Tribut për Presidentin Ibrahim Rugova

Libri i ngushëllimeve

- Presidenti i Kosovës Ibrahim Rugova, prijësi i Kosovës në vitet e mëdha të procesit për pavarësi të vendit tonë, ndërroi jetë sot (e shtunë) në orën 11:38.
Presidenti Rugova ndërroi jetë në shtëpinë e vet në Prishtinë, duke pasur përreth familjen e tij, mjekun personal me stafin ndihmës nga vendi, si dhe mjekë amerikanë.
Presidenti Rugova vuante nga kanceri në mushkëri, me të cilin ishte diagnostifikuar në fund të gushtit të vitit 2005.
Ai ndërroi sot jetë në fazën terminale të sëmundjes primare, pasi luftoi këtë sëmundje gjithë këta muaj me guxim të pashoq dhe moral të lartë.
Opinioni do të njoftohet me kohë për detajet që lidhen me nderimet e fundit që do t'i bëhen Presidentit Rugova, - thuhet në komunikatën e Presidencës së Kosovës.

Presidenti Rugova ka thënë

"Kompromis për ne është pavarësia. Këtë e kam thënë një mijë herë dhe kjo do të jetë sepse siç e dini ne nuk kemi kërkuar bashkim me Shqipërinë, pasi që jemi të vetëdijshëm që një zgjidhje e tillë do të hapte probleme të tjera.
Mirëpo shteti i pavarur dhe sovran është vullnet i popullit të Kosovës dhe është zgjidhje e pranueshme për të gjithë shqiptarët, kudo që jetojnë si dhe kjo do të ishte zgjidhja më e mirë edhe për fqinjët tanë, por edhe për Serbinë, e cila fatkeqësisht ende po refuzon ta kuptoj realitetin e ri që është krijuar në Kosovë pas intervenimit të NATO-s"
(9 qershor 2005).

"Me shtimin e represionit serb, ne kemi zbuluar në vete burime të tjera durimi, organizimi, që me Lidhjen tonë po provojmë t'i vëmë në veprim. Paradoksalisht, kujtoj se kemi arritur atë që nuk e kishim arritur gjatë kohë: një liri të brendshme. Po e paguajmë shumë shtrenjtë dhe është e pasigurt".

* * *

"Unë dua të mbaj pak më shumë shpresë dhe ta shtyj çështjen, në mënyrë që shqiptarët të rezistojnë, me këtë rrugë të jodhunës që kemi zgjedhur hëpërhë, qoftë edhë nëse duhet që një ditë politika jonë të bëhet pak më agresive ndoshta".

* * *

"Praktika kundër dhunës në këtë situatë i përgjigjet në një farë mënyre karakterit tonë, një tradite të durimit dhe qëndrimit kundruall gjithë dominimeve? Me anën e kësaj rezistence aktive të bazuar mbi jodhunën dhe solidaritetin, ne “jemi gjetur”. Sot ia kemi dalë të prekim këtë pikë të shpirtit të popullit shqiptar".

* * *

"Unë kam kërkuar shpesh në fillim të këtij viti, deri në ditët e sotme, mbrojtjen ndërkombëtare për disa vjet, me qëllim që të qetësohet situata dhe të mëkëmben institucionet demokratike. Pastaj, do të mund të flitnim për statusin e Kosovës. Mendoj se solucioni më i mirë tranzitor, apo provizor, për të penguar konfliktn apo konfrontimin, është kjo formë e protektoratit ndërkombëtar, ajo që amerikanët e quajnë trusteeship system. Në planin e paqes që ua propozova Kombeve të Bashkuara, kërkova dërgimin e trupave të OKB-së apo të NATO-s, masa për të kontrolluar forcat ushtarake; njëkohësisht të njëjtat propozime ia përcolla edhe Konferencës së Gjenevës".

Marrë nga "QIK", 21.01.2006

Deklaratë e Kuvendit të Kosovës për vdekjen e Presidentit të Kosovës Dr. Ibrahim Rugova

Prishtinë, 21 janar - Kuvendi i Kosovës ka lëshuar një deklaratë me rastin e vdekjes së Presidentit të Kosovës Dr. Ibrahim Rugova. Në këtë deklaratë thuhet:
"Sot më 21 janar të vitit 2006, ndërroi jetë Presidenti i Kosovës Dr. Ibrahim Rugova, është ky lajmi më i pikëllueshëm për mbarë popullin e Kosovës për të gjithë qytetarët e saj.

Presidenti i Kosovës Dr. Ibrahim Rugova është personaliteti më i merituar i historisë shtet formuese të Kosovës, është ideologu dhe bartësi i idesë dhe i përjetësimit të pavarësisë së Kosovës, i vullnetit shekullor të shumë gjeneratave atdhetare që punuan dhe u sakrifikuan për Kosovën Shtet Sovran dhe të Pavarur, për popullin e saj me dinjitet e të lirë në gjiun e popujve dhe të civilizimit evropian.
Presidenti i Kosovës Dr. Ibrahim Rugova ishte i pari veprimtar në Evropën juglindore që bëri shkëputje nga diktatura komuniste, duke krijuar të parën parti demokratike, në të cilën aderoi mbarë populli i Kosovës si akt kundërshtimi të okupimit serb të Kosovës.
Filozofia e rezistencës aktive paqësore, format e kundërvënies qytetare, organizimi vetanak demokratik, autonom e autokton i institucioneve demokratike të Kosovës, që përfshiu gjithë sistemin e edukimin e arsimimit dhe sistemin shëndetësor, sistemin financiar, duke përfshirë dhe mbajtjen e zgjedhjeve demokratike parlamentare dhe presidenciale, bënë që Kosova dhe populli i saj të admirohen për filozofinë politike, e cila kulmoi me luftën çlirimtare të popullit të Kosovës, të Ushtrisë Çlirimtare të saj, që solli edhe intervenimin dhe mbështetjen ushtarake të NATO-s.
Nën udhëheqjen e Presidentit Rugova, Kosova për herë të parë në historinë e vet, e përjetoi lirinë e përjetoi jetën e lirë dhe të qetë, prosperitetin ekonomik dhe të gjithanshëm në të gjitha sferat e jetës dhe të punës dhe rrugën e integrimeve euroatlantike.
Vizioni i Presidentit Rugova ishte dhe mbeti Kosova e lirë, sovrane dhe e pavarur e integruar në strukturat euroatlantike në miqësi të përhershme me Shtetet e Bashkuara të Amerikës.
Vepra e Presidentit Ibrahim Rugova është bazamenti mbi të cilin po ndërtohet e do të zhvillohet Kosova e ardhmërisë, Kosova e bijve dhe bijave tona, Kosova e qytetarëve me liri dhe të drejta të barabarta pa asnjë dallim.
Institucionet e Kosovës janë unike në këto çaste të dhimbshme, janë të vendosura që të përmbushin të gjitha obligimet kushtetuese dhe ligjore për të sendërtuar vullnetin e popullit të Kosovës për liri dhe pavarësi, për të përmbushur dëshirën e Presidentit të vet, Ibrahim Rugova.
Populli i Kosovës si gjithherë në çastet kur e kërkon historia, edhe tash është i përkushtuar me vetëmohim, të kapërcejë çdo vështirësi dhe të realizojë idealin e të gjithë atdhetarëve për jetë të lirë, të qetë dhe me prosperitet, duke dhënë angazhimin e kontributin e vet kudo që kërkohet. Me këtë ne përmbushim edhe amanetin e Presidentit të Kosovës Ibrahim Rugova.
Le të prehet në paqe, në parajsën e përjetshme, shpirti i Presidentit të Kosovës Dr. Ibrahim Rugova.
Zoti e bekoftë familjen Rugova
Zoti e bekoftë Kosovën dhe popullin e saj

