë-York, hartoi një rezolutë në "Mbeshtetje të Pavarësisë dhe Sovranitetit të Kosovës", drejtuar : z. Kofi Annan (Kim Mun) Sekretar i Përgjthshem i OKB-së, z.George W. Bush - President i Shteteve të Bashkuara të Amerikës,z. Alfred Moisiu - President i Republikës së Shqiperise, z.Fatmir Sejdiu - President i Kosoves. Për dijeni: Presidencës së bashkimit Evropian, masmediave të gjithë hapësirës shqiptare.