Kryeministri Berisha pret regjisorin dhe producentin e njohur të Hollivudit, me origjinë shqiptare, Stan Dragoti

-- nga Beqir SINA, Nju Jork

Njujorkezi i famëshëm i Hollivudit i kthehet origjinës - viziton vendin e të parëve, Tepelenën

TIRANE - NEW YORK: Regjisori dhe producenti mirënjohur i Hollivudit, me origjinë shqiptare, Stan Dragoti, njujorkezi e famëshëm i simbolit "I Love NY", është takuar dje në Tiranë me Kryeministrin e Shqipërisë Berisha. Kryeminsitri i Shqipërisë sipas faqes së internetit zhvilloi një takim me regjisorin dhe producentin e mirënjohur të Hollivudit, me origjinë shqiptare, Stan Dragoti, ku kryeministri Berisha përshëndeti artistin e shquar dhe e përgëzoi për kontributin e madh që ka dhënë me punën e tij në ngritjen lart të imazhit të Shqipërisë në arenën ndërkombëtare, si dhe për interesimin e vazhdueshëm të tij ndaj zhvillimeve dhe projekteve të vendit të tij të origjinës.

Regjisori i shquar, zoti Stan Dragoti ndodhet në Shqipëri së bashku me producentë dhe bashkëpunëtorë të tij, në kuadër të përpjekjeve për të promovuar dhe nxitur zhvillimin e turizmit shqiptar, njohjen e historisë dhe traditave të Shqipërisë më gjerësisht nëpërmjet filmave historikë, dokumentarëve mbi vendin tonë dhe paketave të spoteve televizive mbi turizmin dhe imazhin e Shqipërisë turistike.

Gjithashtu gjatë takimit u diskutua për potencialet që ka Shqipëria në aspektin e turizmit dhe të investimeve në fusha të ndryshme, si dhe për mundësinë dhe rëndësinë e zhvillimit të një strategjie efikase për promovimin sa më shumë të produktit “made in Albania në mbarë botën. Kryeministri Berisha u shpreh se eksperienca dhe reputacioni i shkëlqyer i regjisorit dhe producentit të njohur Stan Dragoti, do të jenë një ndihmesë dhe mbështetje më shumë në realizimin e këtij objektivi.

Kush është Stan Dragoti...

Stan Dragotit, njihet nga shqiptarët si shqiptari që "shembi" muret e Hollivudit, ose njeriu që bëri rizgjimin e ëndrave Njujorkeze me filimin e famëshëm "I love New York", thuhet se ai ka lindur më 4 tetor 1932 në New York City. Preardhja e tij është shqiptare. Vjen nga një familje Tepelenase që kanë emigruar shumë herët në ShBA. Babai i tij Asllan nga fshati me peisazh tërheqës, Dragot (mbiemrin e të cilit mban edhe artisti) i Tepelenës dhe nëna e tij Bahrie nga qyteti i lashtë Tepelenë. Hapat e para të këtij gjeniu filluan që në fëmini. Në moshë të vogël ishte tepër kureshtar dhe i interesuar t'a shpenzonte kohën përballë programeve televizive. C'do film që shikonte ishte i apasionuar ta komentonte me motrat dhe prinderit. Që në moshën 7-vjec filloi të vizatonte, imagjinonte dhe shumë skicime të moshës.

Sipas Wikipedia, thuhet se këto ishin dhe zanafillat të cilat e çuan ëndrën e tij realitet. Mbaroi njekohësisht kolegjin në "Cooper Union" New York dhe shkollën e arteve vizuale. Ai bashkëpunon akoma që prej vitit 1968 me kolegun e tij Charli Moss. Stani bëri ëmer që në hapat e para kur filloi drejtor i një filmi ,që pati sukses të pabesueshëm. Disa nga shitjet i kalonin shifrën 200 milion dollar të çdo prodhimi të kompanis së tij. Njëkohësishtë filloi të realizonte reklama për gjigandet e industrisë së linjave ajerore dhe atyre së prodhimit të makinave. Njeri intiligjent dhe krijues duke i vënë në shërbim të kohës. U bë tepër i njohur dhe i kërkuar për vetë kohën.