QIK, Prishtinë 21 janar 2006.

Kronologji e ngjarjeve pas vdekjes së Presidentit Rugova

Sot bëhet varrimi i presidentit Ibrahim Rugova
Publikuar më 26/01/2006 - 02:26 nga Radio Llapi

Varrimi i presidentit, Ibrahim Rugova, do të bëhet sot në orën 15:00 në Varrezën e Dëshmorëve në Velani. Trupi i pajetë i presidentit Rugova do të nxirret nga Kuvendi i Kosovës në orën 9:00 me nderime të veçanta nga Trupat Mbrojtëse të Kosovës, prej nga do të bartet deri në Sallën 1 Tetori ku do të mbahet ceremonia qendrore.

Këshilli i Varrimit ka vendosur që në ceremoninë qendrore, të mbahen gjashtë fjalime. Fjalime do të mbajnë: shefi i UNMIK-ut, Soren Jesen Petersen, Kryeministri Bajram Kosumi, përfaqësuesi i Bashkimit Evropian, nënkryetari i LDK-së, Kolë Berisha, përfaqësuesi i ShBA-së dhe kryetari i Kuvendit të Kosovës, Akademik Nexhat Daci. Familja e Presidentit Rugova do të falënderohet përmes mediave.Qytetarët nuk duhet t`i bashkohen kortezhit mortor, ndërkaq presidentin do ta nderojnë duke qëndruar përgjatë rrugës, nga kalon kortezhi mortor.

Këshilli i Varrimit ka vendosur që në ceremoninë qendrore, të mbahen gjashtë fjalime. Fjalime do të mbajnë: shefi i UNMIK-ut, Soren Jesen Petersen, Kryeministri Bajram Kosumi, përfaqësuesi i Bashkimit Evropian, nënkryetari i LDK-së, Kolë Berisha, përfaqësuesi i ShBA-së dhe kryetari i Kuvendit të Kosovës, Akademik Nexhat Daci. Familja e Presidentit Rugova do të falënderohet përmes mediave. Qytetarët nuk duhet t`i bashkohen kortezhit mortor, ndërkaq presidentin do ta nderojnë duke qëndruar përgjatë rrugës, nga kalon kortezhi mortor.

Goldberg: Kryetari Rugova pati shumë dashuri dhe respekt për SHBA-të
Prishtinë, 23 janar 2006, Time: 15:44
Në një ceremoni të shkurtër të hënën në Zyrën e SHBA-ve në Prishtinë, shefi i misionit Filip Goldberg udhëhoqi uljen e flamurit amerikan në gjysmështizë për të nderuar kryetarin e ndjerë të Kosovës Ibrahim Rugova.

PRISHTINE (23 Janar) - 15 dite zi në Kosovë për nderimin e Ibrahim Rugovës.
Ky ka qenë vendimi i marrë nga Keshilli Organizativ i ceremonisë mortore i ngritur ne Prishtinë. 3 grupe pune janë ngritur për të organizuar ceremonialin e varrimit, Grupi për Protokoll, Grupi për Siguri dhe për Marrëdhenie me Publikun.
Ceremoniali i varrimit do te behet me rite kombetare, ndersa trupi do te do te dergohet te enjten ne varrezat e Prishtines. Sipas njoftimeve, trupi pa jete i Presidentit Rugova do te vendoset ne ndertesen e parlamentit sot ne oren 11.00 dhe do te qendroje aty deri te merkuren ne mesnate ku do te behen homazhe nga qytetaret ndersa Sherbimi Policor Kosovar do te kujdeset per sigurine.
Ceremonia e varrimit te presidentit kosovar do te zhvillohet diten e enjte ne 26 janar me kerkesen e familjes Rugova ndersa ne diten e varrimit nuk do te kete pune ne asnje nga institucionet publike. Nga e hena deri te enjten nuk do te kete mesim ndersa ne ditet e tjera te zise parashikohet qe te mos kete aktivitete kulturore dhe sportive.
Nderkohe sot ne Shqiperi nis dita e pare e zise per presidentin kosovar nga tre te caktuara nga qeveria. Gjate ketyre tre diteve flamuri do te jete ne gjysem shtize. Kurse nga Brukseli eshte konfirmuar se Solana do te marre pjese ne ceremonine mortore, ndersa nuk eshte konfirmuar zyrtarisht nese ne ceremoni do te jene te pranishem edhe ish-presidenti i SHBA Bill Klinton dhe ish-sekretarja e shtetit Merlin Ollbrajt.

Ora: 13:20 - Keshilli i Varrimit: Presidenti Rugova do te varroset ne diten e peste te zise ne varrezat e Prishtines. Nderimet e fundit ne sallen 1 tetori.
Me vullnetin e familjes se tij, presidenti Ibrahim Rugova do te varroset te enjten ne varrezat e Prishtines. Keshtu ka konfirmuar pas mbledhjes se sotme te Keshillit te Varrimit te Presidentit Rugova, ne te cilin bejne pjese perfaqesues te institucioneve, subjekteve politike, udheheqes fetar si dhe perfaqesues te Trupave Mbrojtese dhe Sherbimit Policor. Kreu i Keshillit te Varrimit, kryetari i Kuvendit te Kosoves Nexhat Daci tha se shume personalitete te njohura boterore kane konfirmuar pjesemarrjen ne varrimin e Presidentit.
Ceremonia e varrimit te kryetarit Rugova do te zhvillohet te enjten me 26 janar, diten e peste e zise ne Kosove. Udheheqesi i Keshillit te Varrimi te kryetarit, Nexhat Daci beri te ditur se te gjitha vendimet jane ne perputhje me vullnetin e familjes se kryetarit Rugova.
Te enjten do te jete varrimi. Detajet do te jepen ne forme te shkruar. Takimi kryesor i pershendetjeve te fundit me presidentin, do te jete salla 1 tetori, pohoi Daci. Ai njoftoi se ceremonia e varrimit do te zhvillohet sipas protokollit te presidences se Kosoves qe do te udhehiqet nga perfaqesuesi i saj, Sali Cacaj. Si keshill i protokollit te varrimit u morem vesh per te gjitha detajet. Keshilli ka formuar edhe nje grup ekzekutiv prej personave me te pergjegjshem te institucioneve dhe partive politike dhe te bashkesise nderkombetare i perbere prej dhjete vetash, tha Daci.
Ky grup tha Daci, do te koordinoje te gjitha punet ne perputhje me protokollin e presidences. Kreu i Kuvendit beri te ditur se personalitete te shumta do te marrin pjese ne ceremonine e varrimit.

