SEJMENËT E BATON HAXHIUT

Sejmenët janë një racë njerëzore, të cilët i shkojnë prapa padronit (ktyne herë beut), për t'i shërbyer dhe për t'i zbatuar urdhrat dhe dëshirat e tij. Ata mund t'i shërbejnë verbërisht një mercenari më të fuqishëm, te i cili e shet beu sejmenin përkatësisht në rastin konkret, Baton Haxhiu sejmenët e vet.

A nuk është i turpshëm shërbimin mercenar i Ilir Mirenës, Berat Buzhalës, Shkëlzen Maliqit dhe një varg nënësejmenësh me kalibër dhjetari e deri te rreshteri, veçanërisht kundër Ministrit serb Petkoviç, i cili është ndër serbët e paktë, që pa dëgjuar Beogradin i plotësoi standardet e kërkuara nga ndërkombëtarët. Por plotësimit të standardeve nuk i gëzohet Beogradi zyrtar e as Baton Haxhiu shqiptar. Natyrisht Petkoviqi e nisi “Luftën ma i pari” por si serb që është u tregua më fer sesa Baton Haxhiu, pasi që ai i kërkoi debat publik Baton Haxhiut ku të dojë në Prishtinë ose në Beograd, në shqip dhe serbisht qysh ti vijë më kollaj Baton Haxhiut, që për nostalgjinë e tij do të flisnin serbisht, mbase ka shqiptar të fshatrave rurale që nuk do ta merrnin vesh e pastaj sejmenët e Haxhiut do t’i përkthenin dhe tredhin mendimet e Petkoviçit për ta seruar gjellën e sajuar që prej dy dekadash.

Në anën tjetër Baton Haxhiu i ndërseu sejmenët e vet ashtu siç mund të ndërsehet një qenë i vogël për të bërë hamë hamët e tija në mënyrë që ta pickojnë pabesisht serbin e besës dhe të dinjitetit. Tashti nga ky raport na mbetet më shumë ti besojmë Petkoviqit, i cili u shpreh i gatshëm me duel të hapur se sa sejmenëve të Baton Haxhiut.

Baton Haxhiu ishte i implikuar në shërbimin informativ serb dhe pikë. Këtë gjë nuk e di nëse e dinë Shkëlzen Maliqi, Berat Buzhala dhe Ilir Mirena si dhe nënsejmenet e kalibrit më të vogël.

Në një debat publik kur ia përmendi Shkëlzenit për bëmat e babait të tij si shef i UDB-ës në Kosovë, Maliqi – juniori i zbeh dhe as gëk e as mëk nuk bëri, tani është bërë qesharak kur shkruan e flet për “serbet e ndershëm”, ishte një turp i llojit të vet ashtu siç nuk i lanë Drini turpet e Berat Buzhalës i cili në mbrojtje të çdo gjëje serbe ia mohon ministrit Petkoviq të drejtën e mos dëgjimit të Beogradit në kohën kur Berat Buzhala me urdhrat e Beogradit e mbron Haxhiun, e mbron Begoviçin, e fyen Kosovën e fyen kryetarin e Prishtinës dhe fyen çdo gjë shqiptare.

Berat Buzhala pasi është i specializuar për shërbime të fshehta dhe sekrete do të ishte mirë ta pyeste Baton Haxhiun për takimin e tij të fshehtë me Zoran Gjingjiqin, ku merrte pjesë edhe B. Bukoshi dhe krejt kjo ka ndodhur në një vend neutral siç është Austria dhe krejt kjo ka ndodhur në shtëpinë e serbit Zoran Konstantinoviq, profesor universitar. Për vendin, kohën dhe bisedën ja siguroj unë.

Natyrisht Berat Buzhala, Ilir Mirena dhe djali i Mehmet Maliqit mund ta pyesin baton Haxhiun edhe për pyetjet që iu kanë shtruar në një koment tjetër të cilin e posedon redaksia dhe profesori im i nderuar Beton Haxhiu i cili edhe në ligjëratat atakonte personalitetet publike pa ditur se studentët e tij i kishin të apostrofuarit anëtarë të familjes dhe farefis të gjakut dhe e dinin që profesori po gënjen.

Ndonëse kungulli po i shkon mbi ujë baton Haxhiut, ndoshta këta sejmen do të merren një ditë edhe me fenomenin e punëdhënësit të tyre, pastaj le të kallet Kosova se nuk bëhet kiameti.