Volejbolli shqiptar bën emër të madh edhe në Amerikë

-- nga Beqir SINA, Nju Jork, SHBA

Rubena nuk zhgenjen, cilësuar kohët e fundit si një nga talentet e rralla tek Liga e Amerikës, në Volejboll "Baden Patriot League"

Mbas Donald Suxhos volejbollistit korëar që ka befasur amerikanët e mahnitur ata, nda shkolla e volejbollit të suksesëshëm shqiptar, është edhe volejbollistja nga Tirana, Rubena Sukaj. Ajo është cilësuar kohët e fundit si një nga talentet e rralla tek Liga e Amerikës, "Baden Patriot League". Ish-gjimnazistja e shkollës "Asim Vokshi", është vlerësuar "Lojtarja më e mirë e Ligës" për disa javë. Kjo është e treta herë që Sukaj e fiton këtë titull gjatë këtij sezoni. Në fitoren 3 : 0 të AU (American University) shqiptarja ishte e papërmbajtshme.

Drejtuesit e skuadrës nuk kanë se çfarë të këkojnë më tepër nga shuterja, e cila në fitoren ndaj ARMY realizoi 17 gjuajtje të suksesshme, 3 pikë nga shërbimi dhe 5 bllokime. Ndërkohë, në fitoren ndaj Holy Cross, loja e volejbollistes së kombëtares shqiptare ishte akoma më e mirë, kur ajo realizoi 21 gjuajtje të suksesshme, 5 pikë direkt nga shërbimi dhe 3 bllokime. Interessant, është fakti se edhe skuadra, në kolegjin për të cilin luan Sukaj, e ka emrin Shqiponjat (Eagles), një kombinim shqiponjash midis vendlindjes dhe skuadrës ku aktivizohet.

Në lidhje me aftësitë e vajzës, traineri i sajë Goldberg ka theksuar:" E dija se Rubena do të vinte dhe ajo do të bëhej shumë shpejt njëra prej lojtarëve tona, më të talentuara. Mbase, thotë ai Rubenës do t'i duhej kur erdhi edhe pak kohë sa të ambientohet me këtë klimë të re, por pavarësisht nga kjo, unë isha mëse i bindur se ajo i ka aftësitë e duhura për të qënë njëra prej volejbollisteve më të shquara në historinë e klubit tonë. Dhe në fakt, Rubena nuk zhgenjen, duke udhëhequr ekipin e saj drejt disa fitoreve emocionuese, në të cilat ajo po mban edhe peshën kryesore, duke ndryshuar totalisht rrjedhën e lojës".

Bota Sot: Së pari më lejoni që të ju shpreh përgezimet e mija dhe urimet tona për sukseset!

Rubena Sukaj: Ju faleminderit, Unë jamë një vajzë shqiptare nga Tirana nëna ime quhet Zana dhe babai Qemal. Kam një vëlla, Marlin, 22 vjeç,që ka mbaruar tani studimet për Shkenca lëvizese dhe sport . Asnjëherë se kisha menduar se do të luaja dhe do të shkelqeja ndonjëherë në volejbollin amerikan. Por ja që shumë gjëra tashmë kanë ndryshuar, prej në momentin, kur isha veç 18-vjeçare dhe u largova nga Tirana, për në qytetin Bethesda-Maryland, bashkë me nënën dhe babanë. Tashmë, unë kam zënë këtu miq te rinj, praktikisht kam filluar një jetë të re.

E vetmja gjë që nuk ka ndryshuar, tek mua është volejbolli. Në Amerikë, ku gjithcka për një vajzë është ndryshe nga realiteti shqiptar, volejbolli për mua mbetet primar. Pasi unë kam një lidhje shumë të ngushtë me këtë sport, që e praktikojë qysh në moshën 12-vjeçare. Në fakt, babai im, kishte shumë dëshirë që unë të merresha me basketboll pasi edhe vëllai im sportist i talentuar , Marlini 22-vjeçar merrej me basketboll. Pavarësisht nga insistimi i babait tim, unë u dashurova me volejbollin dhe që në moshën 15-vjeçare, mora ftesën për të qënë pjesetare e ekipit përfaqësues shqiptar, në volejbollin e femrave.

