"Fondacioni Qytetarët - Kolombus", darkë solemne në Nju Jork për Ditën e Kolombit

-- nga Beqir SINA, Nju Jork

E bija e DioGuardit, Kara mori çmimin "Honoree - Nderi"

Kara, ka marrë çmimin si kompozitorja më e mirë e vitit në muzikën “Pop”. (Pop Songwriter of the year Award). Eshtë nga më të kërkuarat në skenën e muzikës Pop në SHBA dhe botë. - Me 100 milionë kopjet e shitura, albumet e saj u kanë dhënë famë shumë këngëtarëve që sot ndiqen nga miliona adhurues në të gjithë botën. Me 13 nëntor del në shitje disku ”Taking chances” (Të vësh fatin në provë) me muzikë të Kara DioGuardit e të kënduar nga Celine Dion. Suksesi, është i garantuar pas sukseseseve që ka arrittur me Faith Hill dhe Christina Aguilera. Kara, ka bashkëpunar suksesshëm edhe me emra të tjerë të suksesshëm si Enrique Iglesias, Kelliy Clarkson, Guen Stefani, Carlos Santana, Avril Lavigne etj… Me firmën e saj të njohur Art House Entertainment, ajo është ngjitur në 10 albumet më shitur në SHBA…

WALDORF ASTORIA - MANHATTAN NY: Të shtunën, në Nju Jork, rreth 1.000 italo-amerikanë u mblodhën si çdo vit në këtë javë të parë të tetorit, në një darkë solmne nën udhëheqjen e "Fondacionit Qytetarët - Kolombus", në njërin prej hoteleve më të mëdha dhe të famshme të këtij qyteti, Waldorf - Asotria, në qendër të Manhattanit, për të festuar për të 63-ën herë "Ditën e Kolombit". Kjo darkë madhështore, e cila kujton ditë e zbulimit të Amerikës, kur lundërtari i parë italian, Kristofor Kolombi zbriti në brigjet e përtej Atlantikut, duke menduar se kishte gjetur Indinë. Mendohet se Kristofor Kolombi, është i pari evropian që eksploroi Amerikën që nga shekulli i 10-të, kur Vikingët kishin krijuar koloni në Newfoundland.

Kristofor Kolombi, xhenovesi eksplorues që hyri në historinë e Amerikës, këtë e bëri me ndihmën e Mbretit Ferdinand dhe Mbretëreshës Elizabetë të Spanjës. Mbreti dhe Mbretëresha ofruan ndihmën financiare përfshirë edhe tre anije: Nina, Pinta dhe Santa Maria. Eksploruesi italian Kristofor Kolombi mendojë se udhëhoqi një ekspeditë drejt Azisë. Në tetor 1492, Kristofor Kolombi mbërriti në Bahama, duke menduar se kishte mbërritur në Azi. Pasi krijoi koloni në atë zonë, Kolombi solli në Evropë ar, erëza dhe disa nga banorët vendas.

Ne vitin 1492 kapiteni italian, Kristofor Kolombi, eksploruesi kurajoz, lundroi me sukses dhe e kaloi oqeanin blu për të arritur në brigjet e kontinentit të ri. Kolombi, emri i parë që lidhet me zbulimin e kontinentit amerikan dhe që përmendet në librat e historisë të të gjithë botës, për historinë e Amerikës është një emër simbol, një emër që do të pasohej nga mijëra e mijëra pasardhës të tjerë në shekujt që do të vinin… pilgrimet më 1620, puritanët më 1630…

Kështu, që mbrëmë në një atmosferë festive italo-amerikanët, nga të katër anët e këtij kontinenti, por edhe mysafirë të nderuar nga Italia, kremtuan me dashuri e solemnitet festën tradicionale e njohur zyrtarisht nga qeveria amerikane, dhe kthyer në një festë mbarë popullore, në SHBA, “Columbus Day” (Dita e Kolombit). Ministri i Drejtësisë së Italisë, zoti Clemente Mastella, udhëhoqi kontigjentin e zyrtarve të lartë italianë, të cilët, janë mysafirët specialë edhe në paradën e 35.000 qytetarëve të Nju Jorkut, e cila, pritet të zhvillohet nesër prej Katedrales Snt. Patrick, në rrugën e pestë në Manhattan deri në rrugën e 70 të para ambasadës Italiane.

Në darkën solmne “Columbus Day” (Dita e Kolombit), mikëpritësi "Fondacionit Qyeterët - Kolombus", ka ndarë edhe çmimin special - një bust prej bronxi i Kristofor Kolmbit, për Ministrin e Drejtësisë së Italisë, zotit Clemente Mastella, Kara DioGuardi, këngëtare, autore e teksteve të këngëve, dhe producentes, vajzës së ish kongresmenti njujorkas Joseph J. DioGuardi, presidentit të Ligës Qytetare, si dhe autores së programit TV Personality, z.Lidia Matticchio Bastianiachi, ose e quajtur ndryshe"Gruaja e Parë e Gushinës Italiane".

E bija e kongresmenit me origjinë shqiptare Kara, kur ishte 12 vjeçe, një çerek shekulli më parë, u ngjit në skenën e sallës luksoze të Grand Ballroom të Hotel Waldorf Astoria në Manhattan NY, dhe këndoi në Ditën e Festës së Kolombit (Colombus Day). Këtë herë ajo mori çmimin "Honoree" - "Nderi", që jepet nga Fondacionni qytetarëve të Kolombit. Duke shkruar për këtë qëllim gazeta Italiane Oggi, kujton ballon festuese të 1983, kur Kara e vogël por guximtare këndoi gjithë zjarr dhe bëri që aktorja e madhe me famë botrore, Sofia Loren, që ndodhej në sallë, të ngrihej në këmbë dhe të duartrokiste me zjarr duke thirrur: Brava-BRAVA! Kara ka marrë çmimin si kompozitorja më e mirë e vitit në muzikën “Pop”. (Pop Songwriter of the year Award).

Eshtë nga më të kërkuarat në skenën e muzikës Pop në SHBA dhe botë. - Me 100 milionë kopjet e shitura albumet e saj u kanë dhënë famë shumë këngëtarëve që sot ndiqen nga miliona adhurues në të gjithë botën. Me 13 nëntor del në shitje discu ”Taking chances” (Të vësh fatin në provë) me muzikë të Kara DioGuardit e të kënduar nga Celine Dion. Suksesi është i garantuar pas sukseseseve që ka arrittur me Faith Hill dhe Christina Aguilera. Kara, ka bashkëpunar suksesshëm edhe me emra të tjerë të suksesshëm si Enrique Iglesias, Kelliy Clarkson, Gëin Stafani, Carlos Santana, Avril Lavigne etj… Me firmën e saj të njohur Art House Entertainment, ajo është ngjitur në 10 albumet më shitur në SHBA…