Ora: 12:00 - Parlamenti i Kosoves nje minute heshtje per Ibrahim Rugoven. Daci, Petersen e Kosumi: Kosova krenare qe pati Rugoven.
Parlamenti i Kosoves eshte mbledhur sot ne oren 12:00 ne nje seance te jashtezakonshme. Kryeparlamentari e njekohesisht President i perkohshem i Kosoves, Nexhat Daci, ka ftuar parlamentaret ne mbajtjen e nje minute zi per vdekjen e Presidentit Rugova. Kryeparlamentari ka celur me pas me nje fjalim seancen perkujtimore ne nderim te jetes dhe vepres se Presidentit Ibrahim Rugova.
Daci vleresoi figuren e vepren e Rugoves. LDK, partia qe udhehoqi Rugova Kosoven ishte levizja me masovike ne vend. Kosovaret hodhen te paret librezat e komunizmit. Filozofia e Ibrahim Rugoves ishte filozofi europiane. Kosova eshte e sigurt ne te ardhmen e saj dhe ndjehet krenare qe ka patur Ibrahim Rugoven. U shpreh Daci.
Ne perkujtim te Rugoves ka mbajtur nje fjale te shkuter dhe kryeadministratori Soren Jesen Petersen sipas te cilit me vdekjen e Rugoves Kosova humbi nje lider te madh. Lajmi per vdekjen ishte nje shok i madh per te gjithe ne. Me humbjen e Rugoves, Kosova humbi nje lider te madh, tha Petersen duke theksuar se Kosova duhet te permbushe synimet e saj per te ardhmen.
Pas Petersen, fjalen e mori kryeministri i Kosoves, Bajram Kosumi, i cili e njejetesoi figuren e Rugoves me ate te njeriut te paqes e pavaresise. Emri i tij lidhet me pavaresine. I kemi boxh, Rugoves te bejme pavaresine dhe shenje nderimi per te eshte vete pavaresia e Kosoves. Prandaj te ruajme bashkimin e pjekurine per te ecur para, theksoi Kosumi, me fjalen e te cilit u mbyll dhe seanca e jashtezakonshme parlamentare.
Gjithashtu sot pritet qe Keshilli nderinstitucional i Varrimit, te vendose per itinerarin e ceremonive mortore te Ibrahim Rugoves.

Presidenti Xhorx Bush: Shtetet e Bashkuara kanë humbur një mik të vërtetë
Shtëpia e Bardhë/Uashington 23 janar - Presidenti i SHBA-ve Xhorxh Bush i ka dëguar një letër ngushëllimi Familjes së Presdentit Rugova dhe popullit të Kosovës.
"Me pikëllim të thellë e mora lajmin për vdekjen e Presidentit Ibrahim Rugova. Presidenti Rugova për shumë vite udhëhoqi fushatën për paqe dhe demokraci në Kosovë dhe fitoi respektin e botës për qëndrimin e tij parimor kundër dhunës.
Shtetet e Bashkuara kanë humbur një mik të vërtetë. Gjatë viteve të konfliktit, Ibrahim Rugova ishte zëri i arsyes dhe maturisë që i ndihmoi popullit të Kosovës për të vënë bazat për një të ardhme paqësore. Humbja e këtij zëri, në këtë kohë vendimtare, është posaçërisht tragjike për Kosovën. Më lejoni t'ju siguroj se Shtetet e Bashkuara mbesin të përkushtuara për të punuar me gjithë njerëzit e Kosovës për ndërtimin e një ardhmërie që është stabile, demokratike dhe përparimtare.
Në emër të popullit të Shteteve të Bashkuara, unë dhe Laura i shprehim ngushëllimet tona familjes së Presidentit Rugova dhe gjithë popullit të Kosovës.
Sinqerisht, George W. Bush", theksohet në fund të mesazhit të Presidentit amerikan.

Kofi Annan
Sekretari i përgjithshëm i Kombeve të Bashkuara, Kofi Annan, tha se vdekja e z. Rugova ishte e pritshme, por ajo ndodhi në një moment kyç të përgatitjeve përfundimtare për bisedimet për statusin e Kosovës.

Bill Klinton: Rugova më impresiononte me devotshmërinë dhe pasionin e tij
Uashington 22 janar - Ish Presidenti amerikan Bill Klinton ka shprehur dhembjen e tij të thellë për vdekjen e Presidentit Rugova, duke e cilësuar humbje të madhe për Kosovën.
"Në rend të parë, dua t'i shpreh ngushëllimet e mia të thella popullit të Kosovës, me rastin e vdekjes së Presidentit Rugova.
Për mua është dhimbje personale, sepse pata nderin ta njoh personalisht dhe pata respekt dhe admirim të madh për të.
Me Presidentin Rugova jam takur shumë herë në Shtëpinë e Bardhë. Ka qenë kënaqësi, sa herë e kam takuar, sepse çdo herë më impresiononte me devotshmërinë dhe pasionin e tij për paqe, liri dhe për një të ardhme më të mirë për popullin e tij.
Vdekja e Presidentit Rugova është humbje e madhe për Kosovën, por unë shpresoj se vdekja e Dr. Rugovës do t'i inspirojë të gjithë kosovarët që të vazhdojnë të punojnë më me ngulm për paqe dhe liri", thuhet në një deklaratë të ish Presidentit amerikan Bill Klinton.

