Lidhja Demokratike e Dardanisë, është vendi ku frymon kultura politike e Presidentit Rugova, vizioni dhe rruga e trasuar prej Tij

-- nga Beqir SINA, New York, SHBA

Tubim solemn me rastin e shpërndarjes së 650 librezave të anëtarësisë së degës së LDD-së për Nju Jork me rrethe

ARTHURE AVENUE - BRONX(NY): Me ftesë të degës së LDD-së në Nju Jork, e rrethe, një delegacion i lartë nga kryesia e LDD-së në krye me z. Xhemajl Hyseni - nënkryetar, dhe kryetar i Komunës së Gilanit, ing. Tomë Hajdaraj - anëtar i kryesisë dhe zëvendesministër për Bujqësi dhe Zhvillim Rural, deputet në Parlamentin e Kosovës, si dhe dr Naser Rugova anëtarë i kryesisë, vizitoi Nju Jorkun. Mysafirët e lart nga Kosova, u pritën nga një numër i madh i anëtarëve dhe simpatizantëve të degës së LDD-së. Me këtë rastë Dega e Lidhjes Demokratike e Dardanisë, për Nju Jork me rrethe, me anëtarët, simpatizantëtët shqiptaro - amerikan më datën 1 korrik 2007(ditë e diel) - organizoi edhe regjistrimin e anëtarëve të rinj dhe shpërndarjen e librezave për anëtarët e rinj.

NY: Anëtarësim në LDD

Regjistrimi i anëtarëve të rinj fillojë në ora 12:00 në zyrat e LDD-së në Bronx. Ndërsa, në ora 1:00 pasdite në lokalin"Mario's", po në Bronx, u mbajt takimi i përbashkët, me anëtarë dhe simpatizantë të LDD-së, me Komunitetin Shqiptaro - Amerikan, kryesinë e LDD-ës, për Nju Jork me rrethe, në një takim të hapur, ku kanë marrë pjesë rreth 200 veta, me udhëheqësit e lartë nga Kosova, anëtar nga kryesia qendrore e LDD-së, z Xhemajl Hyseni - nënkryetar, dhe kryetar i Komunës së Gilanit, ing. Tomë Hajdaraj - anëtar i kryesisë dhe zëvendesministër për Bujqësi dhe Zhvillim Rural, deputet në Parlamentin e Kosovës, si dhe dr Naser Rugova anëtarë i kryesisë.

Dega e Lidhjes Demokratike e Dardanisë për Nju Jork me rrethe, për të hapur këtë takim në mënyrë solmne kishte zgjedhur tre hymnet kombëtare; atë të SHBA-ës, Shqipërisë, dhe Himni i Kosovës "Kur ka ra Kushtrimi n'Kosovë ( e cila nga Presidenti i Kosovës ka qënë propozuar si himn i Kosovës). Me një minutë heshtje, më pasë u nderua figura madhore, e ish presidentit historik, të Kosovës, të ndjerit Rugova, dhe të gjithë atyre që u martirizuan për Kosovën, dhe dhanë jetën për kombin shqiptarë. Tubimin, e ka udhëhequr Shkumbin Teta, i cili, pasi ka prezantuar mysafirët nga Kosova dhe personalitetet e shquara që merrnin pjesë në këtë takim, ka lexuar telegramet përshëndetëse të dërguara në adresë të takimit, duke veçuar atë të kryetarit të degës së Çikagos, z. Iliaz Kadriu.

NY: Anëtarësim në LDD

Ky tubim ishte në vazhdën aktivitetit të promovimit, së LDD-së, të Degës në Nju Jork e rrethe, degë kjo që organizoi tubimin solemn me rastin e shpërndarjes së librezave të anëtarësisë së degës së LDD-së, Kjo degë njoftoi mërgimtarër dhe konfirmojë se numëri i të anëtarsuarve është rreth 650 anëtarëve. Me këtë anëtarsim, ajo padyshim që është tashmë dega më e madhe në SHBA-ës, ku grumbullon rreth vetës edhe disa nga veprimtarët më të devotshëm të çështjes kombëtare, të rinjë e të reja mërgimtarë.Në këtë tubim solemn i pranishëm ishte edhe kryetari i Vatrës, z Agim Karagjozi, me disa nga liderit e komunitetit, përfaqësueses shoqatash dhe organizatash të komunitetit, media shqiptare në SHBA-ës, Bota Sot, Illyria dhe TV21.

