AKADEMI PERKUJTIMORE KUSHTAR PRESIDENTIT HISTORIK TE KOSOVES DR. IBRAHIM RUGOVA

-- nga Beqir SINA, Nju Jork, SHBA

Ai jetoi pak, por e ndryshoi një shekull

JAHJAGA: "Ne që jetuam në shekullin e Ibrahim Rugovës, kemi mësuar shumë prej tij. Të ligë janë ata që nuk e pranojnë historinë e shkruar nga Ibrahim Rugova. Të mëdhenj janë ata që e vazhdojnë rrugën e Ibrahim Rugovës!"

“Fordham University” - Bronx - NY: Në Nju Jork, u mbajtë akademi madhështore, në shenjë përkujtimi të një vjetorit të vdekjes së Dr. Ibrahim Rugovës, ku morën pjesë edhe disa nga fytyrat më eminentet, të komunitetit tonë. Krerët e pothuajse të gjitha shoqatave, e organizatave shqiptaro - amerikane, klerik e qindra mërgimtar nga mbar hapsirat shqiptare. Kjo akademi përkujtomore, u mbajt me rastin e njëvjetorit të vdekjes së Presidentit Historik të Kosovës, Dr. Ibrahim Rugovës, nën patronazhin e degës së LDK-së, për Nju Jork me rrethe. Akademia Përkujtimore, u zhvillua në kampusin e universtitetit "Fordham University" në Bronks, në shenjë respekti dhe dashurie të thellë - duke përjetësuar figurën e pakrahasueshme të Presidentit të parë të Kosovës, Prof. Dr. Ibrahim Rugova, feniksit të Kosovës.

Rugova, është parë e vlersuar gjithmon nga këta shqiptarë, të cilët, u tubuan; si një udhëheqës me tribute të veçanta, dedikuar lirisë, pavarësisë dhe demokracisë së Kosovës. Dr. Ibrahim Rugova, është quajtur edhe - "George Washingtoni, i Kosovës"- ose krahasuar me Gandin, si "Gahndi i Ballkanit". Presidenti i Pavaresise se Kosovës,, vdiq nga një sëmundje e rëndë në moshën 61-vjecare. Ndërsa, u përcoll për në banesën e fundit në Prishtinë, nga më shumë se një milion njerëz, dhe nga më shumeëse 50 - delegacione nga mbarë bota. Duke i bërë atij një nderim historik, dhe, të paparë ndonjëherë në hsitorinë e njerëzimit.

Akademia Perkujtimore, u hap me një minut heshtje. Më pas u luajt intonimini i hymneve kombëtare të SHBA,ës, RSH-ës, e Dardanisë, nën përkujdesjen e Radio "Melosit", shoqeruar me fjalime të rastit, pjesë klasike, poezi. Moderatori i kësaj akademie përkujtimore, Shkumbin Teta(gazetar), çeli tubimin duke thënë se: "Jemi mbledhur sot, që së bashku t'a shënojmë përvjetorin e parë të vdekjes së presidentit historik të Kosovës, Dr. Ibrahim Rugova. Në emër të këshillit organizues dhe të degës të Lidhjes Demokratike të Kosovës, për Nju Jork me rrethe, përzemërsisht iu përshëndesim për prezencën tuaj. Dhe njëhereshit, faleminderojm çdo njerin prej jush që do të marrë fjalën e do të evokoj momente nga jeta dhe vepra e presidentit Rugova, - tha ai.

Në vijim të fjalës së tij, kryetari i degës së LDK-ës, për Nju Jork me rrethe, zoti Agim Rexhaj, tha se: "Presidenti i Kosovës, Dr. Ibrahim Rugova, ishte burrshtetasi i madh, njeriu i vizionit historik për Kosovën e popullin shqiptar, njeriu dhe heroi i paqes, simboli i Pavarësisë së Kosovës. Në këtë ditë të përkujtimit, kur do të duhej, mbi të gjitha, të mendojmë, të meditojmë thellë, të takohemi me dhembjen e pikëllimin dhe të nxjerrim mësimet nga ato, nuk mund të mos e them edhe këtë: Presidenti Rugova, ishte personalitetit i përmasave të mëdha,udhëheqësi, i cili, me frymën e mendimit e të veprimit të tij integrativ, me këmbënguljen e qëndresën e pashembulltë, me guximin e vizionin e atdhetarit të pashoq, nuk u ndal asnjëherë në përpjekjet e tij për realizimin e pavarësisë, të demokracisë e të sovranitetit të Kosovës.

Ishte njeriu që hapi një kapitull të madh e të të ri në historinë më të re të shqiptarëve, një kapitull, i cili mban emrin e tij të çmuar. Miq të nderuar, zonja dhe zotëri, Dr. Ibrahim Rugova, jo vetëm hapi këtë kapitull, jo vetëm që, siç thuhet, hyri në historinë më të re kulturore, politike e shtetërore të shqiptarëve e të Kosovës, por ai, me figurën e tij madhështore, të cilës, siç e pamë edhe këto kohët e fundit, iu fal edhe bashkësia ndërkombëtare, krijoi histori, historinë më të re të shqiptarëve në Kosovë.