Ora 22:55 Kondoliza Rajs: Presidenti Rugova e udhëhoqi popullin e tij në kohë të vështira dhe fitoi respektin e botës
Sekretarja amerikane e Shtetit, Kondoliza Rajs, i shprehu sot ngushëllimet e saj popullit të Kosovës për vdekjen e Presidentit Ibrahim Rugova.
Përmes një deklarate, Sekretarja e Shtetit thekson se Presidenti Rugova e udhëhoqi popullin e tij në kohë të vështira dhe fitoi respektin e botës, për përpjekjet e tij për demokraci dhe paqe. Edhe në momentet e fundit kur luftonte me sëmundjen, Presidenti Rugova punoi për të sjellë unitet mes udhëheqësve të Kosovës dhe shpresë për popullin e tij”.
Vdekja e Presidentit Rugova, thuhet më tej në deklaratën e zonjës Rajs, ndodh në një moment kur Kosova ka hyrë në procesin politik për të përcaktuar të ardhmen e saj. Zonja Rajs thekson se megjithë humbjen e udhëheqësit, procesi do të vazhdojë. Shtetet e Bashkuara, shton më tej Sekretarja e Shtetit, do të punojnë me të gjithë banorët e Kosovës për të ndërtuar një shoqëri të bazuar tek parimet e demokracisë, të drejtat e njeriut dhe toleranca ndër-etnike, që Presidenti Rugova i vlerësonte kaq shumë.

Ora 22: 50 OSBE: Nderimi me i madh qe mund t’i behet Rugoves eshte vazhdimi i rruges se tij drejt paqes
Kryetari ne detyre i Zyres se Organizates per Sigurine dhe Bashkepunim ne Europe (OSCE), Ministri i Jashtem belg, Karel De Gucht, i shprehu sot popullit te Kosoves ngushellimet per vdekjen e Presidentit Ibrahim Rugova. "Jam thellesisht i prekur nga humbja e parakohshme e nje njeriu qe misheroi luften per nje te ardhme demokratike dhe te ne paqe per Kosoven", theksoi ministri ne nje deklarate per shtyp. De Gucht theksoi se nderimi me i madh qe mund t'i behet atij eshte vazhdimi i kesaj rruge paqesore.

Ora 21: 10 Familjaret ne lot dhe dhimbje. Xhaxhai Ali Rugova: Nuk e mendoja kurre se do ta percillja nipin ne banesen e fundit
79 vjeçari Ali Rugova, xhaxhai i kryetarit tashme te ndjere te Kosoves, Ibrahim Rugova, thote se nuk ia ka marre mendja kurre qe ne te gjalle te tij do ta percjelle per ne banesen e fundit nipin, ashtu siç ia percolli 61 vjet me pare babain Uke Rugova dhe xhaxhain e tij Rrusten, te vrare nga regjimi komunist jugosllav

Ora 21:00 Daci: Jemi unike per te permbushur deshiren e kryetarit Ibrahim Rugova
Kryetari i Kuvendit te Kosoves Nexhat Daci, permes nje deklarate drejtuar qytetareve tha se institucionet e Kosoves jane unike ne keto çaste te dhimbshme dhe jane te vendosura qe te permbushin te gjitha obligimet kushtetuese dhe ligjore per te sendertuar vullnetin e popullit te Kosoves per liri dhe pavaresi, per te permbushur deshiren e Presidentit te vet, Ibrahim Rugova.

Ora 20:45 Kosumi: Popullit te Kosoves do t'i mungoje kryetari Rugova
Dr.Rugova ishte nje personalitet i urte e madheshtor qe me guxim dhe vizon drejtoi Kosoven ne kohet me te veshtira dhe me vendimtare. Kryetari Rugova fitoi admirimin e popullit te Kosoves dhe popujve tjere te botes si politikan me profil paqesore e properendimore dhe intelektual poliedrik, thuhet ne telegramin e ngushellimit te kryeministrit Bajram Kosumi derguar familjes Rugova me rastin e vdekjes se kryetarit te Kosoves Ibrahim Rugova.

Ora 20:30 Vdekja e presidentit Rugova me pikellim te thelle eshte pritur edhe ne Maqedoni. Telegrame ngushellimi nga Cervenkovski, Buckovski, Ali Ahmeti, Arben Xhaferi, etj.
Lajmi per vdekjen e kryetarit te Kosoves, Ibrahim Rugova, me dhimbje dhe pikellim te thelle eshte pritur edhe nga shqiptaret ne Maqedoni. Me kete informacion te dhimbshem fillojne te gjitha lajmet e mediave elektronike te Maqedonise. Me rastin e vdekjes se kryetarit Rugova, ngushllime kane shprehur kreu shteteror dhe kryetaret e te gjitha partive politike shqiptare ne Maqedoni.
Ne telegram ngushllimin e presidentit te Maqedonise, Branko Cervenkovski, drejtuar kryetarit te Kuvendit te Kosoves, Nexhat Daci, mes tjerash thuhet: “Me dhimbje pranova lajmin per vdekjen e presidentit te Kosoves Dr. Ibrahim Rugova. Ne keto momente te veshtira per Ju dhe per popullin e Kosoves, me lejoni qe ne emer te qytetareve te Republikes se Maqedonise dhe ne emrin tim t'u shpreh ngushellimet e mija te sinqerta" - ka theksuar Cervenkovski, duke shprehur bindjen se qytetaret dhe autoritetet e Kosoves do te gjejne fuqi per tejkalimin e kesaj humbje te madhe.
Keqardhje te thelle kane shprehur edhe kryeministri Vllado Buckovski dhe Qeveria e Maqedonise. Kryetarit te Kuvendit Nexhat Daci, Kryeministrit Bajram Kosumi, Kryesise se Lidhjes Demokratike te Kosoves, Familjes Rugova dhe qytetareve te Kosoves ngushellime u kane derguar edhe drejtuesit e partive politike shqiptare ne Maqedoni. “Gjithe populli shqiptar, kudo qe ndodhet, e ndjen dhe ndan me Ju dhimbjen per humbjen e madhe per Kosoven, per Ju dhe per te gjithe ne. Duke Ju percjelle ngushellimet e mia, te bashkepunetoreve te mi dhe te gjithe shqiptareve te Maqedonise, Ju lus te beheni te forte dhe dhimbjen ta ktheni ne perkushtim edhe me te vendosur ne percaktimin jetik te kryetarit te ndjere Rugova - gjithcka ne sherbim te pavaresise se Kosoves”, thuhet ne telegram ngushellimin e kryetarit te BDI-se Ali Ahmeti.
Edhe kryetari i Partise Demokratike Shqiptare Arben Xhaferi, shpreh pikellimin e thelle per vdekjen e presidentit Rugova. “Zoti Rugova dha kontribut te madh ne zhvillimin e politikes ne mesin e shqiptareve, te zhvillimit te ideve per pavaresi te Kosoves. Ai ishte lideri me atipik politik ne te gjitha hapesirat e Ballkanit. Ne kohen kur te tjeret hapen skemen e luftes ai ishte lider i paqes dhe fale kesaj strategjie ai krijoi imazh shume pozitiv te faktoret nderkombetar”, thuhet ne prononcimin e kryetarit te PDSH-se, Arben Xhaferi. Ne telegram ngushellimin e kryetarit te PPD-se, Abdylhadi Vejseli, thuhet se presidenti Rugova do te mbetet pjese e historisë me te re te popullit shqiptare, me te cilen do te identifikohet njohja nderkombetare e pavaresise se Kosoves.

