Shqiptarët me linjën e tyre direkte për në atdhe

-- nga Beqir SINA, New York, SHBA

AEROPLANI SHQIPONJA E ADRIATIKUT NE NJE DITE ME PRESIDENTIN GEORGE W. BUSH NE TIRANE
Vajtaja e presidenti Bush në Tiranë, dhe Pavarësia e Kosovës, kanë të njëjtën përurim më aerokompaninë Adriatic Eagle Air (AEA) që është tërësisht shqiptare.

Wantagh, Long Island, Nju Jork: Me 9 qershor kompania shqiptaro amerikane e fluturimeve ajrore Adriatic Eagle Air (AEA) & American Trans Air (ATA) do të aktivizojë për herë të parë, linjën ajrore direktë nëpërmjet Nju Jorkut, dhe Tiranës, me internearin Tiranë--Nju Jork dhe Prishtinë -Nju Jork e anasjelltas.
Burimet zyrtare nga kjo kompani bënë të ditur se për këtë qëllim kompania shqiptaro amerikane Adriatic Eagle Air (AEA) me zëvendes presidentin e e kompanisë amerikane American Trans Air (ATA) ka nënshkruar një marreveshje për fillimin e fluturimeve dhe vazhdimin e kontratës.

Ndërkohë që autoritetet e Ministrive të Transporteve në Shqipëri e Kosovë, kanë deklaruar se fillimi i fluturimeve linjën ajrore direktë nëpërmjet Nju Jorkut, dhe Tiranës, me internearin Tiranë--Nju Jork dhe Prishtinë - Nju Jork e anasjelltas, bënë pjesë në kuadër të marreveshjes “Open Sky” (Qielli i Hapur) me SHBA-s e Shqipërisë e Kosovës. Kjo po realizohet në linjën ajrore e drejtëpërdrejtë, operator i së cilës do te jetë kompania shqiptaro amerikane Adriatic Eagle Air (AEA) & American Trans Air (ATA) e cila prej 9 qershorit për të gjithë shqiptarët që jetojnë në SHBA-s, ofron transportin ajror per pasagjere ndermjet Shteteve te Bashkuara te Amerikes dhe Shqipërisë e Kosovës. Ajo afron sherbime me çmime të volitëshme komode dhe në bazë të të gjitha rregullave ndërkombëtare.

Vajtaja e presidenti Bush në Tiranë, dhe Pavarësia e Kosovës, kanë të njëjtën përurim më aerokompaninë Adriatic Eagle Air (AEA)

Pronari i kësaj kompanie zoti Tom Ulaj thotë se; "Nisja e këtyre fluturimeve nga Nju Jorku në Tiranë e Prishtinë e anasjelltas, është një nisëm që ka edhe karakter kombëtar në disa këndëvështrime. Ajo i hap rrugën edhe biznesit e biznesmenve si në Shqipëri dhe në Kosovë e viset shqiptare. Një udhëtim direkt me kompaninë tonë, dotë thotë në vajtje ardhje të fitosh rreth 10 orë ose më shumë, të humbura që bënë në linjat transit. Do të thotë që të moshuarit dhe ata që kanë probleme shëndetësore, të mbrrijnë direkte në Tiranë e Prishtinë, pa qenë nevoja t'i shoqërojë ndokush. Me këtë fluturim në prag të pavarësisë së Kosovës, ne kemi lidhur gjithë popullin shqiptar, me aerokompaninë e parë shqiptare në aeroportin e Nju Jorkut. Për herë të parë në tabelën e madhe elektronike, të aeroportit më të madh të botës, do të shihni edhe emrat e Tiranës e Prishtinës. Fluturimet e para do të jenë treguesi më i mrë dhe do të sfumojnë atë dilemën që ndonjëri keqiterpreton me këto fluturime. Ejani edhe udhëtoni e binduni. Udhëtim komod, me çmime speciale. Një dhurat e bukur për çdo udhëtar, është çmimi i volitëshëm.

Kjo kompani po hynë në historinë e biznesit shqiptar. Ajo tashmë matet dhe konkuronë me aerokmpanitë më të fuqishme në Amerikë, me çmimet, dhe udhëtimin direkt, duke shkurtuar ndjeshëm orët e humbura, të mërzitëshme dhe tepër të lodhëshme nëpër aeroportet transit, siç jemi mësuar të kalojëm deri tash, nga Vjena, Budapesti, Roma, Athina e tjerë. Kjo është kompania e dytë në Ballkan, që bënë fluturime direkt nga Nju Jorku. Kompania jonë ka përvilegjen që hynë në historinë e datave të mëdha. Vajtaja e presidenti Bush në Tiranë, dhe Pavarësia e Kosovës, kanë të njëjtën përurim më aerokompaninë Adriatic Eagle Air (AEA) që është tërësishtë shqiptare. Kompania jonë fton të celebrojmë me kompaninë tonë pavarësinë e Kosovës. Falemnderojmë në emër të kompanisë të gjitha axhenist e udhëtimeve shqiptare, medien dhe autoritetet amerikane.