Bota Sot: Na e përshkruani rrugën tuaj drejt suksesit prej kur u bëtë anëtare e ekipit kombëtar

Rubena Sukaj: Aktualisht unë vazhdoj të jemë pjesetare e ekipit American University Eagle.Pjemarrja dhe aktivizimi me këtë ekip ishte gjëja më e bukur që më ka ndodhur në jetë. Si në Shqipëri edhe këtu në Amerikë, aspiroj të jemë anetar i ekipit kombëtar. Në fillim të karjerës sime, unë nuk e dija se drejtues të Federates Shqiptare të Volejbollit me kishin vëzhguar imtësisht, kësisoj ishte një surprizë për mua t’a arrija këtë në Shqipëri. Duke qënë kështu pjesetare e ekipit përfaqësues, në Shqipëri, unë kam marrë pjesë në turne të ndryshem nepër Evropë. Kjo bëri, që unë të shikohesha nga një anetar i stafit teknik të volejbollit, në Universitetin Amerikan. Ky person më ka rekomanduar më pasë tek trajneri i skuadrës Eagle, e cila militon në kampionatin amerikan të volejbollit për femra, ai quhet Barry Goldberg. Në bazë të këtij rekomandimi, Goldberg më ka rekrutuar në moshën 18-vjeçare nga Tirana, në skuadrën e Eagle.

Bota Sot: Çfarë ndryshimi shihet tek loja e volejbollit për femra në Shqipëri, me atë këtu përtej Oqeanit Paqësor ?

Rubena Sukaj: Në Shqipëri luaja me lojtare të moshave të ndryshme, kishte dhe raste që lojtaret ishin 40 vjec, dhe me shume eksperiencë loje. Kurse këtu, lojtaret janë pothuajse të të njëjtës moshë, pasi vazhdojnë universitetin. Lojtarët që vijnë nga Evropa, këtu janë shumë të afta, por në Amerikë ka shumë volejbolliste të cilat janë shumë lart në planin fizik, se sa tek ne pasi ato përballen me më shumë ndeshje, sesa në Shqipëri.

Bota Sot: Diçka na thuaj për skuadrën ku luani ?

Rubena Sukaj: Është skuadra e American University dhe quhet Eagle e thënë shqip “Shqiponja”. Me këtë skuadër ky është viti i gjashtë rresht që ne fituam titullin “Patriot League”. Gjatë këtyre 6 viteve, skuadra ka pësuar vëtëm një humbje. Unë personalisht me këtë skuadër kam një mesatare prej gjashtë zhytjesh të suksesshme për një set. Me këtë skuadër fitova titullin: “Regulate” në Amerikë viti 2005: Skuadra. ime Eagle –“Shqiponja”, zuri vendin parë dhe unë u shpalla më e mira e sezonit. U rendita e para në ligë, për pikë direkt nga shërbimi, 81 të tilla rekord për shkollën. Fitova titullin si lojtarja e re debutuese më e mirë e javës, 2 herë (3 shtator dhe 7 nëntor) "PL Rookie". Fitova titullin si e nderuara e turneut Manhattan Volleyball Invitational. Udhëhoqa këtë skuadrën si shuterja më e mirë në 8 ndeshje. Kamë arritur të realizojë mbi 10 pikë në 23 gjuajtje dhe ka hyrë në PL Academic Honor Roll.Viti 2006: Jamë e cilësuar lojtarja më e mirë e "AU Classic Tournament" (named MVP of AU Classic Tournament).

Ekipi i ynë ka fituar 9 ndeshje rresht dhe nuk kemi humbur asnjë, ndërkohë që me gjithë fitoret e sezonit të kaluar nuk kemi humbur në 14 ndeshje resht, si dhe janë 11 0 në ndeshjet e drejtpërdrejta me rivalët në Patriot League. Gjatë këtij sezoni, i cili nuk ka përfunduar akoma, skuadra ku unë luaj aktualisht, e ka siguruar qysh tash vendin në Patriot League dhe do të jemi pritës të ndeshjeve kualifikuese për fazën finale, pasi kemi siguruar vendin e parë, dy ndeshje përpara përfundimit.

Bota Sot: Cilat janë gjërat që nuk i njihje, duke kaluar Oqeanin Paqësor ?

Rubena Sukaj: Cdo gjë ishte e re për mua duke kaluar Oqeanin. E vetmja gjë që dija ishte se kisha pranë prindërit e mi dhe që mund të mbështetesha tek ato për cdo gjë. Këtu ka shumë gjëra më ndryshe se në Shqiperi. Unë jam mësuar atje të luaj me lojtare të moshave të ndryshme, ndërsa këtu në kolegj, jemi të gjitha në një moshë. Po mësojmë shumë nga njëra -tjetra. Jeta në SHBA e më ka bërë që nga Tirana, të përballem me disa gjëra të cilat nuk i njihja më parë. Duke kaluar Oqeanin Paqësor, unë kam kaluar një tranzicion të hatashëm. Nuk e dija kurrë nëse unë do të isha në gjendje të përballesha me një realitet të tillë. Unë vijë nga një vend me shumë probleme, siç ka qënë Shqipëria, at’here dhe ja tshë unë jamë një ndër ato shqiptar që po prek ëndrrën amerikane. Mendoj se megjithse nuk njihëja shumë gjëra tash po ambientohem shumë shpejt me jetën amerikane.

