Shqiptarët në rrethinën e Nju Jorkut shënuan 2 dhe 4 Korrikun

-- nga Beqir SINA, New York, SHBA

Nju Jork, 8 korrik 2007 - Të dielën, më 8 korrik, sipas traditës në parkun e bukur "Anthony Wayne Recration Area" të Nju-Jorkut, dega e LDK-së, për treshtetshin Nju Jork, Nju Xhersi e Kenektiket, për nder të 2 Korrikut - Ditës së shpalljes se Deklaratës Kushtetuese të pavarësisë së Kosovës, 8-vjetorit të çlirimit të Kosovës, dhe, 4 Korrikut, 231-vjetorit të Ditës së pavarësisë dhe shpalljes së Kushtetutës së Sheteve të Bashkuara të Amerikës, organizoi piknikun tradicional.

Në këtë piknik, sipas medies shqiptaro amerikane, edhe kësaj rradhe shqiptaro-amerikanët nga Nju Jork-u, Kenektikët, Pensillvenia e Nju Xhersi, të udhëhequr nga liderit e degës së LDK-s, për treshtetshin, kryesia e saj, kanë zhvilluar me sukses këtë aktivitet që tashmë po e ruan mjaft bukur traditën e krijuar.

Dega e Lidhjes Demokratike të Kosovës, me këtë piknik në vazhdën e aktiviteteve dhe veprimtarive të saja ka shënur edhe një nga ngjarjet më të rëndësishme të shqiptarëve të Amerikës. LDK-ja, ia ka arritur qëllimit të sajë, ceken njoftime nga kjo veprimtari, që detyrën e vënë vetes, që me një synim më të madh, të përgjithshëm kombëtar, për ta kthyer piknikun e 2 dhe 4 korrikut, në një manifestim mbarkombëtar në SHBA.

Kështu, në një atmosferë festive, në njërën prej ambienteve më të mrekullueshme natyrore të këtij shteti, gëzimi festiv edhe kësaj rradhe nuk i mungojë asgjë. Pikniku i 2 dhe 4 korrikut u zhvillua me një aktivitet të larmishëm: kulturor-sportiv e muzikor, shoqëruar gjatë gjithë ditës deri në orët e mbrëmjes. Gjatë këtij pikniku, pati dhe konkurrime të vallëzimeve më të bukura, të, të gjitha moshave, ushqime tradicionale me specilalitete shqiptare, lojëra zbavitëse, muzikë popullore, mini volejboll, mini futboll, bejzboll, futboll amerikan, dhe aktivitete të larmishme e zbavitëse.

Piknikun tjetër do t'a festojmë me Kosovën e pavarur, të njohur edhe ndërkombëtarisht Për këtë aktivitet Komisini Informativ Dega e LDK-se per NY, NJ dhe CT (Shqipe Biba), ka lëshuar këtë kumtesë ku thuhet se: "Parku i njohur Anthony Wayne, dje dukej i vogël për disa mijëra bashkombas, që kishin ardhur për të shënuar 2 Korrikun, diten e shpalljes se pavarësisë së Kosovës dhe 4 Korrikun, ditën e pavarëisë së SHBA-ve. Për organizatorët e piknikut tashmë tradicional, të gjashtëmbëdhjetin me radhë, Degën e LDK-së për NY, NJ dhe CT, dita e djeshme ishte tepër e ngarkuar. Aktivitetet e shumta, si garat në volejboll, shah dhe ato të vallëzimit edhe këtë radhë zgjuan interesim të veçantë për të pranishmit. Natyrisht shija e ushqimeve tradicionale, nuk i dha fare kohë pushimi të ngarkuareve me pergatitjen e tyre.Ajo që i kënaqi të gjithë ishte kenga e vallja shqipe interpretuar nga këngëtari mirënjohur Agim Gerbeshi me grupin muzikor “4 Yjet” si dhe këngëtarja e shquar Cyme Avdyli."

Temperatura e lartë nuk pengoi fare anëtarët e Ansamblit Artistik “Rugova” që të paraqitet, me një program të pasur të këngëve dhe valleve që mahniti të gjithë. Kostumet kombëtare, lahuta, fyelli, çiftelia, vallja e shpatave dhe shume elemente tjera origjinale shqipe zgjuan kershërinë e të gjithëve. Ndërkaq, anëtarët e Forumit Rinor të Degës së LDK-së, djem dhe vajza, shumica të lindur dhe rritur në Amerikë, dje në këtë piknik, dëshmuan qëllimin e tyre për themelimin e Forumit Rinor te Degës së LDK-së.

Z. Ramadan Gashi, kryeatar i Deges se LDK-se, duke shprehur mirenjohje për artistët pjesëmarrës, falenderoi të gjithë të pranishmit, që edhe këtë radhë treguan gadishmërinë për përkrahjen e popullit dhe institucione të Kosovës. Ne tha ai në këto momente vendimtare të pavarësisë, duket se i jemi shumë "borxhlli", për atë çfarë ka bërë ky komunitet për çështjen e Kosovës. Komisioni organizativ, i këtij pikniku,në krye me z. Musa Dakaj, dje kaluan me sukses edhe një sfidë, duke i lënë të kënaqur mbi pesëmijë mërgimtarë që vërshuan këtë park të cilin për çdo korrik, për 16 vite me radhë edhe autoritetet amerikane, e cilësojnë si park të shqiptaro-amerikaneve".