Në mbyllje, gjatë fjalës së tij ambasadori i RSH, pranë Misionit të Përherëshëm në OKB, shkëlqesia e tij Ardian Neritani, konkludoi, se: "Me të gjitha këto Rugova, arriti të fitoj një popullaritet të jashtëzakonëshëm tek populli i vet duke mëshiruar me plot të drejt virtytet më të mira të një udhëheqësi legjendar. Ai arriti që mesazhet e tija t'i përcillte tek një klasë politike e konsoliduar. Të cilat si dje, sot, dhe nesër të unifikuara janë në binarët e rrugës për të arritur qëllimet madhore. Ai ndërtojë në politikën shqiptare, balancat e duhura me të njëtn drejtim vetëm pavarësin e Kosovës. Lidhi shqiptarët dhe orientojë ata me miqësi të përherëshme me SHBA dhe vendet perendimore. Kumtesën e tij gazetari i njohur Sinan Kamberaj, në njëvjetorin e vdekjes së Presidentit Rugova, e kishte titilluar:"Ardhja dhe ikja e Prijësit".

Në të thuhej se" Është tepër vështirë të shprehet me fjalë dhimbja dhe pikëllimi për vdekjen e hershme të Presidentit Historik të Kosovës, Z. Ibrahim Rugova, e aq më vështirë të vihen në pah me pak fjalë, në një manifestim përkujtimor si ky i sotmi, vlerat e presonalitetit të tij prej intelektuali humanist, shkencëtari erudit, politikani pragmatist dhe burreshtetasi e strategu vizionar. Kamberaj, tha se " Ibrahim Rugova, u shfaq në Kosovë si një njeri i Duhur, në një kohë të Duhur, ashtu siç shfaqen një herë në njëqind vjet në Histori Njerëzit e Medhënj. Dhe, ai iku, poashtu, siç ikin Njerëzit e Medhënj nga kjo botë, i qetë si një Profet, duke e lënë Kosovën, Dardaninë e tij Antike, të lirë dhe, në prag të Pavarësisë seëshumëpritur.

Po, si u shfaq njeriu i Urtë, tha më tej Kamberaj, pacifisti i shpallur nga Perendimi, dhe, siç tha me të drejteë nga një mik i tij këto ditë, nacionalistë i kultivuar, Ibrahim Rugova. Pasi, u shqua si një personalitet i ipashembullt kulturor, duke shënuar në vitet shtatëdhjetë, një kthesë historike në fushën e mendimit kritik letrar dhe artistik shqiptar, dhjetë vjet më vonë Ibrahim Rugova u ngrit në skenën politike shqiptare të Kosovës, si një ideolog vizionar, me një platformë moderne politike, me Durimin si strategji dhe Pritjen si taktike, dy postulate që e kanë burimin tek tradita dhe etnopsikologjia shqiptare, e që u bënë të pranueshme nga bota demokratike Pernedimore.

Ndërsa redaktori përgjegjës, i gazetës sonë, së përditëshmes kombëtare Bota Sot, z. Dervish Jahjaga,, kujtojë edhe një herë se: "Një vit më parë, një lajm i kobshëm preku thellë zemrat tona. Një vit më parë populli shqiptar në Kosovë, në Shqipëri dhe kudo që jeton e vepron, deri në Amerikë e Australi, ra në zi kombëtare me rastin e ndërrimit të jetës së burrit të madh të kombit, Ibrahim Rugova.

Një vit më parë pushoi së rrahuri zemra e njeriut të madh të epokës tonë, të madhit Ibrahim Rugova. Sot u mbushën një vit prej se në mesin tonë nuk është Ibrahim Rugova. Një vit pa Ibrahim Rugovën ishte sa një shekull. Ne jemi mësuar me buzëqeshjen e tij të ëmbël, fjalën e tij të urtë, me fjalën e tij të mençur, me mendimin e tij të drejtë, me vendimet e tija kombëtare. Sot po na mungon edhe buzëqeshja e tij, edhe fjala e tij, edhe mendimi i tij, edhe vendimet e tij. Nga zemra të gjithë po ofshajmë: Ah sikur të ishte gjallë edhe sot Ibrahim Rugova?

Por, engjujt ndërrojnë jetë duke fluturuar lart në qiell.Burrat e mëdhenj jetojnë pak dhe bëjnë shumë. Ata nuk e qojnë kohën kot. Presidenti Ibrahim Rugova jetoi e veproi aq sa e deshi koha, aq sa e jetojnë e veprojnë njerëzit e mëdhenj, burrat e shtetit e të kombit. Ai jetoi pak por e ndryshoi një shekull. Ne që jetuam në shekullin e Ibrahim Rugovës, kemi mësuar shumë prej tij. Të ligë janë ata që nuk e pranojnë historinë e shkruar nga Ibrahim Rugova. Të mëdhenj janë ata që e vazhdojnë rrugën e Ibrahim Rugovës!, ka përfunduar fjalën e tij redaktori përgjegjës, i gazetës sonë, së përditëshmes kombëtare Bota Sot, z. Dervish Jahjaga.

Oratorë të tjerë e morën fjalën, dhe shprehen fjalë të mëdha që vetëm ai i meritonte, si Dom Pjetër Popaj, famullitari i kishës katolike shqiptare "Zoja e Shkodrës", Drejtori egzekutiv i KKSHA, z. Avni Mustafaj, kryetari i kulteve z. Rasim Hasanaj, z Agim Aliçkaj, kryetari i Vatrës, z Agim Karagjozi, ish komandati i brigadës"Mërgimi", UÇK-ës, (FARK), z. Ramiz Muriqi, kryetari i shoqatës "Dibra" z. Ibrahim Kolari, legalisti Musli Mulosmani, nënkryetari i shoqatës së shkrimtarve z. Mëhill Velaj, z. Muhamet Omari, gazetari dhe publicisti z. Dalip Greca, veprimtarja e komunitetit Lumi Hadri, e tjer. U lexuan kumtesat e ambasadorit Kreshnik Collaku Zv/Ambasador, Ambasada e Shqiperise, Washington DC, dhe e editorit të gazetës më të vjetër shqiptare "Dielli", z. Anton Cefa.