Ora 20:10 Kancelarja gjermane Angela Merkel: Misioni qe la pas Rugova eshte detyrim per pasardhesit e tij
Ngushellimin e saj per vdekjen e presidentit te Kosoves, e ka dhene sot nga Berlini edhe kancelarja gjermane Angela Merkel e cila ka thene se eshte tronditur shume pasi ka marre kete lajm te hidhur. "Nën drejtimin e Rugovës, Kosova ka ecur shume në fushën e demokracisë, shtetit të së drejtës dhe ekonomisë së tregut. Mbështetja e Rugovës për demokracinë dhe për mospërdorimin e dhunës, duhet të jetë një detyrim dhe trashëgimi për atë që ka përgjegjësi politike në Kosovë", u shpreh Merkel.

Ora 19:15 Bullgaria: Lideret kosovare te jene pragmatiste si presidenti i tyre Rugova
Bullgaria deklaroi sot se vdekja e Presidentit të Kosovës, Ibrahim Rugova ndodhi në një moment delikat dhe u bëri thirje pasardhësve të tij të huazojnë "pragmatizmin e tij". "Ne jemi të bindur se urtësia e Ibrahim Rugovës dhe pragmatizmi do të karakterizojnë qëllimet e liderëve që do ta zëvendësojnë", bëri të ditur Ministria e Punëve të Jashtme në një komunikatë.

Ora 18:50 Shqiperi, tri dite zie ne nder te Ibrahim Rugoves
Keshilli i Ministrave i Shqiperise vendosi sot, ne nje mbledhje te jashtezakonshme, te shpalle datat 23, 24 e 25 janar, tri dite zie kombetare, ne nderim dhe homazh te Presidentit te Kosoves, z.Ibrahim Rugova, i cili u nda nga jeta sot ne mesdite. Gjate ketyre tri diteve ne te gjitha institucionet, shteterore dhe publike, te ulet flamuri kombetar ne gjysmeshtize. Ky vendim u propozua nga vete kryeministri Sali Berisha. Po ashtu Keshilli i Ministrave vendosi qe ne ceremonine e varrimit, qe do te organizohet ne Prishtine, te marre pjese nje delegacion zyrtar i nivelit te larte.
Ndersa te gjitha veprimtarite artistike, kulturore dhe sportive, te planifikuara per diten, kur do te zhvillohet ceremonia e varrimit, te pezullohen dhe te shtyhen per nje date te mevonshme. Keshilli i ministrave ka ftuar te gjitha stacionet radiotelevizive, publike dhe private, qe, diten kur do te zhvillohet ceremonia e varrimit, te transmetojne muzike funeber.
U vendos gjithashtu qe diten e merkure, date 25.1.2006, ora 12:00, kur arkivoli me trupin e te ndjerit do te vendoset ne banesen e fundit, te nderpritet cdo veprimtari, te mbahet 1 (nje) minute heshtje dhe te bien borite dhe sirenat e te gjitha mjeteve te levizshme ne mbare vendin, ne nderim te kujtimit te te ndjerit.

Ora 18:10 Sekretari i jashtem britanik Straw: Rugova nder figurat me te shquara te Kosoves
Ne kete moment te veshtire per familjen Rugova dhe popullin e Kosoves, deshiroj te shpreh simpatine time dhe ngushellimet e mia me te sinqerta per vdekjen e kryetarit Ibrahim Rugova, ka thene sekretari i jashtem britanik, Jack Straw. Ai e ka vleresuar presidentin Rugova si nje nder figurat me te shquara te Kosoves. "Vdekja e tij vjen ne kohen e procesit kur vendoset e ardhmja e Kosoves, per te cilen gje kryetari Rugova ka punuar fuqishem”, ka thene Straw.

Ora 18:05 Eliot Engel: Te gjithe duhet ta marrin shembull nje njeri si Rugova
“Ibrahim Rugova i kushtoi gjithe jeten per pavaresine e Kosoves dhe eshte per te ardhur keq qe ai tani nuk eshte me. Por duhet ta marrim te gjithe per shembull. Une isha per vizite ne Kosove dhe surprizova nga aftesia dhe aftesia e ketij njeriu. Megjithate tani mund te them se Kosova ka politikane shume te zote dhe jam I sigurt se ata do te dijne ta cojne perpara misionin e Rugoves per nje Kosove te pavarur”, eshte shprehur sot Eliot Engel, ligjvenes demokrat ne SHBA

Ora 17:55 Petersen dhe lideret kosovare me nje deklarate te perbashket: Jemi te bashkuar ne dhimbje. Jemi te bashkuar ne ecurine e Kosoves
Pasi eshte takuar me lideret kosovare shefi i UNMIK-ut Soren Jessen Petersen, ka dale me nje deklarate te perbashket per shtyp. Ne kete deklarate te tij dhe lidereve politike kosovare thuhet: Kosova gjithnje ka qene e bashkuar dhe ne kete moment kosovaret duhet te perballen me kete moment te dhimbshem. Jemi shume te pikelluar te gjithe per humbjen e kryetarit Ibrahim Rugova. Ne jemi te bashkuar ne dhimbjen tone se bashku edhe me te gjithe njerezit. Jemi te bashkuar qe ta cojme Kosoven perpara.

Ora 17:50 Qytetaret kosovare qirinj me rastin e vdekjes se kryetarit Rugova
Kryesia e Forumit te Rinise te LDK-se permes nje njoftimi per shtyp i ka ftuar qytetaret e Kosoves qe me rastin e vdekjes se kryetarit Ibrahim Rugova te mblidhen ne sheshet kryesore te te gjitha qendrave te Kosoves sonte duke filluar nga ora 19.00 dhe te ndezin qirinj ne shenje nderimi per jeten dhe vepren e kryetarit Rugova.

Ora 17:35 Solana: Do te na mungoje urtesia dhe autoriteti i Rugoves
"Presidenti Rugova ishte një njeri i paqes dhe i pathyeshem. Do të na mungojë urtësia dhe autoriteti i ketij njeriu te madh", deklaroi sot Havier Solana, përfaqësuesi i Lartë për Politikën e Jashtme të Bashkimit Europian.

Ora 17:20 Ndizen qirinj ne qender te Tiranes per nder te Ibrahim Rugoves
Sheshi Skenderbej eshte mbushur me qirinj te cilet jane ndezur ne oret e drekes ne nderim te Presidentit Ibrahim Rugova. Ka qene Parlamenti Rinor i cili ka ftuar të gjithë qytetarët e Tiranës të ndezin qirinj në homazh të Presidentit Ibrahim Rugova, i cili u nda nga jeta sot në mesditë.

