Kosova dhe Serbia zhvillojnë bisedime për statusin e Kosovës

-- nga Beqir SINA, Nju Jork

10 dhjetori është afati përfundimtar, pas kësaj Kosova do të shpallë pavarësinë

NEW YORK NY: Agjencit më prestigjoze dhe më të mëdha shtetrore të lajmeve njoftoin sot, më 5 nëntor, përfaqësuesit e palës serbe dhe të palës kosovare do të rifillojnë në Vjenë bisedimet për statusin e ardhshëm të Kosovës. Këto do të jenë bisedimet kyçe për zgjidhjen e problemit të statusit të ardhshëm të Kosovës. Këto bisedime kanë mundësi të jenë dialogu përfundimtar i drejtpërdrejtë midis Serbisë dhe Kosovës nën drejtimin e 3 palëve të problemit të Kosovës - Bashkimit Evropian, SHBA-së dhe Rusisë, prandaj të dyja palët dërguan delegacione të nivelit më të lartë, për pjesëmarrje në bisedime.

Kështuqë, përfaqësues të serbëve dhe të shqiptarëve të Kosovës kanë takim në Vjenë për të biseduar për statusin e ardhëshëm të Kosovës, transmetoin agjencit e lajmeve. Sipas një burimi diplomatik gjerman, takimi i tanishëm mund të jetë vendimtar për arritjen e marrëveshjes, pasi takimi i kaluar më 22 tetor përfundoi pa rezultat. Raundi i radhës i bisedimeve do të përqendrohet mbi një program, i cili parashikon dislokimin e një misioni ndërkombëtar në Kosovë, por nuk saktësohet se çfarë do të jetë statusi i ardhëshëm pas 10 dhjetorit i Kosoves. Datë kjo ku pritet edhe të mbyllen 120 ditët re bisedimeve.

Sipas këtyre njoftimeve, nëse deri më 10 dhjetor nuk ka një zgjidhje - pala kosovare ka për të humbur durimin për vazhdimin e bisedimeve. Dhe me njohjen e njëanëshme të pavarësisë ajo do t'a shpallë pavarësinë me ndihmën e SHBA-ës. Para kësaj, kryesuesi i Grupit të Unitetit presidenti i Kosovës Sejdiu si dhe kryeministri i Kosovës Agim Çeku u shpreh qartë se 10 dhjetori është afati përfundimtar, pas kësaj Kosova do të shpallë pavarësinë. Nga ana tjetër supozoet se pala serbe shpreson se problemi i statusit të ardhshëm të Kosovës do të zgjidhet nëpërmjet bisedimeve nën përkrahjen e OKB-së. Rusia ka shprehur përkrahjen për qëndrimin e Serbisë. Edhe SHBA-ja dhe Bashkimi Evropian shprehën kundërshtimin e tyre për vazhdimin e bisedimeve.

Një zgjidhje e pranueshme për të dyja anët mbetet shumë larg për t'u gjetur

Dhe ky raund i ri diskutimesh në kryeqytetin austriak - Vjenë, në prezencë të Treshes së ndërmjetësve ndërkombëtarë duket se kanë hapur rrugën për negociatat e nivelit të lartë mes Beogradit dhe Prishtinës, bisedime të cilat priten të mbyllen në 10 dhjetor. Por burime diplomatike paralajmërojnë se një zgjidhje e pranueshme për të dyja anët mbetet shumë larg për tu gjetur.

Raundi i fundit i bisedimeve për të ardhmen e territorit të administruar nga OKB-ja ka hedhur dritë mbi taktika të reja negociuese të lidershipit shqiptar që kërkon pavarësi për Kosovën, dhe diplomacisë së Serbisë, e cila po bënë çmos të ndaloj çfarëdo rikthimi të opsionit të “pavarësisë së mbikëqyrur”, të rekomanduar nga i dërguari i posaçëm i OKB-së, Martti Ahtisaari.

Ndërkaq ambasadorët e Treshes, Wolfgang Ischinger i BE-së, Aleksander Botsan-Kharchenko i Rusisë dhe Frank Wisner i Shteteve të Bashkuara të Amerikës, janë përpjekur ta ruajnë pak unitet karshi ndasive mes Kremlinit dhe Perëndimit. Ndasitë çuan deri te refuzimi i Rusisë që të përkrahet plani i Ahtisaarit, i mbështetur nga Perëndimi, në Këshillin e Sigurimit në Korrik.