Sakaq, z. Xhemajl Hyseni - nënkryetar i LDD-ës, dhe kryetar i Komunës së Gilanit, në fillim i njoftoi të pranishmit për aktivitetin e LDD-së së udhehequr nga akademik Nexhat Daci, që po zhvillon gjatë kësaj periudhe. Më pastaj ai i informoi mërgimtarët tanë për aktualitetin politik në Kosovë, aktivitetin që po bënë kryesia e LDD-së në krye me akademik Nexhat Dacin dhe bashkëpunëtorët e tij, brenda Kosovës dhe në Diasporë. Ai në këtë takim shfrytëzoi rastin të njohë shqiptaro - amerikanët me aktualitetin politik në Kosovë, rrjedhat mbi statusin final të Kosovës, si dhe ka pasqyruar dhe vlersuar jashtëzakonishtë edhe vizitën e parë të një presidenti amerikan në detyrë që i bëri Shqipërisë. Duke thënë, se nuk ishte rastësi që u zgjodhë 10 qershori, dita që përkon me çlirimin e Kosovës, që preisdenti i SHBA-ës George W. Bush të shpallte edhe pavaërsinë e Kosovës. Dhe, nuk ishte fare rastësi, që ai zgjodhi Fush Krujën të zhvillonte atë takim historik në këtë vend të rëndësishëm të historisë sonë kombëtare, në Krujën e Skëndërbeut. Me këtë rast, në emër të akademik Nexhat Dacit, ai tha se faleminderimet dhe mirënjohja, shkojnë vetëm për këtë vend të madh, pra Shtetet e Bashkuara të Amerikës. Ato shkojnë për, 2 Korrikun e Pavarësisë së Kosovës, 3 Korrikun e fitores së demokracisë në Shqipëri, 4 Korrikun e Ditëlindjes së SHBA-ës.

NY: Anëtarësim në LDD

"Është, në kënaqësin time, t'ju përshëndes ju bashkëkombësve të mi veprimtarë të dalluar të çështjes kombëtare. Është një kënaqësi e veçantë pasi çështja jonë ka mbërritur në atë pikën kulminante, Pavarësia e Kosovës, sipas tij është në hapat e fundit. Nuk është ndonjë sekret, të tregosh se komuniteti shqiptar në SHBA-ës, është "kapitali" më i madh i të gjitha proceseve në çështjen shqiptare, e sidomos atë të Kosovës, në këto tetë vitet e fundit. Nuk është sekret të pohosh se shqiptarët kanë një mik të madh SHBA-ës. Edhe pse Kosova dhe Shqipëria, është shumë larg gjeografikisht me SHBA-së, janë shqiptarët e Amerikës, ata që e afërojnë më shumë. Zoti Xhemajl Hyseni - nënkryetar i LDD-ës, dhe kryetar i Komunës së Gilanit, ka vlersuar shumë, edhe rolin e Shqipërisë dhe të Qeverisë Berisha, në favor të pavarësisë së Kosovës.

Box:

E rëndësishme dhe u ndoqë me vëmendje të madhe fjala kryesore, të cilën e ka mbajtur kryeatri i degës së Lidhjes Demokratike e Dardanisë, për Nju Jork e rrethe, zoti Agim Rexhaj.

NY: Anëtarësim në LDD

Të nderuar miq, Të nderuar anëtarë të Kryesisë Qendrore të Lidhjes Demokratike të Dardanisë, zoti Hyseni, Hajdaraj dhe Rugova, ju uroj mirëseardhje e punë të mbarë në këtë ditë të dorëzimittë të librezave për anëtarët e rinjë të të LDD-së. Dorëzimi i një numri të këtillë të librezave për anëtarësinë e re të LDD-së, e cila nga dita në ditë po shtohet dukshëm, flet për një ritëm të shpejtuar e të fuqishëm të punës e të aktivitetit tonë dhe me këtë rast përshëndesë e përgëzoj Kryetarin, akademik Dacin, Kryesinë Qendrore të LDD-së, Degët e LDD-së, dhe anëtarësinë e gjerë për punët dhe frymën e angazhimit.

Të nderuar miq, tash e sa kohë kur Kosova po kalon nëpër një proces të rëndë në fazën e saj të finalizimit të statusit dhe kur po ndodhin zhvillime të papritura e të paparashikueshme, sigurisht se jemi të pushtuar nga ndjenja e thellë e shqetësimit, por ne si parti e transparencës dhe e verprimit të hapur e demokratik, ndryshe prej pozitës dhe institucioneve të ndryshme të saj, do të themi të vërtetën, atë të vërtetyën e cila, megjithëse tingëllon dhimbshëm, është e vetmja rrugë për frenimin e degradimit të mëtejme të Kosovës e të pozitës së saj.