Ora 17: 10 Thaçi: Ndërtimi i idealeve për Kosovën shtet të pavarur bëhet vetëm bashkërisht
Kryetari i Partisë Demokratike të Kosovës (PDK), Hashim Thaçi, ka thënë sot në një konferencë për shtyp se vdekja e kryetarit të Kosovës Ibrahim Rugova në momentet aktuale të proceseve të rëndësishme politike për statusin e vendit është një moment i rëndë për çka ka kërkuar që kjo gjendje të kalohet nga qytetarët dhe institucionet me dinjitet dhe pjekuri njerëzore e politike.

Ora 16:55 Gjeneral Çeku: Rugova ishte përkrahës dhe mbështetës i madh i vizionit të TMK-së
“Lajmi për vdekjen e kryetarit të Kosovës dr. Ibrahim Rugova na ka tronditur dhe prekur thellë edhe ne pjesëtarëve të TMK-së. Me vdekjen e tij, Kosova dhe qytetarët e saj kanë humbur një personalitet të shquar dhe një lider të madh, në një moment shumë të rëndësishëm dhe vendimtar për të ardhmen”, ka thënë në një telegram ngushëllimi komandanti i TMK-së, gjenerallejtënant Agim Çeku dërguar qytetarëve të Kosovës dhe familjes Rugova.

Ora 16:40 Ilir Meta: Rugova nderkombetarizoi dhe e beri te njohur ne gjithe boten ceshtjen e Kosoves
Kryetari i Levizjes Socialiste per Integrim, Ilir Meta, shprehu sot ngushellime per ndarjen nga jeta te Presidentit te Kosoves dr. Ibrahim Rugova. “Kjo eshte nje dite dhimbjeje per ndarjen me simbolin e perpjekjeve paqesore, i cili e nderkombetarizoi dhe e beri te njohur ne perendim dhe ne te gjithe boten çeshtjen e Kosoves. Ne kete dite te nje dhimbjeje per te gjithe shqiptaret e Kosoves, por edhe per te gjithe shqiptaret kudo qe jane, dua t’i percjell te gjithe shqiptareve te Kosoves, te gjithe institucioneve te Kosoves, Lidhjes Demokratike te Kosoves dhe familjes se Presidentit Rugova, ngushellimet me te sinqerta, por njekohesisht edhe solidaritetin tone ne kapercimin e kesaj dhimbjeje te veçante”, theksoi kryetari i LSI-se.

Ora 16:25 Goldberg: Rugova e ka të siguruar vendin në historinë e Kosovës
Perfaqesuesi i zyres amerikane ne Prishtine Filip Goldberg ne nje telegram ngushellues shkruan se “Kosova ka humbur një udhëheqës të dashur dhe SHBA kanë humbur një mik të vjetër dhe të nderuar. Ai tashmë e ka të siguruar vendin në historinë e Kosovës dhe në zemrat e njerëzve këtu dhe në botë”.

Ora 16:19 Gjenerali Valoto: Për mua si komandant i KFOR-it ka qenë nder për të punuar me këtë udhëheqës historik të Kosovë
Në emër të ushtarëve të KFOR it, Komandanti i KFOR it, Gjen. Lejt. Giuseppe Valotto, i shpreh ngushëllimet e tij më të thella familjes së Z. Rugova. "Dëshiroj të shpreh keqardhjen time më të thellë për humbjen e Presidentit Ibrahim Rugova. Për mua si komandant i KFOR it ka qenë nder dhe kënaqësi për të punuar me këtë udhëheqës historik të Kosovës", ka thënë Gjenerali Valotto.
"Jam i bindur se cilësitë e mëdha morale dhe njerëzore që ishin pjesë e personalitetit të Z. Rugova, do të vazhdojnë të udhëheqin rrugën e popullit të Kosovës për një të ardhme paqësore dhe jo të dhunshme të rajonit.

Ora 15:55 Kryetarja e Kuvendit te Shqiperise, Topalli: Rugova ishte frymezimi i paqes ne zemer te rajonit me te trazuar te Europes
Kryetarja e Kuvendit te Shqiperise, zonja Josefina Topalli shprehu keqardhjen deputeteve te kuvendit te Shqiperise per vdekjen e zotit Rugova. “Si shqiptar ndjehemi krenar qe e patem mes nesh, ndjehim keqardhje qe humben nje rilindaz te shek XX. Si qytetar do te ndjejme mungesen e humanizmit te madh te tij. Ai ishte frymezimi i paqes ne zemer te rajonit me te trazuar te Europes” tha zonja Topalli e cila ne fjalen e saj vleresoi se tepermi figuren e presidentit Rugova.

Ora 15:50 Presidenti francez, Shirak: Vdekja e Rugoves eshte me shume se tragjike
Presidenti francez Zhak Shirak shprehu ngushellimet e tij per vdekjen e presidentit te Kosoves, Ibrahim Rugova. “Vdekja e Rugoves ne nje moment kur diskutohet statusi final I Kosoves, eshte me shume se tragjike” tha Shirak. “Franca shpreh keqardhjen dhe ngushellimet e saj per Rugoven I cili luajti nje rol historik ne mbrojtjen e te drejtave demokratike te Kosoves per paqe ne rajon” thuhet ne telegramin qe presidenti francez I ka derguar kryetarit te parlamentit te Kosoves, Nexhat Daci.

Ora 15:47 Ismail Kadare: Rugova do te kujtohet gjithnje si presidenti i pare i Kosoves se lire.

Shkrimtari i madh shqiptar Ismail Kadare, ka shprehur keqardhjen e tij per ndarjen nga jeta të Presidentit Rugova. "Humbja e Rugoves, eshtë një lajm i hidhur për Kosovën dhe shqiptarët kudo në botë.
Do të kujtohet për shumë gjëra Rugova, por do të kujtohet në radhë të parë si presidenti i parë i Kosovës së lirë. Për mua si shkrimtar edhe si njeri dhimbja ka qenë e veçantë, sepse ka qenë kolegu im edhe miku im. Kemi qenë miq edhe kur kemi pasur mendime të njëjta edhe kemi mbetur miq edhe kur kemi pasur mendime të kundërta. Ai vazhdon dhe do të vazhdojë të jetë përsëri i dobishëm për Kosovën dhe për të gjithë kombin shqiptar.
Shpresoj se klasa politike e Kosovës në këtë vit historik, kur mungesa e tij do të ndihet aq shumë, ta kthejë emrin e tij, veprën dhe urtësinë e tij, në një energji të madhe pozitive për Kosovën dhe të gjithë shiptarët".
njofton BBC.

Ora 15:45 Ambasadori Unendt ngushëllon familjen Rugova
Per ndarjen nga jeta te kryetarit të Kosovës Ibrahim Rugova, edhe kreu i misionit të OSBE-së në Kosovë, ambasadori Uerner Unendt i ka shprehur sot të shtunën ngushëllimet e tij më të thella familjes Rugova dhe popullit të Kosovës.

