Festivali i XVII-të Artistik i Këngës e Valles Shqiptare në Amerikë

-- nga Beqir SINA, Nju Jork

Këngë, valle e melodi me begatinë kulturore e artistike të melosit të mrekullushem shqiptarë

Topalli: Shqiptarët e Amerikës: qytetarë të denjë e të respektuar të vendit të lirisë e demokracisë e njeheraz urë lidhëse në SHBA për ruajtjen dhe kultivimin e vlerave demokratike, që rrezatojnë edhe në Shqipëri, tashmë e hapur dhe e etur për këto vlera

"Lehman College" - Bronx NY: Mbrëmë në Nju Jork, sallën e koncerteve në "Lehman College", Bronx, u zhvillua Festivali i XVII-të Artistik i Këngës e Valles Shqiptare në Amerikë, organizuar nga Qendra "Nëna Tereza" pranë Kishës Katolike "Zoja e Shkodrës" - Hartsdale. Në spektaklin e organizuar, figurat kryesore ishin famillitari Dom Pjetër Popaj, drejtor i festivalit ishte Mark K. Shkreli, drejtor organizativ: Gjon Çota, regjizor Gëzim Nika, këshilli artistik : Edi Xhani,Astrit Tota dhe Fran Çota, drejtor i skenës: Ludvig Çota, koordinataor i medieve: Simon Vukel, koordinatore e rreklamave: Lule Gjokaj, skenografia Fran Shala, konfrerencierë: Angela Zagreda dhe Kreshnik Zhabjaku, muzika u luajt nga orkestra; "Alba" nga Nju Jorku me drejtues Edmond Xhanin. Në këtë festival i ndarë në katër pjesë u kënduan 22 këngë, u vallëzuan 13 valle, u luajtën dy pjesë humoristike (një nga mjeshtri i humorit shqiptarë Koço Devole).

Konfrerencierët Angela Zagreda dhe Kreshnik Zhabjaku hapën festën e përbashkët, duke falënderuar të rreth 3 mijë spektatorët, që ndjekin gadi për çdo vitë këtë festival një ndër evenimenetet kulturore e artistke më të mëdhat në Diasporë.

Në fjalën e tij famullitari dom Pjetër Popaj, tha se: "Në këtë kohë të shejtë, mes festave - ortodokes, islame dhe të krishtera dhe festës kombëtare festës së Flamurit dhe Shpalljes së Pavarësisë së Shqipërisë, sonte falenderojmë Zotin që na dhuronë kënaqësin te jemi shqiptarë.
Ai vijoi se edhe pse gjendemi shumë larg vendlindjes, qëndrojmë një dhe të pandarë me gjak, gjuhë e kulturë. Gjuha shqipe tingëllon bukur, dhe qarkullon në çdo qelizë gjaku në këtë festë tonën - të vëllazërve e motrave të një trupi e të një zemre. Është pikërishë ai gjak që ju e jetoni dhe e ndjeni ju vetë. E shikoni në veten tuaj dhe të ardhmen tuaj tek fëmijët e tuaj e trashëgoni vet nëpërmjet këtyre të rinjëve shqiptarë në Nju Jork me rrethe e sidomos ata që do të na argëtojn sonte, rrjedh prej frymëzimit tuaj sikur prindë dhe për këtë duhet tju themi Ju Lumtë!

Dom Pjetër Popaj, sugjerojë duke thënë se "Sakrificën e madhe që ne bejmë me përgatitjen e këtij Festivali duhet t'a bëni edhe ju bashkëatdhetarë të vini në Festival. Ky Festival nuk është e njerit prej nesh, por është i të gjithë shqiptarëve. Dhe krediti u shkon të gjithëve. Festiavli pa ju dhe anasjelltas nuk do të vlente. Javën tjetër këtu në SHBA-ës, është festa e Falenederimeve dhe ne do t'a kremtojmë këtë festë duke falemideruar Zotin në qiell dhe duke e përgëzuar njeri tjetrin me fjalë të bukura "Oh sa mirë që jemi Shqiptarë!!!" ka përfunduar Dom Pjetër Popaj, famullitar.

Në emër të kryetares së Parlamentit të Shqipërisë, znj. Jozefina Topalli (Çoba) e ka lexuar letrën z. Rasim Hasanaj, Kryetar i Komitetit Shtetëror për Kultet në Shqipëri.
Së pari dëshirojë t'ju falenderoj përzemërsisht për ftesën që të jem e prnishme në Festival e XVII Folklorik të Shqiptarëve në SHBA-ës. Unë jamë e bindur se pjesëmarrja në këtë Festival, të organizuar nga Kisha Katolike Shqiptare në Amerikë, "Zoja e Shkodrës" në Harstdale - Nju Jork, e grupeve floklorike të bashkëatdhetarëve tanë nga të gjitha shtetet e SHBA, si dhe përfaqësimi aty i të gjitha trevave shqiptare, nga Shqipëria, Kosova, Maqedonia, Mali i Zi, Çamëria, e mbarë Diaspora, i jep këtij aktiviteti një karakter mbarëkombëtar dhe gjej rastin të vlersojë ndihmesën tuaj të drejpërdrejtë dhe të rëndësishme për ruajtjen e vlerave më të mira të kulturës sonë kombëtare. Unë kamë pasur kënaqësinë të informohem për pjesmarrejn në Festival edhe të personaliteteve të jetës politike, kulturore e sociale të SHBA, gjë që do të thotë se ju jeni tashmë qytetarë të denjë e të respektuar të vendit të lirisë e demokracisë e njeheraz urë lidhëse në SHBA për ruajtjen dhe kultivimin e vlerave demokratike, që rrezatojnë edhe në Shqipëri, tashmë e hapur dhe e etur për këto vlera.

Duke ju falenderuar edhe një herë për ftesën me vjen keq që angazhime të rëndësishme shtetrore ma bëjnë të pamundur ardhjen atje, ndërkohë unë formulojë urimet më të mira për ju Kishën Katolike Shqiptare në Amerikë, "Zoja e Shkodrës" në Harstdale - Nju Jork, dhe të gjithë ata që mundësuan realizimin e Festivalit të XVII Folklorik të Shqiptarëve në SHBA-ës, për sukses të plotë.

Çmimet:
Juria e festivalit, me kryetar fotografin e talentuar Fadil Berisha e anëtarët e saj z. Pierre - Pandeli Simsia,znj. Valentina Gorvokaj - Curanaj, z. Agim Kola e z. Adem Belliu, ndanë edhe çmimet e këtij festivali. Çmimin "Koreografia më e mirë" e mori Angjelina NIka, koreografe e Grupit "Rozafati", Çmimin "Vokalisti më i mirë": Albert Stanaj. Çmimin "Kostumi më i mirë": Grupi "Rozafati". Çmimin "Grupi i Valleve më i mirë": Grupi "Bashkimi" (Boston).