“Dituria” - Revistë shkencore, informative e kulturore, organ i Akademisë Shqiptaro - Amerikane të Shkencave dhe Arteve - Nju Jork

-- nga Beqir SINA, Nju Jork

Doli në shitje dhe u vu në qarkullim numri i ri (i 7-të), i Revistës "Dituria" (Shtator 2007)

BENSONHURST - BROOKLYN NY: Meqense, doli numëri i ri; pyetja është se çfarë e dallon këtë numër nga numrat e mëparshëm? Ajo që e dallon nga numrat e mëparshëm, sipas atyre që u ka rënë në dorë ky numër, thuhet se është konceptimi i ri shkencor. Kjo do të thotë se kjo revistë, pra "Dituria", u kthye nga një “buletin” që ishte më parë në një revistë. Në fjalorët terminologjikë dhe filozofikë thuhet se, buletinet zakonisht janë përmbledhje të shkrimeve për studime etj., ndërsa revista dallohet se përmban kritere të caktuara në organizimin e lëndës që botohet.

Kështu, në numrin 7, janë vënë në qendër probleme madhore kombëtare:
Rubrika e parë nderon pavarësinë së Shqipërisë, të njohur si Dita e Flamurit. Rubrika tjetër i kushtohet pavarësisë së Kosovës. Rubrika e tretë pasqyron vizitën e Presidentit të Shteteve të Bashkuara në Shqipëri. Një rubrikë e katërt përfshihen shkrime dhe studime nga fusha të ndryshme të shkencës dhe dijes. Një rubrikë e pestë përmban krijimtari letrare dhe artistike. Revista përmban edhe Dokumente; u botua për herë të parë në anglisht “Dokumenti Çam”, në përkthimin e të mirënjohurit Prof. Peter Prifti. Në fund, revista mbyllet me kronikën e ngjarjeve nga veprimtaritë e Akademisë.

Lënda e revistës “Dituria”, nr. 7:

1. Tradita juridike e popullit shqiptar (Prof. Dr. Aleks Luarasi)
2. Eposi heroik shqiptar dhe shkencëtari amerikan Albert B. Lord (Prof. Dr. Agron F. Fico)
3. Vizita historike e Presidentit të SHBA G. W. Bush në Shqipëri.
4. Seksualiteti i grave dhe dhuna seksuale (Dr. Adem Harxhi)
5. Document of the Cham Albanians in exile, on Greek persecution of the Chams submitted to the Human Rights Commission of the United Nations in 1945 (Prof. Peter Prifti)

Sakaq, për numërin e ri të revistës "Dituria", Kryetari i Akademisë Shqiptaro-Amerikane të Shkencave, Prof. Dr. Skënder Kodra, i referohet këtij numri me fjalët: “Është një arritje që e nderon institucionin tonë, nderon kombin.” Ndërsa Kryeredaktori, n/Kryetar i Akademis Shqiptaro-Amerikane të Shkencave, Prof. Dr. Agron F. Fico, albanolog e studiues i njohur shqiptaro-amerikan, tha se: “Revista është një hap i ri, ndonëse asgjë nuk është e përkryer. Jemi të ndërgjegjshëm për përmirësimin e mëtejshëm të saj.”