Ora 15:40 Presidenti i Shqiperise, Mosiu: Lajmi ka prekur zemrat e gjithe shqiptareve
Presidenti i Shqiperise, Alfred Mosiu shprehu sot keqardhjen per vdekjen e presidentit kosovar Ibrahim Rugova. “Lajmi ka prekur zemrat e gjithe shqiptareve kudo ku jane” tha Moisiu I cili vleresoi punen e bere nga Rugova qe Kosova te fitoje pavaresine. Edhe ai si lideret e tjere shqiptare I beri thirrje udheheqesve kosovare per unitet, ne menyre qe te mund te arrijne te fitojne pavaresine e Kosoves, ceshtjen per te cilen Rugova luftoi deri ne funf te jetes se tij.

Ora 15:35 Maqedonia shpreh keqardhje per vdekjen e presidentit të Kosovës
Presidenti i Maqedonisë, Branko Cërvenkovski, kryeministri Vlado Buçkovski dhe qeveria që ai drejton kanë shprehur të shtunën keqardhjen e thellë per vdekjen e presidentit të Kosovës Ibrahim Rugova.

Ora 15:10 KE: Lideret Kosovare te ndjekin rrugen e Rugoves
Rugova ishte nje kryetar shteti i respektueshem. Komisioni Europian vlereson punen e tij per nje zgjidhje paqesore te problemit te Kosoves si dhe inkurajon udheheqesit politik kosovare te vazhdojne ne rrugen e tij”. Keshtu tha sot presidenti i Kosmisionit Europian Manuel Barroso, pasi mori vesh lajmin e vdekjes se presidentit kosovar, Ibrahim Rugova.

Ora 15:00 Ahtisari: Bisedimet mes Prishtines dhe Beogradit do te shtyhen
I ngarkuari special i OKB-se, Marti Ahtisari per negocimin e bisedimeve mes Prishtines dhe Beogradit per statusin e ardhshem te Kosoves deklaroi se keto bisedime do te shtyhen si pasoje e vdekjes se presidentit kosovar, Ibrahim Rugova. Ai i beri apel per qetesi ne Kosove pas vdekjes.

Ora 14:50 Kreu i BDI-se, Ahmeti shpreh keqardhje per vdekjen e Rugoves
Kryetari i partise shqiptare ne Maqedoni, Bashkimi Demokratik per Integrim, Ali Ahmeti shprehu keqardhjen e tij pre vdekjen e presidentit Rugova. Ahmeti tha se shqiptaret e Maqedonise e kane perjetuar me dhimbje vdekjen e presidentit kosovar, sepse ai ka dhene kontributin e tij te cmuar qe Kosova dhe shtetasit e saj te fitojne pavaresine. Zoti Ahmeti i shprehu ngushellimet e tij familjes Rugova dhe gjithe kosovareve, beri thirrje per unitet, dhe theksoi se nuk do te mungoje ne ceremonine e varrimit te presidentit kosovar Ibrahim Rugova.

Ora 14:45 Perfaqesuesi i Solana i ben thirrje per unitet faktorit politik kosovar
Bashkimi Europian dhe NATO kane organizuar nje mbledhje urgjente menjehere pas marrjes se lajmit te vdekjes se presidentit Rugova. Vete perfaqesuesi i larte i Bashkimit Europian, Havier Solana, pasi ka marre vesh lajmin ka kerkuar te dije gjithe detajet e ngjarjes se hidhur. Zedhenesja e tij, Kristina Gala beri the ditur se zoti Solana I ben thirrje per unitet faktorit politik kosovar. Nderkaq ne delegacion I BE-se eshte duke pritur daten e ceremonise se varrimit te presidentit Rugova per te marre pjese ne te. Nuk perjashtohet mundesia qe vete zoti Solana te marre pjese ne kete ceremoni.

Ora 14:40 Shefi i UNMIK, Petersen: Vdekja e Rugoves eshte humbje e madhe
Kosova te ruaje unitetin Shefi i UNMIK-ut, Soren Jessen-Petersen, tha sot se vdekja e presidentit Ibrahim Rugova, është një humbje e madhe, por kërkon që në Kosovë të ruhet uniteti. Ai shkoi për ngushëllime në shtëpinë e kryetarit të ndjerë, ku u prit nga familja e tij dhe kryetari i Kuvendit të Kosovës, Nexhat Daci, i cili falënderoi familjen Rugova që i dha Kosovës një burrështetas të madh.

Ora 14:30 Kryeministri shqiptar Berisha shpreh ngushellimet e tij familjes Rugova dhe popullit te Kosoves
Kryeministri io Shqiperise, Sali Berisha shpreh ngushellimet e tij familjes se presidentit Rugova dhe gjithe qytetareve te Kosoves. ai e cilesoi presidentin kosovar “princin dhe shembullin e qendreses se shqiptareve ne Kosove”.

Ora 14:20 AAK: Te ndiqet shembulli i Rugoves
Te luftohet per pavaresine e Kosoves Kosova eshte e perfshire nga dhimbja per vdekjen e presidentit te saj. Zedhenesi I partise AKK, Ernest Luma percolli ngushellimet e AAK-se, per familjen e presidnetit dhe gjithe Kossoves si dhe I beri thirrje kosovareve te ndjekin rrugen e Rugoves: te luftojne dhe te jene te vendosur per pavaresine e Kosoves.

Ora 14:10 Majko: Shqiptaret i kane borxh Rugoves pavarësinë e Kosovës
Sekretari i Përgjithshëm i Partisë Socialiste te Shqiperise, Pandeli Majko tha se “shqiptarët, Kosova dhe kosovarët i kanë borxh Ibrahim Rugovës, jo vetëm thjesht homazhin, por jam i bindur se i kanë borxh edhe amanetin e tij, pavarësinë e Kosovës”.

Frank Valter Shtajnmajer
Edhe ministri gjerman i Punëve të Jashtme, Frank Valter Shtajnmajer, u ka shprehur organeve zyrtare të Kosovës dhe popullit kosovar ngushëllimet për vdekjen e presidentit Rugova, i cili, sipas ministrit socialdemokrat, ka qenë i lidhur ngushtë me Gjermaninë. "Endrra e jetës së tij ka qenë pavarësia e Kosovës, për të cilën është përpjekur në mënyrë të palodhshme, si edhe integrimi i saj në familjen evropiane," - ka deklaruar Shtajnmajer.