Adriatic Eagle Air (AEA) falemnderonë udhëtarët dhe anxhensit e udhëtarve

Kompania ka edhe dy ashkëpronare, z. Eli Gjezo, dhe z. Pemiola Demiraj. Gjezo na tha se deri tash është bërë një punë me të vërtet e konsiderueshme. Megjithse koha ishte shumë e shkurtër prej inagurimit të kompanisë, ka një fluks të madh udhëtarësh të cilët kanë bërë rezervimet për fluturimet e para drejt Tiranës e Prishtinës e anasjelltas. Mënyra elektronike e rezervimit, pagesa nëpërmjet (http://www.adriaticeagleair.com/reservations_albania.htm) u mundëson udhëtarve nga shumë shtete të Amerikës, por edhe nga Europa, të gjejnë kontaktimin me kompaninë Adriatic Eagle Air (AEA) & American Trans Air (ATA). Ne jemi të kënaqur dhe ju jemi mirënjohës udhëtarëve duke qënë pranë tyre për të gjitha shqetësimet që ata ngrenë. Institucionet përkatëse si në Prishtinë dhe Tiranë, kanë bërë të gjitha përgatitjet dhe dokumentacion e duhur që gjithçka të jet në bazë të rregullave ndërkombëtare të fluturimeve ajrore.

Ne kemi si synim që në të ardhmen t'a bëjmë këtë fluturim gjatë gjithë vitit, bazuar tek kërkesat e udhëtarëve. Stafi i punës, po studion mënyrën sesi të përballohet një vazhdimësi vjetor. Ne ofrojmë udhëtarve të gjitha udhëzimet në gjuhën shqipe. Ne kemi një ofertë e cila është më e leverdismëshmja në tregun e konkurencës. Çmimet janë më të ulta nga të gjitha kompanitë e tjera. Ejani dhe provojeni dhe do të mbeteni me të vërtet të kënaqur. Ne si një kompani e re, kërkojmë të nxjerrim anët më të mira të biznesit. Meqënse, kërkesat dhe nevojat e bashkëatdhetarëve , sidomos në këtë periudhë janë shumë të mëdha për të udhëtuar drejt vendlindjes, ne u sigurojmë udhëtime të këndëshme dhe mjaft të rehatëshme. Ne kemi besim të madh tek partneri ynë, American Trans Air (ATA), një kompani mjaft prestigjoze dhe që plotëson të gjitha rregullat ndërkombëtare të udhëtimit me aeroplan.

Sqarime rreth udhëtimeve jep zëdhënsi i kësaj kompanie:

Edmond Xhani, zëdhënsi i kompanisë, thotë se: "Kompania shqiptaro amerikane Adriatic Eagle Air (AEA), në bashkëpunim me kompaninë serioze dhe mjaft të fuqishme amerikane American Trans Air (ATA), marrin përsipër të nisën fluturimet e tyre, edhe në linjat Nju Jork- Tiranë, Nju Jork - Prishtinë e anasjelltas, direkt. Kjo do të bëhet realitet, qysh nga data 9 qershor, ditë kjo që për koincindencë bie edhe me ditën kur për herë të parë një president amerikanë - Presidenti Bush, mbrrinë në Tiranë.

Si fillim kompania AEA, ka synim të kryej një udhëtim në javë në të dy realacionet. Çdo të shtunë për Tiranë, e çdo të hënë për Prishtinë. Pra kemi të bëjmë me dy kompani, të dyja të besueshme dhe serioze në këtë fushë, një amerikane dhe një shqiptare. Këto dy kompani marrën përsipër operimin në realicionin e lartëpermendur.

Kompania garaton udhëtimin sipas të gjitha rregullave ndërkombëtare. Bënë një udhëtim në mënyrë perfekte driektë me Tiranën dhe Prishtinën. Ky është një bashkëpunim amerikano shqiptar në fushën e biznesit. Kompania amerikane vë në dispozicion aeroplanin i tipit DC-10-30, me tre motorrë. Avion me kapacitet 317, vende ka pilotët dhe stiuardesat amerikane si dhe një përkthyes shqiptar. Do të ketë ushqim të bollshëm e të shumëllojshëm gjithmonë sipas standarteve bashkëkohore. Përsa i përket muzikës e filmave shqiptarë, do të ketë muzikë e filma shqiptare e të huaj. Për më shumë informacione theksoi Xhani, ndiqni websitin: www.adriaticeagleair.com.

Udhëtarët e parë:

Një nënë shqiptare në Amerikë, shprehet e kënaqur. Edhe unë, thotë ajo bashkohem me gëzimin e të gjithë shqiptarëve për këtë mundësi kaq të madhe e të bukur të fluturosh direkt në atdheun tonë Shqipërinë. Ju uroj të gjithëve mbarësi. Jam një nënë që jetoj këtu në SHBA-së, dhe kjo gjë më gëzon mjaft dhe shyqyr them që edhe ne si shqiptarë më në fund do të kemi tani linjën tonë direkte për në atdhe. Ju falenderoj z. Tome Ulaj dhe Eli Gjezo.