GONGU I PAVARËSISË DHE KOSOVA QË NDAN ALEATET ME SUPERFUQITË

Kosova më se miri do të mund te identifikonte miqtë e Amerikës, përmes shpalljes së pavarësisë dhe pranimit të saj, si shteti më i ri në Botë. Le të shpresojmë se Pavarësia e Kosovës do të rirreshtojë më shumë miq për Amerikën dhe më shumë njohje për Pavarësinë e Kosovës.

Gongu i Pavarësisë

Ne fakt kështu më tingëllon njëri prej zërave të mundshëm, që do të vlerësoi funksionin e politikës ndërkombëtare për Kosovën. Deri në ditën, kur ky artikull do të publikohet në media, gongu mund t’i ketë të numëruara edhe më pak se 90-të e ca ditë. Madje edhe mund te konstatohet se qartë se gongut ka hyrë në tiktakun mbyllës, të fund duelit për betejën e Kosovës. Kosova të qëndroj e fortë, ishte edhe zëri i dashamirësve të saj, deri në rendjen e gongut, kanë mbetur pritje te ditë, edhe pak pritje. Por, ne duhet të jemi të përgatitur edhe për “rezultatin e befasishëm” sepse gjithçka në politikë thuhet dhe mund të besohet se “është e mundur të ndodhë”!. Nëse kemi investuar sa duhet për Kosovën, do te jemi me fat të kemi edhe rezultati e pritshëm.

Pavarësia një emër i dashur për 97 % shumicë e qytetarëve të Kosovës, dhe njëkohësisht ( po ky emër i pavarësisë për Kosovën ) mbetet i urrejtshmi emër për pjesën tjetër të përqindjes së mbetur, qe është pakica serbe e Kosovës. Shqiptaret e duan pavarësinë për të parë vetën larg e më larg vrasisë së të tjerëve, dhe për këtë shqiptaret kanë humbur shumëçka te pakthyeshme. Është pa mëdyshje se kanë humbur edhe te tjerët, dhe duhet pranuar gjithashtu se humbjet e të tjerëve nuk mund assesi te barazohet me humbjet e mëdha të shqiptuarve. Është fare normale qe ky proces politik për Kosovën të mbyllet ne favorin e shumicës shqiptare, e cila edhe pse ishte po ashtu shumicë në bashkësinë e dikurshme Jugosllave, u trajtua padrejtësisht si pakicë e parëndësishme, gati ne të gjitha proceset e saja favorizuese.

Kompromise deri n’asht

Me mund të madh Kosova arriti tek autonomia e saj politike, në këtë bashkësi sllave e cila për shqiptaret mbeti fare e padrejtë. Askush nuk ia fali autonomin e shqiptarëve të Kosovës, për t’ia marrë kur dhe kush të dojë atë. Por, ishte dhuna dhe terrori serb i futur në sistem, qe e gllabëroi këtë autonomi politike, me mjetet më të vrazhdët te një lufte klasike dhe shfarosëse kundrejt shqiptarëve. Kjo metodë serbe nuk u ndal edhe përkundër zërave jo të paktë të shqiptarëve qe të mos shtypeshin te drejtat e tyre.

Serbia e vazhdoi dhunën e terrorin duke u bërë e padëgjueshme dhe skajshmërisht e pandalshme. Kohëzgjatja e dhunës dhe terrorit serbë u bë e pa përballueshme për çdo shqiptar, të cilët u mblodhën, me vetë sakrificë në guerile, i kthinë tytën për ta mundur me një luftë te armatosur dhe të pa kompromis me armikun. Shumica e djemve dhe vajzave të Kosovës, i ranë me gjak e zemër atdheut të tyre për t’u bërë themel i qëndresës dhe i fortesës, për të mbijetuar e trashëguar rraca e tyre. Deri në këtë nivel sa qe humbja te kthehej ne një fitore të madhe. Lufta nuk mbaroi si duhet, nuk e dha as rezultatin e përfundimtar të humbësit, po nuk e qartësoi as përfundimisht fituesin. Kjo luftë tani duket e pa mbaruar, edhe ne këto momente kur analizohen shkaqet e saja. Ajo zhvillohet me negociata dy dhe tri paleshe, e edhe ato ndërkombëtare.

1. Kompromisi i Rambujesë!
- Ishte dhe mbetet si kompromisi më i keq, i cili u bë në Rambuje të Francës, kur pala e vetëshpallur shqiptare e pranojë armëpushimin të njëanshëm me dhunën dhe terrorin serb duke e legjitimuar këtë të fundit. Përmes një marrëveshje letre, e cila, më pas një kohe te përshtatshme do të rikthente serish ata që bënë dhunën e krimin ne vendin e sprovës të quajtur Kosovë.

