200 ushtarë nga divizioni i Rojës Kombëtare të Kansasit, bëhen gati që të nisen për në Kosovë

-- nga Beqir SINA, Nju Jork, SHBA

SHBA do mbeten edhe më tutje në Kosovë derisa të përfundojnë misionin e saj

TOPEKA, Kansas: Një division i Rojas Kombëtare të Kansasit - "Kansas National Guard", njoftohet se po bëhet gati për marrshin e dytë drejt Kosovës. Ky kontigjent ushtarësh e ka zanafillën e tij me zhvillimet në Kosovë, që katër vjet më parë. Ata janë duke marrë pjesë edhe në këtë turn që të sigurojnë paqen e sigurinë në Ballkan, e rajon. Major. Gjeneral. Tod Bunting nga ky division, tha para përgatitjes së ushtarëve, se ky divizion ka 200 ushtarë nga baza qëndrore dhe i përket divizionit "35th Division", me bazë në Fort Leavenworth. Të 200 trupat e këtij divizioni do t'u bashkëngjiten menjëher forcave të tjera multinacionale që shërbejnë në Kosovë. Përkatësisht muajët e fundit të këtij viti, pasi ata të ushtrojnë stërvitjen ushtarake në bazën "Camp Atterbury" në Indiana deri në korrik. Ndërsa, në shtator ata do të jenë në Kosovë. Ky divizion me 200 ushtarë i divizionit "35th", me bazë në Fort Leavenworth, ka ushtarët e tij nga Kansasi, Missouri dhe Illinoisi.

Maj. Gen. Tod M. Bunting The Adjutant General

Divizioni "35th", me bazë në Fort Leavenworth, e ka të tretën herë që shërben në zhvillime të ngjashme me ato në Kosovë, prej kur të parin e zhvillojë po në Kosovë. Gjatë shërbimit në Kosovë ky divizion do të bëhet pjesë e trupave paqeruajtëse në Ballkan dhe pjesë e rreth 1,500 trupave të ushtrisë amerikane nga trupat rezerviste të Ushtrisë Amerikane dhe Rojes Kombëtare. Këto janë disa nga aktivitetet e këtij divizioni në planin ndërkombëtar, tha Maj.Gen. Tod Bunting, duke shtuar se në planin kombëtar më shumë se 15.000 trupa nga Roja Kombëtare Amerikane, shërbyen në ndihmën e madhe që treguan gjatë fatkeqësisë natyrore që pësojë Louisiana gjatë uraganit Katerina, tha ai. Nga kjo bazë stërviten edhe trupa rezerviste, të cilat shërbejnë në Irak. Pikërishtë, nga policia ushtarake e kompanisë "35th Military Police Company", 170 policë ushtarak nga baza e Fort Dix, u dërguan në Irak.Baza ushtarake e Rojas Kombëtare Amerikane në Kansas, ka rreth 850 trupa që shërbejnë ende në Irak, pa përfshirë ata që do të shërbejnë në Kosovë. Kjo Bazë ka rreth 7.700 trupa nga këta 5.600 ushtarë dhe 2.100 trupa të flotës ajrore.

Aktualisht, më tepër se 230.000 trupa amerikane janë dislokuar në baza të ndryshme jashtë SHBA - Shumica e tyre janë në Irak, Afganistan, Gjermani, Japoni, Korenë e Jugut dhe në Kosovë. Trupat Amerikane, u vendosën për herë të parë në Kosovë, prej vitit 1999. Pikërishtë athere kur në Helsinki(Finland) amerikanët, ndërkombëtarët, arritën një marreveshje, për paqe e siguri pas largimit të forcave sërbe, e cila është në fuqi edhe sot. Sipas asaj marrveshje Kosova, do të kontrollohej ushtarikishtë nga trupat paqeruajtese ndërkombëtare. Në këtë kontekst, Shtetet e Bashkuara të Amerikës, sot, aktualishtë kanë në Ballkan rreth 3400 trupa, nga këto trupa ushtrake rreth 2000 trupa janë vetëm në Kosovë, dhe 900 në Bosnje Hercegovin. Trupat amerikane në Kosovë janë të dislokuar në Kampin ushtarak Bondstill, në veri lindje të Kosovës, dhe kanë bërë çdo gjë që është e mundur që në Kosovë, të jetësohet paqja, siguria e stabiliteti. "SHBA-s, do mbeten në Kosovë derisa të përfundojnë misionin e tyre ", kanë theksuar vazhdimishtë, zyrtarët e lart të qeverise amerikane, për të shtuar se "gjëja e fundit që dikush mund të dëshirojë sot, në Kosovë, është dështimi i trupave atje, në zemër të Evropës".