Një libër i ri në Kanada e Amerikë: "Kosova, vendorigjina e Skënderbeut"

-- nga Beqir SINA, New York, SHBA

"Kosova, vendorigjina e Skënderbeut", është sa një risi në fushën e historigrafisë, por dhe një tezë e re për hulumtime të tjera rreth figurës legjendare të Gjergj Kastrioti - Skëndërbeut, dhe sidomos rreth vendorigjinës së tij.

ONTARIO - TORNTO(CANADA): Duke analizuar botimin e qarkullimin e librit shqip në diasporën shqiptare të Amerikës, dhe shpërndarjen e tij deri tek "dora" e adhuruesi, lexuesit i rregullt, ose i apasionuari i librit në komunitet, në shtatëmbëdhjetë vitet e fundit, respektivisht, që nga 1990 e deri në veren e këtij viti (2007), vërejmë me kënaqësi shtimin e ndjeshëm të autorëve, të sasisë së titujve dhe të shumëllojshmërisë në lloje e gjini të librave. Tani qarkullojnë, duke filluar prej nga promovimet, dhurimi i tyre "dorë më dorë" tek, kolegët, miqt, dhe adhuruesit e tyre, shumë më tepër libra artistikë letrarë (prozë e poezi), publicistikë, biografikë dhe autobiografikë, historikë, gjuhësorë dhe shkencorë, kryesisht në gjuhën amtare, në anglisht, e një sasi e vogël në të dy gjuhët njëheresh shqip dhe anglisht. Ndoshta, edhe më shumë se vendet e tjera ku kanë emigruar vitet e fundit shqiptarët.

Shtimi i vrullshëm i librave të botuar nga shqiptarët, në Shqipëri, Kosovë, e viset shqiptare, e sidomos tek shqiptarët e Amerikës, dëshmon qartazi përparimin e diasporës shqiptare në fushën e kulturës, pasojë e shtimit numerik dhe e ndryshimit të strukturës arsimore të saj - lirin e fituar. Kurrë më parë, nuk ka patur kaq forca intelektuale në mërgatën shqiptare të Amerikës. Shembja e regjimit komunist në fillim të viteve ‘90, u shoqërua me vërshimin e madh të shqiptarëve jashtë atdheut, duke zgjedhur Amerikën, si vendin e ëndërrave, shpërthimin e tyre dhe lirinë e krijimtarinë e ëndërruar. Atë që rregjimi i mbrapështë, një pjese të mirë të atyre, u a patë mohuar padrejtësisht talentin e krijimtarinë e tyre.

Në mjediset të ndryshme, këtu në Amerikë ka hyrë edhe një libër, i cili, pasi u promovua në Tiranë, në qarqe të veçanta këtu tek ne, ka ngjallur interesim. Kjo, ka një qasje të të madhe, e cila ka të bëjë me dy faktor kryesorë. E para; është se që në titull libri i Fehmi Selim Sulejman Kaloshit, "Kosova, vendorigjina e Skënderbeut" është sa një risi në fushën e historigrafisë, por, dhe një tezë për hulumtime të tjera rreth figurës legjendare të Gjergj Kastrioti Skëndërbeut, dhe sidomos rreth vendorigjinës së tij. E dyta, është fakti i pamohushëm se kur të bie rasti të marrësh pjesë në mërgim, aty ku përmovohen libra të rinjë shqip, të botuar në disaporë apo vendlindje, patjetër se çdonjeri prej nesh duhet të dijë më shumë; se kush është autori, ose kush është figura e librit, e cila, e ka nxitur ose frymëzuar autorin të shkruaj për këtë libër?! Lexuesi, me këtë rast me të drejtë patjetër kërkon të dijë, se cila, është jeta e tij në origjinë? Ç'farë na sjell ai me librin e tij me jetën e tij për shqiptarët, në Shqipëri, Kosovë, e në trojet e tyre etnike të andej e këtej kufirit shqiptaro-shqiptarë, e tjera pyetje që lidhen me emrin e autorit.

Një libër i tillë - që po hyn "derë më derë", duke kaluar tek lexuesit e tij këtu përtej Antlantikut (Kanadae SHBA), ku këto ditë ndodhet edhe vetë autori i këtij libri, i ardhur enkas që të promovojë mes, familjes, fisit, miqve e shokve të tij është libri i Fehmi Selim Sulejman Kaloshit, me titull "Kosova, vendorigjina e Skënderbeut". Libri ka dalë në qarkullim nga shtëpia botuese, e cila, mban emrin e shoqatës famëmadhe dhe nga më të njohurat në diasporë Vatra. Dhe ka redaktor z. Bilbil Cami. Recensentët e tij janë Andon Andoni dhe Halil Rama. Konsulent është Sheriff Kaloshi. Sponsorët janë fëmijët e autorit, Meliha, Fiqerete, Bekim, Adil dhe Selim Fehmi Kaloshi.

Kështu që me librin "Kosova, vendorigjina e Skënderbeut", publikuar për herë të parë me një tezë kaq hulumtuese mbi vendorigjinën e Heroit tonë Kombëtar "Gjergj Kastrioti Skënderbeu", është iniciativa, dhe frymëzimi e Fehmi Kaloshit, realizuar me anë të një sponsorizimi financiar krejtësishtë familjar, të autorit.

Megjithse, me plotë modesti autori shpreshet qysh në faqen e parë librit, se këtë libër ai i ja dedikon punës dhe mundit për botimin e këtij libri, pra, fisit Kaloshi, prindërve të tij, Selim Kaloshi i Sinës dhe Hide Elez Kaloshit, bashkëshortes Merjeme, ku siç thotë ai që pa dashurinë dhe mirëkumtimin e të cilëve nuk do të ishte e mundur botimi i tij, unë, autori i këtyre rreshtave mendojë se ky libër ka edhe një dedikim të madh të" fshehur" nga autori i librit Fehmi Kaloshi, dhe që e gjejmë tek gjashtë kapituj e tij me burime hulumtuese; atë të risis që na sjell autori në fushën e historigrafisë, por, dhe një tezë për më shumë hulumtime të tjera rreth figurës legjendare; Gjergj Kastrioti Skëndërbeut.

Libri sipas shkrimtarit të njohur Andon Andoni, i cili, ka shkruar edhe parathënjen e librit "Kosova, vendorigjina e Skënderbeut", i sapovënë në qarkullim nga shtëpia botuese Vatra, në Tiranë, përpos se është një ndihmes në nismën për një kërkim të origjinës së familjes së madhe të Kastriotëve, ai është njëherarazi dhe një dritëhije mbi faktet se pse kjo vendorigjinë është lënë në trajtesa kaq të gjata dhe të gjëra hapsionore sipas historianëve tanë, duke përfshirë një trevë nga Amantia(Durrësi) e deri në Dibër e Has.

Në krahasim me historine e Skënderbeut të M. Barletit, veprës së Dh. Frengut, dhe disa libra të tjerë mbi historinë e figurës legjendare të Gjergj Kastrioti Skëndërbeut, libri i Kaloshit, dallon nga ato tek mënyra e hulumtimit pasi ai i referohet më së shumëti, toponimeve në zonën e tij, rrëfimeve të jetuara dhe shkrimeve për Skënderbeun prej disa autorve të huaj dhe shqiptarë.