Tentativat e Serbisë, që me polici e ushtri te dhunshme, për tu rikthyer në Kosovë kanë qenë te shumta, ata akoma e vrasin mendjen për tu kthyer në Kosovë. Duke dashur të pengojnë dhe duke dashur ta zhbëjnë procesin nga nisma e vet, që të ketë një zgjidhje te ndërmjetme, e te “mundshme”, e cila sipas te gjitha gjasave duket fare e pamundshme për te dy palët, Serbia ka zgjedhur mënyrën e vjetër të politikës aversive.

2. Kompromisi për Shtetin Multietnik!
- Ishte gjithashtu një kompromis tjetër po ashtu i dëmshëm sepse më këtë ide u anashkalua ideja për krijimin e shtetit nacional te shqiptarëve, i cili do te qonte definitivisht tek një bashkim i domosdoshëm me shtetin përkatës shqiptar Shqipërinë. Por, shikuar edhe ndryshe këtë ide për krijimin e një shteti multietnikë në Kosovë, megjithëse përbërja e popullatës është shumë e qartësuar, akoma qëndron kundrejt një mundësie çfarëdo balancimi që do te realizonte këtë ide apo të këtë shtet të quajtur si multietnikë. Kjo ide në fakt po të shikohet me trendin politik që po merr Evropa, me te drejtë duket dhe mund te shihet si ide evropiane. Ndërsa është tjetër se sa integrues jemi dhe se sa integrim ka kjo bashkësi vërtet multietnike.

3. Kompromisi për decentralizimin e vendit?
- Decentralizmi për pushtetin vendor në Kosovë më shumë u bë konvergjent për idenë e krijimit të shtetit multietnikë se sa i dha favorizim realizimit të kësaj ide. Ne e kemi kuptuar ndryshe këtë lloj reforme për shtetin, e kemi kuptuar më shumë si një domosdoshmëri që duhet tejkaluar për tu integruar. Dhe sot po të shikohet mënyra se si është bërë decentralizmi i pushtetit vendor, atëherë e kuptojmë se ky decentralizim më shumë ka përmbushur disa premisa politike dhe fare politike dhe jo që ka qenë i nevojshëm më shumë si një reforme për shtetin dhe për integrimet.

4. Kompromisi për negociata me Serbinë?
- Ndër kompromiset e tjera të radhës, kanë qen edhe negociatat me Serbinë. Kishte dhe akoma ka balancime se këto negociata duhej dhe nuk duhej të zhvilloheshin. Arsye ka ne te dy taborret, e vërteta e gjithë kësaj është se ka ndodhur kompromisi qe te negociohet me Serbinë, pavarësisht se ajo mbet e pa dënuar për luftën dhe për krimin e bëra në Kosovë. Këto negociata e kanë kthyer dhe njëkohësisht e kanë fuqizuar ndërkombëtarisht akuzën serbe për Kosovën dhe shqiptarët. Por, gjithashtu besohet se këto negociata e kanë dërguar Kosovën më afër Shtetëzimit të saj.

5. Kompromisi për Pavarësinë?
- Duke e dashur shumë pavarësinë, kemi harruar ta bëjmë atë. Pavarësia, më bindshëm u kuptua nder ne si një projekt minimal që e balancon tensionin politik në rajon, e se sa që do të ishte zgjidhja më e mirë për Kosovën dhe shqiptarët. Pavarësia si zgjidhje minimale për Kosovën, me kompromise politike e terminologjike, morri degradimin e vet duke mos besuar në të. Ajo u shndërrua ne pavarësi terminologjike, çka e humbi kuptimin e vërtet te vet termit. Herës u bë Pavarësi e Plotë, Pavarësi e Kushtëzuar, Pavarësi e Mbikëqyrur, Pavarësi Demokratike, Rajonale apo etje etje.

Kosova i ndan aleatet me superfuqitë

Kosova më se miri do të mund te identifikonte miqtë e Amerikës, përmes shpalljes së pavarësisë dhe pranimit të saj, si shteti më i ri në Botë. Pas, pranimit apo njohjes së Pavarësisë së Kosovës nga Shtetet e Bashkuara të Amerikës, padyshim se do të mund të pasonin edhe te tjera pranime apo njohje nga shtetet e tjera. Solidarizimi i pranimit apo njohjes se Pavarësisë së Kosovës nga Amerika do t'i identifikonte miqtë e Amerikës, e cila është deklaruar pro Pavarësisë së Kosovës. Karshi Rusisë dhe disa vendeve qe duket se do te ndaj misin me Rusin pas pranimit te pavarësisë së Kosovës. Le të shpresojmë se Pavarësia e Kosovës do të rirreshtoi më shumë miq për Amerikën dhe më shumë njohje për Pavarësinë e Kosovës.