"Dita e Trashëgimisë Shqiptare" në Amerikë - festë e madhe me këngë, valle e melodi shqiptare

-- nga Beqir SINA, New York, SHBA

U zhvillua festivali "Dita e Trashgimisë Shqiptare" në Amerikë, organizuar nga Qëndra kulturore "Nënë Tereza" pranë Kishës Katolike Shqiptare në Amerikë "Zoja e Shkodrës".

Valhalla - Westchester NY: Tani që para kombit shqiptar qëndrojnë dy çështje të mëdha: Pavarësia e Kosovës dhe prosperiteti i mëtejshëm i Shqipërisë, më shumë të drejta dhe liri themelore njerëzore për shqiptarët që jetojnë në trojet e tyre, shqiptaro - amerikanët janë në kulmin e veprimtarive e aktiviteteve të tyre. Kjo lidhet me faktin, pasi që për të dyja këto çështje një ndihmë të madhe ashtu siç ka dhënë deri tash, mund të japë komuniteti i madh i shqiptarëve të Amerikës, nëse ai do të jetë i bashkuar, ashtu sikundër e ka patur për traditë gjithmonë dhe sikundër e ka tregur , në mbështetjen e përkrahjen që u jep ky komunitet; Senatorve, Kongresmenve, Presidentve, e tjerë në takime e fushtatat elektorale, në demonstratat, në aktivitetet dhe veprimtaritë kulturore, artistike, e fetare.

Komuniteti shqiptar në Amerikë ka fatin të jetojë në një shtet, i cili, duke qenë vetë shembulli i demokracisë e lirisë, duke qënë vetë shembulli i respektimit të të drejtave dhe lirive njerëzore, i ka vënë vetes si qëllim që të bëhet mbrojtësi i tyre kudo që ato shkelen, duke u bërë kështu promotori kryesor i vendosjes së një Bote të lirë e demokratke. Komuniteti shqiptaro-amerikan, është më se i integruar në jetën amerikane dhe është pjesë vitale e këtij vendi simbol i demokracisë dhe lirisë, ashtu sikundër deklaroi Presidenti Bush në Tiranë, me respektin që kan fituar shqiptarët ndaj SHBA-ës, i kanë hapur vetes rrugën për të pasur edhe një mik të madhë dhe të përjetëshëm, Shtetet e Bashkuara të Amerikës.

Dje(10 qershor 2007), kur tre ngjarje me përmasa historike përjetuan shqiptarët; 8 vjet më parë në atë ditë historike të kapitullimit të Serbisë dhe çlirimit të Kosovës, vizita historike të presidentit amerikan George W. Bush në Tiranë, e para e një presidenti amrikan në funksion në Shqipëri, dhe, Lidhja e Prizerenit sinteza e Rilindjes Kombëtare dhe pika kulminante e historisë së re të Shqipërisë,në veri të qytetit të Bronksit(Nju Jork), në qytezën Valhalla - Westchester, në praninë e rreth disa mijëra vetave, u festua "Dita e Trashëgimisë Shqiptare", në Amerikë,

Aktivitet, ky që po merr formën tradicionale dhe organizohet për çdo vitë, nga Qëndra kulturore "Nënë Tereza" pranë Kishës Katolike Shqiptare në Amerikë "Zoja e Shkodrës". Shqiptarët e Amerikës, nga Nju Jorku, shtete të tjera për rreth New Yorkut, patën rastin të kalojnë një ditë të bukur argëtuese e shlodhëse me folklorin e mrekullueshem shqiptare. Grupi folklorik nga Kosova "Rugova", SHKA "Bashkimi Kombëtar", shoqata "Rozafati" , si dhe këngërtarët e njohur Gezim Nika dhe Aurela Gaçe, denjësisht e presentuan këngën dhe vallen tradicionale shqiptare. Ndeshjet e shumë skuadrave të futbollit dhe volejbollit, si dhe "dyluftime" shahistike, aktivitete të tjera të shumta me lojra popullore, e bënë këtë ditë edhe me interesante dhe të kënaqshme.