Uta Capf
Ekspertja e fraksionit socialdemokrat në Bundetag për Ballkanin, Uta Capf, është shprehur e hidhëruar për humbjen e Rugovës. "Është një humbje e madhe, sepse si president i ekuilibruar Rugova gjithmonë ka qenë partner i preferuar për Perëndimin," - i tha Capf “Dojçe Veles”. Politikania socialdemokrate shpreson që pasardhësi i tij do t'i udhëheqë bisedimet për statusin me përgjegjësinë e Rugovës.

Rainer Shtiner
Eksperti i liberalëve për Ballkanin, Rainer Shtiner, është shprehur i merakosur për boshllëkun e krijuar në udhëheqjen kosovare. Shtiner tha: "Rugova ishte padyshim pika qendrore e politikës në Kosovë. Nga boshllëku i krijuar me humbjen e tij ka rrezik të përfitojnë grupet militante, prandaj ka rëndësi që tani Bashkësia Ndërkombëtare e në mënyrë të veçantë, Bashkimi Evropian të kenë kujdes, që Kosova të mbetet e qëndrueshme."

Angelika Beer
Koordinatorja e të gjelbërve evropianë për Ballkanin, Angelika Beer, ka shprehur keqardhjen që Rugova nuk arriti të udhëhiqte palën kosovare në bisedimet për statusin e Kosovës. Beer tha: "E kam ndjekur për vite me radhë luftën e tij për një zgjidhje paqësore, për një Kosovë që nuk është më e kërcënuar nga Serbia dhe mendoj, se është një humbje e madhe edhe për shqiptarët."

Franc Lotar Altman
Drejtuesi i sektorit të Ballkanit Perëndimor në fondacionin "Shkenca dhe Politika" nga Berlini, Franc Lotar Altman, në një intervistë dhënë televizionit të “Dojçe Veles”, ka thënë se gjetja e një pasardhësi për Rugovën do të jetë e vështirë. "Ai luante një rol atëror për shqiptarët," - ka deklaruar shkencëtari gjerman. Altman parasheh që konkurrenca ndërmjet kandidatëve të mundshëm për të zëvendësuar Rugovën, të çojë deri në përçarjen e Lidhjes Demokratike të Kosovës, duke vënë në rrezik bisedimet për statusin.

Gianfranco Fini
“Nga presidenti kosovar Rugova do të ruajmë gjithmonë kujtimin e personalitetit të tij dhe mesazhin e paqes për ndërtimin e një Kosove demokratike dhe multietnike, e projektuar drejt një të ardhmeje evropiane”.

La Stampa
Gazeta italiane “La Stampa” e ka konsideruar ish-presidentin e Kosovës, Ibrahim Rugova, si Hamletin e Ballkanit. Në shkrimin e saj gazeta italiane ka pohuar se Rugova ka qenë një lider shumë serioz dhe president i një shteti që nga dita në ditë priste pavarësinë. Ajo ka bërë një kronikë të vdekjes së Rugovës dhe ka pohuar që vdekja e tij lë një boshllëk të madh në politikën e Kosovës dhe të gjithë rajonit. “Pas tij nuk mbetet askush. Tashmë për të ardhmen e rajonit po pritet ardhja e liderit të ri të Kosovës”, thuhet në shkrimin e “La Stampa”.

REUTERS
Agjencia e njohur e lajmeve REUTERS, ka pohuar dje se e gjithë Kosova është në zi për vdekjen e Ibrahim Rugovës, figurës që ka drejtuar vendin përgjatë 15 viteve të fundit. Edhe pse figura e tij u eklipsua nga lufta e viteve 1998-1999, Rugova doli sërish në skenë, madje shumë fuqishëm, duke u bërë presidenti i parë i pasluftës. Agjencia REUTERS pohon se tashmë Kosova është në kërkim të një lideri të ri që do të mbyllë negociatat për pavarësi. Sipas saj, parlamenti i Kosovës ka tre muaj kohë për të votuar presidentin e ri.

“La Repubblica”
Gazeta italiane e ka konsideruar Ibrahim Rugovën si një humbje te madhe për rajonin dhe Kosovën në veçanti. “Vdekja e Rugovës ka ardhur pikërisht katër ditë pas fillimit të bisedimeve në Vjenë ndërmjet serbëve dhe kosovarëve për statusin e Kosovës. Pas kësaj ngjarjeje të rëndë bisedimet janë shtyrë për disa ditë. Tashmë do të jetë lideri i ri i Kosovës ai që do të merret me këto bisedime”, - thotë gazeta italiane. Sipas saj, Ibrahim Rugova ka qenë lideri i rezistencës paqësore të kosovarëve në kërkim të pavarësisë por ai ishte realisht president i një shteti që ende nuk ekziston.

“The Guardian”
Gazeta prestigjioze britanike e ka konsideruar vdekjen e Ibrahim Rugovës si “vdekjen e liderit për pavarësinë e Kosovës”. “Presidenti i Kosovës, Ibrahim Rugova, një figurë shteti për pavarësinë e shqiptarëve nga Serbia vdiq nga kanceri në mushkëri. Vdekja e tij erdhi në momentin e rëndësishëm të fillimit të bisedimeve ndërmjet Beogradit dhe Prishtinës për të vendosur nëse Kosova, vendi ku 90% e popullsisë janë shqiptarë, do të marrë apo jo pavarësinë. Këto bisedime do të zhvilloheshin nën mbikëqyrjen e Kombeve të Bashkuara”, - thotë gazeta britanike “The Guardian”.

AGENCE FRANCE-PRESSE
Agjencia franceze e lajmeve, të cilës i janë referuar pjesa më e madhe e gazetave amerikane, e ka konsideruar vdekjen e Ibrahim Rugovës si një ngjarje që do të vonojë bisedimet për statusin final të Kosovës. Në shkrimin e saj kjo agjenci lajmesh e cilëson Rugovën si liderin që simbolizonte rezistencën paqësore kundër regjimit serb. Ndërkohë kjo agjenci lajmesh pohon se ende nuk mund të flitet për një emër konkret për personin që do të zëvendësojë Ibrahim Rugovën në postin e presidentit të Kosovës. Sipas saj, presidenti i ri do të jetë shumë vendimtar në përcaktimin e statusit final.

“Washington Post”
“Presidenti i Kosovës, Ibrahim Rugova, vdes në vigjilje të fillimit të bisedimeve për statusin final”. Kështu e fillon shkrimin e saj për vdekjen e presidentit kosovar gazeta amerikane “Washington Post”. Sipas saj, Rugova kishte kohë që përpiqej ti jepte fund regjimit serb mbi Kosovën. “Përpjekjet e Ibrahim Rugovës për një rezistencë paqësore dhe idetë e tij kundër dhunës i dhanë edhe emrin “Gandi i Kosovës”. Ai ka punuar shumë për pavarësinë e Kosovës, por nuk arriti që të jetonte deri në ditën kur do të vendoset statusi final i këtij vendi”, thuhet në shkrimin e “Washington Post”.