NY: Anëtarësim në LDD

Kosova, në mënyrë fare të papritur, pikërisht në fazën e finalizimit të ëndrrrës së saj, të pavarësisë së saj, nisi, tash e më shumë se gjysmë viti, një rrokullisje, një zbrapsje të llojit të vet. Dhe, të nderuar miq, kjo rënie, kjo zbrapsje, gjithë këtë kohë, në një mënyrë ose në tjetrën, në pjesën më të madhe të saj, u maskua dhe u kualifikua vetëm si një zvarritje, si çështje teknike e çështje kohe nga klasa jonë politike, posaçërisht nga pozitta dhe institucionet e dala nga ajo.

Dhe, vetëm në fund, kur nuk kishte më mundësi të kamuflimit nga pjesa më e madhe e klasës sonë politike në vend, kjo rënie u bë e qartë. Ne, si parti, jemi ata të cilët që nga fillimi, në emër të interesit kombëtar e të së vërtetës për pozitën e Kosovës, kemi artikuluar dhe theksuar të vërtetat për gjendjen, pozitën dhe trajtimin e Kosovës, qoftë nga vet ne,qoftë nga bashkësia ndërkombëtare dhe asnjëherë nuk e kemi maskuar pozitën dhe gjendjen e saj.

Natyrisht, se kjo nuk na ka penguar për të artikuluar vizionin tonë optimist për Kosovën, për pavarësinë e saj, për zhvillimin e saj ekonomk e demokratik, duke e vënë theksin gjithëherë në ndihmën e përkrahjen e Shteteve të Bashkuara të Amerikës dhe NATO-s. Ne, edhe sot e gjithë ditën, pa menjanuar kontributin e vendeve të tjera, jemi të bindur se është koalicioni anglo-amerikan ajo forca e madhe me ndihmën e së cilës Kosova do të realizojë edhe hapin e fundit në rrugën e saj politike, kombëtare e shtetërore.

Të nderuasr miq, me këtë dua të them se ne, si klasë politike, do të duhej të mendoheshim për shkaqet që sollën deri te një degradim dhe zvarritje e çështjes së Kosovës dhe, të çliruar paragjykimesh e interesash të ngushta, të identifikojmë shkaktarët e vërtetë dhe të konstatojmë me guxim moral e qytetar se një dgradim, çfarë po i ndodh Kosovës kohët e fundit, është rezultat edhe i dobësive, i orientimit dhe i logjikës së mendimit e të veprimit problematik të shumicës së klasës sonë politike, duke përfshirë këtu edhe të ashtuquajturën pjesë opozitare të Ekipit të Unitetit, që, nga një pozicion pasiv, shpërfillës dhe joproduktiv, i ka kontribuuar jashtëzakonisht shumë degradimit të çështjes së Kosovës. Të nderuar miq, nuk mund të mos theksoj këtu edhe njëherë edhe një akt tjetër të dhimbshëm në jetën tonë politike, në vende në Diasporë: keqpërdorimin e figurës e të kapitalit politik, moral, intelektual e kombëtar të presidentit tonë dr. Ibrahim Rugova, pikërisht në kohën kur, duke u thirrur në te, veprohet ndryshe dhe kundër frymës dhe orientimit të të madhit, presidentit tonë Dr. Ibrahim Rugova.

Në fund të kësaj fjale, të nderuar miq, dua të them se çështja e Kosovës, sipas vizionit tonë, duke mobilizuar plotësisht dhe në mënyrë adekuate potencialin tonë si dhe duke pasur pranë e pranë miqtë tanë angloamerikanë, do të kalojë udhëkryqin në të cilin ndodhet, do të shpëtojë nga degradimi dhe do të realizohet ëndrra jonë për Kosovën e zhvilluar, të pavarur e demokratike.

Fare në fund, dua të them edhe këtë: duke iu përmbajtur, duke kultivuar dhe duke konkretizuar vizionin dhe prgramin kombëtasr të Presidentit, Dr. Ibrahim Rugova, e ardhmjas e Kosovës do të jetë më e sigurtë dhe më e ndritur. Më pasë e ka marrë fjalën dhe ing. Tomë Hajdaraj - anëtar i kryesisë dhe zëvendesministër për Bujqësi dhe Zhvillim Rural, deputet në Parlamentin e Kosovës, si dhe dr Naser Rugova anëtarë i kryesisë.