Personalite të shqura shqiptare, të biznesit, politikës, sportit, kulturës e artit, fesë e tjerë, kanë marrë pjesë në këtë aktivitet, përfshirë këtu edhe, famullitarin e Kishës "Zoja e Shkodrës", doma Pjetër Popaj, ambasadorin e RSH në Misionin e Përherëshëm në OKB, eskeselencën e Tij z Adrian Neritani, ish kongresmenin republikan të Nju Jorkut, Joseph J. DioGuardi, presidenti vullnetar i Ligës Qytetare Shqiptaro Amerikane. Familjet shqiptare të veshur me bluza kuq e zi dhe me flamuj në duar qëndruan për më se 10 orë në mjediset e gjelbëruara të parkut Kensico Dam Plaza. Në një fushë sporti u luajtën lojra në futboll dhe volejboll, ndërsa pak metra më tutje ishte improvizuar tribuna e përzgjedhur nga repertoari i këngëtarëve të njohur Gëzim Nika, Aurela Gaçe, grupi folklorik “Rugova”, etj. Organizatorët me kohë ishin marrë edhe me organizimin e ushqimeve të llojllojshëm të kuzhinës shqiptare: nuk mungonte byreku, flia, dhe shumë specialitete që shqiptarëve të emigruar ia kujtonte ushqimin nga viset që vinin. Kishte edhe stenda ku shiteshin libra, videokaseta, veshje apo piktura me motive shqiptare. Në qytetin e Nju Jorkut çdo gjë ishte shqiptare. Ishte bota shqiptare në miniaturë. Edhe këngët dhe vallet që u lozën ishin nga të gjitha viset. Valltarët ishin të shtresave të ndryshëm: vajzat dhe djemtë të lindur në Amerikë.

"Dita e Trashëgminsë Shqiptare" në Amerikë "Albanian Cultural Heritage Celebration", në Kensico Dam Plaza në qytezën Valhalla, percepitohet njëkohësishtë, si një festival argëtues. Aty marrën pjesë me mijëra mërgimtarë shqiptarë, të emigruar këtu, në periudha të ndryshme nga të gjitha viset e Shqipërisë: Shqipëria, Kosova, Çamëria, Kosova Lindore, Mali i Zi dhe Maqedonia. Ata mblidhën në këtë ambjent të mrekullueshem natyror, shumë i ngjashëm me bukuritë natyrore të bjeshkeve, luginave dhe fushave të Kosovës, Shqipërisë, e viseve të tjera, për të ringjallur traditën e bukur shqiptare, të këtyre festave tradicionale kombëtare.

Edhe pse një ditë do të duket pak për të shpalosur pasuritë e një populli, pak nga të gjitha fushat kulturore, të përfaqësuara nga elementet më të mirë të tyre, ajo përbën një ngjarje të rëndësishme kulturore në mërgim. "Dita e Trashëgminsë Shqiptare" në Amerikë "Albanian Cultural Heritage Celebration", në Kensico Dam Plaza në qytezën Valhalla, ka më tepër një karakter festiv.
Këngëtarët dhe valltarët e Grupeve të Këngëve dhe Valleve Popullore, përçojnë traditën më të mirë të muzikës dhe valles popullore. Ndërkohë edhe ritmet e muzikës moderrne dëgjohen nëpër park si: ambientale, techno, house, trance, rock & pop, dance, hip hop, clasica, e tjera. Ato përçohen përmes CD-ve dhe DJ, e video clipeve, grupe të rinjësh shijojnë të gjitha llojet e muzikës. Në këtë festival në se do t'a quamin kështu nuk kanë munguar asnjëherë as lojarat popullore e sportive, ushqimi dhe ekspozimi i, simboleve kombëtare, flamuj, distiktiva me figura kombëtare, CD me muzikë të ndryshme nga të gjitha trevat, kaseta dhe video kaseta.