Bota Sot: Rezultatet e Rubenës me kombëtaren e Volejbollit për femra në Shqipëri

Rubena Sukaj: Vendi tretë në Ballkaniadën e para-të-rejave të organizuar në Durrës. Vendi i tretë ne Ballkaniadën e të rejvave të organizuar në Turqi. Rradhitur si pikëshënuesja e tretë më e mirë. Vendi i tretë në Eliminatoret e Kamionatit Botëror të organizuar ne Angli, rradhitur e treta si pikëshënuesja më e mirë.

Bota Sot: Rezultatet e Rubenës në Amerikë !

Rubena Sukaj: Northeast Regional team. Patriot League 2006 Player of the Year. Volleyball All-Patriot League First Team.2006 Tornament most valuable player- American Classic tournament Deri tani, jam e treta ne Amerikë për shërbime të bëra pikë dhe e 12 për gjuajtje.

Bota Sot: Kujtimet me shoqet tua të shkollës Asim Vokshi

Rubena Sukaj: Cdo ditë kisha stërvitje. Kështu që nuk më dilte shumë koha për shoqërinë. Gjithashtu, po përgatitesha ëer kolegj, për të dhënë Toeflin dhe Sat-in, dhe isha e ingranuar në kurse private.

Bota Sot: Copëza jete në shoqërinë amerikane

Rubena Sukaj: Shumë e zënë me shkollën, provimet, stërvitjen dhe si rrjedhim nuk më del koha për gjë tjeter.

Bota Sot: Disa vlersime për Rubenën nga specialistë amerikanë dhe media amerikane

Rubena Sukaj: Tekniku im Goldberg, ka thënë" Është super e talentuar, por ka nevojë për më tepër agresivitet. Loja në mbrojtje t’a jep këtë mundësi. Ai thotë se unë, mbroj mirë dhe sulmoj në mënyrë të hatashme. Specialistët e skuadrës thonë se unë jamë njëra prej lojtareve më të spikatura në Patriot League, duke marrë pjesë vazhdimisht në skuadrën më të mirë të javës. Ata thonë se unë jamë një pikë referimi për lojën e ekipit Eagle-s. Ndërkohë, kolegia e ime në këtë skuadër, Elizabeth Maloney, ka thënë për mua se:" Ne nuk e trajtojmë në mënyrë të veçantë Rubenen, vetëm për faktin se ajo ka ardhur nga shumë larg. Por, ne vleresojme tek ajo, aftësitë e padiskutueshme që ka në këtë lojë. Rubena po luan në mënyrë fantastike dhe për të mirën e skuadrës sonë”.

Bota Sot: Cilat janë disa nga synimet e tua ?

Rubena Sukaj: Të vazhdoj kështu dhe mundësisht të fitojmë më shumë çmime, duke rritur edh emërin e Shqipërisë, për t’a rikthyer edhe Voleibollin shqiptar të fermave në nivlet e dikurshme ndërkombëtare. Kamë vendosur që ta përdorë postin tim në prapavijë, në mënyrë që të tregojë eksperiencën e fituar deri tash me intensitetin e ndeshjeve. Kam nevojë për më tepër agresivitet. Loja në mbrojtje t’a jep këtë mundësi. Të mbetëm gjithmonë njëra prej lojtareve më të spikatura në Patriot League, duke marrë pjesë vazhdimisht në skuadren e më të mirave të javës. Të jem një pikë referimi për lojen e Eagle-s. Shpresojë që të vazhdojë të jemë në të tilla nivele edhe për shumë kohë.

Bota Sot: Kur mendoni se do të ktheheni një ditë në Shqipëri ?

Rubena Sukaj: Nuk e kam vendosur akoma, pasi kam dhe dy vjet shkollë të mbetura. Të shohim deri atehere. Këtu është një jetë me frenetike, ku mundësitë janë edhe më të shumta, por nuk te jepen dy herë rradhazi. Amerika është vend i bekuar siç thotë një shprehje, por që të shkelqesh në këtë shtet të stërmadh, duhet të kesh talent. Ne lamë gjithçka pas në Shqipëri dhe filluam një jetë re këtu në Amerikë. Dua t’a jetoj këtë jetë në mënyrën më të mirë të mundshme dhe më të suksesshme. Besoj se do t'ia arrij.

Suksese!