11 shtatori, dita më e zezë në historinë amerikane

-- nga Beqir SINA, Nju Jork

Amerikanët përkujtojnë gjashtë vjetorin e sulmeve terroriste të 11 shtatorit 2001

Gati tre mije njerezit, qe humben jeten nga sulmet e 11 shtatorit, ishin shtetas te me teper se 70 vendeve. Nje bote e tere ne miniature. Midis tyre humben jeten edhe tre shqiptare Mon Gjonbalaj, Simon Dedvukaj e Rrok Camaj.

NEW YORK: Nëse do të pyesje çdo qytetar të kësaj bote, se çfarë ndodhi në 11 shtator, ai do të përgjigjet: "u krye akti më terrorist që përjetojë bota". 4 avionë kamikazë sulmuan, dy simbolet gjigande amerikane. Atë të ekonomisë ku rrëzuan dy Kulla Binjake, dhe atë të ndërtesës së Ministrisë së Mbrojtjes - Pentagonin. Ndërsa, po atë ditë në të njëjtën kohë në afërsi të një fshati në Pensilvani, u rrëzua një avion, dhe kështu e marta e 11 shtatorit 2001, pa pritur e pakujtuar mori jetën e 2900 njerëzve të pafajshem." Pra, në mëndjen e njerëzve të thjeshtë, 11 shtatori ishte një sulm terrorist, ishte një moment i dhimbshëm në histori, që erdhi e tronditi zemrat e mendjet e qindramiliona njërëzve.

Ata avionë, e ata terroristë që shkatërruan dy Kullat Binjake në Nju Jork, apo një pjesë së ndërtesës së Ministrisë së Mbrojtjes - Pentagonin në 11 shtator 2001, gjashtë vjet më parë, nuk e bënë këtë për të shkatërruar thjesht dy kulla nga më të lartat në botë, por, për të shkatërruar e sulmuar një qytetërim të tërë. Dhe jo më kot terroristët zgjodhën e goditën kullat e tregtisë botërore, ato ndërtesa që mundësonin prosperitetin dhe tregtinë e mbarë botës, jo më kot u vu në shënjestër Pentagoni dhe Shtëpia e Bardhë, institucionet mbi të cilat është ndërtuar dhe e garantuar siguria e botës së lirë, paqe e demokraci. Ata që i kryen këto akte ishin të motivuar nga urrejtja kundra vendit simbol të demokracisë, paqes në botë - Shteteve të Bashkuar të Amerikës zemren e qytetërimit perendimor.

Terroristët i kanë shpallur luftë mbarë botës së lirë

Me të tilla akte ata që i kryen dhe ata fshihen pas tyre nuk i kanë shpallur luftë vetëm SHBA-së, i kanë shpallur luftë të gjithë atyre popujve e shteteve të cilëve SHBA u garanton sigurinë e lirinë. Të gjithë atyre shteteve aleate në mbarë botën, me të cilat SHBA janë bërë një - duke ndarë kështu prosperitetin dhe zhvillimin. Kjo është një prej pikave më të rëndësishme që edhe ne shqiptarët në Shqipëri, Kosovë, e viset shqiptare në Ballkan, e në diasporë, mbarë kombi shqiptarë arritën të tregojnë në 11 shtator 2001, se ne jemi populli më pro-amerikanë në botë. Ne jemi përkrahë SHBA, ashtu siç janë SHBA përkrah nesh, me pavarësinë e Kosovës dhe demokratizimin e Shqipërisë.

Për kombin shqiptarë, terrorizmi nuk është vetëm një kërcënim për SHBA dhe amerikanët, por për Shqipërinë dhe Kosovën. Udhëheqësit amerikanë u prononcuan në media se 11 shtatori 2001, shënon ditën më të zezë në historine e shtetit 300 vjeçar amerikan. Nëse Perl Harbor ishte një tragjedi në Paqësor, 11 shtatori ishte sulmi i parë terrorist në tokën amerikane. Ishte sulmi i parë në 300 vjet në tokën amerikane, që nuk kish njohur luftë nga jashtë në 300 vjet. SHBA e gjeti veten në 11 shtator si superfuqia e vetme e botës e goditur nga një kontigjent njerëzish të cilët i ushqente urrejtja e madhe ndaj SHBA-se. Ndaj SHBA u krye akti terroristë vepër kjo jo e një personi apo grupi, produkti i një grumbulli njërëzish reth një organizate të quajtur Al Qaida. Oragnizat, që jo vetëm nuk i dënon këto akte, përkundrazi i mbështet ato në masë e në mënyrë të vetedijshme anë e mbanë botës.

Tolerance zero ndaj terrorizmit global

Duke filluar nga njëra anë e botës, e duke përfunduar në anën tjetër, SHBA do të ndërmerte një fushatë globale të testimit të aleancave të saj në botë, në luftën kundër terrorizmit. Kjo aleance do të kushtëzohej pikërisht me aplikimin edhe nga këto vende të tolerancës zero ndaj çdo forme të terrorizmit, korrupsionit e kriminialitetit, qoftë ky në rang shteti, rajonal apo global. Qeveritë e gjithë botës u vunë në levizje që të pastronin vendet e tyre nga terroristët, nga korrupsioni e kriminaliteti e krimi i organizuar. Të mbyllnin të gjitha llogarite e tyre bankare dhe te bashkepunonin ngushtesisht me SHBA ne kete lufte boterore. Lufta kundra terrorisimit, vjen direkt pas luftes se I, II dhe Luftës se Ftohtë, ku edhe ra perdja e egër komuniste. Në këtë luftë morën e marrin pjesë edhe shqiptarët. Merr pjesëe gjithë Shqipëria dhe Kosova.

Deda Dedvukaj: Djali i xhaxhait të Simon Dedvukaj njëra prej tre viktimave shqiptarë që humbën jetën më 11 shtator, shkruan me rastin e 9-11

U mbushën 6- pa ty Simon Marash Dedvukaj. Nuk mund t'ju largojmë nga mendja e zemra deri sa të jetojmë në këtë botë. Familja vazhdon jetën me bashkime, festa e martesa, por, ty nuk shofim më në mesin tonë. Të kujtojmë në dasma e festa, në veçanti tani që u martua Michael me Jacklyn Gjelajn. T'i kishe vendin aty, si dasmor i nuses, por nuk të pamë fizikisht në mesin tonë.Kishin ardhur miq, kumbarë e shumë dashamirë dhe gjithë familja, nipa e mbesa. Të gjithë e ndejnë mungesën tënde, por nuk goxonim t'a japim veten, megjithëse ndonjëherë e lëshonim ndonjë pikë loti pa dashje, e në veçanti Nëna Vitore. Simon, për hirin tënd nuk u vesh me kostume kombëtare as Misheal as nusja e tij ai që kishe këto rroba kur u martove. Ne të ruajmë në kujtesë që nga ajo ditë e 8- tetorit 2000-ës, në Eastëood Manor. Për festën e Shën Gjonit u bashkua e gjithë familja, miq e kumbarë e dashamirë të shumtë. Herë pas here të shikonim në fotografi, por ti me ne nuk fole. Vazhdonte kënga e dyzeni deri në orët e mëngjesit, shumë herë edhe zor vetëm për të mos mërzitur Bacën e Vitoren.