Lidhja Qytetare Shqiptaro-Amerikane me krenari po vazhdon mbështetjen financiare për studentët shqiptarë

-- nga Beqir SINA, New York, SHBA

BENSONHURST - BROOKLYN (NY), Lidhja Qytetare Shqiptaro-Amerikane, lobi i parë shqiptarë në SHBA, me krenari po vazhdon mbështetjen financiare për studentët shqiptarë, të cilët, kanë treguar se kanë rezultate të shkëlqyera në shkollat amerikane. Fillimin i kësaj inisiative, ka qënë me studentin Faton H. Bislimi. Një stundet ky nga Gjilani-Kosovë, i cili, sot, i ka përfunduar studimet dhe e ka ndier ndihmën që i dha atij Lidhja Qytetare Shqiptaro - Amerikane. Ndërsa, tash i përfshirë me ndihmën simbolike finaciare të LQSHA, pasi ka përfituar në rradhë të parë në saj të suksesit të tij personal me një bursë të plotë, është Alen Kadiu. Ai ka diplomuar me nderimet më të larta, e sukses të plotë, në një afat rekord e shkëlqyer në Adelphy Academy në Bruklin(NY). Puna e tij jashtëzakonisht e suksesëshme gjatë studimeve në Adelphy Academi, ka ndikuar esencialisht në marrjen e një vendimi nga Lidhja Qytetare që t'a ndihmojë simbolikisht atë.

Alen Kadiu, ka lindur në Lushnje në një kamp interrnimi(Plug), dhe thuajse nuk e hoqi atë të keqe që të madhe që përjetuan prindërit e tij nën rregjimin komunist, fati e solli atë që të shkollhet në SHBA-s. Aleni, është një tjetër student shqiptarë në diasporë, që ka hyrë në rrugën e suksesit të plotë, dhe tash duket se po ndien në mënyrë simbolike dorën e ngrohët të Lidhjes Qytetare, e personalisht, të presidentit të saj vullnetar, ish kongresmenit republikan nga Nju Jorku, Joseph DioGuardi. Për Alen Kadiun, gazeta ka shkruar edhe më parë, duke vënë në pahë aftësitë dhe suksesin e tij në Adelphy Academi, dhe vlersimin që ai ka marrë për të vijuar më të tej studimet, në njërin prej univeristeteve më të njohura amerikane, Brook University.

Programi i ndihmave për studentët, është themeluar nga Lidhja Qytetare Shqiptaro Amerikane dhe realizohet nën përkrahjen dhe patronatin e disa anëtarëve të Bordit të Lidhjes Qytetare. Duke qenë përkrahës dhe mbështetës financier të këtij programi, i parë i këtij lloji i krijuar nga LQSHA me studentin Faton H. Bislimi, dy anëtarët e këti bordi, kësaj rradhe Aslan Çekaj dhe Rifat Mehmeti, dje, në Adelphy Academi, sipas marrëveshjes me LQSHA, gjegjësisht me Presidentin e saj Joseph J. DioGuardi, në prani të familjes Kadiu, i dhuroi një një çek tjetër studentit shqiptaro amerikan Alen Kadiu. Një ndihmë financiare, e cila, thuhet se mbulon blerjen komplet të librave të shkollës, për Alen Kadiun, dhe shënon vazhdimin e seriozitetin e këtij programi, me karakter të benefitit publik për studentët shqiptaro amerikanë.

"Qëllimi i ndihmave me anë të këtij programi, u shpreh DioGuardi, është që t’u ofrojë studentëve të talentuar dhe që premtojnë për të arrdhmen - mundësinë e shkollimit universitar në SHBA. Këtë vit, Lidhja Qytetare Shqiptaro Amerikane, gjegjësisht me dy anëtarët e bordit Aslan Çekaj dhe Rifat Mehmeti, i ofruan ndihmë simbolike Alen Kadiut, tha DioGuardi, por, duke shpresuar që për vitet e ardhëshme numri i studentve dhe shumat e ofruara të rriten, deri në masën e përballimit të suksesit të studentëve shqiptarë në SHBA".